大快活

營業中

休息中

呢間大快活嘅職員態度真係十分差 個個都係 好似欠咗佢哋咁 喺水巴叫比多張紙巾我已經講咗‘唔該俾多張紙巾’ 佢一開聲把口已經唔友善 收銀嗰個又係咁 問佢少少嘢好似覺得我唔啱 所以嬲得滯喺度留言 如果我唔係因為想食雞胸飯都費事嚟呢間分店 沙田嗰間職員服務態度好好多

為左個不知所謂嘅職員，我要寫一篇文章出嚟。2023-6-1,早上8：17，我買咗一份早餐，有通粉。一個唔知（男/女）職員，戴眼鏡，肥身材，高大，及頸嘅金卷髮，負責出餐嘅，佢將啲湯倒到好滿，我攞嘅時候就瀉左啲湯出來，整濕左唯一一張紙巾，咁我就去攞多幾張紙巾，點知個職員揸實兩張紙巾，我輕輕係佢手上去取嘅時候就攞唔到，佢竟然大大聲咁講：攞啦！攞好啦！呢一刻我知道，原來我俾個職員玩緊。大快活紅磡家維邨分店，請你好好調教一下你的職員。

其實每一日我都會嚟大快活食早餐，每日都食同一個套餐s5，飲同一樣嘅嘢。我覺得佢哋嘅品質真係做到十年如一日，水準冇變，價錢冇變。曾經喺度見證住佢哋嘅職員俾人打俾人鬧， 唔好以為佢哋嘅職員就會咁算數， 你哋會還拖㗎仲識報警好犀利。見證住佢哋嘅職員係上下團結一心。 早餐其實都幾好食特別係個香辣上海麵，個份量唔係太多亦都唔係太少啱啱好。喺農曆新年前佢哋嘅香辣然後會加香蔥但係農曆新年後返嚟再食已經冇香蔥 。令到成個辣肉麵都唔香。希望可以加返啲蔥。 佢哋嘅齋啡係幾好飲但我自己就加咗個肉桂粉落去，變得更香。

我每個星期六日幫襯一至兩次。然後每隔一至兩次就會汁漏野。開頭牛油/餐具都算。近期兩次, 買兩個餐,兩次都汁漏左件多士依家依個時勢，返左屋企先見到汁漏野，再落返街？ 麻煩依間分行既人改善下！ 已經唔係第一次

下晝lunch hour去左大快活試糯米飯同蔥油雞，個飯聞落好香但食落就覺得一般，冇咩特別，份量方面就贏晒，飽到飛起！蔥油雞就超正，雖然份量唔多但好香口，而且連放底的菜心都好嫩口好好食！

一個開始轉涼的週末下午, 想到吃一個煲仔飯, 來了這間在地底的大快活,臘腸排骨煲仔飯 $40 + $5 (熱奶茶) =$45 /午餐, 以快餐店來說可算幾高級下了,價品高算了吧! 如果交番足功課的話, 無話可說! 但這煲飯份量的確飯夠多, 臘腸也ok但比較肥咗少少, 主角之一嘅排骨最令人吃驚, 排骨無骨? 因為全是豬軟骨! 而軟骨旁邊沒有豬肉而係一些脂肪狀嘅物體, 咁即係要將豬軟骨當豬肉食, 所以無骨落地是真的! 另外加一堆梅菜/ 蔥花填補一些吉位, 自己接受唔到排骨變成豬軟骨重要係無肉嘅豬軟骨囉! 而收40大洋嘅煲仔飯連兩棵小棠菜都沒有又是另一個未能接受的地方, 經常在形象上強調自己如何注重健康但一大煲飯就一條菜都無, 有的只是一大堆蔥花! 這樣講得過去嗎?大企業要賺錢明白的, 但也應該顧及社會良心嘅!

係紅磡做完野之後，驚覺已經係5點9…結果行搵附近茶餐廳都冇哂下午茶食，好彩仲有呢間大快活，真係抵讚啦﹗由於真係太過肚餓，我叫左個35蚊嘅餐。入面包雞翼、奶油多士、餐蛋公仔面同埋一杯飲料。係食物方面，雞翼多汁、奶油多士亦都烘得岩岩好（金黃色嫁），但係相反餐蛋公仔面就比較失色啦，可能係臨時煮嘅，D面仲有少少硬未熟透。至於杯飲料，我就簡左凍綠茶啦。點知杯綠茶唔係好似其他快餐店咁無味，反而真係有幾分綠茶味，幾出色﹗價錢黎講，我始終覺得下午茶應該要平過25蚊嘅，所以35蚊就真係略貴啦。

lunch break無時間係出面食唯有急急腳去到大快活叫左個咖哩吉列豬排餐配熱咖啡豬排係好味既 炸既野唔會難食得去邊但係D咖哩汁略嫌太過嫌 淡返少少應該會好味D杯咖啡不過不失 過得去不過40幾蚊一餐 其實都幾貴都係間中試一次算數

叫左:美極南瓜肉排,冬菇扒唐生菜,牛排拼腸鐡板餐,合掌瓜香菇豬爭湯美極南瓜肉排:肉排香脆味美鮮味十足,肉排好淋,南瓜香甜,脆肉瓜爽脆.冬菇扒唐生菜:冬菇都幾大隻香口爽滑,做得唔錯,扒唐生菜鮮甜爽口.牛排拼腸鐡板餐:牛排肉質比較乾嚡,腸仔可以,薯條唔脆,普通啦!合掌瓜香菇豬爭湯:味道幾香,湯清甜可口,起碼飲就唔會口渴.食飯完來可以好簡單.

這天的午餐沒帶野食所以出外吃飯, 之前(三星期前)在大家樂食過一次豬扒飯,好想知道這兩間快餐店的焗豬扒飯有多少不同, 購票後到枱前拿, 豬扒飯是一早做好的, 只是放了在暖柜內而已, 一拿上來見焗兜是沒有蓋的, 鋪面的菠蘿已經因為焗了好一段時間, 菠蘿肉汁已被收乾, 而鋪面黃汁個邊明顯乾涸, 即使黃汁是足以蓋過整個面但被抽乾水分的黃汁無辦法將墊底炒飯撈勻食, 豬扒雖夠大件但未夠大至遮蓋整個飯面, 而飯炒得好乾好乾身, 有點過乾! 付上略為炒過的車厘茄/椰菜花感覺幾奇怪, 其實寧願送個青菜沙律或者炒椰菜好過, 又或者兩粒酸蕎頭都可以襯得到的, 誠然這店的豬扒飯同”大x樂”比較的話, 明顯”大x樂”略勝一籌, 因為那邊是一個錫紙盒有塊紙蓋過個面,防止水分流失, 原來加個蓋係有實質作用的,而在某些美心系列的快餐式餐廳, 做這個焗飯時是被落柯打後即時新鮮炸豬扒, 即時排上炸豬扒淋上黃汁再放上爐曬幾分鐘讓內部的飯夠熱同時溶化鋪面的芝士碎, 價錢大概比現在的”大家樂”/ “大快活”貴50-60%, 不過多付的錢是值得的, 點解小弟知道? 因為我在那美心的餐廳實習過一星期囉!

Lunch 食潮洲粉麵食到厭，行過黎睇睇有咩食啦，貪佢 lunch 又無咩食客，坐得舒服又夠靜，因為大多都外賣囉。肉醬意粉，諗住大路穏陣，普普通通實無事啦。但今次好有水準噃，比預期中還要好，全部食晒 ﹗茄味濃帶鮮茄味道、豬肉味香又 juicy、意粉質感滑溜 ﹗而且肉醬跟意粉既份量剛好，搞撈晒成碟意粉，好食呀 ﹗西蘭花仲要用蒜蓉炒過添，夠爽甜，每項都好滿意 ﹗

焗豬扒飯，上次食已經好多個月之前既事喇，仲投訴過佢地廣告話係超級大塊焗豬扒比一般大成倍喎，點知要不過係面積大左，但厚度薄左一半囉 ﹗取巧 ﹗今日再來，終於回覆正常質量喇 ﹗雖然唔算係好厚，都滿意啦 ﹗質感軟棉多肉汁，味度好豐富，醃得入味，讚 ﹗茄汁酸甜味平衡得不錯，亦有鮮茄味道。炒飯有點濕而蛋香不足，食落味道有點寡，扣少少分。總括黎話不能說話好好味，但都合格喇。

今晚要到紅磡打拳,因時間尚早所以跟朋友決定先吃飯。因為有太多時間,想找一間可以慢食甚至吃完亦可以坐的地方,最後選擇了沒有太多人的大快活。本身想食吉野家一人火鍋,所以見到大快活有一人火鍋便即刻決定試一試。朋友叫了西檸雞中式套餐,份量真是少得很大部分是薯仔雞肉只有數件,味道亦一般。而我的一人火鍋份量亦萛可以,但湯底味道普通。以大家價錢差不多計算,吉野家的一人火鍋味道的確比較好而份量感覺亦比大快活多。下次都係試其他食店,唔好貪方便。

細細個湊我個婆婆搬左去紅磡住.佢好錫我! 細個個時夜晚去廁所都要佢陪嗚嗚衣家佢八十幾歲拉,我都唔知點樣報答佢雖然佢唔係我親婆婆 但依然咁錫我見到佢衣家有公屋住. 真係好開心最起碼有穩定居所^_^睇完婆婆之後 我帶住沉重既心情去食野其實我無胃口 但最後都叫左雞翼+烤蕃薯+低糖凍綠茶份量唔算大. 兩樣野都唔錯畢竟係快餐店 要求不可太高烤蕃薯個皮有啲硬 但淋上蜜糖 好甜 撫平左我既心酸..雞翼啖啖肉. 燒得岩岩好.低糖凍綠茶. 嗌左少冰 都唔知少左去邊-_- 淡到像水一樣好想快啲再黎! 唔想失去左先後悔...

唔知食咩好，行吓行吓去到大快活，是但啦 ﹗依間大快活係 lunch 時間永遠都冷冷清清，唔洗驚會無位坐，又可以慢慢食呀 ﹗有啲食客食飽飽仲係度午睡添，又清靜、又有冷氣、又乾淨。咖喱雞飯，有別於一般港式茶餐廳咖喱味道，味道比較香少少、香料比較多少少、味道較為濃少少，但一啲都唔辣。雞肉雖然完全無味，但質地算滑，配上咖喱汁還可以。最衰快餐店無炒飯底，咖喱配炒飯先最正 ﹗