大滿喜日本料理 (已結業)

很久沒有吃過放題了，聽說這裏的食物選擇很多而且好味所以今天跟朋友來到了大滿喜正值夏天，走過來都汗流浹背了，所以到這裏第一件事就是看看有什麼飲料，發現這裏有超級超級超級多的飲料種類，你想喝什麼都有，很多市面上都未見過的飲料也有～例如珍珠奶茶、韓國芒果汁等健康一點的也有不同的茶類然後發現這裏可以夾糖，自從沒有讀書之後都很少夾糖了，滿滿的童年回憶啊～然後這裏有一個熟食區，應該是讓我們這些心急的人可以先吃吧！有一個大射燈，食物不會變冷還有家常靚湯你看看，還有沙律區，讓你自由配搭～黃金焗帶子原來黃金在這裏的意思是指芝士，芝士鋪滿在帶子之上味道層次提升！紫心香芋丸一向是我放題裡最喜歡吃的一個小食，炸得香脆之餘裏面包含的香芋味道又不會假和風牛肉鍋只是吃小食感覺好像不太滿足，所以點了一個和風牛肉鍋，裏面有一些肥牛，肥牛不會太老～而湯的味道濃度剛剛好，不會蓋過肥牛的味道最後還有很多甜品的選擇～由於我們是在六點至八點的時段，所以有優惠價，每人$220～

約朋友食飯梗係要食放題，兩個男人食咁多野放題係最抵食，所以今次嚟咗大滿喜食返餐勁既。呢度只係一部份嘅嘢飲，其實佢有好多種唔同嘅飲品提供，有汽水、茶類、忌廉溝鮮奶等等。另外仲有好多甜品選擇，我個人就唔係好鍾意食甜品，所以我就冇食到。另外仲提供好多小食可以喺出面自己夾。食放題一定要食刺身，佢哋嘅刺身好新鮮，我哋最鍾意食三文魚，所以一次過叫咗好多，仲叫咗幾round添。其次我哋最鍾意食嘅就係火炙壽司，佢哋嘅火炙三文魚壽司真係好好食，飯團細細舊，食多幾舊都唔會飽。之後梗係要食芝麻雞翼，佢哋嘅芝麻雞翼炸得好脆好香。

昨晚8點同朋友去食，食物上的速度都快，食物的質素也不錯例如:燒羊架、牛舌、芝麻雞翼、芥末八爪魚軍艦也挺好吃，環境也不錯，服務員的態度也挺好，不過這間店唯一美中不足的是沒有熱的清酒………………………………………………………………………………

一月份嗰陣去左差唔多一個禮拜嘅印度，嗰七日真係食不知味啊。每日淨係喺度食唔同味道嘅咖喱同埋一啲都唔地道嘅中菜，嗰七日真係好掛住新鮮嘅日本菜啊！所以一落到機就即刻book定可以俾我哋無限食嘅日本放題啦！打開OpenRice見到呢一間嘅日式放題評價唔錯，而且餸菜嘅款式好多，所以就二話不說即刻落booking喇！嗰日準時到咗之後等左好一陣間好快就可以入座，仲有得坐兩個人嘅卡位添！感覺好寬敞好舒適！二話不說就梗係帶叫咗新鮮嘅刺身先啦！我哋叫咗甜蝦、不寄貝，螺片同埋最重要嘅三文魚！真係新鮮到不得了呀！好鮮甜嘅味道！又厚切！而且每次佢嚟到嘅片數都係同order嘅一樣！童叟無欺，唔似其他放題店黎到嘅片數都有落差。值得一提嘅係壽司質素非常一流！^_^個人十分推介鹽燒左口魚邊同埋海膽醬大蝦，同街外食幾十蚊一件嘅壽司質素差唔多！十分抵食！另外呢間鋪頭值得欣賞嘅地方係有好多迷你版嘅甜品，適合一啲胃口細但係又想試好多種類嘅人。甜品嘅賣相細粒得嚟好精緻，真係忍唔住食多幾件。除此之外我個人最鍾意食嘅炸物就係榴槤炸彈！我真係忍唔住order完又再order，總共食咗成四件咁多啊。總括而言，今次嘅放題令我十分滿足，會

呢間大滿喜我幫襯過唔止一次，每次都非常滿意!所以今次朋友話想食放題，我即刻就suggest左呢間，朋友同我都覺得好好食😍由於朋友唔係好鍾意食生野，今次我地叫嘅都以熟食為主，但選擇都仍然好多!牛油栗米食落甜甜地，非常好食。天婦羅選擇都唔少，我地就淨係叫左蝦，味道都唔錯。呢個感覺有少少似食緊韓式煮蜆咁。抄蜆又別有一番風味，非常有鍋汽!燒元貝食落非常鮮美，值得一點再點。一口牛食落亦非常嫩滑，外香內軟。餐廳嘅創意小卷物亦都非常唔錯，我特別鍾意呢款芒果炸蝦卷，食落口感清新開胃。壽喜燒食落甜甜地，都非常好食。燒海蝦簡直係我地嘅最愛，鮮味十足，我地都叫左好多隻黎食。最後當然唔少得甜品，有成個雪櫃嘅雪糕比我地揀，鍾意食雪糕嘅我當然非常滿意。大滿喜除左食物選擇多之外，上菜亦上得好快，而且冇漏單，非常值得讚賞!

平時都唔係話特別鍾意食放題，因為成日都會食到一啲比較伏嘅餐廳。今次去左呢間位於旺角嘅大滿喜，味道就非常令人滿意，向大家誠意推薦!餐廳環境寛闊，坐得都好舒服。飲品選擇相當多，由不同嘅汽水到烏龍茶等等，實有一種係岩你飲嘅。除左飲品外仲有乳酪，真係非常貼心。食放題最抵就緊係叫刺身喇，平時幾十蚊一碟嘅刺身而加可以任食，緊係要食到回本先得喇!呢度嘅刺身選擇都幾豐富，三文魚、油甘魚、甜蝦等等應有盡有，而且都十分新鮮，味道令人滿意。除左刺身之外，我仲好鍾意叫呢類創意小卷，師傅設計左唔同魚生嘅combination,一啖放入口，相當好食!除左生嘅食物外，仲有唔少熟食，都相當好食!鰻魚岩岩燒好 ，食落熱辣辣非常香口。最後食番啲時令水果，非常完滿嘅一餐😆

好耐好耐冇食過放題啦！今日難得中午出到黎旺角！終於可以揀番間平靚正既放題黎食！今次帶住兩位老老！估吾到比我搵到呢一間大滿喜可以享有老人優惠😱真係好貼心！因為兩位老老真係食得吾多野！先講番正題！黎到放題店緊係要食刺身啦！走吾甩既當然有三文魚😍😍😍呢度既三文魚厚切不得止！仲要夠哂凍同新鮮🙈🙈吾似出面啲刺身咁冇乜魚味！跟住當然吾少得既就係油甘魚！油甘魚真係好蝦啲放題店去做！因為只要一吾夠新鮮就會好腥！呢度新鮮得黎果陣魚味仲要好濃好🤤🤤完全抗拒吾到！除左呢兩樣之外！當然吾少得係甜蝦！每隻甜蝦都勁大隻！仲要肉質有咬口吾會鬆弛哂咁！證明呢間放題店既刺身夠哂新鮮👅壽司方面一定要瘋狂食佢花之戀！飯同刺身既比例岩岩好！吾會話用啲飯黎質飽你！一絕！利申食左成十舊😂😂另外令我最滿意既係佢自助吧有青口提供！新鮮肥美！仲要一食完就會fill得勁快🙆🏼‍♂🙆🏼‍♂牛油栗米我都係咁食！當清下腸胃都吾錯！

榴蓮炸彈這幾年大衆已經可以慢慢接受榴蓮的香味。放題式餐館都會有這一道菜-榴蓮炸彈。 這一家的榴蓮味好重，身爲一位榴蓮愛好者，吃得出不是貓山王但是地味都不差。畢竟這幾年，好多店家都話是馬來西亞貓山王但是其實是泰國榴蓮而已。非常推薦給喜歡榴蓮的朋友。香芋炸彈雖然有點小但是裏面的料好足。香芋都很想，不會太甜。吃多都不會膩。一路喝解綠茶，一路吃，真享受。三文魚油花分佈均勻，雖然達不到入口即化但是你咬多一兩口就沒啦。芥末需要同服務員拿，可以一次拿多點就省事。甜蝦同老虎蝦甜蝦顧名思義就是甜，個頭不是小但都不到好大。一口剛剛好。沾少許的醬油芥末更加可以帶出多地甜味。老虎蝦雖然沒甜蝦來得甜，但是它本身很脆，吃下去會聽到卜卜聲。豆腐白乳鍋最後我們叫左一個鍋，來的時候成個湯底都是白色的。圖上面要蝦，但是來的時候沒有，有小小失望。湯底好甜，喝得出熬左好長時間。菜都煮到好爛，吃起來順口。甜品吃左4種不同的小蛋糕，全部都不錯。強力推薦草莓的小蛋糕，草莓味好重，但是不會死甜。失望的是不記得拍照。

聽日放假喇！所以要同同事去鬆一鬆，放縱一下熟食區沙律區沙律有唔同選擇，最後去左凍櫃攞左個蟹籽蟹柳青瓜絲沙律黃金焗帶子：同事話好正牛油炒栗米同預期一樣牛油燒翠神肉瓜：唔錯蜜汁厚燒豬腩肉：燒得啱啱好紫心香芋丸：同事至愛一口芝士：裡面滿滿既流質芝士蟹棒、南瓜、海鹽虎蝦天婦羅：啱啱炸，好新鮮，正芝士蘑菇雞翼：我至愛呀！冇骨雞翼塞滿芝士同蘑菇，意想不到咁夾鹽燒雞軟骨：唔會乾身秘汁炒蜆：好濃味鐵板翠肉瓜炒野菜：好多唔同款既菜，可以清新下個胃水煮牛肉：微辣，我愛雪花牛肉鍋：我必嗌既餸甜品區飲品區我地6點到，離開時全場滿座呢間放題食物有質素，亦都有好多唔同既食物區域，令人眼前一亮

琴日節目介紹左日本美食突然間有股衝動想食日本野就帶豬媽媽一齊去食刺身拼盤我地點左三文魚 甜蝦 老虎蝦 象拔蚌三文魚不會油 切片不會太粗 甜蝦和老虎蝦就比較普通 象牙螃卜卜脆 吃起來非常彈牙燒物方面 鰻魚同牛舌 鰻魚你寫幾多就比你幾多 不會少給你 鰻魚不會太甜 牛舌同你去燒酒屋吃的一模一樣 推薦可以多點烤菠蘿都是必點 好甜同多汁手卷出奇的小 超可愛 一口就可以吃完海膽本身不會腥反而有小小甜味喜歡吃海膽的 可以一次叫4個最後就是甜品時間啦小豬媽吃左三種不同的雪條有馬來西亞榴蓮味 韓國哈密瓜 oreo味接受得到榴蓮的吃客可以試下榴蓮味不會好重但是都不會好甜小小的tips去放題的時候 我們會和解茶同解綠茶解膩一流 可以吃多過平常一倍

同朋友去完迪士尼之後去左旺角大滿喜食放題🥳一上到餐廳門口就已經好多人等梗位，不過朋友一早訂左位，所以大約等左5分鐘就有位啦🤣👏🏼不過環境就比較迫，d枱都有d痴淋淋去完迪士尼，大家都好攰，都冇乜點影相啦。😛略略講下d食物先: 刺身normal, 三文魚肥美🤩，炸物炸粉比較厚。小妹好鐘意食鯖魚，本身好期待，點知...有點失望，有d鞋。但都有d好食嘅野食🥰自助吧嘅炸雞好好食，有肉汁，拍得住出邊專食炸雞嘅餐廳呀👍🏼天婦羅勁脆勁好食，不斷encore🤣芝麻雞翼好香口好正🤩唔會太油三文魚腩京蔥壽司都好好食，又係encore位😛到甜品，見到有個小朋友拎左6,7件cheesecake，心諗拎咁多應該好好食，一件細細件，真係不錯，又滑又香都濃🤩必食推介: 天婦羅，cheesecake❣️❣️

好耐冇食日本放題，所以今晚就約男朋友去食放題放縱自己一下。有餐前小食提供給食客享用(中華沙律、泰式鳳爪、辣味螺肉、咖哩魚蛋……)，鳳爪螺肉非常爽口入味，十分開胃。有各式各樣飲品給食客放題，適合不同喜好嘅食客。一開始我們點了個刺身拼盤，刺身新鮮鮮甜，蝦刺身爽口彈牙好有蝦味，三文魚腩十分肥美入口滲出魚香味，鮑片同樣鮮甜。我非常欣賞火灸左口魚壽司，經火燒過嘅左口魚，魚油滲出包圍整件壽司，令整件壽司都充滿魚油嘅香味，令人垂涎三尺。燒牛舌極之爽口，牛肉味甚濃。燒羊架更加出色，燒羊架嘅時間剛剛好，所以羊架十分嫩滑，而且羊肉並沒有羶味，適合怕羶味的朋友。海鮮粥材料十足，蝦和蜆肉都十分新鮮令粥具有鮮味，而栗米和雜菜粒則令粥具有甜味。粥底好綿，令人食指大動。最後還有自助甜品供應，有雪糕、雪條、雪米滋、乳酪和各式甜品、且是一口size，正！每樣都可以淺嚐一下。

老婆今晚話想食好多甜蝦，作為一個好老公就緊係唔會放過討好老婆既每一個機會架啦。邊度任食甜蝦最好?就緊係放題啦。由於今晚既目標係甜蝦所以要簡平少少而又有甜蝦任食既放題，所以我地黎到旺角既大滿屋。之前黎過一次，印象幾好，200頭就有大大隻甜蝦同虎蝦食。廢話少講，圖文並茂。刺身食評就無乜好講架啦，不過甜蝦好食過虎蝦，甜味同鮮度亦都比較重。叫完第一round虎蝦直接放棄改全甜蝦。海膽手卷飯得一粒仔，唔會用飯黎塞飽你，輕微苦味，可接受。呢舊鰻魚值得講一講，肉厚，汁好味，上枱仲熱，我都忍唔住叫左3碟。自助區選擇唔算多，不過以呢個價錢仲想點。野飲就以下呢兩款同埋一般大路野。熟食兩款鍾意食甜蝦既朋友，呢間野絕對係首選。

男朋友強烈要求放假要好好吃一餐，於是我便訂了這間放題，雖然旺角選擇很多，但這間之前來過，食物上得快、而且質素很好，值得再來！現在還可以用手機下單，十分方便！最欣賞的是有自助區，當食物未到時，可以在這裡先選前菜。刺身上得很快、而且件件新鮮，厚切，非常棒棒！點了喜愛的鰻魚，燒得熱烘烘的，還是脆皮！驚喜之作！點了壽司，左口魚燒得剛好，令飯上沾有魚油，太正。芝麻雞翼必點，炸得脆脆，正，啖啖肉當然少不了女士最愛的甜品吧，牛奶奶凍好吃，十分軟滑，其他甜品質素也非常高吃的東西十分多元化，質素亦高，男友大人表示滿意！

成日喺open rice見到啲人話呢間好好食，抱住試一試無妨嘅心態約咗朋友去呢間食🤪一入到去就見到甜品區，有好多款甜品🤤鋪頭入面好多人，因為有預先預約，所以都算快比到枱我地用餐👍🏻呢間嘅日式放題好多選擇，有刺身、壽司、手卷、炸物......如果想食熱食仲有牛肉鍋同粥個類揀🤤唔好睇佢所有野都細細舊，其實係可以令顧客再不停叫其他野食😆不過呢間大滿喜半個鐘前就last order，會有侍應行埋黎提顧客落單，為免同時間太多單，建議大家係last order前要叫定曬啦