大快活

營業中

休息中

今日落雨，打算食個快飯，近近地就去咗樓下大快活食。入到去下午1點，唔算太多人排隊，於是叫咗個每週精選 -- 雞槌豬扒飯，再加杯熱檸茶。豬扒同其他餸都係味道一般，無咩驚喜，豬扒都幾霖嘅，豆豆同紅蘿蔔就無咩味道，不過$40算係咁架啦！點知一咬個雞槌，入面好紅，雞槌唔熟，真係令我覺得好失望！好彩佢一碟有2隻雞槌，另1隻雞槌就比較熟少少，咬落都幾香口嘅。飯嘅份量就比較多，同埋都幾軟熟，無咗隻雞槌都起碼有足夠嘅飯填飽個肚嘅！

放假食咗好多熱氣嘢,星期一收工想話食番D清清哋嘅嘢,但係居然走咗入大快活,心諗阿活都唔會有清清哋嘅晚餐食㗎喇!只係諗住望吓個餐牌跟住就揾過第二間,點知發現有個菜膽花膠鷄湯飯好似幾得,於是就揀咗嚟試吓喇。啖湯幾清甜,花膠冬菇菜膽樣樣都合格,雞肶有驚喜,煲得幾腍幾滑,D飯軟硬適中又大大碟,將D湯倒落個飯喥,一啖啖清湯撈飯真係又飽肚又舒服!快餐店都可以食到咁清嘅晚飯,肚仔爽晒!

今日好肚餓，自己食左成個大面，從前二寶面索價38，今日變三寶，已定價在45，講真，價錢一d都唔平。。。。燒鴨叉燒水餃米45賣相很好，立起食欲，好久無吃燒味喇，鴨幾有鴨香，叉燒忘了要瘦，所以就成半肥瘦了，都ok，但餃子無乜料，而且一夾好易爛，點了的米粉索盡我自加的六包辣汁，即刻好食好味好多了。係大快活黎講，燒味味道算最好了。加凍奶茶3唔洗講太多，碎冰在奶足茶夠既奶茶內，合格之上，黎都係主要飲佢嫁姐。