大快活

營業中

休息中

自已真係都唔算要求好高嘅人，食得快餐，預咗普通，但係佢直頭臭到爆，勁臭up味，完全食唔到，好似擺咗幾日咁。叫咗個叉雞飯， 叉雞勁咸， 啲配菜勁臭媽咪叫咗個素菜飯，啲菜都係臭嘅，完全食唔到，酸縮味，垃圾味。阿妹叫咗個焗豬扒飯 ，勁乾，茄汁勁酸 ，好難食，但起碼冇垃圾味 ，但啲肉都係好似擺咗幾個月咁，真係求其買波仔叮飯 ，或者食麵包， 都好過食佢。真係超級痛苦嘅晚餐經驗， 以後都唔會再食佢， 直頭令我對大快活嘅印象好差好差。點解做飲食可以做到咁離譜。

蜜汁燒雞脾飯 $33 ,送熱飲, 經濟~!!!雞脾及燒汁 (另可選黑椒汁) 不油膩佐但香脆,及不燶, 配汁的份量剛剛好夠送飯白飯的份量適中 (及另可添飯,如不夠食)只是伴菜凍了一點...唔夠熱員工禮貌都OK....識得回應及打招呼想下午有個簡單,經濟而有飲品配的午餐 (要求不高的), 值得一試

沒啥胃口 去了大快活簡簡單單食個飯就算因為不想浪費就叫了少飯晚上時間 店員送餐 正好方便不舒服的我餐送來的時候已經有杯水 不用特地叫店員給飯量確實少了很多 所以叫少飯的時候要想清楚蝦仁炒蛋挺滑的 「唔落味精」系列所以偏淡 食返蛋本身的蛋香蝦仁還挺多的

以同類型快餐店而言 我一向挺喜歡大快活的尤其它的下午茶和咖哩不過這次中午我選了沙薑雞 包飲品（選了低糖綠茶）這道菜的重點當然是雞按着不同的部位 肉質有較嫩和較粗之分但以整體而言 還是偏嫩的調味的話 味道偏鹹 但可接受 配飯不錯如果吃較淡口味的就別再點醬快餐店的標準來衡量 算是挺不錯的了👍🏻

🐷豬扒+芝士腸 鐵板餐 $55豬扒好大塊 唔韌 幾淋不過都係之前款炸豬扒好食啲😛芝士腸真係會有芝士流岀黎架😋------------------------------🎎韓式燉雞鍋 $50個湯真係有蔘味 但咸左少少 不過係ok既雞有半隻 好淋 用筷子可以好輕易將佢拆肉唔錯😌

隻雞翼愈黎愈瘦 好陰功🙍🏻西多士剛炸起 上面仲有一點點泡泡配埋牛油 煉奶 糖漿 勁邪惡😵雖然幾好食 杯咖啡又ok 但$29真係好貴我會情願食返m記😶Btw, 佢而家加配個啲小食冇樣吸引😒

屋企無飯食決定一個人買外賣返去食因為而家夜晚戎食澱粉質所以係屋企樓下行左好多個圈R爆頭都諗唔到最後決定去食大快活見到沙薑雞心郁郁就買左黎食沙薑雞(半隻)$59再送埋個例湯沙薑雞仲有個白飯跟我分開左佢 用黎聽日炒冷飯用半隻都有6-8件雞肉滑溜 薑味道清新最衰唔食得飯 配飯應該一流一個人食外賣唔算慘起碼食到好味既沙薑雞 yummy

唔知食咩好，經過大快活見有梅菜扣肉飯，諗住依樣野唔會衰呱？...點知中伏，算係我食過最難食o既梅菜扣肉飯....菜同飯都凍既...梅菜冇味....扣肉超硬，飯一舊舊.... 錯...一次夠了..

果日好想食牛...本想自己去買塊黎煎但又吾想搞咁多野..所以便來了一個"錯"大快活的鐵板餐...大約有多於10年時間冇食過..因為人大左..食STEAK緊係去OUTBACK果D食...價錢合理之餘又好食但今日一條友又想食...只好來一個算係好很抵食的鐵板餐...有牛之餘...仲有雞比扒 (好貼心幫你去埋雞骨)仲有位細細的飯...(其實有點多舊魚...)盒飯食左2啖就冇食了肉方面,牛, 以這個價位可以食到一個咁有份量的餐其實我都吾可以對塊牛有咩期望肉質好淋身, 肉味還算是有一點點牛味如果以牛扒來作招來的話建議大快活用靚少少的材料,而不是配上一件雞比扒作結如要雞比扒同牛扒來作比較我還真的覺得雞比扒好似稍勝一籌但講真...五十幾蚊比你食到咁多野又真係好很抵~

這是我最喜愛的下午茶之一。首先，講下隻油脾，食得出係燜左好耐，入曬味，而且煮得好腍，一咬落去差不多就骨肉分離，雞脾本身肥瘦適中，只帶有小小肥膏o係雞皮度，雞睥又幾大隻，可以食得飽一個細食既人。另外，當然唔少得本人認為幾乎係最高質素既紅豆冰，紅豆份量好多，而奶既比例都好多，所以整杯野都好濃味，而大快活既冰係採用碎冰，方便食家去進食，一啖里面包含左紅豆，奶同碎冰，口感非常之豐富。

好啦又喺到食下午茶嘅時間啦，眾所周知鯉魚門廣場真係真係無咩好嘢食，咁真係無辦法我又要再做多次回頭草食多似大快活茶餐………今日嘅主角就系街知巷聞嘅你好多事啊唔係係厚多士先啱！得啦我知old news is so 唔識串不過唔好咁快嫌小弟煩膠唔睇落去，畢竟呢度都係飲食台，聽埋我講多陣先話我都未遲吖～主角話咁快就送到喇，睇返個樣原來厚多士又真係幾厚幾多喎(笑點高嘅ching請高抬貴手)，都有一般我哋係麵包舖買到嘅方包嘅85%size，厚就大概2塊方包疊埋一齊咁厚，麵包表面睇上去就仲係白白淨淨，似乎烘得未夠火候，略嫌美中不足 。咁大快活就送咗一細罌花生醬同埋煉奶。花生醬個人覺得太稀(睇相)搽係易搽不過味道始終都係淡茂茂。煉奶就一般啦，冇奶味得個甜字，不過快餐店嘅醬料就唔好要求太多喇，食得落就算。食喇食喇，不得不讚一句物不可以貌相，雖然個邊睇上去唔係好脆，但係食上嚟就索索聲好似咬餅乾咁，好正中間白麵包部分都系保持住硬身嘅，同埋混醬一齊食味道唔錯，甜甜地又唔肥膩，整體嚟講都ok嘅。咁小弟好多事咁就寫完呢篇厚多士食評喇，會唔會覺得我真係好多事呢～(自膠)

鬼叫油塘地鐵站隔離冇嘢食咩我逼於無奈之下做咗次回頭草又食番次大快活，今次食嘅係雞翼茶餐，有樣嘢值得一提嘅就係上菜比之前快咗好多，基本唔使點等都有得食，有進步唔錯，啲姐姐又冇嗌交，都算係咁～俗語有云：燒雞翼我鍾意食；吾亦曰：凍雞翼我至憎食。乜有理由一盤啱啱攞出嚟嘅雞翼會喺凍冰冰架？我親眼見住佢由個盤度夾出嚟但喺咬落口係涼浸浸(？)，消暑一流，不過好彩啲肉係熟嘅，又唔算太嚡，仲有少少香草鋪下面咁(唔擘大眼睇都唔知佢落咗香草，掩飾工夫一流)，食落去偏油膩，有啲梅但係好巧妙咁比味精冚咗大半，骨多過肉，不過諗吓喎，唔使廿蚊，自己係咪都應該收斂吓呢？總結：如過大家樂撈埋整戰機戰艦，可能係世界上最好，自己參透吓～

下晝三點三又到喇，梗係蛇返個王食個tea啦，恕小弟無知，鯉魚門商場唔想食炸嘢就剩返呢間，好啦下午茶時間無咩人但系因爲櫃檯姐姐之間嘈交足足等咗五分鐘先有嘢食我忍我忍我忍忍忍!!!終於有得食，今次嗌咗個雪菜肉絲米茶餐。與其話喺雪菜肉絲米，不如叫雪菜6粒肉米仲貼切，無咩肉落過肚之餘，雪菜仲係冇乜味(係真係無咩味唔係冇雪菜味咁簡單)，湯底似係生抽溝水加麻油，清清哋懶係健康咁，米粉呢鋪勁啦，我見唔係好肚餓諗住打陣機先食，過咗成兩個字仲喺勁彈牙爽口，好食就好食嘅(我講口感)不過睇個樣落嘅添加劑都唔少，食少咗味精油鹽但係食左成肚添加劑，賺返嚟嘅健康都唔夠蝕俾佢啊唉既然食咗成肚化學劑不如就飲返杯奶茶溝稀吓啦，點知個茶膽唔知係咪朝早用到依家，冇乜茶味，感覺似茶味淡奶，同k記m記奶茶差唔多.下次試下其他嘢先

誠如題目︰油塘街坊諗唔到食乜，最方便快捷的晚餐! 因食物的質素和價格心中有譜，唔會失去預算。今晚同老公兩個就食"肉餅雞粒煲仔飯" &" 咖喱雞飯"，老公有個心癮就係久不久都想食大快活的咖哩系列，Bill tai tai個人就覺得無乜特別啦。講返個"肉餅雞粒煲仔飯"足料大大份，肉餅醃味不錯，不會太咸又不至於太散/ 實，好好送飯。油塘街坊晚餐唔知食咩好可以一試。

見到個易拉架,好似好特別,而且有珍珠奶茶飲,試下先!行去問收銀姐姐,叫油雞肶唔飲紅豆冰,轉珍珠奶茶加幾錢,佢話唔使加食佢指定d餐多兩大元!等拎野食時,見到d燒雞肶好大隻呀,下次都係唔好叫油雞肶;我見到佢地水巴台有個攪拌器,d奶茶係一杯杯咁整,所以都等左一陣d雞肶我明白係有大有細.....不過杯野飲就.......... 個杯肥dodo好似幾大杯,望落冇人地咁多珠算啦,第一啖,好多碎冰係裡面,仲要係生水冰,飲到牙好痛痛!點解唔用番大冰粒,飲多兩啖冇咩味,仲差過就咁叫冰奶茶 飲到尾都仲有冰,如果係熟冰就唔會咁啦,仲要飲飲下先記得,佢冇比羹匙我,食紅豆冰都有羹匙,凍檸茶都有啦