大渣哥茶記 (已結業)

今朝11點幾和老公去左灣仔大渣哥度食早餐，竟然無人排隊，我地叫左黑牛黑麵餐，牛肉係淋既，但有幾舊有筋，無味，沙嗲無沙嗲味同花生味，麵太淋，丹麥多士唔熱唔脆，炒蛋滑身但應該唔係即炒，因為凍既，火腿更加唔使講都係凍，好似食緊冷盤咁，試一次就夠，唔會有下次，真係好失望。

放假食早餐最喜歡到茶餐廳始終港式味道十分獨特 銅鑼灣有不同類型嘅茶餐廳，今次終於嚟依度試一試店內環境寬闊，員工態度有禮，還有能夠做到港式茶餐廳最緊要出餐夠快望個餐牌後好快就Order左兩份早餐，歡樂早餐A及B，分別配上多士，煎雙蛋，湯粉及熱飲一杯。另外再追加一份雙併多士。火腿絲通粉及香煎雞扒公仔麵嘅份量剛好，厚厚嘅雞扒配上濃湯公仔麵已經有一半飽，最意想不到多士係用上丹麥麵包，比較特別不過配上牛油有點油膩⋯奶茶，有點澀口不順滑，失色一點奶醬多士不過不失。

早上在馬埸跑完步後沿著鵝頸橋行出去電車路搵茶記食早餐，正當行到電車路等過馬路時，在左手邊離遠見到有間黃白色裝橫的茶記，決定行過去睇吓乜料。嘩！原來係「大渣哥茶記」！見新開又未食過所以決定入去試試入到去一坐低就見到「譚耀宗」有趣有趣！餐牌有些特別，主要在用字上 「歡樂今朝早餐」，見到都馬上笑咗😆 餐牌最底有行細字「全店採用鮮牛油及日本版丹麥三花牌午餐肉」好！我就點份A餐要午餐肉，加$5配出前一丁，配丹麥多士及西煎雙蛋，飲熱奶茶（想知間茶記得唔得，一定要從杯奶茶出發）一般茶記早餐只用普通白方包做多士，大渣哥用丹麥酥包做多士真係好有創意，丹麥多士像千層酥一樣，製作費工耗時，成本一定貴過普通麵包多士先講多士及雙蛋！多士有牛油香味，入口外脆內軟。煎蛋半生熟，有蛋味 （有啲茶記啲蛋無蛋味的），大渣哥應該係用靚蛋之後到餐肉出前一丁餐肉ok, 肉瘦唔肥（話晒三花牌午餐肉豬肉成份達81%）唔似一般午餐肉得個肥及溝粉。出前一丁咪又係出前一丁囉！奶茶我建議order「茶走」即奶茶+煉奶，會比較滑身，茶味都夠濃，但仲係差緊啲功夫技巧總結：丹麥多士煎蛋好味、餐肉麵ok, 杯奶茶差小小

銅鑼灣嘅大渣哥茶記開咗差唔多一個月，日日都排長龍我就真係冇心機等啦，剛好今日早咗起身返工前可以食一個早餐，咁就行咗入去啦。首先呢度嘅食品名稱聽到都真係令人會心微笑，例如呢個外國勢力早餐。豬扒好大塊好足料，丹麥多士亦都好香口，所以作為茶餐廳， $45 一個早餐係有少少貴，但我覺得係值回票價嘅。另外想一提嘅係呢度嘅員工大部份都好有禮貌，亦都好有效率。由於要返工所以我嘅時間唔多，我同佢哋講我想快少少，佢哋真係係一個好短嘅時間就攞到個餐出嚟，我響15分鐘之內食完個早餐，所以返工亦都冇遲到。而且有別於一般茶餐廳佢哋嘅員工都好有禮貌，唔會好似其他茶餐廳咁鬧人，所以貴少少我都覺得係值得嘅。

平心而論，我覺得食物水準真係只可以俾OK，並唔係好多人所講咁好味。如果齋睇食物水準同埋價錢，的確係可以選擇去其他茶餐廳。▫️黑牛黑麵 (HKD55)全日供應嘅「黑牛黑麵」套餐，有一碗「收嗲鮮牛肉麵」- 即係沙嗲牛肉麵，丹麥多士、煎蛋或炒蛋，跟一杯熱飲(凍飲要加錢)。沙嗲味唔夠突出，不過啲牛肉係幾滑嘅。碗麵真係幾大碗，相比之下牛肉嘅份量就少咗啲喇。▫️幻彩詠西多 (HKD39) - 件西多似一早炸好咗，咬落口有啲硬🙈 三款醬裡面我哋揀咗朱古力味。其實件西多士本身已經好甜，加埋朱古力醬一齊食真係甜上加甜。如果係為咗令份西多士個樣靚啲嘅話不如就咁灑啲sprinkles算啦。下午茶時間叫呢份西多附送熱奶茶或咖啡。▫️McJargor’s 乜樂雞 (HKD41) 嘩～ 呢份乜樂雞好有嗰種喺超市急凍雪櫃買番屋企自己用微波爐叮嘅Feel。可以有幾好食你啲自己諗吓😝 鍾意食薯條嘅話一定要點呢個，有多過半碟嘅薯條俾你食。乜樂雞下午茶時間先至供應，冇跟飲品，對我嚟講算係貴囉。

今日同男朋友食大渣哥🥰，我哋一人嗌左一個餐，叫咗一份常餐B 同一份干炒叉燒意粉。 鍾意食香港常餐嘅我好鍾意食佢嘅雜菜湯底湯粉💛係濃濃嘅蕃茄味呀🥰仲有塊好大塊嘅雞扒！好嫩！另外佢嘅雞蛋火腿多士都好食，唔揸流攤。雞蛋唔會煮到好老，仲好滑㗎！多士仲脆卜卜🤤 個干炒叉燒意粉都幾夠鑊氣，上面仲灑咗芝麻👍🏻雖然個叉燒乾咗少少，但整體來講都幾好食。 值得一提嘅就係佢嘅洗手間🤣，裝修得幾靚而且乾淨，大家都去得安心👍🏻

$61 蚊食個粟米玻璃水汪汪魚柳飯，魚又冇味，粟米幾乎數得出有幾多粒。又話什麼什麼良心店，結果出品同一般茶記差不多，怪不得冇人排隊。黃店唔係大晒，一定冇下次😡😡😡

I was actually suprised by the service! Servers actually announced the dishes they serve and are very polite, very different from your average chaa chan teng experience in Hong Kong.  Not too sure if they have an English menu, but the creativity with the menu is through the roof - all having a burn/dig at the big chains in the city.   They also have reminders on the tables to PLEASE be mindful of queues and not hog the tables.....They serve nearly every traditional tea house dish has a modern tw

大渣哥聽就聽得多，成日大排長龍等食，今次冒名而來，就睇下係咪咁值得等，點知，雞翼又細隻又冇味，沙律出哂水麻麻地，奶茶一d都唔夠熱，凍檸茶一般不過比較淡。真係失望！又貴，份量又少，又唔好味，連一間茶記既水準都達唔到！如果佢貴得嚟係好食，我覺得值得比時間去排隊等，但可惜唔係！

每個月有幾日都要俾公司調去銅鑼灣返工，指定動作去大渣哥叉電😁上次食黑牛麵冇映相，超濃沙嗲牛肉好滿足，仲食唔晒添！今次要揾外國勢力幫拖。叫咗個外國勢力雞。嘩塊丹麥多士不得了，直頭係牛角飽d friend鬆軟牛油香😋😋😋👍超大塊雞扒，我又係食唔晒，雞皮係炸到蘇脆，腸仔係細個食開嗰種，有兒時味道。總結，唔好睇少得幾樣野食，你一定食唔晒，份量十足😋最後，杯咖啡雖然冇乜特別，但我覺得隻杯應該有個名，型態似水，應該叫be water水杯😄😄

天氣開始又凍翻，連lunch都懶得出去食托同事lunch time幫我外賣大渣哥既西炒飯😗喱係office一角慢慢嘆～西炒飯份量超多，小女子留左一半帶翻屋企🤣一打開蓋已經聞到好香，超吸引如圖所見，基本上係啖啖都食到有料既炒飯；值得一讚係個飯炒到好乾身，粒粒分明（出面好多難食茶記真係炒到個飯濕淋淋咁款，似食茄汁多過食飯）；而配料方面有額外加左蕃茄粒；火腿同椰菜都有爆香左先再加飯落去炒，口感食落更有層次☺️$69蚊一個炒飯係銅鑼灣區黎講算係正常，質素絕對同價錢成正比值得encore

新開的分店在銅鑼灣就腳又咁近，當然要黎試一試返工前食個早餐，客人都幾多幾滿人；空間感都幾大幾寬，光猛乾淨；服務員都幾多，禮貌又友善，效率都幾快幾高茶餐廳的早餐都是差唔多，見今日唔係太肚餓就選擇食輕量一點的鹹牛肉三文治餐🐃🐃🥚🥚有2件都幾大份，雞蛋幾滑溜配上鹹鹹牛肉，口感唔錯，喜歡麵包的軟熟，都幾飽肚熱奶茶）好濃郁的茶味，奶香滑，可加少少糖就更好飲價錢都合價，香港人當然都要支持一下良心小店啦

第一次去銅鑼灣嗰間大渣哥 今日仲見到渣哥本人添，不過就無同佢影相啦。限聚令下，經過就襯6:00禁堂食前食個tea! 叫咗個鹹牛肉+炒蛋 雙拼三文治🥪炒蛋幾滑，小小嫌鹹牛肉唔夠鹹😂另外叫咗個迷你炒牛河，份量對男仔就未必好夠啦！ 價錢46來講唔算好抵食，味到就不過不失啦～ 另外仲有凍同熱奶茶，兩杯都無糖走咗甜。認真凍奶茶走甜後就試得出茶味唔多夠。熱奶茶茶香多啲，但奶比例好多。整體來講有進步空間！九龍灣嗰間好味啲！

今日放假，決心去大渣哥食個早餐。 朝早10:30到，目測滿咗8成，肯肯定有跟住2人一檯嘅規定做嘢，裝哂膠板，令你食得安心。叫個歡樂早餐，雙腸公仔面， 丹麥包煎雙蛋。 食物水準係正常，丹麥包係幾少見，好味!樓面至少有6-7人，顧客唔會揮手無人理。成個早餐食得我好舒服好安樂，特別係我見隔離錫X和棋X唔知有無3成入座率，我更覺得人生滿希望!

之前係公司附近開大渣哥, 但人龍成日都好長竟然近日等到開灣仔新舖, 係屋企附近夠晒方便!!見到咁岩唔多人即刻入去試試黑牛黑麵 set - $55唔可以唔講下佢個湯底唔係平日果D湯, 係忌廉雞湯黎! 同沙嗲牛肉味好夾丹麥多士, 火腿炒蛋連埋個set跟埋, 塊多士唔係普通厚方包, 係丹麥多士, 又幾好味乾炒牛河 - $68去茶記一定要試下炒牛河, 呢間做得唔錯佢d牛係值得一讚既, 不論黑牛黑麵同呢碟都係入味, 唔韌同埋分量都ok, 食完飽晒~價錢正正常常, 服務又好, 係平民之選其實佢都仲有好多得意野食, 例如呢個幻彩詠西多, 有機會下次試下先, 哈哈