大樹先生的家 (D2 Place TWO)

營業中

休息中

由於工作太忙真係想收工出去抖下， 知道嗰日唔使加班，收工就即刻帶亞女去play House玩順便食晚飯!今次揀咗位於荔枝角的大樹先生，揸車去直接可以泊係D2 place 入邊超方便 張枱好大張，地方都算舒服！ 親子餐廳來說他們都算是多種類選擇，我們隨便點了幾個晚餐 set. 這個豬鞍配菠蘿 好好味 ，我連所有菠蘿都食曬我老公就點咗 慢煮牛柳配鵝肝， 呢度竟然有鵝肝食我老公最愛。 套餐還有 沙律及飲品 我就嗌咗兒童餐 給我的小朋友， 呢個南瓜飯真係出奇地好味，囡囡個掛住玩食唔曬，都畀我食埋呢度徐左有波波池， 還有一個幼兒專區專，畀三歲以下的小朋友玩， 總之帶埋妹妹黎釣魚池仲有 角色扮演 我個女成晚著住條白雪公主裙 他們還有特備節目 ，是一整個波波包住小朋友 他們都玩得很開心 還有男孩，女孩 都愛玩的廚房 佢哋玩到唔捨得走整體嚟講食物的種類多， 嘢食也很不錯 ，地點又方便！ 下次應該會再來的。

這天朋友一家帶我前往荔枝角尋找美食，全因為他們需要一個親子餐廳，早就聽聞這間餐廳於台灣的名氣，第一次於香港光臨，令我十分期待。照燒暖牛柳粒配新鮮雜菇。牛柳肉質鮮嫩，大小適中的牛柳在烹煮上特別運用獨家技術，將牛肉的鮮甜味鎖住，搭配特製照燒醬拌炒綜合野菇，口感酸甜開胃配襯牛肉的鮮甜美味，吃起來層次，十足味道豐富。加68元享受星級橙西柚汁及是日經典甜品朱古力莓批，飲品方面，新鮮即叫即做，採用新鮮水果的飲品，自然更為健康。甜品味道方面，不算太甜，莓味香濃。南瓜忌廉汁意大利粉配照燒雞扒， 香醇濃厚的日本南瓜蓉， 含豐富維生素，搭配日式照燒雞扒味甜清爽的滋味，讓人不知不覺著迷。套餐跟是日湯品雜菜湯， 不要小看這個湯品，內裏真材實料。

囡囡放暑假，今日帶囡囡去荔枝角D2 Place既大樹先生的家玩。餐牌款式都多元化，有沙律、湯、小食、主菜、意大利粉、意大利麵，而且還有可愛兒童餐，飲品種類都有好多款。入面有波波池，玩沙區、煮飯仔、釣魚、0-24個月遊戲區，換衫區，已經好足夠小朋友玩，我囡囡玩得超開心，因為個波波池好大好多波波，最後當然個個都玩到唔願走啦餐廳位置都好寬敞，都有位比小朋友走動。活力滿滿英式早餐好豐富，擺盤好靚，有英式鬆餅、炸薯角、沙律菜、炒雞蛋、煙火腿、水果、茄汁豆，份量夠多，整體味道唔錯兒童餐有肉醬有機蔬菜通心粉、煎魚柳、水果、羅宋湯，羅宋湯係兒童版，好足料，水果好新鮮，而且仲好甜，煎魚柳，魚柳好滑唔腥，通心粉份量都好多，小朋友食唔晒榛子朱古力朱古力味非常濃郁，底下仲有粒粒朱古力粉嫩荔枝蜜桃茶以蜜桃茶為基底，味道不太甜，荔枝係新鮮荔枝，有好多粒粒蜜桃最值得一讚，員工好有愛心，會同小朋友玩同傾計

有驚喜的台灣親子之家餐廳樂園玩樂之地，一進入去樂園時全是半開放式的設計，波波池裡的波波也是自家出品，各色扮演衣服，木頭製火車，木頭製釣魚魚池，木頭製廚房用具加煮飯仔，一應俱全應有盡有，所有用具都非常乾淨新淨，進入小孩子遊樂地方的時候都會消毒雙手，聽說波波池類的波波也會分批清洗不同時段，兒童的玩樂非常之完善食物方面，我地四位大人叫了四份不同的晚餐，特級慢煮牛柳配烤大磨菇，特級慢煮牛柳配鵝肝，烤日本黑豚豬架配燒菠蘿，照燒頂級銀雪魚配黑松露薯蓉，仲有叫多一個兒童餐，南瓜雞蓉星星粉配大蝦天婦羅，飲品方面叫了芒果熱情果沙冰，草莓香蕉沙冰，荔枝蜜桃茶及鮮奶咖啡。食物方面做得非常出色，好吃乾淨企理，兒童餐做得精美好食開心，相信呢間一定係首選嘅親子餐廳樂園。

我約了星期六去，早三天book位，約了3:30下午茶時間當日人流不多，去到見到波波池小朋友開心到衝入去，每位人頭最低消費$120，野食比較貴二百幾蚊一碟意粉，嘢飲$70一杯，我叫了兩碟小食，薯條同炸蝦球，嘢食及飲品味道都是一般，但場內設施足以夠小朋友玩得好開心，當你見到小朋友咁開心就會覺得值得，有波波池，釣魚區域，廚房區域，分好幾個區，所以下次會再來光顧，下次會想叫沙律🥗試下，凍檸茶都麻麻地無茶味

是日星期三 閒日諗住試下帶嬰女皇黎呢度初體驗 本身諗住加固+玩一站式 上網睇圖知道分時段 target 玩到3點清潔時間既 2點去到 誰知非常嘈雜多人 同近門波波池既職員拎位 佢嗌左mic3次 再同裡面職員s揮手無數次都係無人理（但我明明見到有職員係望到我地）好 已經擾嚷好一輪 嬰女皇由興奮變燥底啦 老公決定自己入去揾職員安排 職員話2點已經cut晒所有食物（又話3點至3半先係清潔時間⋯⋯）叫我地考慮下場3半再黎 但唔留名唔休做的態度 完全就是愛理不理 感覺很差 帶著哭哭鬧鬧的嬰女皇離去 原本諗住既快樂playroom家庭日 完全被這些不友善的安排及態度所摧毀 短期內都唔會再考慮呢間野

每次經過都見到好多小朋友好開心咁係入邊既設施到玩，今日我地一行十個人加五個小朋友就去左呢度試試喇。有波波池，滑梯等，又真係好吸引既。仲有書同玩具，小朋友一定唔捨得走！我地叫左好多野食，多到我都唔記得d名lu 好彩都有少少相。食物我覺得有d貴，每人都要成$500,小朋友$79 ， 如果呢個價錢，我可以係soho 區食d好味既野，係呢度都唔知食左咩，又唔係好飽。 不過食物價錢包埋小朋友既遊樂場呀，所以係貴d，可惜我無分玩😂🤦🏻‍♀️所以只啱小朋友，唔啱大朋友😂

有時落雨都唔知道可以同小朋友去邊度玩。去過唔小的playroom。不過我自己覺得大樹先生最好。首先地點易去。通常玩完大樹先生，我仲可以起d2 park行下。之後小朋友先番屋企訓覺。第二樣野，好玩。咁大個波波池真係好正，不過我小朋友最鍾意係廚房組合玩具。會不停跑過去搬來搬去。第三樣野，食物份量唔細，同埋幾好食。今次係兩大兩細去。點左兩份兒童餐。4個人share.兩個小朋友全飽。大人食到唔肚餓。如果再叫多一碟會足夠d。

今日約左家族老虎仔去親子餐廳,就返老虎仔地點就係D2落腳。埋單差唔多五百蚊黎講又玩得又食得,我都幾滿意,他日我有個老虎仔我都會帶佢黎玩同食。食物質素原先我以為實平平無奇/什至難食,點知又估佢唔到幾有水準,MENU睇又幾健康WO。我個南瓜意粉超濃郁既南瓜顏色同味道,唔好睇個雞咁既色水,但肉質好嫩。老虎仔一個兒童廳都無叫,只係食左個薯條同飲左湯就玩到完場職員清場包尾走。佢開15:30 我就BOOK左直入,一開頭無咩人都驚伏,點知轉個頭陸續勁多人啦。呢到既STAFF偏向青年,對小朋友好有愛心,什至落場同小朋友玩波波池,有禮貌,服務中上。記得呢到有最低消費: 成人$120/位,小童唔記得當日好似係$59大樹先生(15:30)整體評分 8.0 /10推介: N/A(五分滿)老虎回頭率：🐯🐯🐯🐯

自從屋企有左幾個小朋友之後，每次出去出面食飯慶祝都會揀一d family friendly / children friendly 嘅餐廳。咁岩一家人慶祝母親節，就黎到荔枝角嘅呢間大樹先生的家食返個lunch! 我都係第一次去去呢一類型嘅餐廳😀😀兩個小朋友最開心，一到餐廳已經超級興奮，每個play area 又分左年紀，對小朋友安全d。講返食品先，因為係小朋友餐廳，對食物水準嘅要求自然冇咁高，叫左個炒雜菌配蕎麥麵，價錢中上偏貴，個食落又okay 喎！比想像中好食，好fresh !同行朋友叫左烤豬胺，肉質都唔錯！

朋友話想帶小朋友出去玩食又未食野，於是佢介紹左大樹先生，哩間餐廳其實係為小朋友而設。然後可以叫野食，但係如果小朋友太細，係分唔到身，都唔知去番位食野好定係同佢地玩好。不過佢地野食真心好食，我地係tea time 去食所以會平少少，同埋小朋友生日月會有免小朋友錢，但要記得帶出世紙或者生份証。講起，我唔記得帶出去食飯，但今餐要請朋友，職員好好，他想方法用支付寶收左我錢，然後自己俾錢埋數，做事好有彈性。講番d野食，我地叫左炸肉餅同埋d野飲。我飲完水果茶之後每日都好想念，無論去到邊都嘗試搵哩個味道，但都係大樹先生的水果茶最好飲。

服務員態度很好，有效率，很快就提供協助；食物質素都很好，好吃及健康，份量亦頗多。地方整潔，有很多不同的設施和玩具給不同年齡的小朋友玩耍。小朋友樂而忘返，渡過了一個愉快的下午！

大樹先生生日會去食去玩就多, 今次係生日主題包場, 入座已經有小禮物, 好豐有hipp既產品, 亦都有同平時不一樣的餐枱紙門口更有各類氫氣球, 小朋友既重愛 十月嘅生日會比較特別, 係以自助餐形式, (平常只係餐點啊) 自助餐所有都係cupcake或者小食, 非常適合大人及小朋友現場亦有魔術師, 繪畫師, 亦可以扭波睇表演。十月嘅時候係黑色波波池呀, 呢個係一個好特別顏色, 應該係慶祝萬聖節吧最特別係十月生日會係有黎諾懿爸爸, 同你一齊慶祝, 大人小朋友都玩得好開心, 大合照都已經用咗唔少時間☺☺如果再有特別嘉賓, 我都會再光臨生日會

感謝大樹先生的家 Mr. Tree - 香港店的邀請，讓我和Jasmine 可以一次滿足多個願望：用餐🍴，玩樂🤹🏻‍♀及親子烹飪🍳班。今次是我第二次來這家店了，上次來的時候大概是萬聖節🎃時期，還記得波波池的波波也是黑色的。今次換上了由台灣藝術家👩‍🎨陳思珍設計的主題，波波都換上了湖水綠色，仿似在綠草如茵的草地上，跟現正踏入春季時節一樣，很搭配呢❣除了波波池，Jasmine 最喜歡的便是「煮飯仔」🍳，如果不是知道有姐姐在唱歌，她也不願離開此區域呢❣遊玩過後便開始用餐🍴了，上次到來已經覺得這裡的食物質素很有水準，今次當然也不例外。另外，我也點了一份兒童餐給Jasmine，湯和飯拼出貓貓🐱的樣子，很可愛啊❣用餐後，我們便開始動手煮出營養美食，由BabyBasic 寶寶百味的創辦人營養師爸B陳國賓Leslie Chan示範用BRUNO - Hong Kong多功能電熱鍋烹調🎃南瓜大阪燒及🎃南瓜沙甸魚飯團🍙，當中也講解了一些如何處理小朋友偏食的小秘訣。老實說我成為寶寶百味的會員快一年了，也有買有機南瓜多穀粉，不過平常只會用作南瓜汁🎃拌通粉或飯，真的沒有想過原來可以這樣製作大阪燒給Jasmine呢

星期日梗係要親子活動，呢間出曬名嘅大樹先生，今次我就有朋友邀請我來他的生日會，食物一試難忘。一入到去時兒童的目光都是集中在遊樂場，波波池，瀡滑梯，玩具同埋沙池。 入座後有店員同我講last order，我馬上叫了一個店員推介的豬仔肶骨配黑糖醋汁，自己再叫咗一杯水蜜桃乳酪梳打，同一杯荔枝蜜桃紅茶畀我老婆。荔枝蜜桃茶用罐頭荔枝，罐頭蜜桃，紅茶冇茶味，大量糖水，飲落去同飲糖水冇乜分別。 另外一杯叫做水蜜桃乳酪梳打，蜜桃唔再講，完全冇乳酪味，只係一杯加左罐頭水蜜桃嘅梳打水，再加大量糖水，兩杯飲品難飲到一個點。到了主角，豬仔肶骨黑糖醋汁配薯角，乾旱而無味的豬仔髀骨配上薯角，張黑醋汁淋上豬仔肶骨同薯角上面完全唔配合，這間一試難忘的餐廳唔會再嚟。