大榮樺

營業中

休息中

一個人食午餐，一於要揾好嘢食，心思思去大埔昌運中心的「大榮樺」食午餐，好掛住佢平靚正大大份嘅午餐，中午12:00去到，已經非常多人等候，我估今次又要等半個鐘。攞咗飛之後呀姐姐已經叫我落定order揀定想食乜嘢，耐心咁等了一陣，都好快有位。差唔多兩年冇幫襯，今日再次去試吓佢嘅黑椒牛扒飯。果然冇令我失望，牛扒大大份，雖然俾我上次嚟嘅份量少咗啲（上次係兩塊㗎，非常誇張），這個份量性價比已經非常超值。牛扒嘅味道好好，有調味但係又唔覺太多鬆肉粉，等咗20分鐘都值得。不過佢哋啲服務有啲混亂，落咗單張單會落錯，我見其他台都好似啲order亂咗籠，我叫咗飲品，但係等咗好耐，我再追嗰陣時先發覺原來係漏咗單。