大快活

營業中

休息中

3月6日哈哈 今晚又到大快活食啦 原因係一個字 懶我叫咗吉列魚扒飯配香滑粟米汁‧酥皮湯$36(有cupon 所以$30)吉列魚扒脆卜卜 好食 粟米汁用黎撈飯都幾好 我幾鍾意酥皮湯原來係我唔鍾意既羅宋湯 所以我正係食咗塊酥皮 湯就比媽媽飲酥皮好難唔好食 所以都冇好講 媽媽話湯都唔太差媽媽既係菠蘿咕嚕魚塊配白飯‧中國茶$30(有cupon $24)呢個同我琴日食既冇咩分別 只係豬變魚我食咗兩舊 都係覺得太厚粉 好似我既吉列魚扒好食D爸爸既係鐵板黑椒牛肉炒麵$28+$7配凍奶茶(有cupon $29)食咗舊牛肉 雖然冇牛肉味 但黑椒汁印幾惹味 麵脆卜卜 都唔錯講真 食物同服務都麻麻 不過有cupon 所以食都無防

3月5日今晚既冇煮飯 見得番大快活既cupon未過期 所以就同媽媽兩個人落街食媽媽有感冒 好多野都唔食得 所以最後簡咗個鳳爪排骨蒸飯配小棠菜濃湯煲$35(有cupon減$6 折實$29)媽媽話驚有味精 所以比咗小棠菜濃湯煲我食小棠菜好林 我唔太鍾意太林既菜不過湯就幾好飲 粉絲吸晒湯既味好好食鳳爪排骨蒸飯媽媽話D飯硬到好似未熟咁 我食咗舊排骨 肥肥地 唔錯我就要咗個菠蘿咕嚕肉配白飯‧中國茶$30(折實$24)咕嚕肉都幾厚粉 但都幾脆 汁甜甜酸酸 好醒胃 我鍾意 豬肉半肥瘦 都唔差

今晚媽媽同家姐都唔番黎食 所以費事煮 直接落街食因為有cupon既關係 所以同爸爸去咗水準一向麻麻既大快活香脆豬扒飯配咖喱汁及熱奶茶$28(原價$34)呢個係爸爸既 杯奶茶比佢攞咗去飲 所以冇入到鏡豬扒好大塊 但爸爸話質數好差 食咗半塊就比咗我我覺得就普通炸豬扒咁味啦 都唔係咁差 都幾脆 算係咁啦酒燒紅燒魚塊煲配白飯及中國茶$27(原價$33)呢個係我既一拎到黎 哇!都相當大煲喎打開 睇落份量唔係話好大 但食落就知真係幾多就咁豆腐都有四五舊 魚塊更不下十件 但多並唔表示好首先 個餸冇咩汁 感覺乾淨淨豆腐炸得個皮有少少硬 而且入便既豆腐好少 但食豆卜多D魚塊算係比較好 粉唔似以前咁厚 而且魚肉食落幾新鮮成個餸都帶有油香 餱下便有少少汁 攞黎撈飯都幾好總括黎講 價錢同質數尚算成正比 $55 兩個人 唔可以強求D咩

早餐: 你要喺度食早餐，先要排隊7-8分鐘買飛，然後又排7-8分鐘攞嘢食，攞到嘢食分分鐘重要等位！簡直浪費時間又無效率！重攪笑有D人為咗快D，選擇排另一條無咁多人排嘅外賣隊，買完之後又拆袋堂食！的Staff浪費時間白白同佢打包又唔環保，重要呢個奇景喺嗰度係好普遍！講返啲食物，早餐嘅腸仔佢用啲又潺幼嘅Cheap腸，我情願佢用返茶餐廳用開啲雞肉腸重好；啲牛扒重激氣，我見過最細塊嘅牛扒得寸半乘四寸大，又薄又乾都重攞出嚟賣，呢個情況我投訴過一次，又見人投訴過，啲Staff通常都同你換嘅，之後又比返第個客，(我認得啲扒樣！):午餐: 雖然好近我住嗰度，但我未食過佢午餐(算佢好彩！)晚餐: 大快活最差係牛扒！我又係衰，我鍾意食牛扒，嗰頭無得揀又試幫襯佢，點知佢比個早餐Size牛扒我，又薄又乾，薄過我隻尾指(我手指都好粗) ！點食！重比成 $50個餐！(唸返起都有啲慶！) 我又試去投訴，個Staff又好快夾過件比我(咦？乜唔係即嘅咩？) 但係都唔好得好多………. 令我非常失望………我見過大家樂嘅牛扒好有水準，但係佢呢度連茶餐廳都不及……….. 唔想寫啦…………

今日又同媽媽去咗大快活食野啦我諗我都差唔多試曬佢d野食架啦我既係滑蛋叉燒炒河加欖油灼菜因$30彧以上先有得平 而滑蛋叉燒炒河係$28 所以我加多個菜加菜要加$6 cupon又係平$6 所以最後都係$28講番味道 攞到埋黎 睇落都有幾多叉燒 不過好似好瘦咁我都係鍾意肥叉多D 不過食落又唔會好乾好鞋既但係 唔係滑蛋叉燒炒河咩 蛋呢??唔見既我正係見到一pat獻同埋勉強咁見到有D蛋絲咁啦不過其實個汁既味道都唔差既 係我自己唔鍾意濕既河粉姐我始終都係鍾意乾身既河粉 好似乾炒牛河咁而且 呢碟炒河毫無鑊氣可言 D炒河勁油 但係又癡埋一舊舊總括黎講 唔合格 亦都唔會再食欖油灼菜方面實物比相既顏色黃D 意思係唔係太新鮮 食落就普通菜味啦有少少甜甜鹹鹹既汁 點菜幾好味 $6 收貨啦媽媽既係蝦仁韭黃炒蛋配白飯炒蛋好滑 比得起早餐個陣咁滑 但係比早餐既炒蛋少咗陣奶味冇咁香濃 蝦就完全冇蝦味 其實可以話冇味 雪藏蝦 係咁上下啦

好耐冇同過爸爸兩個人一齊食Lunch啦今日佢放假 就同佢一齊去大快活Lunch講真 食大快活真係有點食到悶 不過冇法啦成間商場 得兩間食鋪 大快活同McDonald's本來重有兩間茶餐廳既..但係執咗............唉!爸爸要咗阿活咖喱豬扒飯大快活強調佢塊豬扒成尺長但係..........好似唔係好大塊咁喎 係正係我地呢塊定點呢???不過其實味道唔錯 炸豬扒難食極有限啦 不過我略嫌佢薄咗D我又例牌食鮮原茄香煎龍脷柳因為我覺得味道真係唔錯今次有三塊龍脷柳呀 比之前多咁一塊好開心 希望佢唔係賣唔曬比我架啦龍脷柳切出黎係白色既而唔係粉紅色 證明都尚算新鮮而且完全唔腥 又有魚味 粉唔會過厚 重好香口 唔錯蕃茄微酸幾開胃 個汁因為落咗糖所以比蕃茄甜 撈飯都幾好總括黎講 今次食物水準唔錯 可能因為冇其他餐廳 大多數人去曬大快活食 多人食野 野食可能新鮮D掛

呢個焗飯可以話係我係大快活既首選有4至5舊魚塊 講真 魚既質數麻麻 太厚粉 但我又鍾意食喎白汁可以話係我既Favourite 重要係焗飯tim 我好鍾意係炒飯架咁既配搭 又點會唔成為我既最愛喎我唯一唔鍾意 就係佢有洋蔥不過唔大影響 因為D洋蔥味都唔會滲落D飯度

之前食過一次 覺得唔太合自己胃口 所以一直都冇衝動再食但今日 又好想試多次 咁就要咗呢個啦賣相比之前靚咗 不其然對佢既信心都大咗芝士汁冇上一次食到既洋蔥味 好開心同埋我最鍾意既係 佢真係用芝士汁 而唔係白汁雖然我都好鍾意白汁 但相比之下 咁梗係有埋芝士香D啦意粉唔再係凍 亦都叫做有進步但係雞重係好厚粉 而且D厚都重係好硬 要多加改善今次比我既感覺係進步咗 有機會會再食多次

今日唔係自己一個食Lunch啦因為又有cupon 所以同媽媽去咗我地家既飯堂大快活度食我叫咗個滑蛋粟米魚塊配白飯我愛魚 但只限於魚柳 斑腩 龍脷柳 蒸魚??咪搞我講番食物 先講魚 比以前有進步 唔會再係啖啖粉 而係見到魚肉雖然某一D都重係超厚粉 但都算係唔錯而且份量超多 起碼有成十幾陳舊汁個方面 唔係粟米汁 係一D粟米粒加一D透明既獻味道唔錯 但略嫌鹹咗少少 但用黎撈飯就剛好但唔知點解食落有D油膩既感覺媽媽就叫咗個鮮原茄香煎龍脷柳飯龍脷柳縮咗水 我上次自己食個陣先好開心話D魚大咗好多上次我食有兩大塊 又厚身但今次就得番一塊中型size同一塊比較細舊既魚不過媽媽話好在佢細食 夠食就ok不過最後媽媽都係食唔哂 個舊細舊D既 就益咗我不過味道都係比上次食差 有少少腥 不過媽媽話佢個舊就冇腥味我見到對面食咗個南瓜焗雞肉飯 好似唔錯等我下次都要試下先

我終於搵到點樣提供餐廳資料比ｏｐｅｎｒｉｃｅ啦咁我以後就唔洗係其他分店度寫食評講真　雖然呢間大快活既食物認真普通　但係佢又成為咗我既飯堂今次我簡既係薯仔炆滑雞記得以前食過　但味道唔好食　今次想試多次　睇下有冇改善但結果都係失望首先講咗薯仔先　薯仔令我好滿意　夠淋而且夠沙　份量又多而且大舊　我好鍾意但雞就唔多掂啦　太細舊而且得４至５舊　重要勁大陣雪藏味　好腥　可以話難食不過比面薯仔　我就唔比喊面啦