大快活 (家維邨)

營業中

休息中

今朝一早去食早餐,叫咗個滑蛋吉列豬扒配火腿通粉+熱奶茶厚多士味道ok,唔硬!滑蛋嫰口,吉列豬扒較薄,但都幾脆口火腿通粉味道一般水準,無乜特別,奶茶奶味較重,茶味較淡!整體都ok~保持快餐店水準!

今朝好早八點半就返到公司，所以大把時間去嘆早餐，好耐無食過大快活喇喎，就比多次機會佢啦 ~早餐叫做阿活滑蛋黑椒牛扒，歐陸牛油炒蛋，ok 滿意啦，滑蛋炒到兩層唔同口感，下層老、上層滑囉，淨係得個樣，到底有無兜過隻蛋？識唔識咩先係炒滑蛋呀？牛扒貫徹始終港式快餐店口味，醃到好咸，口感硬實，橡筋地有趙口。黑椒汁變左？定係早餐會比較啖口又唔辣呢？我比較喜歡佢地香辣黑椒汁多啲。蘿蔔糕有進步，蘿蔔份量比以前多左，蘿蔔味亦濃左。火腿絲泡麵，即係用滾水浸到佢腍、浸到佢熟 ﹗NO ﹗係浸腍佢就食 ﹗水溫唔夠熱，煙都無啲，唔係明火煮，味道好差、又好難食。麵質似合味道杯麵，好鬼味精既味精湯底，已經無專登飲佢啲湯，但朝早 08:45 食完，到下午 12:45 依然頸渴，勁 ﹗未必淨係關個即食麵事，可能連塊牛扒同蘿蔔糕都有問題，好口渴呀 ﹗以後絕對唔會再叫依個所謂水浸麵食，劣得可憐。食物入得口，2 分 ﹗

lunch 時間周圍都咁多人，咁唯有走去無咩客既大快活啦 ~ 又見有新出品，試吓啦 ~ 白汁雞皇意？白骨陰陽意？唉 ~ 都唔知食緊咩，麻麻地 ~白汁雞皇雞髀意粉，食落感覺係雞髀有雞髀煮、意粉有意粉煮、汁有汁煮，全部分開煮，最後意粉放底、雞髀放面，最後倒汁喇，會埋一齊囉。雞髀味似鹽水雞髀，又或係煲完湯啲湯渣雞，煮過龍，都幾鞋口又乾爭爭，無雞味。意粉煮得好好，嚥靭有趙口，又乾爽。白汁厚薄可以再好啲，依家比較杰左少少啦。自己撈完一輪之後，可以剛好包住啲意粉，都唔錯。最好食係伴碟既幾條菠菜囉，so sorry。如果汁同意粉同煮，雞髀改用雞扒或雞柳，效果會更好。

因為成本既問題，質量、食材、味道、服務等，紿終跳唔出快餐店既規限，但價錢比以前貴左好多，某啲菜式比餐廳還要貴。黑椒什扒配欖油意粉，有雞扒、牛扒同脆皮腸，仲有幾皮新鮮西生菜。大快活既黑椒汁咁多年黎都係比其他快餐店更香更辣，我最愛濃郁既辣味，再辣啲更好。份量夠大，好飽肚。意粉煮得出色，軟硬適中。西生菜異常地爽口鮮甜。什扒都係快餐店口味啦，醃味超濃，無特別。阿活咖喱燒雞意粉，啲咖喱係比一般茶餐廳既多啲香料咁啦，好少少囉。最欣賞係個欖油意粉，非常好，軟硬適中又熱辣辣。雞只可以話係春雞雞仔，無咩肉食，肉質好腍，而且唔多似點燒過，話焗或炆就差唔多。薯仔幾硬，個人較喜歡炆到入晒味，又要好腍好腍又粉先好食。伴碟既西生菜反而非常新鮮，只係略略烚過，又爽又鮮甜，好好味。

晚餐, 見有煲仔飯, 選了排骨臘腸飯, 送湯一小煲, 湯, 尚算清淡, 飲不出有濃烈的味精, 真有否味精要再深究, 排骨臘腸飯, 寫明是煲仔飯, 當然以為是用火直接燒啦, 可惜並不是, 看圖便知道不可能, 因為一點兒飯焦也汲有, 應該改名是 “煲仔蒸飯”, 氣憤! 但無論如何, 這煲飯做得算合格有餘, 飯身軟硬剛好, 一粒粒望得到, 不太濕, 臘腸的肥肉也不算多, 有少少啦, 但口感尚算彈口, 醬油的咸甜味也合適, 如果餐牌寫明是”煲仔蒸飯”的話, 我會比個”笑面”!

因為同公司只隔幾條街，所以間中都會係度食個早餐或晏仔 ~ 最初時嗰位收銀阿姐鑊鑊都落錯單、又慢動作，要係激到爆血管，依家進步左好多，免強接受到啦 ~ 室內裝修算寬倘，坐得都幾舒服。但啲出品真係越黎越差囉，多選擇又點啫，周身刀又無張利呀 ~黑松露滑蛋雞扒配蘿蔔糕，滑蛋加左牛油炒香，唔錯，係有水準既，蛋剛熟夠滑。黑松露屬街坊大眾化貨色，味道似草菇，廿幾蚊都估到係咁架喇。太陽蛋雞扒配蘿蔔糕加火腿絲通心粉及凍齋啡走甜，乾煎雞扒真係幾乾吓喎，肉汁都無滴，好鬼鞋。自從通粉轉左有坑紋後，口感又厚、又唔彈牙，佢地以為做左坑紋後會索多啲湯好食啲，其實一啲用都無，以前平滑無坑既先又薄又彈牙好食。火腿浸到過熟，好鞋。太陽蛋雞扒配蘿蔔糕，唔見左個太陽既？散鬼晒。仲有塊心碎蘿蔔糕添，一開為二，睇都睇到啲質感好唔掂，粉多蘿蔔少。太陽蛋煎雞扒配蘿蔔糕，搵極都唔見個太陽去左邊，又燶又熟、乾增增。雞扒細件又鞋烚烚又硬屈屈，又乾又無肉汁。蘿蔔糕只咬到幾粒蘿蔔，份量好以一比九十九咁，粉就多多。點解依家變成咁架，以前真係份量又多又抵又好食 ﹗炸醬泡麵，都唔知邊個無聊人發明即食麵都要灑啲生蔥落去，都唔知搞咩，畫蛇添足。只係落滾

放工後, 我與他一起到大快活共進晚餐我要籠仔飯(鱈魚), 他要蛋包飯(吉列豬扒)先說籠仔飯(鱈魚),籠仔內裝了荷葉飯, 飯上面放了3片南瓜天婦罹鑊仔內有4塊煎過的鱈魚及少許雜菜。還送了一杯巨峯提子梳打荷葉飯: 尚可, 不太入味。南瓜天婦罹: 由於焗了一會, 有點"林"了鱈魚: 味道不錯雜菜: 有點像油菜=___="巨峯提子梳打: 不是太甜, 不錯~蛋包飯(吉列豬扒)蛋包飯上有茄汁,吉列豬扒"林"上番茄芝士汁還送了一杯香芒點子蛋包飯: 不錯吉列豬扒: 不錯, 因為有番茄芝士汁香芒點子: 應該幾好, 因為他整杯飲掉了XD不過,籠仔飯(鱈魚)要$47, 略嫌貴了一點。而蛋包飯(吉列豬扒)只需$36。下次一定會試大快活火煱~

年初三拜完年,周圍食,好多食肆要初四至開,終於都要食快餐.本來快餐店出品乏善足陳,但有時都偶有佳作.個晚食個豆豉雞煲+豆腐煲($33),豆豉雞有6件而釀豆腐都有3件,份量十足.由於人多叫,即叫即做,熱辣辣出爐,食落更暖.呢個快餐頓覺唔差.

而家一直覺得大快活好食過大家樂, 不過都要睇下邊間分店呢間家維村的大快活既野食係幾好食的, 我食開既有肉醬意粉, 鮮原茄魚柳意粉同埋焗豬扒飯. 呢間做得好唔錯,焗豬的配菜夠多, 咖啡味道夠香濃, 好像過大家樂多多聲.不過呢間分店都幾多人, 8點半過後成日d好野都賣哂.相比上來, 土瓜灣果間就好難食了.

平時有得揀都一定唔會食大快活，因為印象實在很差，之前買飯盒都係去開大家樂，但係真係唔得，所以見佢裝修完，又近公司，所以點都要去試佢一次。去過幾次，都好滿意。食過輕盈意粉餐（個名唔係好記得清楚），餐包括：蕃茄蓉肉丸意粉、脆脆朱仔包、意式雜菜湯、低糖綠茶。意粉的份量比平常少，但汁夠濃同埋好夠，另外配脆脆朱仔包，外表平平無奇，可以話係唔討好，但係咬落真係外脆內軟，口感好好，意式雜菜湯較清淡，似中式多啲，但係就好多蔬菜粒粒，都幾好。個餐話就話輕盈啲，但係食晒都已經好夠飽喇。另外不能不提嘅係咖哩牛腩，食過兩次，雖然兩次個汁都唔係好同，一次稀啲淡啲，一次就濃啲「傑」啲，但係個主角牛腩真係煮得好腍好香，個味又ｏｋ，所以久唔久都想食下。

一向鍾意食cheese,個新product好吸引,去左試加左個麻醬沙律,唔錯wor,但如果唔將d麻醬倒落去d番茄會比較好,d菜同番茄會出水,沖淡個dressing...個3芝雞扒通粉,d通粉就真係好麻麻,d芝士汁冇乜芝士味既......反而個雞扒好正,好有味,肉身好嫩,唔鞋,好讚

今日去開紅磡，鬼死咁肚餓，又熱，想搵個好d既地方坐，但又唔想去茶餐廳，於是去左呢個新裝修既大快活度食個早餐。好多選擇，又中式又有西式，我叫左雙蛋火腿加雪菜肉絲米，有塊多士，再有杯熱咖啡，勁平，都係$17!!!!比一般茶餐廳平，又好坐又舒服，冷氣又夠!!唯一不太好既係件多士唔係幾夠熱同脆!杯咖啡真係好正!!! 比起o個d什麼小cafe樓上cafe錶磅賣coffee既cafe正好多!!!我勸o個d cafe不如向大快活偷下師仲好，免得有咁人成日俾o個d 樓上cafe欺騙去左d黑店!!!!

燒雞翼, 我鍾意食! 新裝修同燈光都好靚, 有心思.已經超越大家樂既水準, 大家樂都係嬴慣性收視咋!不過成日播流行曲, 雖然係純音樂, 但都幾煩!最正當然係全線禁煙, 空氣清新, 大家Happy !

之前一般去大家樂食，食得多，改去呢度，有驚喜！其三飯，其蒸水蛋，好正點！水蛋好蝦人做，不知方法者，永世也難做好，但佢做得好好食！一試難忘！有酒家食味！要再試！