大快活

營業中

休息中

朝早9點幾商場同餐廳唔算太多人，大快活有左手機點餐之後，排隊點餐都唔洗等好耐，叫份早餐坐低慢慢嘆，商場入面黎講，大快活早餐算抵食，快靚正～多士最緊要夠熱夠脆，煎熟蛋，加一杯熱辣辣奶茶，正宗港式早餐

老公今日太夜收工，返到黎都8點，唯有近近地買大快活。呀仔呢排食飯己經好差，有汁飯都係幾啖貨仔。打開外賣激鬼死我，比錯左日式咖哩飯，搞到呀仔只有白飯。一口脆爆厚切豚皇 + 芝士焗漢堡扒 + 日式燒汁牛丼 + 胡麻菜絲沙律$53 ：豚皇炸得干身左，漢堡扒細塊啲，咖哩飯無咩特別經典雜扒鐡板 +粟米肉粒飯 +可樂明明鐡板餐老公係跟黑椒汁，又吾知點解比錯左咖哩汁，真係好離譜。雜扒餐真係好抵食，有3塊扒+一條芝士腸。最鐘意食入面條芝士腸。

叫左沙嗲牛肉煎蛋漢堡下午茶餐，$28 ，唔好意思，食食下先記得影，想用某d 平台需要$29先可以-$3 ，於是加多個碗仔翅（+$9.5）食下，餐配有凍綠茶加配方面，仲有好多選擇點完餐，大概等5分鐘就有餐，好快⭐️沙嗲牛肉花生味好重，一咬落去d 汁多到滴出黎，牛肉好稔冇根，餡料豐富，有煎蛋又有生菜我以為個包係似M 記個款，原來係硬身d 個種，睇圖應該估到邊款，就係茶餐廳個種⭐️碗仔翅材料都多，冇粉絲/豬肉碎/木耳絲/冬菇絲，仲有蛋花，食落都幾有口感加埋紅醋就更美味

老實大快活早餐食到有d厭但間中佢會有薯餅餐，一見有薯餅出沒我又會再幫襯😋今次叫左薯餅配滑蛋雞扒餐有薯餅食基本上冇得輸😝雞扒夠林、蛋好香滑👍🏻吉烈豬扒配蘿蔔糕餐都算平平無奇，但今次最值得讚係塊吉烈豬扒成隻手掌咁大比平時拳頭咁大進步好多😝講真，早餐好難好突出，唯有贏份量🥰

2020.8.29(六)☕今天約了客人交貨, 交收完就買個早餐返公司。☕個別集團經營既茶餐廳, 我覺得少左個heart, 好多係大陸員工~只顧自己享樂, 對客人如仇人☕開始時候喜歡大0樂, 好好味。 但驕傲啦！ 比大快活追上, 仲唔快d追返大哥個位☕喜歡大快活既咖哩, 無辦法形容 but 下次先講。 今日食早餐, 選擇左從來都唔食既炸野!!!☕早餐: 炸🐟柳<配>沙律醬及1片🍋 []蛋=很滑[] 厚多士🍞新鮮☕講到咖啡=一定要即磨

2020.8.21(五)突然開OT, 無辦法趕得及去街市買餸。 仲要星期五~好攰呀因為方便又要去超市買點日用品及罐頭, 所以就在卓爾居的商場大快活買個飯盒我好似有選擇困難症, 睇左好耐, 終於選擇左海南雞飯海南雞飯既雞都有2份1隻既春雞=雞翼雞脾雞胸, 好滑有椰菜墊底。但似客家鹹雞多d想講下個湯or酸菜, 真係唔知咩黎架, 湯又唔夠水, 酸菜又唔夠味, 最可惜唔係堂食無得問, 唯有浪費左佢☕厘杯奶茶☕保持水準☕雖然晚餐啦~飲左都好好瞓

話說長期糧尾嘅我平時返工食Lunch都係揀食頹嘢多🤣今日亦都一樣，諗住求其外賣個大快活頹飯返公司食就算！一向都鍾意食肉嘅我，唔知做乜今日痴咗條線，見到新出咗個用新豬肉整嘅麻婆豆腐紅米飯🐷居然好想買嚟試吓！先講啲紅米飯，食得出粒粒分明、口感煙韌，以快餐質素來講其實都算唔錯～再講個麻婆豆腐🍲豆腐非常多，認真足料！但新豬肉真係少得可憐...🥺又碎又少...雖然明白新豬肉係貴嘢，區區一個$40幾嘅快餐唔可能要求咁多，但如果佢可以闊綽少少比多兩羹落去！成件事會好好多🤣但整體味道都OK嘅❣️

曾說:快餐集團，早餐「橙色」勝，晚餐「黃色」贏。除了火鍋和煲仔飯，此店晚餐是供應「頹飯」，經典代表是粟米肉粒飯。完全show不出有何誠意(love)!偶而看到海報，竟有吉列牛肉供應!應是快餐店首次有此食物提供。價錢好貼地，四十多元，有和米食。更可要求「多飯」，外賣時，會附送一小配日本米飯，真是show me your love.汁液另杯上，足有半杯，足夠一碟半飯伴食。好大的丼，是湯碗。吉列牛有6大件。與海報拼比，差異度小。入口即酥，熱度不是滿分，尚算微熱。鬆軟程度高分，惜牛肉味淡淡，始終價低，難以有要求。咖哩是日式風，帶甜味。飯粒出奇地高質。吉列牛似豬扒味道，剛好「黃色」陣營推出咖哩吉列豬扒飯，後者較辛辣，豬扒是有嚼勁那種，各有千秋，都是40多元。