大山日本料理

營業中

休息中

呢排好耐冇去旺角，原來西洋菜南街附近開咗好多餐廳，今晚比呢個招牌吸引咗，想食日本嘢但呢間價錢唔會太貴，非常抵食，要搭lift 上二樓，入面裝修都充滿日本風既居酒屋，擺滿各式各樣嘅日本清酒，環境一流。menu 有好多選擇，花多眼亂。我哋要咗照燒魷魚筒、泡菜豚肉鍋、日式炒雜菜。原條魷魚筒好大條，份量好多，燒得火候剛好，好鮮嫩，唔會過韌，配上照燒汁非常惹味。豚肉鍋又係冇得輸，泡菜小辣，好入味。最推介點了海膽蟹籽炒飯，炒飯用上日本米，炒至乾身，飯更粒粒分明，更能突顯海膽同蟹籽既鮮味，整體配搭一流。炒雜菜分量多，咁大碟先58。依家旺角好難搵到間咁抵食嘅日本居酒屋。下次會再泥試其他菜式，值得推介！

行完AEON搵野食，一過對面馬路惡高頭就見到有居食屋，梗係要食啦！😇😇😇雖然係樓上餐廳，但係一打開lift門，見到咁有日本風嘅裝修，心情即刻大靚🥰望住餐牌我足足睇咗10分鐘，因為樣樣野都想食呀😬😬😬😬😬好，咁我叫過牛肉壽喜燒開波先！🌟$100唔洗，但材料勁多，有六片牛肉🥩以上，仲有勁多菜🥬🥒🥦超正！🥳仲要比我搵到一塊花形紅蘿蔔，勁開心❤️香草雞翼超級無敵香，我其實唔想同我朋友share 🤭🤫🤫😬佢有勁多串燒揀，樣樣都想食，一於叫曬牛、雞軟骨、豬腩肉😍😍😍佢真係即叫即刻燒，熱辣辣，超開心啊！最後點少得人見人愛嘅大阪燒🤪🤪真係食極都唔厭，材料充足，熱辣辣，又唔肥膩，好想叫多分，不過下次先啦，已經飽到上條頸嗰度🤪🤪🤪

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________(👦) 👦入到去餐廳，個環境夠晒大！周圍都有唔同日本風格既裝飾物，主題鮮明，過到黎就緊係黎食日本野😍😍 今次揀左幾款menu推薦食物黎試下，其中包括有牛肉壽喜鍋、刺身拼盤(松) 、燒三文魚腩、大阪燒、各類串燒🤣🤣餐廳menu款式好多，花多眼亂一時之間都揀唔晒🤣🤣 所以就想食咩就叫咩，加上👦睇真d就發覺呢度既食物價格CP值高，令👦冇諗太多已經落左單，結果當然味道都好好食😍 .整體黎講，👦覺得d燒物好有水準，免治雞肉棒串可以一試，咬落去有d小嘅雞軟骨，個調味做得好好，令到口感有所提升。大阪燒外殼煎到脆脆，而且分量唔大岩岩好，非常適合淺嘗！.刺身拼盤CP值好高，食材夠新鮮，掛住日本既朋友必食。____________

太想念日本了，今日同朋友黎試試新餐廳，入左去即刻有種渡假feel，因為成個環境都好有日式居酒屋既感覺黎到當然要飲酒叫左個熱清酒，平時真係好少飲熱清酒，感覺熱清酒比一般溫度易入口，同埋會香啲，飲落醇厚飽滿叫左酒當然要叫啲小食配下魚乾佐酒必備，好惹味！明太子雞翼漲卜卜既雞翼入面有啖啖明太子，好食好食厚切牛舌外面燒得香脆，食落仲好juicy滑嫩，超級推介！明太子燒室津生蠔生蠔上面有超多明太子同芝士，生蠔就仲保持多汁鮮嫩🤤最後係好吸引既A5和牛壽喜燒見到和牛雪花咁均勻已經流晒口水，味道果然無令人失望，食落係會係口入面溶化，加埋蛋汁真係超惹味，仲有超多其他配料

原本想喺舊址食台灣嘢，點知道變左新開咗間日本餐廳，咁撞日不如今日就一於試一試。-位置寬躺，裝修似居酒屋🏮，而且牆上都貼滿色彩繽紛嘅日本地標牆紙，仲有好多燈籠，係有少少去日本嘅感覺。-甜蝦刺身&帶子刺身雖然淨係叫咗兩樣刺身，但係都照比大量冰鎮住上菜，服務貼心，唔hea👍🏻-蟹肉忌廉薯餅外脆內好creamy ，啖啖忌廉而不膩👍🏻可惜蟹肉部份比較少。-鐵板牛柳呢個好正，一定要叫🤩。一上菜，就好香黑椒味傳入我的鼻，食落熱熱地，夠晒野味，牛柳肉嫩多汁，而且又唔會overcooked 。好岩食😋- 和風炸雞炸雞好大塊，雞肉都嫩滑。而且估唔到有埋炸雞皮添。-大阪燒雖然賣相爭少少，但不是伏，正常好食。-明太子雞翼-鰻魚炒飯將啲鰻魚切到一嚿嚿，所以食嗰陣每一啖都有鰻魚塊，而且仲留咗啲薑絲去炒，所以食落唔會油膩。-巨峰乳酪梳打& 梅酒梳打

就嚟生日，朋友提議食居酒屋呢間新開，裝飾好有日本feel🤩有實體餐牌，但用QR code點餐，每款食物都有圖片睇，超級方便😛見到個二人前壽喜燒套餐好好好吸引！海底可簡壽喜燒/豚骨湯/辛辣泡菜湯，當然叫最傳統既壽喜燒堂食A5和牛壽喜燒加手打烏冬A5和牛有5塊，睇落相當新鮮，同埋雪花好靚，油脂分布幾平均，配菜有一大盤蔬菜，包括娃娃菜、金菇、冬菇、棠菜同豆腐，仲有兩個生雞蛋！湯底另上，係一個好典雅既壺入邊。朋友先將牛肉燒至半熟，然後加入壽喜燒湯，再落配菜，牛肉真係超好味，入口即化，食落滿口濃濃既牛脂香🤤🤤 手打烏冬都幾有口感，保持到煙韌，唔會一夾即斷，索左壽喜燒同牛肉香好好味👍🏻👍🏻😆😆兩個人食叫個壽喜燒再加一個飯或者兩個小食都幾足夠

同fd行街諗唔到食乜，咁岩經過見到有間樓上日本料理店，見好似唔錯就上去試下。上到去見環境氣氛都滿滿日本風。職員安排完座位睇下餐牌叫左幾樣平時唔多見嘅食~~免治雞肉棒串 $28咬落去有d小嘅雞軟骨，令到口感有所提升。>>>煎餃子 $48上枱個下見到用生粉水整嘅脆衣，夾落去個下已經感覺到好脆，食落去配埋d點汁，味道相當融合，值得一下>>>鹽燒厚切牛舌串 $38水準有，牛舌好濃牛味，而且厚度岩岩好，淋埋d檸檬汁真係一絕大阪燒 $48估唔到有得食，去過大阪食過嘅我都覺得起碼還原到7成，大阪燒外殼煎到脆脆，而且分量唔大岩岩好，未試過嘅可以試下和風炸雞 $58分量真係多到差d食唔哂，而且店家係下面比左d生菜，咁樣食落去唔會覺得太過油膩，覺得唔夠食一定要叫

10月嗰陣有晚突發要出旺角買野，臨時臨急之下上openrice睇吓附近有咩食，嗰時見呢間comment唔差，又寫到幾好食、幾抵食同裝修好居酒屋feel咁，又可以即時訂到位就試呢間啦。我地2個人約咗8點食，地方唔難搵，同𨋢嘅人喺一樓出，見好多人等位，咁我都諗會唔會我地食個間都好多人呢。上到去見到人唔算多，坐低都有杯茶招呼嘅。望住份Menu我哋竟然唔知食乜好，同期望嘅有啲出入，最係我地叫咗2碗丼飯，一碗極上北海道帶子丼，另一碗係特盛，小食有雞軟骨同薯餅。只可以話Menu同實物都有啲距離啦，食魚生飯都穩陣架喇..啲飯有啲過酸囉。我哋2個都認為：真心覺得有啲伏嘅，樓面得2個人，客唔多又唔會主動加茶...試咗呢次就夠啦，下次會揀第二間!

放工同朋友行完旺角新開的Aeon, 又係諗食咩嘅時候，當我地仲諗緊，抬頭一看就見到大山日本料理，好似幾吸引，見價錢合理，就決定試下啦。裝修都很有日本居酒屋的感覺，座位闊落，很舒服。我地主要叫左一個丼飯加小食。極上北海道帶子丼有三文魚，帶子，赤蝦，三文魚子和甜蝦，非常豐富，所有刺身都很新鮮肥美，很滿足呢！牛肉壽喜燒湯底甜度適中，牛肉薄切得黎好大塊，入口嫩滑。娃娃菜吸晒湯的精華，加埋滑滑的豆腐，好好味。三文魚腩刺身入口即溶的三文魚腩，性價比高，啖啖魚油，估唔到咁平價都食到咁高質的三文魚腩。雞皮餃子炸雞皮就食得多，雞皮餃子就第一次食，感覺有趣。餃子煎到金黃色，非常香脆。

網上見到呢間日本餐廳幾多人推介，所以放工就同女朋友嚟食個Dinner。💼呢度環境裝修好有日本嘅味道──木製枱櫈同地板、日本提燈燈籠，一入到嚟就真係好似返咗“家鄉”咁！🏮🏮🏮.牛肉壽喜鍋 ($58) 🐮🍲佢以鐵鍋上枱，可以用餘溫繼續煮熟牛肉同埋保溫~✨配料有好多大白菜，所以令湯底有好濃嘅菜甜味，好好飲！🥬✨肥牛片大小剛好，脂肪同肉分布均勻，食落有牛味~🐮✨豆腐好滑，仲食到陣陣豆乳嘅甜味，好正~.白飯($16)🍚用上日本珍珠米，配上壽喜燒嘅湯真係絕配！.刺身拼盤(松) ($248)🍣拼盤擺得好精美，入面有三文魚、油甘魚、吞拿魚、赤蝦同海膽。🐟🦐✨吞拿魚似係赤身，唔肥但有好重魚味，夠晒新鮮~🥰✨海膽大大舊，夠甜無藥水味~☺️✨油甘魚、三文魚都非常肥美，食落口感飽滿又有魚鮮味~😋✨赤蝦都幾新鮮，我個人都幾鍾意~😍🦐.照燒雞肉串 ($28)🐔🍢✨雞肉串極嫩滑，外皮燒到微微焦脆，食落雞油流出，燒得夠晒香！😛.整體嚟講，呢度環境有日本feel，食物正宗又高質🇯🇵👍🏻. 2個人食咗$385真係食到滿載而歸😆個人嚟講都會係回頭之選，路過MK嘅朋友不妨一試~🎌🎏🎑🎎🎋

原本以為新餐廳就去試下，仲要係生日飯，食物偏咸，向侍應反映意見，點知佢覆一句：冇客講過喎！冇諗過好心俾少少意見，換黎咁嘅服務態度！臨走問收錢嗰位侍應有冇得寫意見俾佢地餐廳反映，又係一句：反映啲咩？有咩好反映！我話反映食物質素同服務態度，佢覆我一句冇得反映！唔會再黎幫襯！食物並無食評講嘅好食，居酒屋串燒唔好食，好多野都話售完，選擇好少，鰻魚炒飯又唔好食，得個咸字，本身以為新開，服務點都會好少少，結果換黎一餐受氣生日飯，唔會再有下一次😡😡😡

耐唔耐就想食日本菜，今日試下呢間先！🔖​三色魚生飯💰88呢個魚生飯一共有10片魚生，片片都夠新鮮😇另外仲配咗一個麵豉湯㗎~晚市一個人嚟到嗌呢個都夠滿足啦🤓💫推薦指數: 7.5/10​🔖​牛肉壽喜燒鍋💰58食日本嘢總係鐘意嗌翻個壽喜燒鍋☺️呢到嘅壽喜燒鍋味道啱啱好，唔會太濃太鹹😋而且牛肉份量都幾多，口感軟嫩😙另外仲有金菇、芋絲、菜同豆腐~呢個價錢比平時食嘅平，推薦🙌🏼💫推薦指數: 9.5/10​🔖​昆布湯蕎麥麵💰58清底清甜，而蕎麥麵就夠滑嫩🤤係健康嘅滋味選擇😆我係同埋牛肉壽喜燒鍋一齊食，咁就唔會太單調😇正❤️💫推薦指數: 9/10​🔖​鹽燒厚切牛舌串💰38厚切牛舌口感💯爽彈而且油香味重，仲帶有淡淡嘅黑椒味~💫推薦指數: 9/10​🔖​燒日本魚餅💰68魚餅一塊有6舊，魚香味都幾重🐟應該仲要加咗啲章魚粒落去，口感🆙💫推薦指數: 8/10​

星期一收工勁肚餓,就同同事碌左出旺角搵野食。搵左呢間餐廳黎試下. 個裝修都幾日本.由於好肚餓所以我地嗌左好多野食!鹽燒厚切牛舌串(1串) $38牛舌肉質好爽,正!免治雞肉棒串(1串) $28幾JUICY,可惜無得點蛋汁照燒魷魚筒 $88好大條!食落唔會太韌煎餃子 $48外皮煎得脆,一啖一隻!大阪燒 $48牛肉壽喜鍋 $58以呢個價錢黎講真係好抵!入邊有好多片牛肉！仲有好多蔬菜!食落甜甜地.鐵板牛柳 $88和風炸雞 $58又係份量多!成座山咁多既雞,皮脆肉嫩北海道芝士蛋糕 $28以甜品完美結束呢一餐☺️

約咗朋友食晚餐，時間係較為早段嘅6:00，唔使同人爭枱，坐得舒舒服服！呢度嘅環境都非常有氣氛，佈置方面算係做得唔錯👍🏻餐具都當然要係襯埋一set😹雖然佢都係用手機點單，但依然保留實體Menu，方便朋友一齊睇，good!由於朋友唔食生野，所以其中兩個item都點左熟食！角切魚生飯～各種魚類嘅魚生，切成一粒粒再鋪滿喺飯面，加埋蟹籽獨有嘅口感，絕對深得我歡喜！另外，都配有麵豉湯，味到唔會過鹹，好味道！蟹籽海膽炒飯～炒飯粒粒分明，可見師傅功力，海膽鮮甜，亦一啲都唔吝嗇蟹籽，各種材料嘅份量都恰到好處！牛肉壽喜鍋～微甜嘅鍋底，一向都係女生至愛，加上出外用膳，更加想食多啲菇菜類，呢一個鍋，絕對滿足到我嘅願望！牛肉肥瘦參半，湯嘅溫度剛好令到牛肉同蛋變熟，當所有嘢都剛剛好就是完美👏🏻

今晚出旺角食飯，轉入西洋菜南街一抬頭就望到呢間日本野嘅落地玻璃窗，好似幾靚咁，就上去試下～上到去第一個感覺係好似日本啲居酒屋仔，木系嘅裝潢好舒服，我地坐喺靠窗既卡位，有得望街景之餘仲夠晒闊落，而家好多餐廳都用自助點餐，呢度都唔例外，我地叫咗和風日式炸雞、壽喜燒牛肉鍋、角切魚生飯、明太子雞翼同香草雞翼。先講和風日式炸雞，炸得外層脆卜卜入面超juicy，日式炸雞另一優點係一定冇骨，好過韓式炸雞～壽喜燒牛肉鍋湯底唔算太濃味，舒服既，啲牛肉幾嫩滑，啲娃娃菜索咗汁亦都好好食～雞翼方面我比較鍾意明太子雞翼，味道香辣，比起自己去買急凍雞翼返黎氣炸係juicy d既～最後角切魚生飯既魚生粒幾新鮮，面頭有啲醃過既葱段令到個味道更加豐富，係比較少見既做法。