影片
電話號碼
29869333
營業時間
今日營業
06:00 - 22:00
星期一至日
06:00 - 22:00
以上資料只供參考, 請與餐廳確認詳情
今晚返老公東涌家食飯，幫唔到手下廚都要斬料上去。老公係逸東由細住到大，而呢間茶餐廳都係佢由細食到大。裏面環境唔錯，整齊光猛，但我地今日係外賣。由廚窗外望，有好多選擇，油雞好肥美；叉燒和燒鴨就好紅潤亮麗；燒腩睇落脆卜卜….點好？老公話咁大班人一定好遲開飯，見大少潛艇（$42）好有新意，一於試下（細路時唔見有它）。熱辣辣，大大個，中間有煎蛋、芝士和兩大件厚切叉燒，好足料。大啖咬，麵包好軟熟，夾埋三種食材，味道鹹香，飽肚滿足！見價目都好合理，仲有抵食孖寶，好吸引！最後要了半斤叉燒+半隻玫瑰豉油雞（$138）及半斤燒腩仔，豐富！半斤叉燒 色澤紅潤，邊位帶少少焦燶，沾上亮麗嘅蜜汁，賣相好得。雖是瘦燒，但有肉汁，部份有少少甘香肥膏，正合大家心意。肉香中帶些焦香，配埋甜美嘅叉燒汁，的確色香味俱全。半隻玫瑰豉油雞 份量好足，睇嚟隻雞都幾大隻。另配了豉油汁和薑蓉，正！啖啖肉，整得非常入味，肉質好嫩滑，加埋滑嘟嘟嘅雞皮一齊食，吃出油香，再淋晒啲豉油汁，大家都食到津津有味！半斤燒腩仔（$75）連住紅卜卜的燒腩皮，咬下去好鬆脆。肥膏和腩肉相隔，兩層油潤的肥膏，夾住嫩肉，最底係鹹香嘅瘦肉，全件食，滿口油香肉香，點埋芥末醬更美味。
繼續閱讀
#chuchu食在東涌📍 大少燒味茶餐廳上朋友屋企食飯，諗住斬料加餸，入街市之前，比間懷舊香港為主題門面好靚嘅荼餐廳吸引到，有香港舊式唐樓、霓虹招牌、T 字型街牌等—————————————————————❣️ 燒鵝下庄 $130食燒鵝一定係食燒鵝脾，燒到個皮好脆，鵝肉都好juicy.❣️ 叉燒 $65半肥瘦叉燒冇得輸！肉感好鬆軟！.❣️ 魚香茄子煲 $74熱辣辣！翻到屋企再食都仲差啲辣親條脷🤣好香，餸飯真係一流！.❣️ 大少潛艇 $42見佢招牌就試下！啱啱整好熱辣辣，入面有蛋同叉燒同溶咗嘅芝士！好好味😋第一次咁樣配搭，唔知係咪大少平時食開架呢—————————————————————不專業評分👅好味指數: 8.5/10 💰性價比: 8.5/10👍🏻推薦: 9/10 —————————————————————🏡地址: 大少燒味茶餐廳 (東涌)東涌逸東街8號逸東邨逸東街市99號舖🕑營業時間: 06:00-22:00—————————————————————#chuchu食港式—————————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架
繼續閱讀
心水茶餐廳標準一定是價錢便宜、份量大、例湯湯料足、飲品有水準。這家東涌逸東邨茶餐廳好像每個都達標而且非常不錯。幾個朋友在附近想叫外賣，午餐55元包湯、飲品，不然餐牌還有其他炒粉麵飯一樣有飲品，價錢都差不多。生炒牛肉飯和雜菇乾燒伊麵都好夠鑊氣，焗豬扒飯豬扒鬆化，沙嗲粉絲肥牛只怕飯不夠。大少潛艇叉燒煎蛋版subway 是什麼玩法，吃完又覺得真的可以啊😆，不妨試試。°°°°°°°°°°°°°°°°°°°°°°°°°°°°°°大少燒味茶餐廳📍 東涌逸東街8號逸東邨逸東街市99號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #香港探店 #foodieshk #hkigfood #tasteofhk #hkfoodlovers
繼續閱讀
茶餐廳都可以吃小菜📍地點：東涌🍽️菜式：港式💰人均消費：午餐 HK$80~100🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱/ 卡位📝落單方式：侍應生落單免費🅿️：✅（HK$200消費）【大少叉燒（例）】💰HK$90蜜汁叉燒，有哪個香港人不愛。叉燒不肥，可是一點都不柴。【韭菜蝦仁炒蛋 - 跟湯、飯、飲品】💰HK$88蝦仁大隻又彈牙，韭菜爽脆，蛋超級滑嫩，中間有蛋汁流出來。【豆醬茄子炒四季豆 - 跟湯、飯、飲品】💰HK$68茄子炒四季豆應該有走油，色澤漂亮。豆醬炒過好香，素菜一樣好吃。【大少潛艇】💰HK$40店員極力推薦，口痕就試試。原來是厚切叉燒、荷包蛋、芝士的潛艇堡。芝士溶化在麵包上，加上叉燒的香，確是是不錯的新品。#foodcourt #foodxcourtx #foodxcourtxTC#東涌搵食地圖 #東涌美食 #東涌 #港式.大少燒味茶餐廳🏷️東涌逸東街8號逸東邨逸東街市99號舖
繼續閱讀
「大少燒味茶餐廳」櫥窗掛滿燒鴨燒燒雞非常吸引，讓人垂涎欲滴，仲有多款小食、小菜、燒味提供。甫踏進餐廳🍴，恍如回到八九十年代，綠白色懷舊地磚，七彩階磚圓柱、仲設有卡位雅座，餐廳光猛明亮，乾淨衛生。主打明爐燒味自設工場，當然要叫燒味。叉燒：非常柔軟，油光色澤均勻，有一部份帶點肥膏半肥瘦有咬口之餘又非常柔軟。大少潛艇：鬆軟熱辣辣烘烤的潛艇長包，充滿牛油香，再夾上自家製蜜汁半肥瘦叉燒加上半融芝士，溢出的太陽蛋汁，一啖咬落，層次感十足，果然係餐廳必點！大少兩餸特色小菜套餐（HKD 148):奉送兩個白飯及例湯。玫瑰豉油雞：份量十足、十分嫩滑，加埋滑嘟嘟爽彈玫瑰露香嘅雞皮、充滿雞油脂香，食得津津有味，醃埋薑蓉薑蔥、好正。黑椒薯仔牛柳粒：香脆的薯仔、煎香的牛柳粒，加上蜜糖拌炒至黃金焦香，充滿鑊氣，薯仔香脆沾上蜜糖甜甜地超好味，加上黑椒粒滿滿的牛柳粒，惹味！送飯一流。奉送白飯：煲得啱啱好，唔會太乾或者太濕，仲要食到米香，似泰國金鳳香米，甜度適中。例湯清淡飲得出係自家熬煮，沒有味精，飲完唔會涸口，係時候滋補養生。脆皮乳鴿：外脆內嫩又多汁，食得出師傅功架，肉質最嫩滑及皮薄肉甜，烹煮得宜連骨也變軟，吃起來富嚼勁又嫩口。奶茶用上黑白淡奶、奶脂十足，茶底濃厚，茶味突出，又不會苦澀！當然叫埋檸檬茶飲下，錫蘭紅茶茶底茶味香濃，不會苦澀，擠壓檸檬使其變酸總結：必食自設工房燒味 品質保證大少潛艇有驚喜 平民價錢#東涌#逸東村#大少燒味茶餐廳#大少潛艇#自設廠房#燒味#叉燒#奶茶咖啡#懷舊香港#老香港#懷舊地磚#脆皮乳鴿#玫瑰豉油雞
繼續閱讀
您可能會有興趣的...