大快活 (粉嶺名都商場)

營業中

休息中

今天經過看到出了新的馬來餐今次點了仁當香辣雞上髀飯餐配套是仁當汁雞脾肉一件類似Naan的東西配沙爹汁及一個白飯雞脾肉煮得很嫩不柴(不要以為是基本,大快活的咖哩雞煮得超柴)雞皮煎得剛剛好，脆口，叉子叉下多肉汁而仁當汁就沒什麼驚喜跟之前的馬來餐一樣Naan重椰奶或椰油香味有別於印式而Naan配的那個沙爹汁意外出色建議買時跟他要多點如果這個沙爹汁做主打汁這個菜會更出色唯一美中不足應該是它為了展現是雞脾肉留了雞脾的骨頭當吃Naan時要把肉切出來包起來吃時有點不方便，雖然問題不大整體來說無論雞肉還是那個Naan都做得不錯(以大快活來說)尤其那個沙爹汁，不是他們沙爹牛肉麵的沙爹汁有為馬來這個主題調出來，有點魚露或咸蝦味這個汁如果是做主打，這個菜真的很亮眼現在嘛，就是仁當汁一般或者說跟那個沙爹汁一比就覺仁當汁拉低了這道菜的驚喜感而且仁當汁跟沙爹汁那個味都不太配所以把我想它目的是想客人把Naan跟主餐分開吧可是現在反而覺得Naan部份整體比較出色不過配多杯熱奶茶已經是64元，值不值真是見仁見智了～(苦笑)給笑臉跟味道評分的星數有很多都是那個沙爹汁

新年成個粉嶺啲舖頭都唔開，唯有食大快活。咁耐冇食質素好似差左咖央紫菜多士。完全冇咖央醬咁濟 ， 無味到一個點…… 紫菜夾麵包 dry到爆碗仔翅正正常常，脆皮腸真係好細條西多士竟然中間係冇花生醬，又薄…..紅豆冰可能落得太多冰 味道好淡真係冇下次

當日已經8點，但仍然有唔少人依家先食晚飯，出餐非常忙碌，兩位店員處理餐點+一位水把，後尾忙到要將樓面負責收拾嘅姐姐都叫埋去幫手攞吓嘢。外賣雜扒餐，由排隊落單到攞外賣需時接近30分鐘…可能肚餓…係等到有啲唔耐煩。而且觀察到好多營運上嚟問題：1️⃣其中一個姐姐要兼顧出餐同落單，搞到佢要兩頭走，排隊嘅其實等耐左2️⃣個姐姐行嚟行去變相仲浪費左時間，又易左整錯，因為會唔記得原本做緊咩3️⃣依家有App落單，變相其實幾條隊，聽no.預計唔到幾時先有，因為唔知幾時到，感覺更加燥底4️⃣雜扒…女仔嚟講份量有剩嘅，但啲薯條同扒嘅賣相實在…算啦$7x勉強接受啦簡單嚟講，唔係整左App就唔使理排隊落單嘅客嘅，一係App嘅promotion就再喺夜晚做好啲，現場所見大部分人都仲係即場落單，所以起碼有>5個人等緊外賣…同埋懷疑連廚房都唔夠人做嘢，先會出得咁慢…

18:15去到大快活 一拖三細終於坐底休息食晚餐 哪左一個火鍋 一個咖哩雞同雜扒餐，點知個3塊扒唔似扒，簿切切乾爭爭。仲有個咖哩雞 薯仔多過雞 仲要薯仔大大舊 雞都一樣係乾爭爭。完全似賣剩。

［粉嶺］熱辣辣有飯蕉煲仔飯臘腸冬菇滑雞煲仔飯餐$58煲仔飯+ 番茄肉茉湯原來大快活的煲仔飯的質素都ok wo，價錢又抵👍🏻原個瓦煲，熱辣辣上，正🤩雞肉又幾嫩滑多汁，原條臘腸，味道唔會太鹹，都幾惹味，唔錯😎但如果臘腸切成一粒粒上，會易食啲同再開心啲🤗重點，有飯蕉‼️趁熱嘅時候，沿着煲邊加入鼓油，就有香脆的飯蕉。雖然唔多，但唔係煮完，扮放入個煲度俾你😂都有誠意😌蕃茄湯味道正常，肉碎就好細，蕃茄味濃，有少少鮮蕃茄，味道有d 好似食緊湯版的蕃茄意粉醬😂未去到廟街食煲仔飯，大快活都係一個好嘅選擇😂整體味道：🌕🌕🌕🌗🌑環境：🌕🌕🌕🌑🌑地區：#arfan_foodie_粉嶺類別：#arfan_foodie_小圈子聚會 #arfan_foodie_大圈子聚 #arfan_foodie_couple #arfan_foodie_獨樂樂 ——————大快活——————#hkfoodie #hkfood #hkfoodblogger #hkfoodblog #hkrestaurant #香港美食 #香港餐廳 #香港美食指南 #香港美食日記 #香港美食推介 #食好西 #相機食先 #粉嶺美食 #煲仔飯 #滑雞煲仔

剛剛又黎到大快活食LUNCH，昨日食左個健康雞胸套餐，所以今日就唔想咁健康啦。選擇左食呢個咕嚕肉套餐做今日既LUNCH。其實大快活既咕嚕肉之前都食過，呢一間都KEEP到水準啦，咕嚕肉唔會話大大舊炸粉又舊舊骨，肉量都算正常。最好味道都係個汁，唔會太酸，但酸酸甜甜好開胃，配埋D菠蘿真係好開胃，但係呢度D汁既份量就唔係太夠撈飯食啦，唯一我覺得不足就係太多青椒（因為本人唔中意食青椒，哈哈）。所以如果可以自選配菜，變成全部菠蘿就會更加好啦！

今日遲左食午餐，原本打算去食個下午茶，但入到去即刻比大快活個鐵板餐吸引左😍圖中鐵版餐，加一個迷你脆豬，大大碗粟米肉粒飯，仲可以多汁多飯，仲要送多杯嘢飲，真係抵到冇人有😍😍😍一個成年男性都食到食唔晒。而重點佢只係$54，雖然要係兩點後先有嘅價錢，但唔知餐廳真係點賺🤣🤣🤣一個字抵！

忙完一整個上午突然好掛住大快活既紅豆沙即刻搵下附近邊度有大快活·每日準時2:15分轉賣下午茶餐見到佢有掛紅豆沙個牌即刻開心左☻因為唔係每一間/每一日都有賣叫左個豬扒包餐（$28）配飲熱檸水加配紅豆沙（$9）仲貪心加多左隻蜜糖燒雞翼（$9）快餐店果然快手快腳由點餐到拎餐都只係5分鐘左右🤭·豬扒包有烘過🐷面包上仲有好多麵包粉一唔小心就會食到成身粉😂咬落輕輕脆身而裡面仲好鬆軟豬扒差唔多一隻手掌既size唔算厚身但唔會韌 配埋切條狀既生菜🥬同調味過既沙律醬作為半個澳門人我覺得佢個豬扒包比澳門馳名既仲好食😂陳皮紅豆沙（$9）個紅豆沙唔會好甜食到粒粒紅豆之餘口感超綿仲會食到有陳皮香超級高質比起坊間糖水店好食好多蜜糖雞翼燒到外皮乾身好鍾意食微微燒燶既雞翼尖特別惹味😆雞翼略帶蜜糖味肉質仲嫩滑 · 唔會燒過龍岩岩好💯整體而言個豬扒包有surprise 而紅豆沙雞翼亦係上佳之作以3點3下午茶黎講呢個套餐絕對係填肚飽之餘仲會好滿足

第一次黎粉嶺大快活，平常甚少幫襯，因為冇乜特色野食。 點知今次行過見到有煲仔飯出堂，所以諗都唔諗入黎試下。叫咗個滑雞拼章魚肉餅煲仔飯，另加個霸王花湯，熱奶茶。一坐低第一時間用濕紙巾擦枱擦桌面椅子，果然勁污糟😂 而地板更加污糟⋯⋯終於叫到我個號碼了，攞咗返埋位第一時間飲個湯先（平時湯水少嘛）頂 ，鹽水湯😫 失望！然後係煲仔飯，嘩，我從來冇食過咁焾嘅煲仔飯架，啱晒老人家啦。再次放生快餐廳👋🏻

早上10點45分來到， 早餐好多都冇唔緊要， 咁食牛扒腸仔加錢食通粉，話賣曬通粉及麥皮唔緊要，就轉米粉，回座位用叉整起米粉，全部碎碎碎濕濕米粉，係尾聲全是碎碎碎濕濕既。 賣曬就話冇囉， 唔洗比這些材料比客人食嘛！ 話曬都加左7蚊呀！ 今日早餐係牛扒腸仔加米粉奶茶， 承惠$43。

今日假期去食個開心早餐大快活早餐好多選擇可以揀炒蛋 洽蛋又可以揀煉奶/花生醬或者果醬我揀左果醬配方包而佢雞扒都做得幾好，嫩雞扒,個蜜汁都好食而雪菜肉絲米就偏鹹咗少少，有待改善之後檸檬水 都幾厚檸檬，唔會太薄，不錯❤️大家經過都可以試下呢個早餐👍👍

之前食過合興火鍋，回味無窮。今日收工已晏，就求其在大快活食個一人邊邊止止癮。 當然啦，價錢檔次完全是兩碼子事，比較兩者是不公平的。有人會將大家樂同大快活相比，普遍認為前者較優勝。 我無意比較兩者，只是想highlight今餐的幾個重點：1) 湯底： 早前出過的咸菜豬肚湯底我覺得還不錯，但今次已轉左做皮蛋芫茜同喇沙湯底兩款。我選了前者，幾足料，鍋仔細細都有3/4隻皮蛋，無投訴👍。食到尾時，呢啲煮到透的皮蛋 同烏冬出奇地夾。2）生料：蔬菜盆睇落幾豐富，但都是加工肉類為主。青菜有兩款，睇落尚算青綠但夾出嚟會睇到入面有啲位已變黃，以呢類預先包好的菜盆，在呢個鐘數，似乎都在所難免嘅😂。以前都有兩塊炸魚皮的，而家冇左。餃子是日式餃子，正常嘢無特別。我選了4安士穀飼肥牛。肥瘦相間，層次十分分明😂。 呢個價錢，無法要求太多。但我個人覺得大家樂的肥牛價錢相若約，但質素比大快活好，呢個是事實。另外加錢（$5）要多份午餐肉 。4片半圓形，一吃十分後悔，應是梅林牌果種，味道十分之假，食左一塊就放棄。反而菜盆內的芝士腸對版，應該是金妹牌😂5）醬料：全部自助。應該是疫情關係，沒有自助調味站，除了火鍋醬油，其他如指

🌱 素肉燥雜菜紅米飯 @ 大快活 🌱其實食素咁多年，真係絶少午餐晚餐會去大快活。因為基本上係冇嘢食。雖然呢兩年佢哋有「美味素」系列，但可能技術上問題，唔係間間分店都有，試過間中入去都唔見有，所以好多時都費事入去了。咁啱今日出去開會後返屋企，唔太想煮飯。經過大快活就打算買外賣返屋企食煮少餐。竟然見到餐牌上有一款「美味素」系列： 就係用新豬肉做嘅「素肉燥雜菜紅米飯」。既然咁有緣有素選擇，見張相又幾靚仔，就叫一個返屋企食啦。返到屋企打開，喺外賣盒中嘅佢個樣變得有少少頹頹哋，不過仔細睇真，用料幾豐富：新豬肉整嘅素肉燥、椰菜花、豆角、車厘茄、豆腐、迷你蕃薯仔、紅腰豆配紅米飯，感覺健康，味道不錯但略為偏重。素肉燥份量偏少（底下其實係椰菜花同飯），不過 $42 有新豬肉菜式仲包飲品都算抵食。好難得連鎖快餐店會提供素食選擇，而且過一排會換新菜式，睇得出相當有心，實在值得支持。希望大快活可以做到每間分店都可以提供素食選擇，甚至會有多啲素食選擇同菜式畀大家。📍大快活 (粉嶺)地址：粉嶺粉嶺名都中心2樓86-88,51B,52C號舖電話：28568666營業時間：星期一至日 7:00 - 21:30

好耐未嚟過 大快活 食早餐叫咗個 吉列豬扒 太陽蛋加埋個 火腿 通心粉原來個 通心粉 嘅上湯係好好味再加上熱辣辣真係好鬼好食個吉列豬扒 有 沙律醬 同 檸檬 配埋一齊食落 真係有另一種感覺最後 係 牛油多士 加熱好立克真係 完美的 假期開始

今日收工，約左男朋友睇戲。因為趕八點果場，反到粉嶺已經七點半。食飯時間，見商場啲餐廳滿曬人等位，唯有去一定有位既大快活吃個快餐。我對大快活既記憶淨係識得係杜文澤既「食得夠尖大快活」廣告，以往都甚少幫襯。一入到去，見到有吾同系列既晚餐，有黑切厚豚，健怡套餐，美味素，低鹽系列同吾落味精等等。都幾多選擇下，花多眼亂。👀我地快速叫左：厚切吉列黑豚飯，姐係厚切豬扒，都幾厚下一舊。入面豬肉鬆化，都有味。可惜粉皮雖脆，但非常厚。配左大蔥照燒汁，燒汁師傅重手左，咸到食吾到，大半個飯都係汁，後來放棄左。燒汁有洋蔥皮，配菜有小小椰菜。另外，飯太硬，好似未煲熟甘。菠蘿咕嚕肉飯，醬汁醒酸甜甜，好味！飯同咕嚕肉都夠熱。配菜有菠蘿（唔酸），紅椒，青椒，洋蔥。配菜多姿多彩，醬汁可以撈飯食。值得一提既係，咕嚕肉全係肉，係無骨既冬瓜薏米唐排骨湯，一啲都吾熱，導致啲油琼曬係度。內有冬瓜同薏米，小小豬肉碎。飲飲下竟然有辣味飲完好口渴，可能有落味精。值得稱讚既係，買完會俾塊牌你，坐低等食就得，有專人攞俾你。另外上菜好快，吾使五分鐘已經有得食！食個快飯係非常好既選擇，服務都幾好，唯一係啲野食真係好咸改善下會好啲！