大快活 (胡忠大廈)

營業中

休息中

星期六同朋友黎灣仔，晚餐黎左大快活搵食，點知比佢個二人聖誕大餐嚇親，估唔到唔駛$150可以食到咁多野！個大餐有：1- 鐵板雜扒(牛、豬、雞、珍寶腸)三塊扒好普通，珍寶腸入面有芝士有驚喜，朋友話連粒車里茄都好新鮮。汁就可以揀黑椒或者燒汁，燒汁都辣辣地。2- 蒜蓉包太大個，食唔晒，如果可以換細細塊蒜蓉多士就好！3- 酥皮蘑姑湯我果個係暖，但朋友果個就係熱辣辣好味好多！4- 飲品熱飲果啲唔駛另外加錢！5- Oreo甜品係成個餐最好味嘅野！環境呢間胡忠算唔嘈！地點都很方便，落返去就係好旺的利東街。服務寫住八點關門，但係好多人未食完員工唔會趕人走，只是落了半個閘。已經唔知幾多年冇食過快餐店鐵板餐，係懷念嘅。細個同家人食，而家就同朋友，兩樣都開心！

合和一帶返工，冇錢去貴餐廳堂食，最後就係叫外賣。好多鋪頭都要5、60蚊，但大快活就48蚊買到個咕嚕肉飯，仲有好多舊肉好多汁！白飯又可以轉紅米飯，健康！而家有app落單好方便，落到去就拎得，而且佢地擺外賣的位置好充足！

見到網上食評忍唔住買個外賣一試可惜呢間店嘅廚師今晚失晒水準(見圖)已經 明顯 煲仔燒到黑晒，一打開賣相好差 個煲燒到 黑晒似重用又重用過好多次咁食落啲飯有一陣陣火水味冇焦香，只有 燶味似乎師傅大火過頭另願廚師輕輕焗熱就算，冇飯焦 起碼我有個晚飯食燒燶底了只有 面頭半個飯可以食外賣攞到返屋企冇得換跟餐個湯更加難飲，廚師失手超級 極度太咸到要倒，好浪費有一件服務值得欣賞，櫃檯服務姐姐好有禮貌，而且好貼心。外賣煲紙盒太熱，要求櫃面姐姐幫手放入膠袋容易手提回家 完全冇托手踭，立即答應。

大快活既早餐~一直都係我早餐選擇入面既不二之選皆因佢平靚正仲有網上外賣9折!但lunch呢..其實我記得我之前有食過一次白咖哩其實係唔錯的...所以今次幫起上黎無時間出去買飯我就再買左白咖哩...但係..味道方面好普通好一般白咖哩既味道比較淡......札肉雞翼豬排都比較乾柴但同時又有D油...就連送個杯綠茶都同早餐既唔同淡好多..總結 : 食番佢既焗飯啦

琴晚跑完步，今朝超級餓。早餐至少要食飯碗粉同肉先夠。早唔到起身嘅情況下，唯有叫個快外賣。而大快活喺正公司樓下，當然係我嘅不二之選！30蚊有肉有粉有飲品，又快又抵食呀！作為一個環保l，我外賣當然係自備餐具啦。喺度讚下水吧姨姨，見到我個外賣盒無嫌煩，仲叫我小心熱，讚呀！

今日放飯食尾更，專登等到下午茶時段黎買外賣😆😆貪佢多啲選擇丫麻！鼓油雞髀🍗配米粉😛今日隻雞髀好大隻呀！幾入味，肉質嫩滑🌸個米粉好大碗，上面有仲好多菜🥗食曬都真係幾飽架

第一次用大快活的網上點餐服務，原來只需要用網頁訂餐，連APP也不用下載，不過就要小心不要跟到會美食的網站搞混了。開始轉午餐牌的時間是11:15，能看見不同的分類，例如每週的優惠、招牌、素食、健怡餐等等。我覺得值得留意的是"特別要求"，有時間不妨花少少時間研究下絕對值得。健怡套餐: 鮮茄汁豬扒紅米飯 + 低糖凍綠茶(飲品) ♥♥♥♥豬扒很大塊不太肥，煎得很香，配上酸甜的茄汁非常開胃!+ 少汁 +多紅米飯 (可以選普通白飯) +多配菜原先還怕看圖片的飯量會吃不夠，但點了多飯之後除了飯盒的飯多了個小山丘，竟然還有一小盒分裝出來，不怕吃不飽。灼唐生菜 +$7 + 走豉油熱阿華田 (我點的不是熱奶茶，但原來能挑茶走/奶另上)+ 走糖包

今晚去左灣仔大快活食晚餐。沙薑雞餐（半隻），份量不少，d雞都幾入味，配個中湯和白飯，細食嘅應該食吾曬。鐵板餐，今日做特價 $48，脆皮芝士腸，一咬d芝士好澎湃幾好食，件牛扒就細左少少，雞扒同豬扒就正常份量，伴菜都幾多，仲有個茄汁腸仔飯同熱咖啡，幾抵食嘅。

喺灣仔番工,一早知道午膳時間既餐廳一定好多人,而我又只得1粒鐘時間,所以唯有近近地去大快活醫肚。裝修之後既大快活新凈企理,十分光猛,亦新設外賣等候區避免人群聚集,現場見到有唔少食客排隊,職員一如以往,好有禮貌,買野食時會同你講“今日食乜呢”,十分有親切感！買左過咖喱雞飯+凍檸茶,總共$57,價錢唔算好平,不過喺呢區食晏，d價錢都係咁上下，但係出品速度很快,不消一會就可進餐,講下碟飯先,大快活既咖喱不嬲有佢獨特既風味,唔係太辣太濃味,用黎送飯係可以既,不過本人就鍾意有椰香味既咖喱多d,薯仔亦夠大嚿,味道唔差,至於雞肉,食落夠嫩滑,雞肉亦唔老喎,亦夠大件,幾可口既至於飯就普普通通啦！呢間大快活勝在夠近寫字樓,十分適合一眾於午飯時間爭分奪秒既上班族,而且出品速度又夠快,節省唔少時間,快快食完可以睡一覺,回復體力應付午後既工作！

下午茶時段，經濟實惠唔知係咪南記魚肉春卷太紅大快活都分一杯羹，加配美食燒鴨米粉湯底幾濃仲有兩條菜唔使咁齋午茶先飲梗係飲熱奶茶不過不失，茶味幾香食咗燒鴨米粉拼魚肉春捲南記好食啲加多杯奶茶一樂也

胡忠大廈呢間大快活估唔到星期日早上都咁多人幫襯，差不多全滿，隨便叫咗一個雞扒火腿通粉多士餐（$35.5）。雞扒細細塊，不過都幾入味，合格。火腿通粉不過不失，至在想食啲熱嘢暖下胃。多士，職員沒有提供牛油，齋食。

一日既開始，當然係需要食一個豐富既早餐啦今日就走到大快活（集團式經營）既餐廳大快活都有不少款式的食品可供選擇主要以，豬扒、牛扒、魚柳再款腸仔、蛋的款式更有一些蕃茄系列一樣咁吸引唔想食太飽，都可以選擇輕怡早餐，簡單牛奶麥皮配雞蛋，健康又有營養早上人數都數多，人群不絕環境都很大，所以都不難找到位置雞扒雙蛋多士配熱奶茶+雪菜米粉 - $40.5雞扒尚可（正常味道），而蛋邊煎得有點金黃香脆，奶茶香滑，米粉加入雪菜更加美味（多士可問店員取煉奶，加上煉奶變成奶油包

環境3分：正常大快活格局。竟然快餐店都有上下兩層，座位嚟講都算多。衛生4分：室內提供獨立廁所，唔使出商場同人迫，可以加佢一分。服務3分：快餐店咩都自己搞掂，唔需要太多服務，正常三分。味道3分：快餐店早餐為求醫肚，快快脆脆冇乜要求，香腸太陽蛋同蘿蔔糕正正常常都算合格。抵食3分：早餐三十蚊有找，食完唔肚餓，正常三分。

今日做野做晏左, 時間又差不多2點, 行去大快活食個下午茶餐先, 點個好抵食的25元餐有麵/米粉、有珍寶腸及脆多士跟1細小瓶花生醬和鍊奶, 搽滿晒件多士, 醬多零捨不同覺得好好味啊!

一星期總會黎食一次的經濟午餐, 今日叫食‘‘香煎冬姑肉餅飯’’ 好好味!! 依然好有水準, 最愛煎得香口的肉餅, 肉汁濃郁, 口感帶煙韌, 送飯不錯。好滿足了。。再講, 無論收銀或台前派餸服務的職員都好有效率, 而且好好禮貌, 真係好👍呢！