大快活

營業中

休息中

大圍火車站呢間大快活嘅好處，就係好早開門，晚上八點幾收工又未關門，地點方便到不得了好耐冇試過呢度嘅咖喱牛腩飯，由於極度肚餓，所以極速嗌呢個飯填飽個肚，感覺係進步咗，香腍牛腩夠入味，薯仔大大嚿，填飽個肚一定係絕殺！

為咗用payme $4 coupon,去咗大快活😌食晏，但兩餸飯$38，要夠$40先用得，所以加$7要咗咖啡☕️先用到coupon，揀咗粟米🌽斑塊飯同粟米🌽肉餅，雙粟雙妻，買咗飛就攞，真係兩兜餸下面各有飯，但食飯時間搵位難，真係有人齋坐，等下午茶☕️。粟米🌽斑塊唔錯👍🏻，粟米🌽送飯正，斑塊香口。肉餅一般，豉油怪味。咖啡☕️比較苦，要落糖

今朝返工時間比較趕，就諗住近近地去地鐵站嘅大快活買個早餐。但架火車去到九龍塘我先記得可以用大快活app叫定先，再慳d時間。咁就即刻用app叫外賣自取，落單俾錢後已經45分，我47分到大快活，竟然啱啱好個早餐就有得攞走了，效率好高！

我今日的時間有些緊，路過大圍地鐵站附近時，見到大快活快餐店，即刻買個外賣就算啦。我點左個日式燒汁牛肉飯$47，配沙參粟米唐排湯。牛肉飯好味道又好食，雖然凍左少少，但口感都好好，牛肉份量不少，餐湯好好飲。

這天，因為家人辦事而老早來到了大圍。見夠時間，同許多人都建議食飽先上去，所以我一到大圍，就決定快快趣趣地食個早餐。而最快，最就腳既地方，就是大圍車站間《大快活》了。這一次，我點了一個魚柳早餐。雖然，我成日都覺得，炸魚個粉皮超厚，但亦因為個外皮夠厚，令到炸魚份外的香脆，而且內心的魚肉夠嫩滑可口。再者，炒滑蛋依然出色；蘿蔔糕也是依舊的好味道。我可以說，香港三間連鎖快餐店的奶茶都是夠好飲的。這次的熱奶茶也不例外，濃香滑俱備，非常之好。《大快活》，永遠都夠好味道，是快趣早、午、晚餐既好選擇。

最中意食佢個下午茶，因為好抵食，一塊厚多士，再加1碗雪菜肉絲米，仲有條珍寶腸，再有杯飲品，只係20幾蚊，最肥仔就係用哂成條煉奶+花生醬去搽多士，然後我會將珍寶腸放落雪菜肉絲米，因為佢本身係凍~

從不少渠道得知，大快活也推出煲仔飯，而且原個煲取也不過幾十蚊，還煲後可抵消6元的午飯晚飯現金卷，其實好抵食。在大圍火車站取最方便，可到網頁版預點，還有九折。先後光顧兩次。有包裝，靚仔唔失禮。第一次點排骨臘腸飯，回家後略微已涼。豉油好味，有乾蔥煮過。臘腸不過不失，稍硬偏瘦。排骨是預先煮熟炆淋，面頭加豆豉醬。咁做當然無咁滋味，但在快餐文化下，確保快和肉要熟是前題。無乜飯焦，但飯算乾身。相信是一早煲好，甚至蒸熟，然後有order再放上熟料焗一焗的做法。更似蒸飯。其實對得住價錢。建議加9元配湯。有姫松茸，其實好簡單的燉湯，但比飲杯嘢飲好，有料頭，算係咁。後來又買了一次沙薑雞飯。飯今次就唔得了，太爛太濕。雞是水烚雞脾加啲薑茸，無咩味，可能肉餅是最好的選擇。後來又用6元現金卷買肉醬意粉。意粉頗淋，是快餐意粉。肉醬夠撈意粉，調味夠，但奇怪加了孜然。飽肚來說，不過不失。整體而言，有時附近茶餐廳晚飯已最少五六十元，質素還未知的時候，快餐店會是不錯的選擇。

在顯徑游完水，都會去大圍吃野，這間地鐵站裡的大快活，都開了一年多了，今天就吃個下午茶先，要了 煉奶西多士，大紅豆冰。西多士炸得香脆又乾身，一點都不油膩，配上獨立包裝的植脂甜奶，又甜又香。紅豆冰裝在矮身的闊口玻璃杯中，很貼心，以前高身杯那種很容易跌落，紅豆煮得非常軟糯，混合著碎碎的冰和奶， 口感清爽，甜味適中。

是日OT，返到大圍火車站已經餓得眼前發黑⋯幸好附近仍有一家非常方便的大快活。我一向都欣賞大快活多過大x樂⋯亦覺得大快活好味過後者好多。雖則如此，今次叫的雜扒餐仍然給我帶來意想不到的驚喜雜扒餐盛惠五十六蚊，有齊豬扒雞扒牛扒腸仔，一份茄汁飯，一杯飲料，價格可以說是非常合理！等待一陣姨姨就將餐點送上，塊鐵板燒到超熱呀！係熱到將黑椒汁倒上，即刻爆濺出來三塊扒大大塊，最好味係豬扒，煎得香口！我想講鐵板餐之精髓就在於塊板，只要板夠熱，啲嘢食通常都唔會難食得去邊。呢塊板就係從頭到尾都好熱，食曬感覺條脷都燙起泡⋯唯一可惜係份量太大，基本沒動過份茄汁飯。如果可以將米飯改為太陽蛋我就要給一百分！Anyway，可以在快餐店食到熱辣辣嘅扒餐已經係超級滿意

近排環境唔係咁好，食飯都要慳住，所以都係光顧啲平價快餐店，不過慳得嚟都唔一定冇好嘢食，今日食嘅呢碟鐵板黑椒牛烏冬，連埋杯輕糖凍綠茶都只係HK$ 35，抵到一個點！呢排嘅牛肉相對抵食，因為豬肉就算你夠膽食都未必食得起，而呢個餐嘅牛肉都切得頗厚，咬落有質感，有五、六成熟，肉汁豐富，塊鐵板亦燒到好紅，發出「吱吱」聲，好有「鐵板」feel，成個製作都唔似係平價餐。至於烏冬亦係煮得彈牙有咬勁，而且煮嗰陣亦唔會用太多油，唔會有食滯嘅感覺。不過最令猴子滿意嘅都係杯輕糖凍綠茶，少少嘅甜味，入口甘涼，用嚟對沖黑椒嘅辣味就啱啱好。

麥當奴同大家樂呢兩間連鎖快餐店都已經開始引入自助點餐機，以猴子膚淺嘅認識，大快活好似仲未有（如果有錯請指正），至少今次介紹嘅呢間大快活仲未有。唔單止冇自助點餐機，就連LED顯示屏都冇一塊，仲係用緊傳統嘅紙牌，每次轉餐牌都係用人手。雖然係咁，呢間大快活依然人頭湧湧，早餐時段想搵個位都難。好明顯，「有冇新設備」同「好唔好生意」唔一定掛勾。今朝食咗個雪菜肉絲脆皮腸米粉，雖然客人多，不過員工嘅效率亦係超高，由買飛到攞到個餐喺手都只係大約5分鐘。啲米粉煮得透，唔會「硬掘掘」。脆皮腸雖然唔係真係好脆，不過都煮到啱啱好，唔會太腍或者唔夠熱。至於雪菜肉絲都係一般罐頭貨色，大家都應該知係乜嘢味。

大快活一直都有素食餐單，但多數都唔係咁好食，而最近出了 Omnipork 新豬肉豆腐飯。賣相及味道都似麻婆豆腐，見到有辣椒有少許麻辣，味道OK 但覺份量較少，新豬肉只得少少，如果可以多番D就好，個飯可以轉意粉。

走過大圍,見這間大快活翻新後,也未光顧過,於是就去吃茶餐。和以前ㄧ樣,依舊很多人+很難找到位置。49元2人茶餐: 兩杯紅豆冰,2條腸,2隻燒雞翼,2件炸春卷及2件炸雞塊。除了炸春卷不夠脆外,其它也不錯炸雞塊外皮脆,,ㄧ囗size,方便食,而燒雞翼上放了不少香草,所以很香,又不乾身,雞肉 juicy,似平時bbq的燒雞翼. 而腸仔的質素也ok,不是那些冧的。最愛是紅豆冰,紅豆大粒,又有紅豆沙的質地!2人吃也已很夠飽

大快活近年推健康餐， 但初期既健康餐只有健康無味道， 啲肉又好鞋，所以食過都怕，但最近再試，朋友話好左，又真喎，雞胸都唔鞋，當然唔係好滑個啲，但至少配埋食感覺良好，個汁都好多菇，但咁多汁又可能唔健康喎

返工前食個醒晨早餐，充滿活力上班去。今日食雞扒拼煎雙蛋，多士，飲品係熱華田。大快活的煎蛋🍳的確係唔錯，最正係個蛋的的焦邊位置，脆脆的。雞扒肉厚，滑的，雞皮厚，除皮後很美味 多士香脆，新鮮烘的。個人來講，食雞扒餐，重點是走汁。