大快活

營業中

休息中

自從大快活有素食，我得閒都會過來食下，估唔到佢仲會繼續有新意，比起另一連鎖快餐個素焗飯吸引，因為好多瓜菜都唔可以太高溫煮，唔係好易變至癌食物，所以都唔係太想試，講返呢個煲係我第二次食，份量勁多，上次都食唔晒，今次第一件事係叫左少飯先，先講講個湯底，幾好味又有南瓜味，用來做湯飯都可以，煲入面有4舊豆腐，兩舊南瓜，金菇，菜，有兩粒素肉丸，呢兩粒素肉丸口感好好味道又不錯，整體來講我都好滿意，係個南瓜硬左d.

行過大快活見到個素食餐，就行入去試下，$41 連杯野飲都ok, 今日素餐係麻婆豆腐紅米飯，去櫃檯攞餐見到個飯嚇親點解有肉既，心諗算啦 今日食肉都可以，返埋位食左啖都幾好食，都唔係好分到係咪肉，我再去望多次塊餐牌 ，原來係寫住omni pork既素肉，個素肉可感好好，比之前素漢堡beyond meat仲好食，呢隻肉係大昌都見過有得賣，如果唔太貴有機會都會買返屋企試下，同埋都好贊大快活出呢類素餐可俾更多唔同需要人食。

身為香港人見到有杜文澤賣廣告梗係要幫襯一下，咁啱今日經過九龍城就好，搵位泊車，但係又搵嚟搵去都搵唔到，當然最後就走咗去九龍城廣場泊車喇，好似星期六日泊車都要每小時20文，真係覺得有啲攰，但係又冇辦法，泊完車之後喺入邊睇咗啲嘢，突然之間覺得有啲肚餓，嗰陣時下午嘅時候所以就要食個輕便嘅下午茶，入到去見到個雞髀紅豆冰好似好正，所以即刻叫咗一個嚟食，食落去質鬆軟你都幾好，好食過好多茶餐廳嘅雞髀，杯凍檸茶又幾好飲，真係物有所值

好耐無食大快活焗豬扒飯，呢個我覺得好一般，飯完全唔夠熱，好失望，而且d飯食落去好似唔熟，有d生硬！豬扒算厚身咖啡雞飯，咖啡唔辣，但咖啡味好濃同香，送飯一流，雞唔算滑，正常野呢個價錢算經濟，唔可以要求太多

同老公今晚又想打邊爐又想食鐵板，諗左好耐，最後去左大快活食，因為一次過可以滿足哂2個願望。我地叫左1個足半兩肥牛花膠雞湯火鍋同埋鐵板西冷牛加雞扒。但呢2樣都好失望。個花膠雞湯底一d味都無，只係得2件小雞，搵左好耐先搵到一舊仔花膠。成個邊爐好似都係集中食菜咁，足半兩既牛真係有半兩嗎?🤔🤔呢半兩肥牛真係好肥好肥，食完已經唔想碌菜食，因為d菜都充滿住油🤦🏿‍♀️個鐵板餐個蒜蓉包既味道唔差，外脆內軟，但牛同雞都係好一般既質數，西冷牛好簿，同埋無牛味。但唯一欣賞既係餐廳既服務，買完野食之後，唔駛自己去拎，有姐姐送餐。同埋餐具係會用清水浸住，比人感覺好乾淨

今晚無煮飯所以同老婆出街食。黎到九龍城廣場睇左兩間都唔啱所以就食大快活啦。有新嘅低鹽西花炒帶子，聽落好似ok就叫佢。見佢仲有火鍋就叫多個火鍋啦。未坐就已經有個姐姐講隨便坐，坐低左佢就已經用9秒9嘅速度攞盤火鍋過黎。態度係出乎我對快餐嘅預料。好過好多所謂高級餐廳。當D野食黎齊嘅時候個姐姐就話「點解唔食鐵板餐呀？好抵食wor。我聽日放假都返黎食」平時如果有人咁hard sell，我會唔鐘意不過睇得出佢用心去做雖然我都知係公司叫佢地sell，不境我自己都係行內人。講返D野食。好耐無响大快活食晚飯，記憶中都算唔錯，今晚都係無令我失望。一個知consistent。

自己一個人唔知食咩好返工的人先明白去左大快活食出前一丁加雞翼$31 好抵食平時出面其他都要成50-60呢個又好食又快Egg仲係太陽蛋我自己都整唔到呀又唔洗洗碗爽呀

今日有一個人去食早餐，來到這個快餐店大家都熟悉，這個商場其實有兩間大字頭的快餐店，另外一間價錢我覺得比較平啲，種類多啲如果今次這一間平均每個餐貴幾蚊，種類都係果幾樣左右配搭為主，不過味道就係好啲，不論食物同飲品份量都係另外一間多啲這裏的熱奶茶的確不錯於廣告搬介紹，可以媲美好飲的茶餐廳火腿通粉，湯比我平時出邊食嘅濃一點，看到顏色都係比較深色的這裏的炒滑蛋的確不錯，好滑好香蜜糖雞扒，啲肉都好嫩我覺得俾貴少少都值得來這一間的，不過論服務我就覺得另外一間比較好啲裝修環境清潔都不錯，話晒都知名品牌

係九龍城，未到dinner時間又凍凍地，見大快活個下午茶有糯米飯，就試吓啦！＄35有糯米飯同碗仔翅，雖然冇嘢飲，不過都可以接受既。不過嚟到都幾失望，個糯米飯未暖，唔夠熱。花生同蔥花幾香口，不過糯米飯入面除左蛋絲，就冇乜餸啦。 蠟味個D，少到見唔到。只能講份量夠大，勝在夠飽。碗仔翅都係比較浠，入面有小量豬肉絲、粉絲、蛋花、木耳等等。味道較求其，少少咸味同麻油味，都係麻麻地。個質素真係一般，下次都係揀下其他嘢食算啦。 

星期日飲茶要排隊等位是常識，無謂浪費青春，殺落大快活吧！可能時間尚早，環境清靜，買餐到攞埋不用5分鐘！脆香雞扒特色腸：雞扒煎得香脆嫩滑，雞肉比樓上的k記更好味，有肉汁，特色腸是蘑菇雞肉腸和脆皮芝士豬肉腸，兩樣都是現成貨，中規中矩！鹹牛肉腸片炒滑蛋+脆香魚柳+茄汁豆+火腿通粉，鹹牛肉加了香腸片，咬落脆脆地，配搭不錯，魚柳做得香脆不乾身，脆漿薄！整體而言，大快活的早餐好味，每樣食物都做得有，呢期贏了其他快餐店的早餐一條街，唯一要彈的是腸仔的熱度不足，叫得做特色腸，就比多啲💕啦

黎到大快活 點都要試下個焗豬扒飯果然無令我地失望豬扒好淋 唔會老保持水準👍🏻仲好貼心咁俾左個碟我地切豬扒另外試埋咖哩牛腩飯呢個都唔錯 咖哩唔辣 送飯一流牛根都好淋 美中不足既係牛腩唔夠淋 薯仔亦過硬加配餐飲 可樂 略為細杯左少少 冰比例亦似乎太多 至於伴菜方面 無咩味 可以落幾粒鹽會更佳兩個人食完兩個飯 飽飽之後食埋雪糕 都只係加$3.5一杯 抵呀

冇食到午餐所以覺得好肚餓。係九龍城廣場地庫一樓有間開左冇幾耐既大快活。說實話，我覺得大快活相對黎過係好味D，同埋平D。今日我食呢個餐，三十都唔駛！外面食野愈來愈貴，佢都仍然價錢實惠！雪菜米粉配奶醬多加熱華田！雪菜肉絲米粉：米粉都幾"鞋口"，份量OK，夠飽。雪菜不太咸，幾好。奶醬厚多士原來係要自己搽，第一次見喎～其實都幾唔環保，即用即棄膠兜。練奶同花生醬都幾多，花生醬係用粗粒花生個隻，有咬口。熱華田還可以吧，夠熱！