大快活

營業中

休息中

大家活的一哥焗豬扒飯，上海排骨菜飯、焗肉醬意粉都好食，意粉的軟硬度，都有所進步，至於早前大家快活的所謂gimmick嘢，韓式鉄板牛柳粒飯等等，就真係唔多掂擋，須然價錢係幾十蚊，無得想點，但始終都有個選擇權。有次去買下午茶，下午茶係抵食的，希望一直有下午茶啦! 但份量有時多有時少，我估佢唔到呀! 希望佢做多D 優惠啦!!! 送多D 湯同野飲啦，平民飯堂啊MA....

炸魚椰斑斕飯是一道結合魚肉、椰漿和米飯的菜餚。首先，這道炸魚椰斑斕飯讓我印象深刻的是斑斕飯的濃郁椰汁味。魚肉被炸得外酥內嫩，肉質鮮美，而且不膩口。椰漿的香氣和味道讓整道菜更加豐富，吃起來非常開胃，每一粒米飯都散發著椰香。最後，這道菜的視覺效果也很出色。炸魚擺在米飯上，色彩鮮豔，綠色的飯讓人食指大動。花生和炸魚不夠脆，有點奇怪，如果可以更脆一點會更好。只有12-2 點這段時間送椰汁斑斕糕，晚上時段要加$2 才有得吃。

lunch成日出街食飯諗食咩真係好頭痛😔價錢唔想太貴又唔想咁多人（苦惱中）。咁啱路過見到大快活冇咩人排隊食飯，二話不說唔想諗就行入去睇睇。蜜味燒雞髀意粉＄36雞髀份量唔算太細中size，雞皮脆肉嫩有肉汁好香口。值得一讚👍意粉口感唔會煮得太淋啱啱好個蜜汁都好味少少鹹甜甜地👍

還記得90年代嘅時候， 大快活有個電視廣告，個slogan係，「大快活精神，挑戰無限分」。 當時我比較年輕，唔知道無限分，究竟係乜嘢。 呢個迷，至今我都未曾可以解開。不過我知道，大快活幾許風雨之下，成績有目共睹，嘢食水準係有增加嘅。 呢個咖哩牛腩飯就認證咗。咖哩牛腩飯，咖哩煮得好傑好入味，我唔知道呢個係印度，巴基斯坦，印尼，定係南洋種類嘅咖哩，但我就覺得咖哩味道好香好惹味，薯仔又夠入味，牛腩煮得又夠淋又夠入味，味道唔係好辣，一般人都應該可以接受到。呢個咖哩飯好掂，真係平靚正。

難得今日收早，晏都未食即刻去食個下午茶醫肚！如果想要選比較少人的，宇晴軒這間大快活人流較少，可以坐得舒服一點， 不用食完就即刻，怕阻外其他排隊人士用餐，可以坐多一會。選了一個雞翼茶餐，有午餐肉、蛋泡面，燒雞全翼及低糖綠茶。太陽蛋做得出色，吃的時候仍然流心，蛋黃仍未凝固！午餐肉覺乾，比較硬。泡面是即叫即泡的，所以不會過腍。雞全翼有濃濃的牛油香草味，燒得不會過火，亦十分入味，好吃。低糖綠茶味道較苦澀，綠茶味淡了一點！

大快活一直喺我的中學回憶，皆因佢既紅豆冰雞翼下午餐。 估唔到出左黎做野之後，獨獨晚餐時，佢都成為我的選擇。今晚食左個咖喱牛腩飯加蘿蔔粟米豬展湯。咖哩牛腩令我失望，薯仔多到一個極點，但牛肉只有三塊，仲要好韌。而個湯就真喺冇味精既，但以前一直有跟餐配，而加就要額外加7蚊。 荔枝角呢間空間好大，但餐牌選擇比較少。 而且我本身想叫咖喱魚魚柳，不過7點未到就賣晒。 而服務黎講，大快活的確比其他連鎖餐廳好， 有人拎俾你食，唔使自己拎👍🏻

最愛大快活的辣肉湯米粉套餐。今日早起身，便去公司附近的大快活滿足一下我的味蕾。大快活一直不斷改革創新。早餐的質量也比較大x樂更優。辣肉湯米粉份量唔大，所以套餐中有配多士和雙蛋。多士烘底後太𠝹口，於是我點咗免烘飛邊，果然入口軟熟好多。雙蛋我鐘意单面煎太陽蛋，加入米粉中可增加米粉的滑度和湯的濃郁。再配上一杯即磨咖啡，豐富程度足以為一天的工作增添不少能量。

今日就近食左晚市既打邊爐，辣雞煲湯底。點知一黎到個湯底咁白既.....心諗係咪黎錯左湯，但朋友覺得鍋邊有啲辣油，覺得係岩所以就算了。套餐價錢同對手美X差唔多，但只能夠講啲配菜唔太新鮮，圖中個堆金菇都係謝曬....仲要係我地同員工講比少左野，佢換左一夥謝既比我地所以真係唔好搞啲員工....Close up 真係無講大話....牛肉亦都同價錢成正比既，不過不失！總括而言，下次都係食返美X算

朋友呢排好似中左大快活毒.....=.= 係咁同我講D午/晚餐健康低鹽少油又好食又唔貴, 有D仲無味精....不停叫我去食=.=既然佢咁有誠意, 而我果日收工好餓又唔知食咩就去左大快活食啦~去到大約6:20PM, 唔多人, 我就揀左一個佢標明無加味精既咕嚕肉跟白飯餐不過唔知係咪晚市岩岩開始, 我等個咕嚕肉等左大約25分鐘, 等左20分鐘果陣追過佢一次, 佢話廚房炒緊....then個員工送餐過黎果陣, 咕嚕肉係幾熱, 但D飯凍晒...🙄咕嚕肉既肉同配料(e.g. 菠蘿, 青椒) 份量都唔少, 好夠飽, 但個人認為甜左少少送餐員工服務都唔錯, 跟托盤仲會買埋一杯水同浸住餐具既熱水, 叫完野食坐定定就得我諗.. 下次如果想食健康少少都會再考慮大快活既~

兩家大字連鎖店多年來的競爭，產生了很多變化，記得很久以前還沒有阿活公仔又或者杜汶澤出現的時候，心中覺得另一家比較優勝，但現在隨時間改變，也最少十年了，由這家的「焗」肉醬義大利麵變成「撈」肉醬義大利麵，還是依舊追隨，味道是有些微改變，但仍然很夠味道，份量十足，每次都可全部吃下（不過能吃的我會說可以再多一些就好了）。現在晚餐還有送餐服務，變得更進一步，環境很舒適，來吃一個快餐是很好的選擇👍🏻40HKD 送一杯綠茶

閒日竟然可以訓到中午，吃下午茶做午餐是種幸福！這裏人流較少，絕對適合安安靜靜地吃一個下午茶。很快就選好今日的茶餐。點了很久沒有吃過的公仔麵！蜜糖燒雞翼皮脆惹味，蜜糖香甜，竹籤貫穿全隻雞翼，方便顧客食用。吃完雞翼，公仔麵亦已泡冧，可以食用。今次的餐肉煎得比較好，沒有過耐而變得太硬。可惜煎蛋上碟時已經全熟不是流心的太陽蛋。低糖綠茶，茶味濃有點苦澀味，又帶有淡淡蜜糖香味。它是除了檸茶、奶茶外的一個健康之選～

今日同事突然話想食大快活，就一行5人gogogo好耐無去關係，見到有個。厚切吉列黑豚飯，就叫佢喇，個汁係咖喱汁因為即煮關係要等大概十分鐘好有驚喜啵！塊豬排都厚，個吉列炸得岩岩好！脆口但唔會覺得個皮好厚大快活個咖喱汁其實都有水準，我都鍾意食一杯熱檸茶結尾

途經宇晴軒，走得有點累和餓，便在大快活吃個下午茶餐。我點了的茶餐有奶醬多併腸仔和雪菜肉絲湯米，連熱飲只售$24，非常經濟。雪菜肉絲湯米份量亦不雪菜肉絲配料足，伴著湯米吃很夠味。奶醬多士的奶醬由客人自己沾上，我取餐時看到碟上一件沒任何醬料的多士時感到有點意外。花生醬的稠度適中，而且帶粗粒花生。雖然醬料由自己沾可讓客人因應自己的口味調較醬料份量，但只給客人一塊白多士讓我感覺有點馬虎，而且把醬料分開盛載有欠環保。

港式快餐連鎖食肆 港式快餐是香港獨有的一種快餐文化，而香港三大快餐集團的大家樂、大快活和美心MX均是港式快餐的代表。首間大快活於1972年12月於荃灣眾安街開幕，目前集團在香港及中國已經營超過140間快餐店及特色餐廳。早年大快活令人印象最深刻的小丑商標，這個商標沿用了30年，目的是希望帶出活力的感覺，正正是迎合70年代至千禧年的年輕客群。不過，大快活多年來改革不多，直至2003年推出品牌的全新形象，除了裝潢換上鮮橙色，更設計「跳躍人形」的新商標，除了表示快活的意義之外，同時帶出世界大同的意思。 大快活在店面貼上“全線晚市送餐”的宣傳口號，最初我以為是跟「麥當奴」一樣增加了上門送餐服務，後來才知道是每當晚市時段會有服務生將餐點送到顧客桌前的意思。當柜枱在晚市落單時會給予顧客一個感應器，顧客只需將感應器放在餐桌面的特定接觸貼紙上，服務生就會按數據將餐點送到顧客桌前，非常方便及有卜效，值得讚賞表揚！ 阿活咖哩牛腩飯 $46 (4/5分)可在落單時要求多飯或少飯，咖哩要原辣或多辣 菠蘿咕嚕肉套餐 $40 (3/5分)咕嚕肉炸粉太厚，部份有肥肉

大年初三的下午茶叫了泡公仔面餐+糯米飯。糯米飯淋淋的，好以一坨野咁，冇咩香味，32元，算吧！泡面的湯唔滾，浸極個面都唔淋，攞去取餐區，經理叫厨房兜面放去'微波爐叮，叮到個膠碟滾曬，比返我，真系點食呀。其實我衹叫想佢比返d熱湯我，我唔收貨，經理後來叫厨房再煮一碗。之後個碗，淋到不堪，再加多黑黑的鑊撈屎比我。真係唔敢食啦！比返櫃檯，連sorry一聲都冇。本來近年對大快活有所改觀，經理係管理層，其身不正，如何管理下級，對大快活，冇下次。