大快活 (已結業)

大快活係香港人既大眾快餐店，由小到大陪住成長，應該大部份人都去過大快活用餐。今早收工約咗人交收，早餐時間不可以太耐，即諗到去觀塘廣埸呢間大快活，由係收銀機點餐到取餐時間，只不過用了五分鐘左右，企係取餐處等餐，見所有員工分工合作，每人做好自己嗰PART，各有各忙，真體會到合作既力量係好重要，分秒必爭為大家服務今早點了H06餐，有我至愛之一～～蘿蔔糕，另配有粥，加杯凍奶茶，合共$37。價錢合理，啱口味，又方便快捷。快餐之選

健康餐之首選！！最鍾意去大快活食嘢，因為有得揀！ 有得揀多菜少菜，多飯少飯，紅米飯、白飯定橄欖意粉，又有啲健康啲嘅嘢飲揀（低糖綠茶），仲有得揀健康啲、少油、無味精嘅餐！今次去大快活食就揀咗個南瓜汁雞胸飯 配低糖綠茶😝$46欣賞佢個汁，一嚟調味唔多，幾消淡， 二嚟有啲淮山粒係入面，增加個口感，幾頂癮😝 三嚟會汁另上，警多落少都由顧客自己選擇！十分細心！個雞胸又大舊又嫩口又唔柴！食極都唔厭，唔會食到嘴歪歪！ 啲菜唔會太油，唔會太有調味！岩哂我口味！再加埋一杯低糖綠茶，完美！

最新推廣既白咖喱香茅豬扒飯， 本身中意食白咖喱既我忍唔住一試究竟。個餐加5$ 可以加杯柚子特飲， 偏甜。啲汁食落比較重椰奶味但都算好食既都少少似沙嗲王但無原版咁好食，豬扒好大塊以40-50$ 一個餐黎講都過得去。

上星期去鑽石山嘅大快活,呢度地方好闊落,今晚試一試煲仔飯,揭開煲蓋,香噴噴的味道,想即刻吞落肚,臘腸咬落去博一聲,有少許油漏出嚟,滑雞整得好鮮味,而且一點也不口,食到嚿雞胸,非常嫩滑,飯一粒,最好吃是飯焦,非常鬆脆,下次一定要再試！

一早起身出門工作，當然要食番個豐富的早餐先啦！大快活的早餐款式都幾多，我呢份平平地都幾多野食，一份餐有一塊多士，一大塊炒蛋，一碗火腿通心粉加杯熱飲，簡單又夠飽，食完就可以精精神神番工喇！

It’s 3:15, time for tea! This is my favourite combo! High CP value! BBQ chicken wings are my favourite, they are sweet and smell good. I want more! The toast is big! I like adding syrup on it to eat. Yummy!! Soft drink is ok, nothing special haha!

早餐 煎蛋同炸魚柳加牛油toast 就是正正常常的快餐沒有什麼正常價格炸食都是很香口的呢再早餐配上一杯熱lemon tea 食完炸野 可減少一些油脂感咁個面包自己喜歡多d 牛油會更香

平時番工就到既時侯用大快活網上訂餐系統真係方便左唔少，又有9折優惠，建議大家都用黎訂餐，節省唔少等候既時間😛😛不過唔好用無痕模式上佢地個系統，如果唔係apple pay粒制好難先㩒到

每逢假期，亞女都好鍾意落樓下間大快活食早餐，有佢至愛嘅炒蛋、厚多士、腸仔通粉，又平又抵食同埋都容易搵位。今日我又同佢兩個一早起身落嚟食個大早餐，叫咗最受歡迎嘅S03早餐，佢又鍾意個厚多士飛邊，我覺得呢個服務都幾貼心，因為有時小朋友唔鍾意食個麵包皮，仲可以問職員攞果jam、煉奶、花生醬，自製奶醬多或者油占多！而我自己就叫咗個雞扒太陽蛋多士早餐， $34貴少少。但係大快活嘅咖啡都幾好飲，因為係咖啡機磨豆機整出嚟。不過而家個雞扒就冇以前咁好食，細塊咗同埋肉質乾左少少。同埋今日個太陽蛋熟得滯冇流心蛋黃，有啲失望😢

下午5-6點 嚟大快活食雜排鐵板餐會有優惠，$49 有齊，牛扒、雞、腸、飯同埋可口可樂，個底仲要有雜菜，唔怕冇纖維，菜吸哂肉汁味，好正！食物份量不少，餐廳好有良心一個餐俾兩個人嘅份量，知道呢個時候生活艱苦，冇剋扣食物份量之餘，反而係多份量。

下午茶時間，搵搵食醫下肚仔，但係屋企附近搵食，最後去咗大快活唔好以為大快活就好hea，其實大快活嘅紅豆冰做得唔錯，甜度適中，食落粒粒紅豆。對比同類快餐，大快活嘅紅豆冰係最出色大快活嘅蜜燒雞髀都好出色，燒得啱啱好，顏色都好吸引。燒汁有淡淡嘅蜜糖味，帶出燒汁整體嘅香味，好唔錯。另外，佢嘅雞翼份量都幾大，食完雞髀，再飲埋紅豆冰，以下午茶呢計已經好夠蜜燒雞髀加紅豆冰夾埋$33，勝價比都好唔錯同埋好藉得一提，大快活係會提供紙飲管，好多餐廳都唔會我都支持環保，但飲紅豆冰唔用飲管確係無咁爽，所以大快活真係做得好貼心又顧及環保元素揚揚整體評分：8/10👍揚揚環境評分：- （外賣🤪）揚揚味道評分：8/10👍揚揚服務評分：8/10👍揚揚抵食程度：8/10揚揚返食機會：8/10

平時有做開gym/重訓既可能都知道有呢個餐。平時不嬲好少食快餐店,因為覺得唔太健康,可能好多時都係重味精多肉少菜冇營養。但係今次係大快活食左雞胸紅米飯,覺得一定要推介比大家。個紅米飯本身個餐係配南瓜汁紅米飯,但係大快活好貼心,可以比你轉茄汁同埋低卡意粉,好岩做要gym需要大量蛋白質既又唔想食咁多碳水化合物既朋友仔。同埋舊雞胸整得岩岩好,唔會煮得又老又un,除左肉仲有隔離有部分菜,加返d食物纖維保持腸道健康

大快活四寶飯我諗好多人都食過，我覺得質素幾好，拍得住其他茶餐廳佢勝在份量足，餸菜多，個飯又夠大，啱晒我哋啲月光族食🤣🤣食完超級飽個師傅好好，切左雞脾肉俾我，幾肥美，幾邪惡！佢嘅叉燒都幾好，燒得幾靚，肥瘦適中，食落幾滋味，紅腸有三件啊，我就幾鍾意啦，對於腸仔類嘅食物有啲難抗拒！當然仲有個鹹蛋，唔會硬骨骨好厚實，搣咗個蛋殼整碎啲蛋黃同蛋白，再攞嚟撈飯食真係一流，仲有啲薑蔥送飯仲有一啲菜，令個餐健康翻啲

天氣一轉涼，就特別想打邊爐，有時約唔到朋友，得自己一個人，大快活嘅一人火鍋，可以講係平價之選，食物質素都算ok打邊爐一定會配肥牛，所以就冇揀到豚肉，要左個4安士肥牛火鍋穀飼肥牛火鍋（4安士）湯底：紅棗杞子淮山濃雞湯肥牛：4安士約有5塊牛配菜：娃娃菜，唐生菜，金菇，南瓜，芝士腸，同幾粒丸麵類：即食麵，因為冇哂烏冬以呢個價錢嚟講，真係好抵食，嘢食ok唔差，成個餐對一個女仔嚟講份量都算多，我最後都冇食哂d即食麵

今晚去大快活食野，估唔到已經有得打邊爐！.有豚肉同肥牛選擇！.4安士的肉即係等於5～6塊肉！.🐟💬：.阿魚就選擇左豚肉同肥牛各4安士，一次過滿足2個願望！.湯底有2個選，分別係：（1）紅棗杞子淮山濃雞湯（2）麻香濃雞湯.因為擔心麻香會辣，所以阿魚選擇了第一個湯底！.配料都幾夠食，其實唔洗另加！.🐟FISH'S REMINDER🐟💡阿魚提醒💡.（1）飲品就另叫！.大杯檸樂，11蚊1杯！.（2）即食麵係福字麵來的XD.（3）阿魚就喜歡肥牛多過豚肉，因為豚肉好易un😱.🐟📝：7.5/10.🍽🐟📝📌 大快活