大渣哥茶記 (已結業)

大渣哥喺灣仔都開咗一段時間，每次lunch 經過都見到好多人係門口等，搞到都無乜意慾去排隊。不過今日有同事同我講，其實茶餐門口大部份都係外賣，所以今日就都決定去Try Try。但去Lunch依然都係好多人排，但嚇唔到我嘅，決定繼續等，果然，等咗幾分鐘之後就有位！入邊地方偏大，正常茶餐廳格局，幾乾淨。第一次食緊係試下「打躉常餐」，我揀咗 雞扒意粉、煎雙蛋、丹麥多士同埋凍檸荼！雞扒夠大塊，煎到皮脆肉嫩，醃得夠入味而且無乜雪味；意粉唔會太冧同散，湯夠濃厚，食落都條條沾到湯！丹麥多士味道正常，如果可以熱辣辣咁送上就更好！總結幾好食，得閒會多幫襯，試下其他嘢！

大渣哥終於嚟到銅鑼灣，見證住佢由裝修，到正式開幕。本身對佢嘅食品質素冇咩期待，主要都係想支持下黃店。今日就揀咗開店嘅第二日嚟，個日星期六嘅晏晝嚟到，喺遠處已經見到長長嘅人龍。但係因為舖頭面積大，環境寬敞，就算因為限聚令而令到座位少咗，都係大概等在15分鐘到就有位啦。一坐埋位，就見到佢有啲好特別嘅slogan,當然係用一啲搞怪嘅方法吋下啲政治新聞人物咁啦。今次我就專登唔放張相，等你哋自己去留意吓發掘吓，保留少少神秘感！我哋點咗：1.一個午餐肉通粉，丹麥多士煎雙蛋，連埋飲品都係$41蚊2.咖喱吉列豬扒飯， $69蚊通粉簡直令我喜出望外，佢個通粉湯係用真正嘅忌廉湯湯底，丹麥多士超級入味，一層層酥皮，咬口鬆軟，同其他嘅餐廳好唔同！吉列豬扒係新鮮炸出嚟，但係唔會話好油，豬扒咬落去係卜卜趣，不過個咖喱比較辣，如果唔食得辣嘅人不妨呢同佢講要小辣。今日開舖嘅第二日，仲要撞到老闆在場，好親切咁問顧客食評，尋求改善嘅建議。老闆仲話場地嘅裝修費比九龍灣嗰間仲貴，所以大家品嚐佢嘅美色之餘，都一定要留意吓佢嘅裝修。後記：重點推介，個廁所先係真正嘅打卡位，老闆話佢請咗個清潔姐姐淨係清潔廁所㗎咋，入去食嘢記得去廁所

終於等到大渣哥港島分店開張, 當日大約早上十點左右嚟到, 店內都幾多人, 但好彩唔使等位.店內環境光猛, 乾淨企理, 坐位闊落, 坐得幾舒服.柯打了早餐B, 香煎豬扒通粉配丹麥多士及炒蛋加熱檸水. ($45）香煎豬扒通粉 豬扒整塊上, 比想像中大塊, 煎得香口, 幾好食.通粉淋得嚟都ok, 有舊時茶餐廳嘅風味.湯底唔錯.丹麥多士, 炒蛋多士正常水準, 炒蛋幾香幾滑服務幾好, 侍應有禮貌整體嚟講, 早餐食物質素中上😋, 環境舒適, 對我嚟講係灣仔茶餐廳食早餐嘅首選. 👍🏻

天寒地凍，二人限聚都爆場實在勁👍🏻一開始已經睇中自由西餐，因為之前去咗渣哥食腸粉魚旦餐，諗住少少地牛扒配薯條，點知😱😱咁多薯條，大鑊實食唔晒。估佢唔到連杯凍檸茶都咁巨型！值得一讚係叫佢濃茶底真係做到😍👍🏻。你知啦，好多餐廳聽完就算都唔會跟單做比你🙄另外朋友點左鐵板餐，一嚟到笑死，D餸多到出晒界🤣🤣，點食得晒唧，仲要送埋濃濃嘅羅宋湯同餐包呀大佬😱店舖好多嘢睇，等待食物時絕對唔會悶親，所以好多食客都笑咪咪咁😂呢餐真係大滿足

嘩，大渣哥終於係港島區有得食啦！尋晚知道消息後，今朝一早校定鬧鐘八點就去食大渣哥，9:00未到已經坐滿八成啦，好在都仲有位入到。環境都算闊落，唔似其他茶餐廳咁迫塊隔板都好有心思呢個好很藍系列好正，如果突然想食佢地大渣哥都有接近既選擇😂一路食大渣哥一路睇蘋果係常識黎架，食得特別有味道食物方面都係一般菜餐廳會食到既嘢食，價錢方面可以接受，唔係平但環境舒服都反晒返個多士係一層層既，整得幾好食，炒蛋不錯，食得出唔係cheap蛋雞扒公仔麵，塊雞扒煎得好好香好好食，不過個麵係無咩味道，如果可以濃少少會好好多。整體上食物質素係唔錯既，不過可能啱啱開同今日坐得入，都叫左幾次先有人見到落單，希望下次再去會有進步啦。

newly open and I am kinda bored with all the options around me. so give it a try and expecting a 10 -20 min queue. pleasantly surprised I could walk in right the way without even looking at the menu like I normally would do. I am glad I didnt look at the menu before I sat down. once I look at the 40+ hkd breakfast, I told myself that too late to walk out, so full of 'give it a try' mindset to order. and here it went... watch for my 3 justifications for the high price... will I go back again? if

女人的浪漫～麻婆豆腐火腩飯配雙檸樂～有人唔抵得我有得食，今朝一早迫我再去食歡樂今朝早餐，鮮牛通、丹麥多士炒蛋、熱鴛鴦，好飽呀！入到去不停睇餐牌同佈置品，點解？笑吓囉

估唔到咁大塊雞扒， 又有隻蛋， 腸仔，粟米粒，丹麥多士好豐富！ 雞肉有汁， 又香口，蛋又大份！係多士我覺得一般！ 總括來說抵食環境乾淨！ 膠板標題搞笑，幽默價錢$45 凍飲加$3

大渣哥終於降落銅鑼灣，今日第一日開張即刻黎食個lunch😋- 低溫麻辣去骨口水雞飯$69連飲品- XO醬叉燒蔥花滑蛋飯 $59連飲品銅鑼灣區茶記價錢絕對合理，員工快手有禮。就算今日新開又堂食限二人，又多外賣order依然應付妥當。絕對會黎試埋其他食品😋