大快活

營業中

休息中

今日嚟大埔一田買嘢，諗諗吓都唔知食乜，行行吓見到大快活就走入嚟試吓。呢個款真係價廉物美，抵到不得了有咁大塊雞扒，再配埋個牛肉飯，再配埋個小小嘅沙律，好夠飽，而且又美味。

第一次黎大埔大快活，平常甚少幫襯，因為冇乜特色野食。 點知今次行過見到有煲仔飯出堂，所以諗都唔諗入黎試下。叫咗個滑雞拼章魚肉餅煲仔飯，另加個霸王花湯，熱奶茶。一坐低第一時間用濕紙巾擦枱擦桌面椅子，果然勁污糟😂 而地板更加污糟⋯⋯終於叫到我個號碼了，攞咗返埋位第一時間飲個湯先（平時湯水少嘛）頂 ，鹽水湯😫 失望！然後係煲仔飯，嘩，我從來冇食過咁焾嘅煲仔飯架，啱晒老人家啦。再次放生快餐廳👋🏻

最近看廣告時，發現大快活的咖喱炸豚肉飯又再度登場了。喜歡炸物的我，便決定一嚐味道。是次由於疫情關係，我便叫了外賣回家吃。下單時曾有擔憂，把炸豚肉拿回家時，會否已經淋掉。但由於我真的很想吃，便決定繼續下單。喜出望外，把外賣拿回家是豚肉仍是脆的，豚肉10分厚，中間夾帶了油花，吃下去不會是柴柴的。豚肉份量亦不少！然而，咖喱醬是林在白飯上的。如果能分開裝上，顧客可選擇將咖喱淋在豬扒或白飯上，整件事會變得更好。

其實平時去食咖喱，大埔真係有好多選擇，但如果想是一間香港味比較濃的地方，搵杜汶澤做代言，其實大快活這裏的咖喱也是相當不錯，味道不會太鹹，適合愛健康的人士，我就經常來吃。

今日見到大快活與we chat pay做推廣優惠。我立刻使用，優惠期至5月12日。每次購買食物滿$20，存齊兩次，使可有$10現金卷，變相減$5。今次嘅下午茶，繼續食咗蜜糖燒雞翼，以及係泡面，最鍾意泡面唔諗以及硬硬地既感覺。而且大快活有無限添加，滿足到我想食春卷既日子。本身今日啲雞翼竉窿地嘅感覺，我要求店員更換，店員答應，服務有改善！

星期六一早起身落街食早餐，之後要去買餸，難得返左老家，就落樓下大快活食，以為佢無乜人，結果都差不多坐滿，但比附近其他港式快餐店人少。叫左個炒蛋配雞扒⋯⋯但個收銀聽錯，落左煎蛋，不過無乜所謂，反正試下個煎蛋。雞扒都算比斯足料，唔算好細件，個蛋都煎得唔錯，食食落仲幾滑。飲品要左熱奶茶，都幾香滑，近年連鎖快餐店啲奶茶有明顯進步。

見好耐冇幫襯過大快活, 早幾晚嚟食咗個咖喱雜菜蛋飯 ($41)~ 一見到呢個飯就令我諗起北海道嘅湯咖喱, 又係好多雜菜㗎!! 不過當然味道就差好遠啦啲餸份量都好多呀, 除咗有隻蛋, 仲有西蘭花, 椰菜花, 車厘茄, 茄子, 薯仔等等.....雖然白飯比較少, 但有咁多雜菜食完都好飽!味道嚟講, 個咖喱汁都唔差, 食落都幾香~不過....真係完全唔辣嘅!!!淨係計咖喱汁嚟講我會比較鍾意大家樂嗰款, 香濃惹味啲~ 不過雜菜蛋呢個配搭都相當唔錯, 啱晒我呢啲有時唔想食咁多肉嘅人!

晨早同完朋友打波，出完一身汗當然要去食個靚早餐，嚟到昌運大快活，朝早10點人流仍然好多，揾到2人位後馬上買個雞扒蛋套餐，內有榨菜肉絲米粉。米粉都好夠大碗，埋單$38.5，個人認為價錢略貴。但勝在有雞扒，有蛋，有多士，有米粉又有飲品，都幾豐富。雞扒有雪味，敗筆，蛋半熟口感都好滑。榨菜肉絲米粉夠濃味，又夠大碗，我中意要食得夠尖都係首選大快活😆

呢間大快活係平時假期假日同屋企人必去嘅地方，因為呢間大快活非常方便，而且好抵食。唔洗$30就可以食得飽飽。今次叫左個火腿通粉加炒蛋多士，熱檸水，都足夠一個人食。

大快活早餐都幾有保證咼，叫左呢個雪菜肉絲米，再有炒滑蛋，加多塊大塊多士，仲可以茶下鍊奶、果醬、花生醬，都唔需要三十蚊。而且熱奶茶都幾好飲，好滑而且奶茶味好香呀。

而家食早餐都起碼$30，大快活呢個雞扒、炒蛋、多士餐都幾抵食。雞扒都幾大塊，而炒蛋都幾滑。多士就可以額外拎鍊奶搽，好好食。熱奶茶係大快活最好味嘅東西，奶茶夠香夠滑。

真心要讚下大快活 以前我一向幫親開大家樂 但呢幾年我覺得大快活嘅quality好過大家樂好多 無論係早餐同晚餐 抵有進步 感覺healthy好多 以今朝黎講 佢個20蚊早餐最掂👍🏻有一碗無糖麥皮一隻焙蛋一塊多士 卡路理得個300幾勁低 重點係如果無味覺得唔夠甜可以加煉奶 多士可以轉蘿蔔糕 仲仲可以唔使擦牛油轉果醬花生醬或煉奶 20蚊黎講仲可以自己揀咁多野算係咁 甚至飛邊服務都有真係正 以今時今日咁嘅服務態度真係掂😂😂

簡單一個下午茶，一個餐肉煎蛋即食麵，加埋隻燒雞翼同埋一杯汽水，都只需要$28咋，好抵食。隻燒雞翼咁岩係岩岩整好，所以熱辣辣，非常好食。黎呢度食下午茶一定要嗌呢個餐。

出左 camp 返到屋企附近 又到晚飯時間。一個人又吾想煑. 又攰。不如快餐吧！途中遇見大快活。就咁決定。 揀咗煲仔飯，只因大愛飯焦。豉汁排骨煲仔飯，臘腸喺送架，加埋熱咖啡 盛惠 $43。價錢都OK呀。有埋送餐服務，吾使自己排隊去拎,真貼心真係好熱， 打開煲蓋 D蒸氣不斷冒起 賣相 味道好吾錯 份量很多可惜飯焦比較少。 如果多D就 very good 喇

好鍾意食煲仔飯，但大部分店家都係要夜晚先賣煲仔飯，估唔到大快活出左煲仔飯，咁係要試下喇，叫左兩個，臘腸滑雞煲仔飯and鴛鴦肉餅煲仔飯，平日去食show學生證仲送野飲埋單後等叫號碼，不過很快有得食，阿姐會提醒你睇熱，因為真係熱辣辣，揭開蓋，沿住個煲落鼓油，再尋埋蓋等一陣，終於有的食喇！果飯粒粒分明，有嚼勁，底下飯焦脆卜卜，滑雞既汁撈飯食，很好味！仲有第二個餸，就係臘腸，都好味，唔會太鹹，雖然腸入邊肥肉多左d，卡路里高左d，但很香鴛鴦肉餅煲仔飯就無滑雞煲仔飯更驚喜，但好在飯好！飯焦很完整，齋食飯都很滿足，肉餅送飯食岩岩好，齋食有d鹹，總體都係唔錯，不過我鍾意臘腸滑雞煲仔飯多d兩份煲仔飯都有菜脯同蔬菜粒，最後撈飯食，同脆卜卜既飯焦一齊食，很好味估唔到快餐店都可以食到咁質素既煲仔飯，都算驚喜既，比起陳漢記果d煲仔飯名店，至少我可以晏就去食，唔洗排隊，畢竟煲仔飯係很高卡路里既，盡量晏就食，That's why 我之前好耐無食煲仔飯，我估我很快又想去食喇，比個like先