大滿足 (已搬遷) 新店位置

海膽手卷（半板）$29.99😂 明顯係好多海膽 ！算係足料，味道甜甜的，竟然覺得似芒果加甜蕃薯味😂 雖然吾係超新鮮，都明白一分錢一分貨，但好抵食！海膽fans必食！！ 好多人買，但吾洗等好耐就有得食😁大滿足山$30雖然實物係細左d , 冇名符其實浮誇似座山😂不過份量都有差吾多兩個手卷，仲好豐富！大致上有三文魚、三文魚子、海膽、吞拿魚、玉子同青瓜，一齊食，口感好豐富😋 一次過食幾樣刺身 岩晒選擇困難症既朋友😂

以前最出名食手卷~~就一定係TST~依家手卷的店~開到周圍都係~係小食集中地~一定會見到佢的蹤跡~今日就黎新開呢間大滿足~~試一下~~睇下食完會唔會大滿足先~😂手卷的種類有好多~如果因為有太多而唔知點選擇~不防睇下有咩重點推介~落左單之後~就企埋左一邊等~見到檯到有好多唔同的醬同豉油俾客人自己選擇~~三文魚腩手卷~一見到就流口水喇~一食~好香油脂味~三文魚的味道都好出~唔錯~!!重點~海膽手卷~!有少少甜味~唔腥~海膽味唔算好重~都食到有海膽的味道~兩個手卷都既料都係係個面到~食到中間就得飯~如果中間都有少少料的話~就更好了~

葵廣呢間小店排晒長龍，原因系因為佢夠抵食而且款式多🙂三文魚新鮮，而且都幾大塊嫁，一啲都吾吝嗇！三文魚帶點入口即溶感，比起其他壽司店都做得吾錯😌😀不過壽司飯食到底嘅時間有啲硬身，略為遜色🤔

海膽手卷店開到周街都係，由$4X, 到而家$2X都食到。葵廣有幾間，呢間算係比較多人推薦，剛開鋪12點半已經多人排，但出貨好快，其實等左太約5-6mins去到落單，竟然唔賣純海膽，一定要雙拼，咁就叫左個海膽拼三文魚子，$28個樣幾ok三文魚子：新鮮，鹹味適中，但落得唔算多海膽：其實食哂成pat, 都唔覺食梗海膽，因為冇乜味，比得$28已經預左好彩當初迫人雙拼，有三文魚子吊下味。食完頂頭既料，下面就得舊白飯。路過貪得意試下還好，山長水遠入去食就免。

尼間嘢我都食過兩次味道方面的確抵食，而且價錢放面都相當平民化，店員態度都好nice 值得一讚係 佢地既海膽係非常之新鮮同鮮甜又濃又香 兩款既海膽我都試過比較喜歡濃醇既可以揀加拿大果隻份量吾會話好似另外一款咁多 但保證你食過就吾會後悔 感覺有啲似jelly 但非常好味 另外一款係馬 x 海膽 面積大會比較大啲 但一樣甜美…大家不仿一試！

又黎試葵廣平價手卷呢間大滿足長期都好多人，去到買左個招牌30蚊半板海膽手卷黎試，買完拎飛等叫號碼10多張飛等左大約5分鐘手卷一拎上手已有微暖的感覺，可能人多，飯唔夠時間放涼吧，食落暖暖地，醋味淡，紫菜都被整到變淋口講返海膽，唔creamy, 味偏淡，不過真係冇腥臭味加返芥辣醬油會好味d 小店有少量坐位，周圍都迫滿人好評係比佢既高cp值既

已經黎食左2次,第一次係食甜蝦海膽手卷,甜蝦不太甜,但D海膽幾鮮甜,真心好食,第2次食軟殼蟹手卷,隻蟹不隻,塞到落底都有,有熱又脆,好推介!!好味!但始終好多人係果D桌度食,又少人清潔,成地黑色痴笠笠,應該係D飯痴埋D污JO野所以環境衛生係差D 我會買完走,一路行一路食

難得去葵芳，梗係要食下小食呢間新開既手卷店就係必食店內大部分手卷都配上海膽今次我揀左呢個海膽三文魚手卷即叫即做，所以一拎上手啲飯係暖熱既，三文魚都幾大塊，而且顏色都幾好，好鮮美至放海膽，入口即溶，一樣好鮮美，唔會好腥整體黎講，成個手卷都好足料，好味

今晚路經葵芳，又走去掃商場小食。係地下食飽車仔麵，留肚去食手卷。今次目標明確要食全隻軟蟹手卷，去到買飛都有心大心細想試其他，因為多款選擇。最後都係要返蟹卷，等左2x個order就到我，今次又係等得唔算耐。見到真心覺吸引，真係全隻蟹仔，係就係迷你版，但真係全隻上，我乜汁都無落，食落口隻蟹剛剛好重熱，唔知係即炸定點，有少少油，$28 唔算貴，重好好味，差d想食多件，下次再黎我唸我唔會試其他款，都係會食返軟蟹手卷

經過葵芳，見到大大張poster 寫住30蚊有半版海膽，心諗平時係壽司店度食都要40蚊，仲未計加一，就去左試下!鋪頭位於葵涌廣場2樓， 唔難搵，佢有個新corner，大部分鋪頭都係食店，不過好多人，變相走廊有d狹窄!當然叫招牌半版海膽手卷, 人手即叫即整， 等左5分鐘就有，海膽如奇壯觀，好似海膽山咁!海膽好鮮甜，唔苦，壽司醋飯仲係暖暖地，深信佢真係即叫即做。不過海膽只得面頭有，食到中間就冇晒 但由於海膽好味，買多左一個海膽北寄貝手卷返屋企再食! 北寄貝一樣咁鮮，爽口，好味!

經過葵芳心思思好想吃野, 但又唔想吃得太飽,周圍行既時候, 發現呢間成日排長隆既壽司舖竟然唔多人,原來D人去晒隔離排彩色沙冰...呢間壽司舖有好多種類食物, 壽司, 手卷, 刺身, 刺身飯等....不過最後我都係選擇手卷, 方便又可以一邊行一邊吃,手卷款式都好多, 而且唔貴, 夠平, 想吃海膽但又想試下其他款, 所以就揀左以下兩款...甜蝦拼海膽 ($22)3隻甜蝦拼海膽, 甜蝦同海膽都好新鮮,完全無苦澀味, 海膽份量都算多...熟蝦拼海膽 ($18)2隻熟蝦拼海膽, 熟蝦都好味道,加上d青瓜絲, 吃到好Fresh~哇! 有海膽又有蝦都咁平, 抵食到不得了!!!而且仲有多款不同味道既豉油或醬汁比你任配

葵廣新興小食店梗係要黎試下啦佢地主打即叫即做手卷，又真係有唔少人排隊！佢地除了手卷仲有刺身同魚生飯不過價錢就貴過爭鮮同埋門口有個大雪櫃，有d係日式飲品，店鋪旁邊都有好少數既位可以食野。海膽手卷（半板）$30，雖然唔係好貴，但我覺得半板無咁少，一係就唔好話係半板。海膽味道好唔錯，有回甘既香味，一d都唔苦唔腥！不過海膽鋪晒系面，要食完海膽先食到飯，變相要食白飯！三文魚手卷$15好唔抵！得一塊三文魚！！我買幾件壽司好過！三文魚又唔係話特別好食，普普通通咁。4個手卷平均二十幾蚊一個，其實唔係好抵！

最近見到openrice同food blogger都有唔少食評介紹葵涌廣場嘅美食，而最近呢間壽司店嘅海膽手卷就人氣爆燈，所以今日放工後就專程黎試下。鵝肝手卷 $22如果可以煎或燒得外脆內軟，再加少少黑醋，絕對可以提升口感海膽手卷 $30海膽都算新鮮，有少少海水嘅鹹味，份量都算係咁三文魚腩手卷 $18切得太厚，冇咗三文魚腩個種油脂嘅口感，但整體來說是新鮮的。值得一讚是舖頭有立食區，備有幾張座椅或甜豉油／芥辣豉油，方便客人即場進食。總括來說，性價比高，絕對可以一試。

難得入葵芳緊係要試下近排好hit 既海膽手卷啦！去到見倒勁多人排隊呀！$30有半板海膽手卷，唔怪得咁多人！雖然係$30蚊咁平，但係食落都幾新鮮冇腥味冇苦味！👍🏻👍🏻👍🏻d壽司飯又幾好食，唔會好硬身👌🏻果然係抵食呀！

以前葵芳廣場食手卷得一間半間， 一排無黎發現竟然開多左兩間，一於試下新既呢間｢大滿足｣。叫左個油甘魚手卷（$18），即叫即做，等待時間算短， 好快有得食。紫菜夠脆，飯都煮得岩岩好唔會一粒粒黐住魚生亦好大粒鮮甜， 隔離有幾張凳畀你坐係度食，而且有唔同既醬料或沙律醬任君選擇。唯一美中不足之處係佢d魚生只係放面，唔會包裹係d 飯入面，男士如果大啖既話，面個d魚生食晒，剩低既d就只係食飯啦。