大快活

營業中

休息中

今朝時間上有點緊迫, 本來去隔離彬記, 入到去先知剩係食粥, 今日唔得, 太熱, 於是過黎呢邊嘆下先!佢既選擇明顯地多過大家樂, 而家仲有我既至愛厚多士, 但我搵唔到一個只係麥皮配多士, 咁就唯有叫了一個奶油厚多士+ 凍奶茶, $16, 多士已叫他走奶油, 奈何他已搽上了, 不過, 只是薄薄的一層, 接受吧! 埋位是塊麵包仍然好脆, 少少地既牛油, 鹹鹹地唔錯, 塊麵包仲係留邊既, 滿意滿意! 但係杯凍奶茶就唔掂, 無茶味, 無奶味, 差差差, 笑臉係俾多士既!

之前係到早餐估唔到接近十一點幾都好多人係到食緊早餐喎!我就叫左個煎雙蛋配腸仔多一飲即磨咖啡餐!腸仔始終好過大家樂幾倍,真係會煎下,唔似得大家樂咁用熱水滾幾下就算;雙蛋大過大家樂一倍,而且煎得啱啱好,合晒我要求!多士:微熱厚厚地配牛油,從未見過大家樂會有,抵讚到爆燈呀!整個進餐感覺好好呀!

今早到這裡食左個魚柳多士早餐,同我屋企(四順區)樓下嗰間"愛群"比較;大快活真係優良得多,呢到d魚柳勁新鮮同埋係白色肉身又juice但屋企樓下嗰間又黃又乾又唔新鮮都唔知係咪"油魚"嚟架!?!?!另外,杯即磨咖啡就差少少!d咖啡頗為濃郁!都香滑ga!所以間中星期六放假都會走落嚟下一級優良ga早餐! 又乾淨又唔會好似大家樂咁嘈吵! 食早餐ga好地方!

連續三次都係我留食評, 對上一次係十月份既事...整整兩個月再次光臨! 平時叫開叉燒湯米, 今次加多一樣油雞, 唉...極失望! 唔知個師傅係咪見到我肥左...想我減下...叉燒係極瘦, 油雞就俾極"鞋"既雞胸! 下次再黎既時候要減下肥啦!

下午..唔想再係公司食....要出去啦....雖然有遠....但勝在企理無人食煙! 今日唔食叉燒米....叫左個肉粒瓜粒湯飯, $22...唔錯...濕濕地幾醒胃!

前兩日落雨...近近地黎呢度食個午餐!次次都叫叉燒湯米....不過...今次免費送綠茶一杯! $21半肥瘦叉燒好食...而且分量都幾多....綠茶淡淡地唔會好甜....岩哂我!雖然同茶餐廳比較....價錢貴....但呢度起碼乾淨少少啦同埋勝在無煙!

今朝去呢度食早餐......叫雞扒餐埋扒仲細過半隻蛋隻蛋又煎熟晒今日個師傅真係有d求其=.=''但係平時都ok0既~

其實都有好多朋友因去西貢'四順兩彩'路過呢區, 度醫肚再上路...首先講番呢間大快活地址係觀塘區坪石, 即地鐵彩虹站A出口, 走入坪石入面好易搵到. 步行不需3分鐘.近年間裝修過, match番全線大快活image, 但如佢裝得可以豪例如加卡位就perfect...講到食物, 以前大快活食物實在失望, 但自佢全線裝修, 連食物都'裝修'埋之後, 真係有所進步, 但阿活咖喱只屬普通, 反而中午套餐先係水準之作. 如普通一餐醫肚, 尤其以呢區高物價, 佢算係不錯選擇.ps. 好多fan都對呢區名稱好混淆, 其實以彩虹站為中心呢個地帶, 地鐵站以北係牛池灣鄉(B出口), 地鐵站以南一邊係彩虹(C出口), 一邊係坪石(A出口). 坪石位置在觀塘區最西端, 一路之隔就係黃大仙區彩虹. 坪石比起有成40年樓齡彩虹只係後生大概十年, 當從前未有彩虹時候, 人稱呢區叫'牛池灣', 自地鐵於79年通車後, '彩虹'呢個稱呼漸漸多人叫. 但'牛池灣'呢個名從來沒有消失.現稱彩虹舊稱牛池灣

昨晚到彩虹，聖家堂參與老神父一年一度的追思彌撒。與曾並肩作戰的姊妹兄弟寒喧一番便離開。路經老粥店穩記，及第粥套餐HK18.-，好吸引但可惜痛風發作，要戒口。最後遊蕩到坪石大快活。要了正氣的粟米肉粒飯+磨啡忌廉粟米肉粒：香滑忌念，配上豬肉粒和火腿粒,Good磨啡：香濃即磨咖啡，Good大快活，我開始對你改觀了！加油！To editor: 正確地址是牛池灣，坪石。由鑽石山步行至坪石要15分鐘^m^!