大快活

營業中

休息中

個人病病哋諗住去大快活食碗粥，味道正常，唔會話太鹹太淡咁，唯獨是粥面好似好多油，食淨三份一就唔想再食。個人覺得係事實就冇乜問題，如果病咗想食清啲，佢就冇一個最好嘅選擇🥲

✨下午茶：沙嗲牛肉煎蛋豬仔包餐-$35 包飲品（凍綠茶或熱飲）包蘋果薯仔沙律🥗🍞豬仔包皮脆 正正常常🥓沙嗲牛肉好入味 軟淋😋🥗沙律都幾大碗，幾好味，只可惜生菜係黃嘅，蘋果份量太少，只食到一粒。大部份係薯仔為主。仲有少少菠蘿同黃椒。

單點脆爆吉列豚肉烏冬$47吉列豚肉啱啱炸起上枱，口感外面卜卜脆，內裏軟林林份量都幾足！同埋豚肉味道剛剛好，不會過咸！點埋酸瓜沙律醬可以中和油膩感。至卡烏冬正常味道！配一小碗椰菜絲撈胡麻醬。叫套餐的話都幾抵，$52就有杯特飲梳打。

今日午餐叫咗個照燒雞香草豬扒飯，有燒汁同黑椒汁，我揀咗黑椒汁配細綠茶。一打開即刻覺得汁太少，下次要叫佢多汁！雞胸肉滑而不老，醃得夠晒鹹因此小醬汁都入到口。豬扒薄薄地帶點蒜油香。配杯凍蜂蜜綠茶中和返啱啱好。用咗減$5優惠券呢個餐先$35，抵

今晚dinner去咗食大快活，焗豬扒飯又熱辣辣又夠大碟，好好味！呢個焗豬扒飯唔係一般好似香港風味嘅焗豬扒飯咁樣，反而我覺得好似有一啲西歐風味。一睇原來嗰個飯係炒飯底好香口，茄汁底嘅醬汁，味道酸酸甜甜，仲食到有菠蘿同埋芝士，食到係活潑嘅味道 ; 豬扒大件又厚切，有肉味有咬口，但係又唔會太過硬掘掘，味道同個sauce都好襯，而且焗得香口又唔會話過燶，食得人好開胃好開心，大人細路都鍾意食，仲配埋少少蔬菜，可以平衡身體。跟個蜂蜜凍綠茶餐飲，真係爽。

又收工啦，黎到大快活，感覺未致於大快活，但係快樂既，皆因又係用優惠卷既時候（人一生總係有點時候需要用優惠卷既！對嗎？）食夠29蚊早餐可當3蚊現金，由頭條日報剪下今日食雞扒、兩條腸、麵包、可樂整體好食個塊本來就係平價急凍雞扒：整得唔難食仲要好食，難得可能我呢d叫知足常樂吧可樂：快樂當中因爲你麵包：好香口，烘得完美架，有人可以烘呢塊包好過佢？當然唔計其他額外食才與調味脆皮腸：長版（平時食短既）ok喎咁既價錢既餐廳環境、服務都好（辛苦晒d職員啦）

之前未搬鋪，都試過一次食完後腸胃炎，當時食物來時溫度，不是太熱。諗住唔好搞野就冇換餐，點知令到我腸胃不適左一晚。今次就大件事，琴日六點幾，見開左新鋪就入去食餐方便飯，叫左個咖喱牛腩飯，到時溫度熱得正常，諗住唔會有問題，點知食到條牛筋時，有陣草牛屎味，我立即停止食用，飲埋杯咖啡就走。之後成晚都冇食過其他野，到大約凌晨三點鐘，肚開始 劇痛，不停地食止痛藥。都冇用，早上去買左啲腸胃藥，到而家第二既晚上，重未好過，醫院都入埋，係冇報警咋。唉～比佢害死，一入醫院就要搞好耐，令到我開始害怕左出街食飯。有冇考慮過入院係幾痛苦，廚師有廚德嗎？如果要入院紀錄可以交比你。足足訓左兩晚博愛醫院

一向大快活的早餐 真係無得輸的， 又方便，又可以自由配搭， 餐廳的餐牌好多選。我揀早餐叫左吉列豬扒，太陽蛋， 剛剛炸起好新鮮， 通常加一張檸檬喺豬扒上面，感覺晤會太油膩 ，仲有太陽蛋糕煎得好好。 配多士可以轉白糕，這點非常貼心。塊多士好大塊，可以揀花生醬，揀奶。7元加了個雪菜米，這樣才算完美。價錢係貴少少，不過真係好味。但涷飲加3妏就晤多合理。哈所以最後揀左飲“茶走“。熱飲。講下呢間餐廳，服務態度晤差，可以話係好。