大快活

營業中

休息中

今日朝早出沙田有啲事要搞，辦完事之後已經非常之肚餓，嗱嗱聲去食返個早餐先搭車走。沙田火車站上邊呢間大快活，永遠都係好多人，今日係週末有更加唔例外，拎餐排左超耐隊。今日咗雞扒拼脆皮腸餐，再加多個麥皮。因為有麥皮，所以多士我就轉咗做蘿蔔糕。脆皮腸係唔錯嘅，今日個雞扒就比較細件少少，但煎得幾香口，個汁就唔係橙色一劈個隻，反而係好似滷水咁嘅比較稀啲嘅質感，係比較少Ｄ。蘿蔔糕OK，係食得出有臘味嘅味道，係又係超細件。因為只係食雞扒係冇可能會飽，所以就再加左個麥皮。麥皮本身呢佢地就無落糖嘅，但係我叫佢攞煉奶，加埋煉奶，係好香好滑，當然比屋企自己煮嘅好啦。而家可能食嘢比較貴，一個餐加一個麥皮要加$7.5，全部野加埋都要$41，其實都幾貴，所以都係偶然放假先食下啦，唔怪得佢都要整個每週特價餐啦。