大快活

營業中

休息中

好耐都無去「大快活」食下午茶了，其實時間已經係下午5:00，我仲以為下午茶餐應該賣得七七八八，點知都仲有咁多選擇喎。望住眼前的餐牌，我真係揀野食都揀左很耐。最後我揀左豬扒包和熱茶走。個包的size唔細㗎，豬仔包的底面都有烘過，所以熱辣辣和脆脆地。塊豬扒係無骨的，唔駛擔心話食食下要避開舊骨。厚薄適中，大概有1cm左右；食落味道幾好，同埋夠腍。入面再配埋生菜絲和沙律醬，材料簡簡單單，不過都很配合。茶走味道不過不失，但係唔係好夠熱...一上檯我就試左啖，只係暖暖地而已，感覺始終無咁好。如果溫度方面可以控制得好些，咁就更加好了。