大快活 (沙田廣場)

營業中

休息中

今晚想吃炸豬排湯烏冬，所以去了大快活，因為之前在第二間大快活吃過，覺得好好味，怎知坐了不久，阿姐就係咁拖地，都唔緊要，最後終於等了差不多二十五分鐘食物先到，但個湯烏冬明明有啲煙但係啲烏冬同菜不是熱的只是微暖的，好明顯擺了很久，之後阿姐重要係你側邊一路噴清潔劑抺鏡，講真嗰一刻我真有衝動叫佢地個經理出來，但又覺得就算叫了出來又未必解決到問題，所以我只吃了少少便起身走人，一來啲嘢唔好吃，二來我怕佢啲洗玻璃劑噴到我的食物上，我想問問這是一間餐廳應有的對侍客人的態度嗎？

睇廣告見到大快活新出左個懷舊銀針粉下午茶餐，一直好想去食，細個果陣好中意食銀針粉，可惜而家已經無乜邊度有得食啦。呢日出去做野咁岩有大快活係附近，就一於去試下，叫左個三十幾蚊既茶餐，有銀針粉，燒雞翼，同冰凍綠茶，個銀針粉份量好多，其實幾抵食既。以前大快活既燒雞翼係好好食，而家就差左，比較乾身，銀針粉入面加左d菜絲，火腿，雞蛋，好有懷舊感，味道咸中帶好微既甜，都似以前果種味，炒得好香口，但就偏油，但總括味道好唔錯啊

路經沙田廣場， 可能係午飯時間，所以人流很多， 使我記得要食午飯了，裏面原來現在已很多食肆， 但看見有一間在香港陪伴成長的快餐店， 很耐沒有食他了[ 大快活 ]， 所以便進去看看有什麼午餐食 環境保持以往的昏暗場景今日選擇了一個四寶飯配以熱咖啡一杯，如果只單看賣相可算不錯，但其實味道真的只是一般快餐店水準，和以往的差很遠， 其他唔講，只是咸蛋已經沒有味道，飯沒有口感，這個所謂套餐也要46元，真的有點貴這一杯咖啡對他絕對沒有期望，單用鼻子聞已經沒有這種撲鼻的感覺， 今次的感覺畀我覺得，現在的大快活已不是做我們本地人的生意，只為咗啲遊客醫飽肚的算了⋯⋯

啲嘢又貴又唔捨得畀人食、咖哩牛腩又淡而無味 、又凍又要自己捧餐！唔會再幫襯囉。差到冇人有…… 餐飲包嘢飲。 咖哩牛腩有冇味仲話係極品一啲都唔好食點解唔改進呢淨係識收錢！

今天因為有太多野做，所以沒有吃早餐，提早出門，就坐上巴士到了沙田，我對沙田並不熟識，所以在新城市廣場，行咗好耐，發覺原來大部分餐廳都要開11點，結果要問人，之後找了很久才找到這裡，估唔到來到時買飛唔多人，反而攞野要排長龍，結果等了4－5分鐘先可以攞到，可能係全塲爆滿。我㨂了鮮茄雞扒湯米粉，我覺得湯底的味道，帶著很多鮮茄味道，酸酸地，都算鮮甜，雞扒冇乜特別，煎過表皮不過已經俾湯浸軟，米粉都可以，凍央就都算濃，整體都算合格。

晚上一個人晚餐，又要快，又唔想孤獨食，最好去快餐店。今晚我就去左沙田食大快活，無錯，快餐店！去到求其叫左個咖哩飯，一個人晚餐，基本上都無咩要求。但求快快趣食飽走人。可能係咁原因，所以覺得食物質素一般。咖哩味道是可以，但份量就唔得，太少！作為一個大食既男仕，食完都唔會飽，感覺上仍然肚餓。仲有可能是晚市比較旺，搵好耐都無位。我只是一個人都咁難搵，如果一群人就更麻煩。好彩最後都有位子，好又一餐，唔好又一餐啦！

大快活的早餐時間至十一點半，比其他餐廳遲，令我咁遲來都可以食到。揀左粥配炒麵，無咩特別的，粥好似水咁稀，不過都有啲料嘅…炒麵有點乾同油，又好少餸，不過價錢平，所以唔點要求，都算 OK 啦。

突然下暴雨, 冇帶傘 只好去避雨提早吃晚飯。咖哩牛腩飯 $47今日食到呢個咖哩牛腩飯, 咖哩汁嘅份量好大, 飯都好多, 個咖哩汁都算唔錯, 個汁好濃, 唔會係水汪汪淡茂茂咁樣唔夠味道, 亦唔會係杰撻撻到好似漿糊咁樣, 味道唔算太辣, 牛腩煮得好淋好入味, 薯仔都係好淋好入味又唔會話煮到散曬, 唯一可以有所挑剔嘅就係呢個咖哩嘅油份量比較多咗少少。都想講一講過咖哩汁係食到有花生嘅味道, 其實唔知道係印度風味, 還是南洋風味嘅, 但我肯定可以話佢唔係清真咖哩嘅味道。

眼上一條友就自己去大快活開餐。見有個打邊爐餐唔係太貴咁就整返餐。八十零蚊有肥牛食算係咁啦啲肥牛都算多有成八九塊。仲有啲金菇都幾新鮮，先似係街市買嘅。仲有越式扎肉都算幾多，食落有幾香口d 扎肉，咬落口感鬆軟，味道鹹鹹地咁。加埋個道停烏冬，剛剛好夠飽啦。仲有啲D蔬菜,新鮮得來都算有菜味。＄86算係咁啦

好耐無食咕嚕肉，掛住酸酸甜甜既味道，就來大快活滿足一下，叫左菠蘿咕嚕肉配飯，39蚊，還快就可以到櫃領取，睇個樣唔錯，但係發覺肉得幾舊，其他全部都係洋蔥，不如改名叫菠蘿咕嚕洋蔥？咕嚕肉外面酸酸甜甜既汁唔錯，都算好味，但有d油，肉出面麵粉超厚，無咩肉飯份量ok，我叫左少飯，唔想浪費，但係肉真係無乜，已經得幾舊喇！但係每一舊有一半係炸麵粉，真係很失望囉

晚上沒太多考慮下，到了大快活看了餐牌。大型鎖鏈店快餐，總會有合心水的款式。最後，點了咕嚕肉飯作為我的晚餐。不知道是否很久光顧的關係，原來現在購買完食物後，可坐回位置上。不用排隊拿食物，而是有服務員送到枱上。看樣子，服務模式原來逐步轉變中。咕嚕肉飯份量頗多，咕嚕肉及配菜也很足料。咕嚕肉全肉，沒有骨在內。糖醋汁足夠均勻在每塊上，肉質香脆，糖醋汁酸甜得宜，醒神開胃。以四十多元的晚餐，沒太多挑剔，味道合乎預期。白飯相對較為乾身略硬一點，一般在外餐廳附送白飯，只是用小碗盛載著。這間白飯猶如平日的兩碗白飯，相信男士們會飽肚一點。作為大型連鎖店快餐，服務及食品質素均合乎預期。平日晚上，也容易找到位置進行晚餐。

放工落左旺角,越近月尾越唔敢用錢,所以同朋友食飯都係簡簡單單大快活食左個鐵板牛柳,估唔到味道都唔錯,無中伏牛柳好香好滑,無乜根位,算係良心之作,上黎果陣鐵板好熱,倒汁落去灑得好勁而且幾大份,幾抵食腸仔都好脆好香口配菜好新鮮,無HEA做.係最衰無薯仔姐,如果唔係仲抵食D

新年氣氛熾熱,人人爭在街上辦年貨,制上人頭湧湧,我也要找地方休息一下避一避跟朋友來到附近的大快活,吃個午飯吧咖哩炸豬扒飯,色香味美,引死人了炸豬扒相當香脆,雖然知道熱氣但仍是阻不住的而且肉質鮮嫩,咬口一流咖哩味道也是十分香,拌起飯起相當不錯不過可能今天行了太多路,不夠飽肚,要再到其他地方吃東西$36,算是抵吧

放工已九時，突然想吃港式咖喱一份量ok，女仕來說已足夠，但你可加飯，只要和收錢員講一聲就O k，咖哩汁辣度適中，吉列魚炸得好脆好滑，最buy就是配菜薯仔，好creamy好香，我要多D汁要來送飯，佢就合我心義。

早餐價錢有平有貴，大快活都有平超值早餐$23.5抄滑蛋，好滑，用牛奶令蛋的本身超軟滑，好juicy，厚多士好大件，可加其他醬料，今次要了牛油和花生醬，粉類選了火腿通粉，通粉加濃濃的雞湯，吾太咸，令你食指大動再加一杯香濃咖啡，這店的咖啡幾好，奶味適中，吾會創了咖啡本身的原味，而這個價錢算超值。