大慶燒味飯店 (已結業)

好多年前深水返工，中午時份都會食飯，事隔多年覺得門庭依舊，人面是否全非巳經唔記得。下午一時左右，巳經冇乜人，到個卡位坐，呢度D卡位好闊，四個人坐都好舒服。叫碟燒肉雞飯跟湯($24)，燒肉依然脆皮，雞亦OK,水準始終如一。食食下有個伙計阿嬸走埋話佢落場要響度訓，唔該借借，咁都得，原來卡位闊係咁用。

除洪慶之外,其一個街口之隔之大慶,同樣十多年前經常光顧.昔日有時屋企"無飯",索性在此外賣.其燒臘飯跟例湯這個組合,由十三,四塊錢,吃到今天的$22.年來吃過很多名店的燒味,但沒有一間比得上這間的味道,感情分的確佔一定說服力.當然水準並不差,切雞雖然略鞋口,也有雞味.燒肉在皮同肉之間的肥膏,甘香非常.奉送的例湯,又是西洋菜,沒吃到味精.清甜下火又好暍.真正十多年如一的味道.望著門外的燒臘檔口,又是十年如一,時間巨輪彷佛轉回到去1991.著住校服,上同學仔家中玩超任的日子,大家打到天昏地暗,一起在此吃燒臘飯.發覺身上得張"青蟹",要友人相助才能找數,這段無牽無卦的日子,令人懷念.

(17/10)那纏繞的病菌，始終還未更治，幸而獲得一些安慰，還未致於胃口全失。所言的是此處的燒味，是夜有叉燒、豉油雞。叉燒是不錯，有的肥膏晶瑩剔透，層次分明，外觀上已增加了食慾，不是枚頭，但放涼了後質數仍然保留。肉質並未因燒烤而導致過韌，或鬆或軟，叉燒醬料平均佈滿了肉上，醬料薄厚適中，味道是保留蜜味，不會過甜，懶理甚麼染色素，美食是不會容許有這樣的考慮，而燒烤的時間不會過長，有焦黑的情況是少量，整體是不錯。四分之一的豉油雞，是較差的一環，這雞是過肥，底部的油分已很多，不少於三湯匙。雞肉味道尚保留一點，但豉油醃製的時間不太長，導致吃不了甚麼豉油雞的味道，只是皮層中保留。外賣過了不少年頭，記憶中鹽焗雞的味道是中規中矩。唯豉油雞翼是美味，十元四隻，值得購買。白雲鳳爪、海哲是廉價美食，味道不錯。自設明爐，每次路過，均見到大隻燒豬陳列，乳豬亦然。這是一間不錯的燒味店，比這更勝一籌，唯有是對面街的洪慶，美味燒味、出色小菜、本地靚絕手切牛肉（火鍋）、醉雞鍋、夜茶（大包）……想了又想，想到已昏昏欲睡了。

深水步長沙灣一帶唔識大慶都好打有限，老街坊格局，門外一系列的掛架掛上當紅燒臘，枮板旁放滿鹵水食品，適除尊便，在無遮無掩的保護下，話之食環署定衛生署的要求，老店嗎！午飯過後人客不多，選了個卡位坐下後正在盤算怎樣的燒臘配答，看到前坐食客不錯的鹵水雜會飯，連忙跟阿姐溝通溝通，親切的阿姐教路這為咸蛋四寶飯，但一心來領教出名的叉燒，沒有這道百搭怎能成事，大膽跟阿姐說可否有跟叉燒，看到阿姐走到枮板位跟師傅說啊談啊，回頭過來看到她的笑臉就知OK，打蛇隨棍上，半肥瘦唔該。碟頭飯跟例湯上檯，只能用嘩一聲來形容，分量無出其右；五五分半肥瘦枚頭叉燒，蜜味相當，肥瘦相間，人間美食，不愧為皇牌；其他白鹵水豬利、豬肚、豬耳、爽腸雖然是下欄食材，但這裡製作絕不馬虎；另外半只咸蛋亦是選自大號咸蛋，黃油足，蛋白夠味，半只咸蛋可抵上一碗白飯；紅蘿蔔菜乾湯，為照顧老街坊，純味及絕無味精。環境一欄絕對失分，因為會有小昆蟲陪你一起用膳；服務這項不用多說，其他食評都一致公應；價錢廿二塊錢連例湯，不用說吧。

當晚要到一間自願機構實習, 因為太趕無時間吃飯，好好肚餓, 好辛苦, 好可憐, 唯有於工作中能快快手手到附近一間餐廳食啦, 我突然想食燒味, 可惜附近很多燒味店都關門了, 原本唸住到洪慶, 因為好似好有名咁, 不過d燒味一早就唔比叫了, 唯有再走走, 到了大慶, 發覺還燈光火著, 可惜入面已渡布太多客了, 我以為又關門了, 於是我先問哥仔有無飯吃及幾錢他回答廿三元..嘩好抵, 因為碟飯好大碟同埋又送一碗好大的例湯, 好開心...我食完後還要繼續上班, 真係慘了.....不過都算能小休一下啦

又係一條友食飯，照例我都係會揀ｄ平平地既食店，快快脆食完就走人。但平平地並唔代表係冇要求，我都係會去有質素既食店。大慶在深水埗區出名就好多街坊都知，雖然門面較殘舊，客路都是以麻甩佬和伯父為主，給人感覺唔太好，其燒味卻十分出色。要一個燒鵝飯加一罐可樂。有點失望的是那可樂是什嘜牌子，扣了些少分。不過，燒鵝飯就爭番唔少分數。好大碟，見到有好多舊燒鵝，看似幾靚咁。食落都好唔錯，有油"標"出來，好新鮮好正！而且份量大，我一個人都食唔晒，真抵食。唯一係飲品種類太少，亦多以什嘜牌子為主，選擇例湯會更好。

燒味好好咪．．．．．又平又好咪＾＾

星期日，例牌同亞婆飲茶，例牌再上亞婆屋企打牌加食晚飯。34度酷熱天氣警告下，無人想行入廚房煮飯，最後決定由小人落街打點打點∼亞公開0左個盤話要食乳豬，0係母親大人指點下去0左大慶度買，$50蚊乳豬原來都有成盒架喎！5個人都食唔晒，睇住師傅大刀大刀咁斬落舊肉度，"CHARP CHARP CHARP CHARP CHARP∼"幾聲咁就切晒成舊肉上晒盒，睇見佢手起刀落果下絕技真係我仲驚過佢∼每斬一下，都會聽到乳豬脆皮一開為二既利落聲...身邊越企越多師奶，我都拿拿聲俾錢行人∼買齊晒0野返上樓，長輩們仲未願離開13隻大牌，叫我自己食住先，講真我都唔會客氣，因為佢地真係可以打到廢寢忘餐，亦無謂糟蹋我心愛既脆皮乳豬∼嘿嘿！！點少少乳豬醬一啖咬落去，脆皮應聲斷開∼連續幾0野「格肋」「格肋」「格肋」聲0係塊乳豬度傳0黎，除0左隻乳豬肥0左少少之外，其他0野真係無得彈！

抵食夾大碟, 質素絕對ok, 例湯飲得出係老火湯, 少味精! 有時唔想去食米線, 平平地黎呢度食, 好過自己煮!

見到店面都知是老字頭街坊店，出來的燒味又不錯wo。試過外賣他的叉燒同燒肉，15元一盒，食的是腩肉，好食﹗我朋友要了白切雞，肉都不差，是肉多紅了點可以熟多一點就沒那麼怕。如果店面可以乾淨點一定可以吸引多一點人來的。還有是不知是不是d伙計上了年齡，切件回家的燒味多是切不斷，買時留意點就沒問題了。

係深水步區的人都知佢出名好食的^^

大慶係長沙灣一間老字號的燒味鋪飯店!雖然地方因為多老人家而變得唔太衛生,但論燒味我覺得不錯的!而且價錢便宜, 單味飯加例湯堂食只不過15蚊, 很抵!