大快活

營業中

休息中

前幾日睇天文台話今日落雨，點知起身勁好天，就拿拿林換衫帶呀仔返playgroup，今日佢好叻仔，自己專心聽故事上堂，媽媽表示好感動。放左學最方便係食大快活，買完搵埋位，可以叫人幫我拎埋，仲有得加大個白飯。成個餐我無連飲品 $541.夠薑照燒大雞扒：我本身吾食薑都覺得好香好惹味，個雞皮仲要脆卜卜。2.日式燒汁牛丼：個飯好夠牛肉汁，洋蔥都吾生，剪碎左啲肉呀仔差吾多食晒成碗飯。3.胡麻菜絲沙律 ：平時我吾食沙律既，但佢撈埋個胡麻醬好好食。

失而復得🙏🏻🙏🏻🙏🏻的電話📲，感恩有大快活一班很好的員工，因我媽媽在7月26日下午在大快活去完洗手間之後忘記拿回電話，在極到失望之下，打電話竟然有人接聽，原來大快活已經幫她好好儲存了，感恩有你😊超贊👍👍👍

我食大快活既咖哩魚柳飯已經食左好多年了。 由以前既香煎魚柳到今時今日既為左節省成本既炸魚柳全部食過哂。 以前又香又好味既香煎魚柳我吾再講，現在我只係想講，大快活既招牌飯餐就係咖哩系列。為左節省成本，將香煎魚柳換成炸魚柳， 睇上去好似魚柳大塊左，抵食左，但其實咁樣配味道差左好多，但飯餐價錢不減反升。由以前中午至晚餐都供應，變成現在只有中午才供應，到咁落去一個招牌菜好快就吾再存在，客源一定再再跌落去。 幸好咖哩汁仍維持水準，否則我以後都不會再食大快活。

今晚天氣轉咗涼涼哋，突然之間想食啲暖笠笠嘅嘢聽朋友講，原來宜家大快活都有煲仔飯食天氣咁凍，今晚一於嚟試下佢好唔好食先佢嘅煲仔飯都有幾款，我今晚就揀咗梅菜蒸肉餅飯， 仲加咗碟油菜已經好耐好耐冇去過大快活，原來而家已經有送餐服務真係大鄉裡啦個煲仔飯呢到，賣相都唔錯喎上面嘅肉餅都幾大份而且唔會好重味精味仲有令我最期待嘅事，就係佢嘅煲邊真係有飯焦㗎！食煲仔飯識食梗係食飯蕉啦估唔到快餐店食煲仔飯都咁有水準下次想食煲仔飯又有一個新選擇啦

下午茶事旦搵個地方坐低。去左好耐無去既九快活，原因係附近好似無咩選擇。雪菜米加餐肉，連熱檸茶，唔洗三十蚊。但其實我都仍然覺得唔係特別平，因為始終都係一間快餐店，罐頭午餐肉兩片加一碗上湯米粉，加幾條雪菜咁就＄30。熱檸茶對於我來講如果唔飲可以平＄5，我絕對會唔飲，因為定係特別好飲。成本好抵又乜嘢技術嘅米粉，仲要係一個下午茶的時間，然後冇服務，冇環境，只係有少少冷氣嘅地方....＄30！ 對於一個有工作嘅人已經覺得唔平，係一個老人家或者係基層＄30食一碗罐頭嘅相湯米粉....真係食唔起

下午茶一隻熱狗，一碗辣肉湯麵，再加一杯熱好立克，熱狗腸細細條係脆皮腸，我叫左多醬，真係比左勁多醬，超好味，辣肉湯面，辣肉香辣，上海面吸左D湯汁很惹味。熱好立克就淡左少少。

曾拜讀一篇報章訪問，說這裡的豚肉貨源，源自於山東的豬場。而他們是買了豬場來保持豚肉的貨源供應穩定，同時對其作管理，以便食材控制成本上維持在一定的低水平。要找和日本豚肉相似的不易，因為細嫩，有層次及多汁，如今這厚切豚肉確有多少相近，鮮嫩軟靭度都十分相似，是肉汁多少方面仍有區別。炸出來金黃，咬下香脆，若多點肉汁更好呢。配菜是中華沙律及南瓜，雖和日本的設定比是四不象，但加上自家算是得意之作的咖哩汁伴碟，亦算是清新，不過醬汁不及日式咖哩的那樣甜。這樣配搭組合算來得不錯，以此價錢來衡量，已經拿捏得有水準吧。

因為家的雪櫃清空了，太太又帶領我來到置樂花園買她們的素食食品。太太上了我的車才說沒有食過野，我常說減肥還減肥，東西總是要吃的。於是便游說她先去食。但置樂呢一頭，實在是冇乜特別坐得舒服及有好野食的地方。而且我們又不打算深入的找。在沒有什麼新選擇之下，連鎖的大快活，就是我們食下午茶的地方。是日沒有什麼大活動，沒有消耗體力，吃了早餐同午餐之後，已經沒有空間去容納一份下午茶。在大快活，我就飲杯野，同老婆share份下午茶餐好了。她食素，在快餐店只能依西多士，真的是完全沒有可選擇的餘地。唯一能選擇的，就是不耍牛油糖漿，改要煉奶。其實食西多士，最主要是餡香，糖甜。煉奶已有足夠的甜味去代替糖漿，而且這西多是即叫即煎，熱熱的更好食。可是，沒有餡。咖喱角有肉，我食。中式的咖喱角，炸得份外的脆。說香就沒有了，說辣味就有。輕食點心，不太差。奶茶濃香，快餐店的茶，夠滾，夠熱，夠濃。有一定的滑度同水準。而太太叫了一杯好立克黎飲，甜甜的，是小時候懷念的味道，雖然而且仲有，但大個了，這樣甜的東西，少飲左好多。算是可以的一個快餐店下午茶。而且置樂青匯街圍內的食肆好似已經食得七七八八，下次再行出D，在青海圍找。

尋晚捱完通宵,今日4點先起身...唔想整野食,所以就去左樓下大快活TEA下..叫左西多士+珍寶腸+低糖綠茶,$22要等叫飛,173號...等左5分鐘左右,有得食~~食物質素：西多士： 好諗.....食落去好似油浸西多士咁..好彩有煉奶..唔係我一定唔會食...點解會差左咁多架.....以甘都唔係咁既,唔通換左廚師!!!珍寶腸：好味~食完想食多條~低糖綠茶：黎親大快活我都會叫,最鍾意係D冰夠碎，飲落去好爽~~綠茶唔會好甜，減肥人士必選~HAHA

試過大快活上年的自選火鍋後，已經覺得幾抵食，於是再度到訪這店光顧~今次叫的，同樣是肥牛~每一份肥牛份量十足，絕不欺場；加上肉質不太差 (最少唔會好似大家樂的肥牛，有一浸羶味)蔬菜配料的份量也相當足夠，有白菜、生菜、蘿蔔等，所以加起來的份量實足兩人吃飽呢剛好$49找數，如果在寒冬下不求高質素，但求抵食份量足，相信大快活可以作為閣下考慮之列~

早期見到大快活一個厚切黑豚肉套餐的廣告BANNER,配有珍珠飯,柚子汁菜絲.好明顯是跟隨那埋什麼什麼吉豬日本餐廳.我這等窮人 XD 吃不起200元一個吉豬套餐,所以平有平食,勁想試下~加上睇埋食家小連所寫的食評,相片中的厚切吉豬如同廣告般:厚呀~.因為公司附近無大快活,只可趁假期走去食.本來想去屯門市廣場的大快活,但由於我們太早晨,就決定行落去置樂分店.一來可以拖延下時間,二來諗住吃完就順便去附近個山行下.一舉兩得.到達置樂分店是10點58分.我和老友先找位子,諗住坐到11點,午市的開始.店內人頭湧湧,相信食客們都趕緊11點前買早餐吃吧…我們等到11點10分,店方沒有換上午餐牌,因早餐牌仍未有意圖拎走.我覺得好奇怪,午市不是11點開始嗎?就行去問收銀員,問午市是幾多點?她說假期預11點半啦.我眼都突埋,不過我在假期時都幫襯過屯門碼頭分店,早餐又真是賣到11點半,雖然我非常肚餓,但真係好想試這個厚吉豬,所以好俾心機等…11點半鐘,人都是超級多,全場人都是吃早餐,因,店方仍落力出早餐嘛.我覺得奇怪,正常這個時候應該有午餐牌吧,或者可以說,這個時侯同時間賣早餐和午餐的話,都是合理的狀況,因為

這間位於屯門置樂花園的大快活, 主要是做街坊生意, 員工服務態度很好! 友善親切! 其實大快活的質素已在不斷改善, 如果可以從食物質素方面多加改善, 相信必定能吸引更多食客!!!我叫咗近期promotion嘅韓牛~d牛好少.........d飯好香~差嘅只係韓國年糕............可以一試~

豬扒包+炸番薯+蘋果綠茶= $19我個人黎講唔係太鐘意食呢種包,加上佢唔記得比沙律醬我,好乾!!而且個段時間好多人,排左好耐隊-口-

八月二十六日(星期日)我最鍾意食下午茶, 我點了燒雞翼, 黑椒牛丸串, 雪菜肉絲米, 低糖綠茶餐, 原本想要健兒可樂的, 但無.....燒雞翼有點生, 骨頭呈紅色, 但味道好好, 低糖綠茶都好好, 飲飲吓, 為什麼杯內有條雪菜嘅? 二話不說當然是退貨啦, 噢! 原來自己擺烏龍, 這只是茶葉; 但服務員都肯換過另一杯俾我, thank you.

這間位於屯門置樂花園的大快活, 雖然主要是做街坊生意, 但員工服務態度很好! 友善親切! They are all working with their hearts!Especially 是那位負責清潔的"阿姐", 態度真的十分親切, 她對自己的工作充滿熱誠, 那種敬業樂業的精神實在值得我們學習!其實大快活的質素已在不斷改善, 如果可以從食物質素方面多加改善, 相信必定能吸引更多食客!!!