大快活 (Citylink)

營業中

休息中

呢排日日返工lunch都食大快活，我諗緊我好唔好開個大快活小專題，今日就食咗個焗豬扒飯，我自己就覺得大家樂嘅焗豬扒飯好食嘅大快活，因為佢塊豬扒嘅份量沒大家樂咁多，同埋啲菜配菜都唔夠多。

最近發生一啲事，心情唔好。都冇乜胃口出去食好西，屋企又冇飯食，唔知食乜好，唯有落樓下大快活是但叫個平時食開既咕嚕肉飯就算。色就好靚，但粉都又多，肉又鞋鞋地。唔知係心情唔好唔想食，定係今日大快活煮得差左而唔想再食。

午市少到好似下午茶咁，有冇搞錯，冇大碗就咪學人做火車頭👎🏼👎🏼不知所謂，越做越衰牛丸一粒，肉一舊，牛拍葉2塊，D送真係貴囉，做唔到就咪學人做啦，永不再幫襯！！

大快活近年主打健康路線。除咗少鹽少油少糖之外。近年亦推出咗一系列嘅紅米飯。為一眾想食得健康而又無時間自己煮嘅人多咗一種選擇。見最近新年食得比較多。今日又焗住要食外賣。咁就選擇咗大快活嘅雞胸紅米飯之前都試過減肥而餐餐食水煮雞胸。食到有少少驚。但無計。新年過後的確要減。首先個飯的叫咗少汁。因為汁往往都係最致肥。但無汁嘅話又好難入口。雞雞唔會話完全無味。佢都有加到少少調味料嘅。入口都唔會話鞋。至於紅米飯就係我嘅至愛。好好食

今天途經大快活快餐店，真意想不到現今煲仔飯竟然可以外賣！二話不説，便進店試試外賣買我最喜歡吃的煲仔飯了。外賣煲仔飯只是另加$6便可連煲一起帶回家。後來得知，若日後退回瓦煲，更可慳回$6。等了大約十分鐘左右，我便拿著一個非常貼心的外賣盒回家。～臘腸冬菇滑雞煲仔飯一打開瓦煲蓋，一股熱氣湧出來，頓覺滿足。淋上煲仔飯豉油更香溢四射。這個飯的材料豐富，計有冬菇、滑雞和小臘腸。醃過的連皮雞件仍是滑的，味道恰到好處。吸收了雞和其他材料味道的粒粒飯，連同底部的飯焦便是煲仔飯精華所在，令人不期然一啖接一啖的吃掉整煲飯。雖然近日已進入秋天，但氣溫仍是三十度有多。在這炎熱的天氣下，吃熱騰騰的煲仔飯仍覺滿足。

要搵間「黃店」食飯其實唔難，簡簡單單去 「大快活」就可以，又平又大碟又好味。鐵板控肉炒飯 - 跟一杯餐飲， 餐飲我選擇咗低糖凍綠茶，味道香香甜甜又唔會話 黐口，做為餐飲就好合適。控肉(豬腩肉)又香口又入味，每件都厚薄適中，有咬口感又唔會話太靱，又有鐵板熱著，有溫度就感覺到特別香口，加上味道鹹鹹香香嗰啲肉碎，仲有就係熱辣辣又有夠鑊氣嘅雞蛋炒飯，樣樣配合都好好，真係perfect。家陣仲有埋送餐服務，唔使自己一個人行去拎，因為我隻手冇乜力，又平衡唔好， 真係食得開心。

今日朝早出沙田有啲事要搞，辦完事之後已經非常之肚餓，嗱嗱聲去食返個早餐先搭車走。沙田火車站上邊呢間大快活，永遠都係好多人，今日係週末有更加唔例外，拎餐排左超耐隊。今日咗雞扒拼脆皮腸餐，再加多個麥皮。因為有麥皮，所以多士我就轉咗做蘿蔔糕。脆皮腸係唔錯嘅，今日個雞扒就比較細件少少，但煎得幾香口，個汁就唔係橙色一劈個隻，反而係好似滷水咁嘅比較稀啲嘅質感，係比較少Ｄ。蘿蔔糕OK，係食得出有臘味嘅味道，係又係超細件。因為只係食雞扒係冇可能會飽，所以就再加左個麥皮。麥皮本身呢佢地就無落糖嘅，但係我叫佢攞煉奶，加埋煉奶，係好香好滑，當然比屋企自己煮嘅好啦。而家可能食嘢比較貴，一個餐加一個麥皮要加$7.5，全部野加埋都要$41，其實都幾貴，所以都係偶然放假先食下啦，唔怪得佢都要整個每週特價餐啦。

難得今日可以早少少放工，番Shatin去做gym, 當然把握時間做耐dd，放工left就番沙田食dinner, 一支公，吾會想食d好遠又煩嘅野食，最緊要就係方便同快。所以揀番係連城廣場食，無咩選擇，所以就求求其其，去食大快活，無要求，求飽肚，完。叫左個四寶飯，價錢就適中啦，四十幾蚊，正常la, 包一杯熱飲。黎到，個樣都ok，有叉燒，有雞，有紅腸，最重要係有咸蛋，就甘送飯都夠照。略嫌d飯少左少少，可能送幾多下。味道吾錯。時間方面，由等買，到買，再等黎，到食，應該可以20分鐘搞掂。

今天在大快活買了一個外賣飯盒作晚餐，選了蒜香豬扒拼雞全翼飯和一杯咖啡。打開飯盒覺得賣相並不吸引，但原來吃過之後便知道味道不錯。最難得的是飯盒內有許多蔬菜，椰菜、青豆、紅蘿蔔條，全部煮得恰到好處，不會過熟或過硬。蒜香豬扒醃得入味，有咬口又不會韌。雞全翼竟有兩隻，份量不少。鹵雞翼雖然不是太滑，但味道討人。大快活的白飯也過得去，是一粒粒的。白飯加了醬油，突顯港式飯盒，不用餸也容易吃下，但個人卻喜歡不加醬油的飯用来配豬扒和雞翼吃，因已夠味了！$42 的一個飯盒加一杯飲品作晚餐確實便宜，怪不得快餐店常常也擠滿食客。

2019年2月23日星期六今日要去沙田番工，連續三曰約埋同事食早餐才出發。職員幾有禮冇影到相，因為唔係太吸引。叫咗個番茄雞扒湯通粉加杯奶茶。通粉唔係太熟。雞扒有少少雞臭味只有奶茶係最正常如果唔係太趕時間就唔會鼓勵去呢間大快活

十多二十年前，大快活的出品總給我一種「劣」的感覺，唯一可以吃的東西是下午茶炸雞肶紅豆冰。今晚，心血來潮想吃個鐵板扒餐，於是再比多個機會大快活，點了一個黑椒雜扒鐵板和咕嚕肉飯，兩個餐連飲品只是一百元鬆d，比起很多茶餐廳的晚市價格便宜得多。先講黑椒雜扒鐵板，有牛柳、豬扒、雞肶、珍寶腸，再配粟米肉粒飯和飲品，份量相當很，足夠一個大食的男人，而味道已不再「劣」，肉有肉味而不是鬆肉粉味。至咕嚕肉飯，更有酒樓的質素。這餐真是對大快活的印像完全改變。

今天做完運動後，已過了二時，便到大快活買了兩個茶餐回家。大快活下午茶餐二時開始，選擇很多，各式其式！選餐都花時，最後作出決定便隨即買票！拿著票子等了幾分鐘便拿到了外賣。回到家後，打開食物，二人便吃個痛快！好久沒有吃的燒鴨瀬粉特別美味，今天的燒鴨一點也不肥，而且全是肉，鴨皮燒得特別香，加了生菜，真是錦上添花！低糖綠茶夠冰凍又清新，非常解渴！😋碗仔翅的材料有粉絲、木耳、少許瘦肉和蛋絲等，味道濃郁。加了紅醋，倍增味道層次！燒雞肶的香氣散發出來，令人一啖又一啖的吃下整隻了！只花了六十一元便能吃過痛快，絕對是超值。

為配合糧尾，食大快活啦，由 tea time 食到晚餐。首先食左全場最平的 $24 tea set ，醫醫肚先。沙爹魚蛋 + 碗仔翅有沙爹魚蛋，完全瓊漿，完全唔彈牙，冇魚味，好失敗。不過飽肚的，鬼叫你窮咩⋯⋯碗仔翅，呢個好D，多料多粉絲，唔會漿口。Tea time 人唔算多，都 ok 好坐。食完tea 已經晚市，再叫個主角。十幾分鐘啫，揾食人潮已經沖曬入屋。明顯見到收銀同廚房即刻做唔切，由於已有個tea 打底，當然坐埋一邊安安落落慢慢等阿姐送餐。今次食㷛仔飯，但旁邊有隻吉碟仔，唔知攪乜？ 近鏡，超污糟，似隻未洗的碟.... 阿姐話應該係㷛仔豉油，佢哋出菜時手忙腳亂俾錯左啫⋯⋯ 見到一單，見唔到既不知有幾多單，想增強腸胃抵抗力人仕請進。Delete 了不愉快記憶，個㷛仔飯其實都幾 ok，至少好過 tea set 很多。排骨夠淋唔韌，臘腸very good , 有飯焦，整體味道可以的。

今日沙田度度都有人排隊食野，因為想簡簡單單，唔想排隊，決定食快餐，就可以即入即坐低，於是我地就去左連城既大快活。呢度大快活位置唔算少，不過變相枱同枱之間既空間就略嫌有點窄，坐落無馬鞍山果間咁舒服。叫左個肉醬意粉，驚喜既係，呢間大快活上菜時，會連埋浸在暖水既餐具一同送上，好貼心！意粉方面，基本上間間味道都咁上下，係有特色味道既阿活肉醬意粉，茄汁味特別出。特別既係，今次食落會覺得有dddd酒味。雜菜方面，我就唔太鐘意呢d菜，比較prefer西蘭花。份量方面，剛剛好，唔會太多，都唔會唔夠飽。仲默認附上暖水一杯。大快活既服務真係不得了

講真味道又唔係話有咩特別驚喜,但好就好在乾淨企理而且有碟菜食,如果係茶記既話好多時加碟菜都要十幾廿蚊.另外新果個等餐系統幾好,擺個電子版係檯上面就Sense到你坐邊,有呀姐拎野食過黎,比一般快餐方便