15
12
0
| 餐廳: | 大快活 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
食家推介
招牌菜
一如既往大快活，最鍾意食佢嘅咖喱牛腩飯。價錢又平牛腩牛筋又多，不過今次佢啲薯仔唔夠腍。懷疑臨時先加薯仔。服務非常好，而家佢會自動俾杯水你，你要多飯佢都會加俾你。另外又試咗佢嘅焗豬扒飯，不過感覺大家樂好食啲
繼續閱讀
啱啱去咗大快活試咗個早餐，一詞形容—正！焦香嘅多士夾上香滑嘅炒蛋，簡直係完美嘅開場。講真，用心炒嘅蛋係有分別，呢度炒嘅蛋滑到爆，蛋香撲鼻，一啖落肚，心情都跟住好起來！😋牛排呢，真係有驚喜，厚切嘅質感夠曬咬口，牛味足夠，撲嘴嘅黑椒味仲帶有少少辣辣地，唔係果種搞到你流眼水嗰種辣，而係令人欲罷不能嘅微辣，隨意一叉都係滿足。👍但話說返轉頭，雪菜肉絲米就真係欠咗啲火候，雪菜嘅清香蓋過咗肉絲嘅滋味，加上湯底稍嫌濃咗點，要加$7.5，我會覺得有啲不夠抵食。不過，食物總體質素嚟講，真係有得拍，我哋呢啲愛食之人，飛一轉大快活，都值得一試！🍽️#大快活早餐 #牛扒得意 #飲茶先啦
繼續閱讀
好耐都冇食大快活嘅早餐今日咁啱就嚟到西灣河附近返工咁就決定試吓，其實佢嘅早餐認識都幾抵食，我就調到吉列魚柳煎雙蛋多士熱檸茶再加多一個雪菜肉絲米！雪菜肉絲米份量都非常多，味道我覺得係中中等等啦，但係呢個份量嚟講就真係幾抵食，只係加多大概$8呢個份量比大家樂都仲多，味道亦都唔太差！魚柳嘅份量就唔係太大，但係非常熱辣辣食得出係新鮮即炸，唔會係擺得太耐，煎雙蛋同埋熱檸檬茶同埋多士就平平無奇啦冇乜特別，不過呢一個價位嚟講，而家都算係抵食，食完都非常飽！
繼續閱讀
熱辣辣，完全唔想閇爐煮飯，用網上外買自取份冬瓜海鮮湯+咕嚕肉飯，消暑開胃，網上落單仲有9折優惠😎冬瓜海鮮湯都算不差，有蝦又乾瑤柱， 味道就咸左少少。。。咕嚕肉就真係好大份，反而想多配菜同菠蘿，好似有啲蔬菜適合平衡返😅😅
繼續閱讀
依排唔知係邊睇廣告，間中都見到肥仔攞住個煲仔飯，攪到好想食但又無時間去啲出名舖頭食，唯有中午飯幫襯下啲新野啦。💥香茜鱆魚肉餅煲仔飯💥唔買真係唔知原來煲仔飯已經係連煲俾人外賣走，仲好貼心咁有埋個紙皮盒包到實一實，隔住個紙皮盒仲一啲都唔熱。行咗幾分鐘返到公司打開佢，即時feel到有股熱流湧出黎🔥 而個紙盒唔係俾你用黎攞個飯返黎咁簡單，原來仲可以變埋個隔熱神器幫我地攞個飯出黎，勁！😲 煲仔飯一打開個蓋個下立即有陣陣香味攻出黎，係平時喺啲出名煲仔飯舖頭食個種香味，忍唔住用個膠匙羹，無錯，係膠匙羹，但依個膠匙羹係特別硬既厚既，可以暴力刮，連對付痴實個煲既金黃色飯焦都綽綽有餘🤨 認真，我依個肉餅真係一般般既啫，但係個飯焦係吸引到我既，要講既話，我係會為咗個飯焦返轉頭。而且仲要還煲有現金券攞，當中午飯，夠飽，止口癮又得🤪
繼續閱讀