大快活

營業中

休息中

相信大家有食過大家樂同埋大快活，但個人覺得大快活環境質素服務方面絕對係比大家樂好。其實大快活嘅晚市係好好食，而且價錢又抵，絕對係見到大快活整出嚟嘅誠意比大家樂好好多。最可惜嘅就係大快活有時收得早，有時放工OT完可能會買唔到大快活食，如果佢可以收得夜啲就好啦。

喺街邊見到個好sharp嘅banner 寫住用 大快活自家外賣點餐平台有優惠, 於是到膽粗粗咁試下用, 用外賣平台來點餐享有九折優惠, 我於是點咗沙薑豬扒飯配餐飲, 由於我預先定去到舖頭就可以馬上拎走。外賣仲熱辣辣, 個飯有兩大範豬扒配合預先調製嘅沙薑汁, 十分惹味。 而且除咗主菜外仲有啲蔬菜就係西蘭花做點綴, 間盤賣凍綠茶走冰,相當唔錯。個餐本身如果係餐廳堂食或者外賣就39蚊, 今次用咗個app就九折,即係減咗四蚊, 最後埋單計數就35蚊。

宜家出面食個早餐都愈來愈貴！普通茶記都閒閒地要三十幾一個，之前因為新年度度唔開，所以逼住都要揀大家樂，大快活餐廳食早餐！太耐無食都唔知︳原來大快活都有好多平價選擇老公叫個份，炒滑蛋 + 多士 + 火腿通 + 野飲都係$30價錢同份量我覺得都可以接受！而我要同仔仔一齊食，所以我就叫大份少少午餐肉雪菜肉絲米 + 珍寶腸 + 雞扒 + 粟米 + 多士 $37.5份量嚟講一個大人加兩歲小朋友都剛剛好！

糯米飯一直係我既最愛,今日係大快活,見到有個雞翼糯米飯餐,當然要試試糯米飯上面,洒有花生,蛋絲,蒽,雞翼四隻,仲有兩條菜心糯米飯入口幾香臘肉味,仲有少許冬菇,飯就軟軟糯糯,都幾有口感,唔錯雞翼幾脆皮,醃得幾入味

話說一向都喜歡幫襯大快活，一來是衷心覺得它的食物不錯，二來是它有guts一直用杜汶澤做代言人，自是更值得支持。至於為何獨挑這家分店寫食評，是因為它的收銀阿姐專業敬業的態度，事隔數月仍令我印象深刻，感覺不寫個食評讚讚她好像有點對她不起，再者它的早餐供應時間較附近的餐廳都要長（到11:30），也是一大加分點，所以亦造就該次偶然光顧此分店的緣份。說回該位收銀阿姐，笑容可掬，態度親切，在我進食期間，一直聽到她不時向客人問好，熱情打招呼，和熟客閒話家常，對望著餐牌猶豫不決的客人又會主動推介食物，真是非常敬業樂業！

出街食飯會多味精呀鹽呀，細細個就聽阿媽咁講今次見到大快活有低鹽餐，阿仔都一齊食所以一於試試。南瓜野菜雞柳飯 $47賣相的確相當清淡，一大碗菜加配白飯。菜入面有烚雞柳，都幾多雞肉。本來以為會好鞋，但又意外地軟身。雖然稱不上滑，入口無係OK ge。用匙係輕易可以切成肉粒。菜幾多款，多數是洋蔥同椰菜花，另有南瓜，菇仔同蔥。感覺是輕輕炒再烚熟。整個餐唔可以話抵食，但味道可以，應該都健康。食完唔會口乾，應該真係少味精。如果同樣價錢送個野飲/湯會更好，米如果是健康米就更好。

求求期期食個快餐店嘅早餐，本來都冇乜大期望，不過我叫呢個早餐嘅份量真係好夠，＄30令都有咁多嘢食，都算做性價比高，可以啦！嗰個辣肉碎醬面，因為佢夠鹹同埋夠辣夠味，所以，撈埋落啲面都唔會淡茂茂，都可以嘅。咁呀個兩條腸冇乜味，冇乜特別。兩隻蛋真係煎下就算，多士唔夠燶又唔夠熱！咁如果易飽肚同你計就好OK啦。。。。好食就唔敢講。

Vi 禁岩黎荃灣搵朋友, 由於趕時間關係就隨便搵間快餐店食!點知發現呢間大快活裝修好新, 應該係新開無耐係商場入面都算係幾大間 內在環境很不錯, 全新裝修令人好舒服Vi 企左係度好耐先簡到食咩, 最後點左個魚香茄子滑雞飯醫下個肚~ 可能太耐去大快活, 原來依家係有專人送餐嫁!   唔係再係度慢慢排隊, 開心今時今日43蚊食個晚飯已經好抵, 魚香茄子一上台就好香!可惜係落得太多味精, 令到個魚香好咸   要不斷伴飯先食得落雞就真係幾滑, 份量好足, 大件夾抵食茄子好硬, Vi 覺得無問題, 因為比較鍾意呢種口感但可能普通人覺得佢太生喇! 整體感覺還可以, 新餐廳無果種人來人往,食都食得舒服D