大師兄廚房

營業中

休息中

好一間良心小店等候時間: 天荒地老環境: 可以提高個人的耐熱程度，增加血液循環食物質素: 老人家沒有牙都沒有問題。食完後，不斷為身體增加水份。回頭指數: 千年一遇，一生榮幸

先講嘢食，叫咗個葱油雞飯，可惜打開後見到全部都係雞胸，so失望，因為真係好鞋，而且多多葱油都掩蓋唔到d雞一陣雪臭味嘅事實，同埋要求多葱油，葱就冇喇，原來即係多鼓油。之後到碗湯，木瓜雪耳湯，當然呢d唔會對佢有咩要求，純粹一碗水加鹽嘅湯，飲到底後驚覺有條毛痴住喺粒木瓜度。唔理係眉毛又好，定真係鼻毛，已經令人反胃，好嘔心呀大佬。唉，中哂伏，太安樓咁多嘢唔揀揀著呢間，嘢食又差衛生又差，永久blacklist 👎🏻

今日叫左過星洲炒米，$32蚊感覺唔錯，足料👍好有鑊氣。性價比高，下次會試下其他炒野。雖然太安樓環境比較污糟，但好多美食， 又愛又恨。希望大家加油!香港仲係美食天堂，大家做好D呀!

太安樓要搵食唔多講啦，噏得出都有，附近粥檔就少之又小，點解大師兄個豬骨粥係有料到呢？材料一定唔係新鮮啦，但個粥底係足料👍🏻應該係用燒腩骨去煲，重有.冬菜.淡菜.花生，油脂與米混合而成，我係非常欣賞，非一般生滾粥可比，唔係打芡杰撻撻嗰啲，即炒粉炒麵都ok。

喺太安樓，以為求其搵間都唔差啦點知就係………中伏諗住加餸，買隻乳鴿，可惜可惜😞$40一隻即炸乳鴿，而且要等大約十分鐘但呢40蚊同十分鐘，可以用去太安樓其他小店，會更高性價比點解呢？因為隻乳鴿極唔新鮮，好大陣雪味同血味，肉質又霉算吧啦，next one