大榮樺

營業中

休息中

今次入去大埔覓食 去咗呢間平民西餐廳 外表簡單冇乜特別裝修 勝在夠抵又好食 先可以做到咁親民同性價比高嘅選擇多人到要等位 建議預早半個鐘攞位1. 西冷牛扒 肉質同成熟度啱啱好 非常有口感雖然比一般西餐平 但份量仍然好足2. 北海道凡立貝珍寶蠔黑松露忌廉燴飯份量十足 好creamy又唔會太漏 推薦

.#foodie #hk #hkfoodie #HTB美食推介【大埔平民厚切扒｜🕖7點後至少要等1個鐘】俾定個心理準備大家，因為講明係街坊西餐廳，店員真係平民大排檔嘅招呼~ 晚市去到記得要去拎左飛先，除非你係頭輪，如果唔係請你預咗要等一個鐘！同埋，佢係先叫餐、後入座，所以等緊嗰陣要諗定食咩啦~.🐨炭燒黑毛豬扒 $98推薦度：⭐️⭐️⭐⭐⭐小編黎咗咁多次，終於試到佢次次售罄嘅炭燒黑毛豬扒啦！黑毛豬質素係非常非常非常之好，外皮邊皮煎到香脆，中間肉肥瘦適中，保持到肉汁，豬肉味道都好香濃，難怪次次黎都咁快賣晒....️🐨西冷牛扒 $118推薦度：⭐️⭐️⭐⭐牛味唔算好重，但份量夠大，而肉質都係軟腍唔粗糙 ，咬落仲有豐富肉汁添~ 加上可以揀黑椒或燒汁，點埋汁食，都算係高質！.🐨蘑菇湯推薦度：⭐️無咩蘑菇味而且好水，就算係跟餐都覺得有啲失望.....🐨🐨心底話🐨🐨小編之前黎食過晏就，其實餐單都係一樣，而且價錢會再平啲~ 另外，小編上次係食泡菜意粉配西冷牛扒，泡菜意粉係有啲奇怪，而且無咗意粉應有嘅彈牙口感🫠🫠加上，嗰日個牛扒係Overcooked, 所以食哩間餐廳係要講少少運氣🫣-----☼-----☼----

大埔有不少抵食的小店 位於大埔昌運中心的「大榮樺」是其中一間令人不斷回訪的小店平日午飯時間去到通常都要排隊 同店員登記了 差不多有位時 會再叫登記號碼預先落單 午餐包西蘭花白湯 主菜 及一杯熱飲 今次選擇了最多人叫的黑椒牛扒飯黑椒牛扒飯大大份 表面煎到香脆 加了鬆肉粉的關係 肉質不會硬身鞋口 調味剛剛好 配合黑椒汁十分惹味不過餐廳環境是一般餐廳 座位較少 相對不是闊落舒服的餐廳 如果是食快飯 價錢及味道是十分不俗 不過不太適合朋友聚會慢慢食 

呢間餐廳真係次次行過都見到勁多人排隊，無論係11點定係點零2點，都見到係排緊隊，我望入去間餐廳個場仲要唔細，所以就決定試下佢🤣今日我地就叫左2個lunch set，分別係牛扒意粉同埋炸蝦肉醬意粉👍🏻👍🏻牛扒意粉十分之抵食，牛扒超級超級大塊，雖然佢冇得揀幾多成熟，但係佢都唔會煎到塊牛扒十分之熟，所以食落口感都幾好。而且佢個意粉都好好食，同平時出邊嗰啲普通意粉唔同😋😋炸蝦肉醬意粉亦都好食，佢有兩嚿炸蝦，全部都係啱啱新鮮炸起，識落都仲係熱辣辣👍🏻👍🏻而佢個肉醬亦都好夠味道，撈埋佢個意粉一齊食十分之好食🥳😋

朋友介紹中午扒餐好食，去到門口取票等位，差不多到時侍應講落定餐先，落單過程態度已經好差，落左單問佢叫埋飲品先，又講要坐下先叫，坐下左問左3個侍應先叫到飲品，最後果個問佢落5落得飲品，佢仲講你口渴米叫羅，態度又一次極差，我已經想即刻回佢，我已經問左3次，你係第3個，我問得你們就姐係想落單飲野啦！張電子單印左出來夾住隻夾仔，居然係飛上枱面，真係好5尊重個客羅！餐到左，扒係咸到一個點，5好食！下一次請我都5會再去食，冷氣又5夠，一路食一路流汗。

食物質素差。價錢以西餐黎講係算平，但係質素唔合乎餐廳水準。叫咗芝士生蠔忌廉燴飯，芝士非常咸，蓋過生蠔本身嘅味道。飯粒生硬，忌廉配上黑松露只有重重嘅油膩感，松露香味欠奉，食咗幾啖已經想放低餐具。服務態度惡劣。由等位開始已經有被吹促嘅感覺，甚至會用「教訓」嘅語氣同客人解釋。一食完會馬上收走碗碟。嘢飲上到檯已經係瀉滿係碟上面，杯柄亦沾有奶茶。唔會推薦過嚟食，尤其係要排隊。同樣嘅價錢可以食到其他更好質素嘅西餐。

今次又係大埔搵好嘅餐廳食🤣聽朋友介紹喺大埔中心有一間價錢又唔貴味道又幾好既餐廳🤤一於去試一試先😍🧊西冷牛扒飯 $70 8/10塊牛扒嘅份量都幾大😂配埋飯一齊食都好夠飽😆牛扒味道唔算太鹹👍🏻咬落去都唔太韌😚肉質正常都有肉汁，側邊嘅沙律菜一齊食冇咁油嫁🥰白飯可以加$8轉沙律菜薯菜或意粉🫶🏻🧊凍咖啡 餐飲加$3 8.5/10咖啡味幾香濃🤩質感比較厚👍🏻不過冰就算多，🥲同會少少偏甜，🙈不過可以少甜少奶令咖啡味更突出🤤味道都算唔錯而且價錢唔貴 ，都幾推薦大家去試一試嫁😝🥳不過lunch time時間就會比較多人等位🤣如果想試吓嘅就早啲去試比較好！人均消費💵： $60-70性格比： 8/10好食程度😋：8.5/10回頭指數💓：8.5/10

從網上得知大埔呢間餐廳，人人話好好味，每一日都排長龍，加上我有朋友喺大埔區住都係話好好味喎，我終於同我朋友入了大埔去試下，以餐廳嘅裝修真係一般 冇乜特别，可能我期望太高啩，我就食咗最好味top 紐西蘭仔柳，而我朋友在食咗炭燒黑毛豬，先講牛仔柳嘅味道一般，但係就好大件，牛味又唔係太濃，真係好一般餐廳嘅水準， 唔似得個個話咁好味， 我朋友食嘅炭燒黑毛豬，都係話一般般，唔難食但又唔係好好食，意粉就啱啱好，如果要我畀分100分可能得70分中規中矩，但係如果我要我山長水遠再食多次就唔會去囉，順路經過都會嘅😋

周不時都聽人講呢間嘢有幾好食有幾抵食，但係我去親都好多人，或者係食晏時候，所以好多次都敗興而回。不過我真係好想去試一下，咁唯有有緣再試啦！撞啱今日我可以同個女早啲出嚟食嘢，本來想去麥當勞食早晨全餐，但係剛剛過咗11點，又咁啱諗起呢間大榮樺，所以就滿懷期望過去一試。我點咗一個肉醬意粉比個女，我就叫咗個吉列豬扒飯。半個鐘頭後，我個豬扒飯到咗，但係我個女個意粉仲未到，所以都追下啦！於是我就先試下個豬扒飯，一食之下..... 好普通喎！再20分鐘後，我個女個意粉卒之都到咗。點之一食之下，唔單止普通到非常，而且仲有啲唔係咁熟添，點攪呀！不過要趕住接細佬，所以求其食啲就走。百一二蚊好似係幾抵食，但係質素都好重要。希望佢會跟進一下囉，不過我就唔會再去喇！

自從幾年前男朋友帶我食呢間餐廳，去開大埔都好想再食，可惜成日都大排長龍，今次終於的起心肝10:45去排隊，終於都比我食到！🤣餐廳入面位置都算幾迫，唔係話坐得幾舒服，不過為咗佢嘅黑毛豬，都唔介意啦！我哋兩個都係食炭燒黑毛豬 ($70)加$8轉意粉，因為呢個勁好多人叫，所以等候嘅時間都比較長～店員會先上咗個湯先，個湯就似正正常常嘅街坊西餐，冇乜特別驚喜～去到主角黑毛豬，佢個份量係好大塊，加上切開之後，佢嘅生熟程度啱啱好，食落去非常軟淋，亦都唔會覺得佢有一陣臭豬味😌而佢嘅意粉亦都非常有誠意，本身都撈咗啲白汁，成個意粉唔會好dry～當然跟餐都會跟返一杯飲品～我覺得呢個價錢食到咁大塊黑毛豬，都算係物超所值啦，食完呢份餐真係又飽又滿足🤤

因為聽朋友講話大埔呢間店好食，而且好快賣晒我最想食既西冷牛扒意粉，今日專登同媽咪早D去，排左半個鐘左右，終於食到啦。西冷牛扒（燒汁意粉 ）$ 68我就叫左西冷牛扒，個燒汁，牛扒份量都算大份，味道真係唔錯，多汁唔會煎到好乾，意粉煮到岩岩軟有彈性唔會太林都幾好食。北海道帆立貝珍寶號黑松露忌廉燴飯 $108媽咪就叫左燴飯。三隻珍寶蠔+一隻帆立貝，加埋芝士，好惹味。黑松露飯啲黑松露唔算好出。兩個餐都配有椰菜花忌廉湯，幾濃幾好飲

一個人食午餐，一於要揾好嘢食，心思思去大埔昌運中心的「大榮樺」食午餐，好掛住佢平靚正大大份嘅午餐，中午12:00去到，已經非常多人等候，我估今次又要等半個鐘。攞咗飛之後呀姐姐已經叫我落定order揀定想食乜嘢，耐心咁等了一陣，都好快有位。差唔多兩年冇幫襯，今日再次去試吓佢嘅黑椒牛扒飯。果然冇令我失望，牛扒大大份，雖然俾我上次嚟嘅份量少咗啲（上次係兩塊㗎，非常誇張），這個份量性價比已經非常超值。牛扒嘅味道好好，有調味但係又唔覺太多鬆肉粉，等咗20分鐘都值得。不過佢哋啲服務有啲混亂，落咗單張單會落錯，我見其他台都好似啲order亂咗籠，我叫咗飲品，但係等咗好耐，我再追嗰陣時先發覺原來係漏咗單。

大榮樺係大埔一間又出名又抵食嘅餐廳😋每一次去都要大排長龍，同埋發現佢哋長時間都冇黑毛豬食😂已經1:00先去，就已經冇晒黑毛豬🐷🐖幸好仲有西冷牛扒🥩🫶🏻如果再晏少少去可能西冷牛扒都冇得食🤪今次係同阿妹一齊去食，我地一人一個餐，而我就要咗個西冷牛扒配薯菜，今次餐廳嘅職員無問我西冷牛扒要幾成熟，所以牛扒嚟到嘅時候係全熟，然後佢哋嘅薯菜係傳統嘅紐紋薯條🫶🏻好耐無食過紐紋薯條🍟而且份量相當大份😋而阿妹就叫咗一份蒲燒醬汁鰻魚飯🫶🏻大大塊嘅鰻魚😎相信食果戈個人見到都會好開心🤪大大份又抵食👍🏻而且個賣相唔差，而且阿妹係咁讚好好食好好食😋😋⭐️蒲燒醬汁鰻魚飯 💰$56⭐️西冷牛扒飯 +$8轉配薯菜 💰$58+8

今日遲左放lunch, 兩點幾先去到。等左15分鐘就有位，不過最出名的牛扒同黑毛豬賣晒，所以試下未食過的吉列炸蝦配芝士肉醬意粉（含牛肉)。當食物黎到就聞到好香芝士味，原來肉醬意粉上面係一大塊熔左的芝士同芝士粉，口感一流！炸蝦亦都正常發揮美中不足係肉醬意粉味道較淡，當食健康啲啦

話說本人同家人去晚餐二人,都未晚餐餐廳人員質素好差跟本趕客,排隊先就要人落單先可以入,張飛係我哋8号兩人,跟住又比張8号4人,枱係叫我哋先,跟住又話唔係我哋先,,到排隊排到叫人入坐,坐下後又比人趕走又話未到本人,我同佢講妳哋安排好亂囉！d員工重答我話係,態度極為囂張,跟本不怕少了客人一樣,今時今日甘樣做生意趕客,以後都唔洗幫襯！