大快活

營業中

休息中

大快活推出左煲仔飯,自己分別食左兩次,總覺得第一次比第二次好...第一次食潤腸滑雞煲仔飯+油菜+低糖綠茶飯軟硬適中,粒粒分明~仲有少少飯焦~滑雞雖係雪藏貨但醃得好入味同好滑!潤腸我起初以為係切片上得幾塊,點知係原條上喎,有驚喜^^其他野都唔錯,幾滿意...第二次食臘腸排骨煲仔飯+油菜+低糖綠茶諗住上次食都OK,今次食就冇死啦...點知就出事了...D飯今次淋得滯...仲要食唔到飯焦...臘腸排骨同其他野都OK既...但煲仔飯既靈魂係脆卜卜既飯焦嘛...今次竟然冇喎,有少少失望呢...

比其他的大快活，這是挺差的630開門好像是有便早出門的朋友但630去到，一來是還沒開燈，另外是食物未齊不如還是7點，準備所有才開吧魚柳炒蛋要常食的辣肉通沒有叫了第2喜歡的火腿通咖啡要熱的魚柳食下去，要比其他點，例如坑口，沙田，旺角東等點的小分，而味道就沒大分別。炒蛋，暗色，不是金黃的，而切，也是小分了，記得有另一次食，小分到要馬上換一分新的炒蛋。火腿通，通分像是泡了幾秒熱水就出來了，而且不是雞湯底，是味精湯，十分失望。咖啡普通，也不會試那個加幾塊就有的意大利咖啡。還是那一點，沒能力開630的門就7點開吧，quality還是重要的。

半年後, 又來了, 今早約了同事吃早餐, 店內沒有太多人, 看到餐牌...噢! 沒有了 $14 的厚多士 + 奶茶, 唯有"焗"住叫厚多士 + 炒蛋 + 麥皮 + 奶茶, $18.5! 其實不貴, 但真的吃不完! 由於走牛油, 於是多士是剛烘起, 熱熱, 微脆, 最佳吃法是伴以炒蛋, 約七成熟! 麥皮夠濃稠, 但不夠大家樂般綿身! 有人認為大家樂的奶茶較似茶餐廳, 較好飲, 我卻喜歡大快活的茶味! 同事叫了叉燒湯意 + 炒蛋 + 脆豬 + 奶茶, $26, 價錢並不平宜, 叉燒份量也不少, 脆豬也大大個, 他也吃不完, 下次要問問大家的食量...大家也浪費!

呢度既大快活...一個月一次, 例牌叉燒米....今天想吃點特別 - 肉醬意粉 + 奶茶, $27 + $5, 後知後覺....有款叫輕型的...不知有什麼不同?肉醬意粉沒有太多芝士, 不知有沒有下, 但色香味也沒有, 偏酸, 意粉略腍, 一般, 唯獨是喜歡這裡的奶茶多過大家樂, 茶味濃一點! 同事選了個鴨骴湯飯, $26, 完整一隻, 但味道跟肉質都麻麻!, 一個月後, 期待新菜式!

原來好耐都無嚟過, 今天約了舊朋友, 彬記容不下, 呢度無咩人又近近地就試下先! 每次也選叉燒米, 常叫自己要試新口味, 於是今天叫了滑蛋魚柳炒飯底, $28, 魚柳只有四五小件, 外皮脆醬唔厚, 魚肉幾滑, 但啲汁就只有怪味, 無蛋味, 真係最最難食既一次! 最 sale 係炒飯底....好乾身, 連一啲油份都無, 健康與好味之間....真係好難攞個平衡??

今天同事想轉轉地點吃飯...於是來到這兒, 以前覺得快餐店應該好平, 而家變得都幾貴!同事叫了中式 D 餐 - 粉絲蒸雞飯, $26, 樣已經唔吸引, 我就叫了叉燒魚片頭湯粗麵, $25, 魚片頭硬硬的, 叉燒肥瘦還可以吧, 單併都要 $25, 粉麵飯同價...飲品最少加 $4, 真係要帶多啲飯....慳番啲啦!

咪咪每次黎食晚餐都已經有個習慣，就係叫「點都唔落味精」系列入面最平個個飯，再加七蚊要個中湯，今次都唔例外，要左個鮮什菌蒸雞 + 白飯 + 中國茶 + 中湯，承惠 34 蚊。明明上兩次食蒸肉排同蒸豬頸肉都好地地，今次食蒸雞就好多油，而且唔係因為新鮮雞蒸完之後既油，係真係油淋淋咁。而豆卜同粉絲就索晒啲油，真係唔開胃！雞好差，就算比雪藏雞都好，比舊骨黎得唔得，全部都係雞球，仲要係雞胸，一啲都唔好食，咪咪好傷心。搞到連白飯都唔想食，食剩左，不過白飯都好抵死，硬轟轟咁。個中湯都飲過好多次架啦，仍然係節瓜豬輾湯，但係比上幾次飲多油！啖啖都係油，唔知做乜！咁多油搞到今餐咪咪無乜心機食，落咁多油要黎把鬼咩！

其實一向都覺得呢間大快活衛生 OK，但係今日近距離見到一隻肥肥大大、郁得超快既曱甴，咪咪都即刻飛去第二個位食！仲即刻叫經過既阿姐搞掂隻曱甴！咪咪叫左「無味精系列」既麵醬墨魚蒸肉排配白飯及中國茶（$27），另外要多個節瓜蠔豉豬輾湯（$7）。麵醬墨魚蒸肉排配白飯及中國茶（$27）：有負責索汁既豆卜同粉絲，呢兩樣係最入味，肉排都大大件，叫做啖啖肉，墨魚就有些少，有啲韌但勝左細細粒都咬到。全碟蒸餸唔係好重麵醬既味，咁仲好，唔會鹹得滯，而呢個餸送飯真係幾好，所以咪咪食晒碗飯！至於個中國茶，茶包極速將熱水灌至濃茶，很可怕，茶包快啲走開吧！節瓜蠔豉豬輾湯（$7）：個湯熱辣辣，好開心。入面有半件節瓜，有唔少小蠔豉同豬輾肉，都幾入味，仲有一件粟米。個湯可能無味精，咪咪唔識飲，叫做清清地唔會飲得出超甜，咪咪既媽媽話「而家係唔落味精架，落雞精架嘛」！唔知真定假？！本來想比「笑面」，因為咪咪都幾滿意呢個「住家 feel」晚餐，但係因為隻活生生既曱甴，都係比番「OK」算喇。

炸蝦煙肉燴意粉（$28）都推出左一輪，咪咪第一次食，原來都要等一陣，水吧阿姐話炸緊蝦要等。全碟意粉有三隻小吉列炸蝦，真係熱辣辣，食第一啖覺得 OK，之後再食，除左粉醬，還是粉醬，入面既蝦實在太細！不過蝦本身唔霉都算啦……燴意粉既汁有番茄同極微細（真係唔覺有）既煙肉，個汁係橙色，同平時肉醬或者鮮原茄既汁既紅色係兩回事，不過幾好味。意粉煮得過腍，無平時用檻欖油炒意粉既口感，將汁同意粉撈勻黎食，感覺極似冰室食到既燴意粉味道，不過又腍又碎……全碟意粉最奇怪既有少許椰菜做伴菜，唔係應該用西蘭花咩？椰菜都幾鹹！無乜肉既關係，咪咪清晒成碟意粉！

唔怪得平時晚市淡靜既大快活，今日會咁多人啦！凈係排隊都排到出門口，差唔多張張檯都坐滿人，真係難得一見！雖然有啲新出品，但係咪咪揀左「點都唔落味精」系列既菠蘿咕嚕雞球飯。咪咪唔知原來個飯跟中國茶，以為加 4 蚊要個低糖綠茶啦，原來轉低糖綠茶加 1 蚊就可以喇。賣相好好，咕嚕雞球其實份量都唔少，而且好熱，飯亦好熱，但係落得太多水煲呢！咕嚕雞球入面有菠蘿、青椒、紅辣椒、洋蔥同埋主角雞球。菠蘿同紅辣椒咪咪都無食，而青椒泡油都幾多，令到佢係好爽口；洋蔥好多而且炒得好腍，岩晒咪咪口味。雞球係無味既，咪咪唔會唸佢係新鮮雞肉，但係勝在嫰滑，而且個雞球面無整到成團粉醬，啖啖肉係值得欣賞既地方。Well，咪咪未食過無落味精既咕嚕雞球，所以都唔確定呢個到底有無落味精，亦食唔出有咩分別；只可以講一句，呢個客飯都有少少住家飯既感覺，比一啲平時少煮飯既人食就最岩啦！

其實齋睇個炒飯名已經好吸引，所以咪咪都無乜點考慮就點左，28 蚊有個即炒飯，都幾好啦！仲加左 4 蚊一杯少冰低糖綠茶！原來而家大快活係電腦入單，基本上買左飯之後就可以唔駛埋去水吧，坐定定等叫號碼啦！都知道即炒會耐啲，所以一路等都無出聲問有未呀有未呀？！等左一輪，之後有個廚房既師傅由外面入番廚房，佢仲好驚訝咁多單既？！咪咪心唸，唔係而家先整呀？！又等左一輪，都過左 10 分鐘有多，發現好多比我之後入單既都已經出左菜，但係個啲都係快飯，咪咪唸住再忍耐多一陣吧！之後有個男人同咪咪差唔多時間買飯既都等左好耐，忍唔住問個水吧阿姐，阿姐先發現出菜次序有問題，叫廚房跟番號碼出菜，而咪咪亦出口講等左好耐喇！！到個個男人都有得食，咪咪都仲未有，水吧阿姐叫咪咪坐低先，佢一陣再拎比咪咪。咪咪竟然一啲火都無發，安安定定咁坐低等，其實阿姐都幾好啊，終於等左廿幾分鐘，阿姐拎碟飯埋黎比咪咪，佢仲不停講唔好意思。打開蓋，嘩，豆豉唔駛錢？？全碟都有好多豆豉，走開吧！！咪咪一邊食，一邊把豆豉彈走，佢地圍起黎有動物園咁大！個炒飯係另外炒既，而三色椒牛柳絲又係另外炒，然後鋪係炒飯面。撇除豆豉，其實個賣相係幾得架！咪咪當然將所

再講晚餐。咪咪好肚餓，一入大快活都無睇新出既食物，就叫左肉醬意粉。等左好耐，可能廚房漏左單。肉醬意粉一貫味道，肉醬同意粉都好夠多，有兩片硬硬芝士同兩件西蘭花。肉醬入面既紅腰豆，走開吧！撈勻肉醬同意粉，每啖意粉都有肉醬味。可能食得太快，番到屋企個肚有少少唔舒服，慘……大快活新出左類似快餐飯，即係好似吉列豬扒拼司華力腸加蛋飯，見到人地食，好似幾好味，隻蛋仲係太陽蛋。不過大熱天時食咁多肉，咪搞咪咪！另外都見到新出左一個長通粉，比肉醬意粉貴兩蚊，都有件雞肉，下次或者試下啦！

先講早餐。咪咪既早餐係奶油多+熱阿華田。多士烘得好靚，脆口但係無燶，牛油同埋煉奶都係要自己落，分量好足夠，可以鋪到成個多士面，咪咪覺得好過食奶油豬。熱阿華田係一貫味道，咪咪呢個禮拜尾要去洗牙，唯有放棄平日飲開既咖啡。咪咪習慣飲熱阿華田唔駛加糖，因為都夠味啊！朝早既大快活，可能係放暑假關係，都一般多人。但係新裝修左，多左直背梳化位，感覺良好，係嘆早餐既好地方。

今日去城大開會...唔想去又一城, 經過順道入黎食咗先! 中午時分學生多, 我只叫了個叉燒湯米, $25, 連野飲都慳番! 其實都幾貴, 就算叉燒飯...價錢都係一樣! 今日有幾多叉燒, 而且又腍, 又七三瘦肥, 好味呀!

今晚公司要開OT, 四點幾出黎食個Tea 再直落到十一點! 跟同事一起....我叫了個叉燒湯米, 凍奶茶, $21! 我幫同事拎埋...原來佢既係要等叫number, 我想等埋佢既先拎走個盤, 服務員帶住個mask, 粗聲粗氣同我講...問我等咩...唉...下次幫襯隔離彬記! 唔記得講...叉燒太乾, 米粉都好少..., 同大家樂比...呢個唔太得!