大快活

營業中

休息中

今日送完阿仔返學之後就去咗大快活食早餐我叫咗個精選套餐有蕃茄腸片通粉、滑蛋、厚多士同好立克成個套餐都幾失望個通粉得幾片腸仔，加埋半條都唔夠🙈個厚多士就幾乾下成個餐只有個滑蛋正常啲

沙肉下午茶：長假嘅第一日，見下午茶時段無乜人，入去食下tea。原來，無人都係有原因嘅。份量好少，女仔都食唔飽。而且個麵都未煮開。綠茶要少冰，點知又係半杯冰。早知去隔離食個老麥。

口水雞飯 差到一個點火炭已經難搵食 算啦是但食快餐店一餐點知入左呢間奶曬野既大快活衰得真誇張 叫左個口水雞飯 無記錯57$ 唸住應該無死 點知會挑戰我條底線等左十五分鐘 完全無我張單個號碼叫到過曬好多個號碼都未有我算 我自己行去問點知我個飯一早擺左係度見到都唔想食口水雞係好少汁 至少個辣醬都無幾多點知個雞仲癡線 又乾 又唔新鮮都唔知係咪過期野一食落口 癡線咸到傻左算啦食第二件 竟然係沙礓雞味即係點？即係拎沙雞加少少汁叫口水雞？哇大佬真係劣到 仲要係超咸永世唔會再幫襯完全劣質

天寒地凍，梗係要食個煲仔飯啦，今日晏晝同同事過咗嚟呢一邊大快活，就係想食過呢個煲仔飯，對於貧窮嘅人來講以一個40幾蚊嘅餐試到一個咁正嘅煲仔飯真係窮人因物，我今次就叫咗呢一個肉餅海鮮煲仔飯，真係唔錯㗎 ！原因係佢入邊嘅蝦米好香濃，個肉餅亦都好厚身，對於我呢一個死肥仔來講食完真係飽到痴線！而且呢一邊仲可以加埋杯紅豆冰飲落去真係比外面嗰啲所謂麥當勞嘅特別垃圾餐都冇咁平啦！所以我都間唔中過嚟呢一度行下千色個簡單飯又可以賺賺的錢！

大快活 ( Fairwood )位於火炭駿景廣埸的一間快餐店。長期的人流不算太多， 尤其是平日。星期六日的人流就相對較多。 營業時間: 7:00 a.m. ~ 9:00 p.m.早餐的味道也錯，本人推薦的是:忘記了餐的名字，但是那餐有這些:蛋( 可選擇不同的烹飪方式)+烘麵包(可選擇大細)+ 火腿通粉( 可轉麥皮、米粉等)+ 飲品另外抵食的有輕怡早餐。有烚蛋、麥皮、細麵包及 熱檸水這餐只是限定一定要吃烚蛋和細麵包其他可以全部轉為以上提及的粉麵及其他飲品。晚上八點後，餘下的食物選擇並不多，甚至套餐會沒有湯供應，只能選飲品代替。但係食物的質素也不錯但是一些素食餐就要小心選擇， 因為味道不太好。

今日起身又唔想自己整早餐，就落樓睇吓有乜食喇... 諗來諗去，都係去返大快活。由於本身好鍾意食煎炸野，所以諗來諗去都係叫左個炸魚柳做早餐... 老實講，炸魚柳一定唔會喺屋企自己整，所以呢啲點都係出街食又方便又好味... 哈哈哈～講返個早餐先，係炸魚柳配炒蛋、厚多士；餐飲係凍檬茶。魚柳其實快餐店來講，佢算做得唔錯！夠曬脆，同埋啲肉都幾滑，魚柳上面重要有片檸檬點綴下添。重有就係佢個沙津醬其實都幾好食架。至於炒蛋，佢應該係用牛油炒嘅，有牛油味。但我就覺得如果成隻食曬都會幾溜下... 所以無食曬佢。多士都係好正路，好難做到唔好食... 哈哈～ 至於凍檸茶，我就覺得甜左少少... 下次真係要叫佢少甜先得！

個人比較鐘意呢類快餐廳既燒味飯, 雖然價錢同出面買貴少少 (我指既係酒樓外賣既燒味飯盒, 正當燒味舖另計啦~)但呢到菜多少少, 同埋起碼有杯熱野飲~ (酒樓的紙包OR罐裝汽水咋) 今日個個同事都比較忙, 咁自己出去求其食啦~ 嗌左叉燒燒鴨飯~  瘦叉燒~ 5-6件左右, 有肉汁, 唔太咸~ 而燒鴨方面, 皮薄, 脂肪少, 色澤光潤~ 早知咁好食就咁燒鴨脾餐啦~ 跟餐要多豉油佢都照比, 雖然晏晝時間比較忙，但舖面乾淨, 員工都好有禮貌~ 下次再黎幫襯

又一朝既Happy Good Morning，今朝搞搞新意，去大快活食個靚早，因為附近無大快活，所以我都很少食。今天食的餐是肉燥撈米粉加皮蛋瘦肉粥。肉燥撈米粉是它們獨家，其他大型連鎖店都沒有，米粉不是純粹白色的米粉，是經過處理的，曾經炒過，所以吃上來都幾香口，除了肉燥，還有芽菜，單食肉燥可能會覺得較咸，加埋芽菜中和了，味道會好點。好，是時候說說那個皮蛋瘦肉粥了，皮蛋很多，但是瘦肉我真的找不到，而且那些是粥嗎？我只是見到一堆水狀米色東西，完全吃不到是粥，味道更不要評論，因為根本沒有可言。

叫左個早餐, 係6號餐. 有炸魚, 阿活炒蛋, 多士轉左做羅白高, 凍OT少冰..等左無耐就有得食.一食就知大獲!個炸魚好腥, 炒蛋過重奶粉味, 羅白高粉太多又凍冰冰!!好差, 冷氣又開到勁凍!! 明明唔多人.. 勁多吉位都開到個冷氣勁大!!!!早知行多兩步落去食大家樂好過!!