大快活

營業中

休息中

食過冇數地方嘅西多，都係泎得油膩，粉漿好厚，所以對西多從無期望呢間食店嘅西多算係咁，煎西多唔油淋淋，面頭幾香脆，個粉漿幾薄，唔漏隔左兩星期到同一間分店食同一款下午茶，質素冇變

經常我係中午時候都會食呢個餐 喔覺得好抵 首先我會覺得叉燒飯你可以叫師傅比多d汁 咁會容易d送飯 另外你都可以加dd錢大概8-10蚊左右就可以多個渣咋食肯定會飽到不得了 中午工作都可以更加有幹勁 我小的叉燒飯加個甜品就已經滿足飽到上心口了 除非你唔足夠就可以多家dd錢就可以食埋只雞翼 至於飲料是附送的

之前聽朋友分享過大快活嘅雞胸飯世界第一今日就同同事過黎一試龍鳳差唔多1點到大快活 只可以話平民飯堂非浪得虛名 等左5分鐘終於揾到兩個位排多陣隊點餐同攞野食 成碟靚靚雞胸飯終於到手了！雞胸飯嘅醬汁會間唔中轉一轉比較多配蘑菇黑松露汁今日就配上南瓜汁 我覺得更好味1. 雞胸同傳聞一樣煮得好嫩食落去唔覺得好乾同好鞋口2. 飯可以揀白飯 or 紅米飯 對我黎講無乜所謂3. 配菜可以要求多配菜 唔洗加錢 但我覺得d菜就差少少 不過唔係主角就無所謂 可接受跟餐餐飲熱檸茶 正常發揮 冇乜好講埋單47蚊 平民健康嘅健怡午餐要注意唔係間間大快活都有架！

呢間大快活嘅位置都比較隱蔽，所以晚市人流唔算多，我次次都係外賣自取，如果用佢哋網上落單嗰個條link下單，外賣自取仲有九折，平均一個小菜連白飯大概$40到，仲可以order轉紅米飯（去過其他大快活，就算幾早都話紅米飯sold out）。小菜係即炒，又夠熱又好食。食過三色芝士葡國雞汁焗飯，估唔到仲有炒底，折咗都係大概$40一個焗飯，不過餐飲另叫。呢個價錢有呢個質地真係好底，強烈建議附近番工既人可以試下。

相比起其他連鎖快餐店，我認為大快活嘅質素算係最好😜見好耐都冇食大快活下午茶，咁啱經過，就過嚟食咗個油髀上海麵配熱奶茶。由於係平日嘅關係，人唔多，坐得好舒服😌隻油髀都幾大隻，夠入味，但凍咗啲，唔夠熱，但快餐係咁上下㗎啦⋯至於杯奶茶，當然唔可以同茶餐廳相比啦，始終茶味唔夠濃，亦唔夠細滑，但過吓口癮，都算唔錯。以快餐店水準嚟講，都算唔錯㗎😋

之前食過兩隻味，覺得麻麻地。但係前幾日 試咗佢新嗰隻湯底，胡椒豬肚湯，覺得真係好大進步，好好食！佢個胡椒豬肚湯入面，真係有好多塊豬肚，落足料，冇花冇假，幾surprised.同埋佢轉咗啲新款嘅魚蛋。本身係好普通嘅魚片，而家變咗有新鮮蝦粒嘅腐皮卷，upgrade哂，好好食，成個質素已經唔同哂。又可以自己去counter添湯，包埋飲品先至60幾蚊，講真真係邊道搵呀。。。？好欣賞佢哋慢慢開始進步，大家一齊加油喇。

大快活下午茶有春卷，包，花生醬，煉奶，午餐肉雞蛋公仔麵，加多杯熱華田。2條春卷既料都幾多，又搽左煉奶同花生醬落包，食落就冇錦dry同有幾match。食完都唔夠飽，就食埋個午餐肉雞蛋公仔麵，午餐肉同雞蛋煎得岩岩好，唔會太熟！總括大快活既下午茶比其他連鎖店，都有心機同份量多。

一個GOOD MORNING..應該要由一個GOOD BREAKFAST開始呢個大家都唔否認架啦最近上某某討論區發現...有個非常挑戰人類胃部容量既早餐....在下自認都算係一個比較大食既人...所以決定一戰一睇個餐牌.....完全呆滯...癲覆我食早餐既概念雪菜肉絲米都算...仲要多加一塊午餐肉拎到上手果時..仲要發現...係大大碗既米粉同大大塊既餐肉...之後仲要有一塊好好好大塊既吉列豬扒...非常新鮮熱辣...唔知係我好彩定點啦之後仲有健康既牛油栗米加大大條既脆皮腸...最後包多杯細汽水.....用有件蘿白糕(呢個真係麻麻地..建議可以食返多士)呢個相信絕對唔係早餐了吧...簡直係瘋癲之分量...本人大食都表示...下午茶先可以再食其他野了最重點一句..成個餐只係HKD38...係40蚊唔洗既大大份早餐呀!!!!!!!!!!!!!!!!!!!

#減肥 係 #女士們 #一生事業，愈係話唔好食太多，個腦就愈係叫 #小秘書 食多啲😅 平時都會忍到嘅，但係一陣要去 Aqua Aerobics，都係食咗嘢先去上堂比較好😉 太夜食飯好肥㗎😅講過要戒哂所有 #澱粉質 其實有時都幾難，尤其喺做劇烈運動嘅時候... #小秘書 歪理又出動🤣🤣 不停俾藉口自己之際，我居然叫咗個 #雞髀麵餐、仲有 #肥死人 嘅 #熱奶茶☕️ 比先己。麵上面加啲 #蒜蓉、#辣椒粒，零舍醒神🤩 雞髀好大隻調味又啱啱好... 哎呀！咁冇恆心嘅我... 減肥計劃究竟可以幾時再開始啊？👉🏻👈🏻

今日又係返工前歎返個要餐 🍽🍽🍽🍽於是乎就去我平時最鐘意去的連鎖餐廳嘆下 🍽🍽🍽我今日選擇左去尖沙咀個邊食 😋😋😋就選擇了大快活 ✨💫💫💫唔知呢邊係唔係屬於繁華地區總覺得D食物整得麻麻地需要改善 😅😅😅😅不過總括黎講都幾好座位都坐得舒服 👍👍👍👍呢度麥皮 👍👍👍稀釋度剛剛好 😘😘厚多士飛邊再加煉奶 👍👍👍食曬😘😘😘奶茶平時係我最鐘意飲今日呢度有D失准 😅😅😅飲落去有D苦，😔😔😔所以飲唔曬 只係飲左一半就無飲

好耐都無去「大快活」食下午茶了，其實時間已經係下午5:00，我仲以為下午茶餐應該賣得七七八八，點知都仲有咁多選擇喎。望住眼前的餐牌，我真係揀野食都揀左很耐。最後我揀左豬扒包和熱茶走。個包的size唔細㗎，豬仔包的底面都有烘過，所以熱辣辣和脆脆地。塊豬扒係無骨的，唔駛擔心話食食下要避開舊骨。厚薄適中，大概有1cm左右；食落味道幾好，同埋夠腍。入面再配埋生菜絲和沙律醬，材料簡簡單單，不過都很配合。茶走味道不過不失，但係唔係好夠熱...一上檯我就試左啖，只係暖暖地而已，感覺始終無咁好。如果溫度方面可以控制得好些，咁就更加好了。

食午飯時間，周圍餐廳都好多人，想搵個位都唔容易，走去大快活碰下運氣，估唔到唔算多人，立即排隊買個餐，選左阿活出名的焗豬扒飯，再加＄6要埋杯奶茶。焗豬扒飯一直都知好大碟，加上又受歡迎，攞餐時見前面個都係豬扒飯，但佢用玻璃焗盤盛載，但到我已經要用外賣的錫紙盤，証明連廚房都整唔切，坐低就見到一大塊豬扒鋪係個飯上面，再加上好多蕃茄醬汁，完全遮蓋成個錫紙盤，豬扒大塊得來又夠厚，但一d 都唔韌，咬落去好鬆軟，好容易食，唔駛用刀叉直接咬都得，而飯就係蛋炒飯，撈埋蕃茄醫汁一齊食，酸酸甜甜，開胃得來可以食多啖飯，其實份量真係多，最後都係勉強先食得晒，四十幾蚊絕對抵食

今日 10/11 8點45分度 因附近落車所以去呢間大快活買早餐 ,買完9點正返到公司,同老闆一路傾計,諗住開始拎野食出泥,第一拎調味料出來,之後拎碗通粉(未打開蓋食的),跟住再同老闆又傾計,到我想再拎盒煎熟蛋出來的時候,有隻曱甴行出來牠是細隻果啲size ,跟住我問老闆,我係咪已經唔可以再食呢個早餐,老闆話我勸你都係唔好食,跟住我老闆曱甴連我份早餐掉了出面走廊垃圾桶了,我不忿,打去投訴,冇人聽我便留言,之後打比我又要我等又話要我腥相比佢,而家係你地地方污糟有小強呀～你仲老點我做野,跌親個腦嗎？跟住我就話,你即刻派人上泥睇我走廊垃圾桶,即刻上泥執屍,頂佢。。。我也有証人,我公司有細路架,呃你把練咩～又係度講廢話,會清潔間大快活會噴殺蟲劑,我話夠了,唔好再講廢話,我打泥投訴係想話比你間野知,有幾咁污糟同埋有小強,而唔係打泥要你賠錢或賠返個餐比我,29幾蚊我仲比得起,若果有人唔知.隻小強走得快,食左份餐落肚咪大檸樂,睇醫生就唔知要比幾錢了,真係不知所謂,大家要睇清楚才食

放假訓到兩點是常識吧！起身已經係下午茶時間，直接落樓下食個tea啦。是是但但去左大快活食叉燒米粉。冇晒瀨粉已經好唔開心，米粉都照殺啦。湯就好明顯係味精湯架喇，都好咸下，面頭又好多油。叉燒算肥瘦適中唔錯啦，太瘦果啲就硬得濟喇。跟餐凍綠茶唔算太甜，比起飲汽水好似健康啲，香港地 $26個餐算係咁啦。

一個人吃素其實有時都幾頭痛,傳統中式素食小菜嘛, 小妹總吃不完又有加一服務費, 幸好最近快餐店都加入素食套餐, 對我來說是一大喜訊~每晚有兩個素食選擇, 從珍菌炆支竹及咕嚕蓮藕玉子豆腐中, 我選了後者. 貪其酸酸甜甜最合我意~ 也想不到是即叫即做, 等上一陣子才有得吃. 驟眼看, 與真正的咕嚕肉極相似,醋香十足, 入口也十分熱辣~驚喜是蓮藕及玉子豆腐外皮仍然脆口, 一爽一嫩滑, 加上青椒, 菠蘿等愈吃愈開胃, 佐飯一流. 連飯及飲品只是$36, 推介~