大快活 (京都廣場)

營業中

休息中

lunch time同同事去咗大快活搵嘢食 見到餐牌每週驚喜 - 泰式燒雞上髀拼珍寶腸肉燥飯配凍綠茶 決定一試 燒雞上髀啖啖都係肉 好鮮嫩 口感唔錯 但唔係好大塊 至於珍寶腸就唔好食 皮唔脆嘅飯方面可以免費轉紅米飯或者意粉 肉燥都唔算多 搭埋蔬菜 仲有杯熱飲 性價比拉滿分

收工行到週圍都唔知食咩好，岳高頭見到呢間嘢，唔使諗上去睇下有咩食，竟然見到有個咁嘅雜扒餐，嗰幅圖好多食物好豐富就試下啦，酥皮湯好脆隔離嗰個包就唔知做乜，雜扒嚟講都算細件，條腸最正，個汁可以，七十幾蚊呢個價錢食到咁多嘢冇得挑剔。

每一個早上我都會去大快活呢度食早餐因為比較近公司，雖然人流都比較多！好彩大家都係快食快走！但係午市時間真係太多人啦！一定要買外賣😆我喜歡他們的早餐是因為比較新鮮！而且味道亦都比較傳統！而且他們的服務很好！

平日來到銅鑼灣食lunch，最緊要就係平靚正，而且仲可以用消費券；見到佢新出咗個白咖喱鴛鴦湯粉，毫不猶豫試咗碗粉嘅味道係有白咖喱嘅，但你唔好期望超級濃郁，係淡淡味的；仲有兩個豆卜仔鎖晒啲味至於啲配料，有兩隻雞翼，都幾好味！仲有兩塊扎肉，係有煎過所以好香口；然後仲有一大塊豬柳，比較林，因為佢唔係豬扒整體來講$50來說都算幾豐富，其實我平時好少食飯，次次去親大快活呢類快餐都係鍾意焗意粉，所以呢啲粉面我就有多啲選擇

今期鐵板餐有雜扒 (牛, 豬, 雞) 再加一個飯真係好抵食用 wechat 付款還可以減十元即是 $48 一個落左單等5 mins 仲有專人送上台就算雜扒唔夠飽,加埋個飯咩都夠食比大家樂好食

最近大快活同大x樂早餐時段都有出"蕃茄乜乜炒蛋"系列我今個星期試晒兩間既呢個系列，不過大快活真係差好鬼多淨係比較個炒蛋佢係一d蕃茄粒都冇，只係一pat茄醬，頂多只係有d咁多既茄蓉pay茄醬仲要搶晒d蛋味，我完全唔覺得自己食緊炒蛋囉，而且咸到爆佢對手既蕃茄炒蛋起碼都有少量蕃茄粒，同埋冇醬，真係食到其他配料既味道其他：薯餅味道ok但係勁散，完全叉唔起，同埋都幾細塊火腿通粉同綠茶都冇問題，還好服務都冇問題 (我見呢度d食評話呢度既服務唔好又趕客，我又唔覺)

正所謂「一日之計在於晨」，早上當然要有滿滿的力量迎接新挑戰，那麼一個豐富的早餐當然不少得！🥰如果要平靚正，我就會挑選大快活的早餐，多士+蕃茄通+魚柳+飲品，都只是35.5，真的抵到爛呢！😁多士是厚多士，配合牛油吃正正常常！魚柳剛炸起，熱辣辣很脆，加上檸檬僻腥，想得很周到，點上魚柳醬很美味。😋蕃茄通很有蕃茄味，而且有腸仔作配料，會更飽肚一點。最後飲上熱檸檬水就剛剛好，早上已經充滿力量了！一個早餐只是$35.5，性價比實在太高了！🥰

以前成日上來買早餐，食物其實都係一般啦，奶茶又不及其他快餐，不過位置較大x樂方便，而早上服務員無論收銀或廚房叫飛的員工都非常有禮貌。不料隔了一陣子再來，咩事啲員工態度差了咁多，來買個外賣要受員工氣其實而家佢哋啲下午茶已經貴咗好多，選擇又少，不過趕時間，是旦啦，餐肚緊要，買咗個茶餐加個「上海麵」就比錢。個收銀員應該忘了打上是外賣order，攞餐時他們上了堂食比我，我發現時同個員工講話「是外賣的」，那個員工竟在我面前丟野，然後轉身口念念的，當然她扮作不是發脾氣，是不小心弄丟東西似的，但她那咀臉及態度令人很不舒服，跟我以前看到的服務員質素差很遠。服務態度講完講返食物，其實以前成日都幫襯佢地燒雞脾，又香又多蜜糖，不過今次食好似沒有以前這麼大及稍乾，不過明白百物騰貴，個味都ok👌🏻但個雪菜肉絲麵真係唔好食，有點腥...浪費金錢加左個麵，同等價錢可能加隻雞翼仲好！

好耐冇黎大快活度食嘢啦🙈🙈，之前一路都話佢啲紅米飯好吸引，但係我哋都係未嚟食過。😢😢😢今次經過大快活又發現好耐冇食過，所以就入去睇吓有咩食。😺😌😺😌發現原來大快活都幾好食，起碼個扒好過上次大家樂😂😂😊😊，然後個豬扒飯又好貼心咁加隻碟畀我地，加分。👍🏼👍🏼成餐比以前好食多了，而且非常智能化，放個機喺枱面，就有人送上嚟，唔洗問，已經比埋杯水我地，怪唔知得好多嘢都sold out 啦。👏🏽👏🏽

前幾日係大快活食過簡簡單單嘅晚飯覺得唔錯，呢日經過銅鑼灣駱克道呢頭，又決定再次幫襯大快活。本菇忌廉蘑菇汁雞胸紅米飯套餐 ($45)，賣相一般，唔算好吸引，味道中規中矩；不過可能因為用左雞胸嘅關係，食落肉質嚡咗少少。另外，話就話係紅米飯套餐，不過白米仲多過紅米。😅今時今日，樣樣嘢都咁貴，呢餐畀咁嘅價錢，梗係唔敢有咁多要求。嚟大快活呢餐都算經濟實惠之餘，食得健康啲。

今日食個粟米肉粒飯加個合掌瓜眉豆日月魚豬踭湯$38+$7粟米肉粒餸少，份量不多，些菜又硬，好似不熟個湯好細碗，得幾粒花生，沒有肉，合掌瓜沒有去皮，完全不覺得飲緊豬踭湯不過個湯都可以，不會話味精多，都算清只於佢地11:30都仲未有午餐，只得燒味飯，沒有其他選擇人地大家樂11:30咩都有，選擇多坐到11:50分先開始派午餐餐牌，超唔like

我地一行4人約8點45分到本店，大家都點了一人一鍋，由點餐，送餐，碌野食，差不多9點10先開始食到，到9點45分服務員提醒我地就關門，咁就開始收拾我地唔要既碗碟先，都冇問題既，我地已經冇停過咁食，打邊爐都要碌熟左食物先放得入口，想快都冇得快，到10點鐘，應該係佢地關門時間，一班職員坐晒係我地附近，因為我底頭食緊野，聽到有人問點解唔閂燈，朋友同返我講有個女職員對住個男職員講，男職員冇理佢亦冇閂燈，之後我又講到個女職員講遲左5分鐘，比人XX啦（粗口）。第一，我地唔係特登慢，未熟點食，第二，職員都冇理由係客人面前講粗口。我地4人十分不滿，最後我食剩半碗烏冬都冇食走左。

一個人搵食，抬頭見到大快活就大快活啦。今日想記錄的主要唔係食物，而係服務！唔知由幾時開始，大快活已經係送餐唔需要自己拎。對於自己一個人食飯，依個服務何其重要！如果你有試過本身已經一袋二袋，買完餐拎住啲食物但搵唔到位，你就會明白！除此之外，今日留意到第二個細心位，就係將你既餐具放係杯水度！大快活知道香港人鐘意洗餐具，唔駛你出聲比埋杯水你仲要幫你浸埋！另外見我無order野飲，比多杯水我，係暖水！依個舉動實在太貼心，抵讚！食物方面其實唔差，咕嚕肉份量唔少，炸粉唔算太厚，甜酸味道都不俗，總之成件事令人好滿意！

星期六放假日的即興飯局, 舊同學巧遇一齊放假我們便找個中心點相約晚飯所以選了銅鑼灣，可以晚飯後去睇戲朋友好熟悉銅鑼灣帶我周圍街跟住去左大快活晚餐今天大家食西餐,這裡很不錯,坐位都好舒適我們點了兩個鐵板餐這裡有多款不同款式選擇所有套餐都會跟餐湯如果跟汔水加$5湯餐平常既羅宋湯酸酸甜甜好開胃，仲有D菜肉就搵吾到舊啦不過只是暖暖地如果熱D更好 美國西冷牛扒拼司華力腸 $58這個價錢算不錯,好大碟而且份量充足,賣相又加分味道好味又唔會有so味,相當不錯之選配司華力腸味道不錯, 有咬口炒底飯材料比例剛好配黑椒汁認真吾錯朋友跟意粉意粉看來也不錯這間餐服務一般, 因為始終自己取食物質素都ok而且食完因為未夠鐘睇戲坐了大半小時，全餐廳滿坐都無人叫你走或眼金全望住你有機會再次光顧既餐廳

以前對連鎖快餐店沒什麼期望，印象中只有「快」和「平」，食物質素只是普普通通，有時候如果不幸選得不好，就只有幾件肉和一堆汁，唉......但最近大快活卻令我刮目相看，因為看着他們在食物和服務方面真的下了不少功夫，進步神速。在食物方面，他們的食物種類越來越多，還加設了我最喜愛的健怡餐和紅米飯，還可以選擇多飯少飯多汁少汁，彈性大，能滿足客人的各種要求。在服務方面，姐姐們應該接受了適當的培訓，十分有禮，除了基本的打招呼外，她們還會說「今天又想吃麼呢」、「這邊有位，請坐這兒」、「小心熱」、「多謝惠顧」、「下次再見」，也提供送餐服務，讓客人能安坐座位上開心地等待食物的到來。我特別推介「南瓜汁雜菜紅米飯」，因為真材實料。顧名思義，除了有南瓜粒外，還有椰菜、紅蘿蔔、四季豆、翠玉瓜和茄子，配搭淺橙色的南瓜汁，色彩繽紛，營養豐富，是平日中午放飯的最佳選擇。