大滿足 (已結業)

記得大滿足岩岩開係葵芳廣場二樓果陣，大大件三文魚手卷係佢嘅招牌，夾係手卷入面個件刺身又大件又新鮮，每次食都真係大滿足架。但係去到後期佢開埋玉子燒之後，啲刺身就開始縮水，而家搬咗去另一邊，就更加細舊啦。不過好在佢嘅三文魚腩同埋吞拿魚蓉都好新鮮，又夠甜。另外佢嘅芝士蟹籽吉列大蝦手卷，大蝦炸得熱辣辣，真係幾好食。但係個芝士蟹籽應該係預先整好嘅醬，包好大蝦之後就唧啲醬係上面，所以隻蝦係熱嘅但係啲醬係凍嘅，個人覺得感覺唔係咁好。不過，佢係喺葵芳難得有座位嘅小食店，所以如果行街行到好攰想坐下食啲嘢嘅話，呢間都係唔錯嘅選擇。

年初五在葵涌廣場逐間掃，呢間大滿足都算好味又抵食，我買咗一份火炙芝士三文魚反卷，只係24蚊，有6件，啲三文魚幾鮮味，好多芝士，略嫌火炙得唔夠，芝士可以再香口啲，但我都食得好滿足，呢間店真係算抵死，一定會 encore 。

去葵涌廣場掃街必食嘅店之一，由於呢間鋪嘅位置比較易搵第一次嚟食嘅時候就係食呢間野嘅玉子燒，平日來唔使點等但係如果禮拜六日你嘅話真係有排等，今次都係叫翻最好食嘅玉子燒，咬落去啲蛋汁好juicy,啖啖都有帶子肉，30幾蚊真係十分之抵食，所以每次嚟葵芳必定要嚟呢度食翻次玉子燒

葵芳一向都野食，今日行街行到餓，食左呢間大滿足。大滿足每次經過都好多人圍在門外，所以決定一試。朋友點了饅魚手卷，而我則點了蟹子手卷。蟹子手卷既蟹子如圖一樣多，但集中在頂部，即是要先吃光蟹子才能吃到飯，如果能將蟹子包裹在飯內會更好味。壽司飯軟硬剛好，紫菜都夠脆，蟹子太冰凍，像是在冰櫃拿出來，未解凍，稍為扣分。而朋友表示她的饅魚則燒得不錯，味道良好。大滿足有不同醬汁供客人點，不得不提的是這地獄級芥末豉油，不是太辣，但十分供鼻，喜歡挑戰芥末的不防試試，十分過癮。

我黎親大滿足都係為左呢個大滿足山，海鮮雖然特別新鮮鮮甜，不過性價比都ok，當係下午茶都幾適合！依家見到佢搬左鋪位，仲出左玉子燒，就試下先！個玉子燒其他人幾有驚喜，份量都大份既，加埋芝士，紫菜碎同醬汁，非常之夾呀😋大推玉子燒！芝士味夠香濃，下次會再黎食呀～

佢初初開就已經好鐘意，而家搬左個令鋪，風味不減！！！！當然要食海膽手卷啦，搬左而家個鋪位之後排隊位置好左，而且則邊有d位比人坐底食完就走好日式。等候時間人多大概8，9分鐘，係耐耐地架啦，不過都值得既，不如既往既好味同鮮味。而家仲有d免費海膽鎖匙扣派發，任人自己拎，我都拎左個因為個樣太搞笑xd大家鐘意都可以隨便拎。海膽手卷出果陣我晒左d時間影相，店員都好好比我影埋先，我都明5應該阻住人地做野同出單，所以拿拿聲影完佢！！係尼到都講反句5好意思，阻住晒添xddd會再去食架！次次都要去添！

大約有幾個月無黎葵廣呢度掃街，所以連大滿足搬左去同層第二個鋪位都唔知平時都會叫佢既人氣之選海膽半板手卷，但今日突然芝士癮發作～爭扎左一陣就決定叫另一個人氣火炙芝士三文魚腩手卷喇火炙芝士三文魚腩手卷 - $23今日等得唔算耐，大約10分鐘就有得食，芝士熱辣辣溶起三文魚腩上口感好creamy而三文魚腩份量絕對唔欺場，真係啖啖肉，而亦做到入口即溶既感覺無論係海膽定炙燒系列，大滿足既手卷都係我係葵廣掃街之選～

上回嘗過葵涌廣場3樓的手卷店，今天就移師到同場2樓的「大滿足」，繼續品嚐日式小食。從「大滿足」的燈牌可得知它是主營和風美食，除了壽司卷物之外，也有丼飯、玉子燒等等供應。不同於同場其他食店，「大滿足」店內設有餐桌餐椅，食客毋須立食。但筆者光顧時段正值午膳，店內早已坐滿客人了。「大滿足」採用叫籌方式取餐，店內放有屏幕顯示籌號。如此簡易清晰的方法，就不怕錯過籌號又或誤取他人的食物了。今次也是點了三文魚手卷。手卷中的這片三文魚魚脂頗為均勻，味道鮮美。筆者每咬一口都能夠感受到那股濃郁的三文魚香。壽司飯同樣備有普通豉油和芥末豉油作調味。筆者怕了芥末的嗆鼻感，故選了普通豉油：酸甜的壽司飯配以咸咸的豉油不會令人感到飽滯。壽司紫菜非常鬆脆。一年容易又聖誕，原來不知不覺間已踏入11月。「大滿足」已經貼上了聖誕派對到會資料，效率真快。

行開葵廣掃街，見到呢間有玉子燒食，而且款色都幾多！😊見到平時好少見嘅三文魚碎，就試下啦😼size黎講都算系適中嘅而且料都幾足的，吾合太過飽，食完後嘅飽度岩好😊😊每份玉子燒都配有芝士，紫菜，蟹籽同粟米，即叫即整大約等左5分鐘倒啦🤗蛋都算系嫩，而三文魚碎系全熟嘅，🤩🤩岩哂吾中意食生三文魚嘅朋友仔呀🤗🤗🤗芝士吾太做到拉芝效果，整體上食落吾算太特別😉但系行過都可以買黎醫下肚子啦☺️☺️

星期日下午跟男友去葵芳行街睇戲食飯，因要趕電影開場時間，所以就在葵廣找一間平靚正的食肆吃個午飯。見到這問大滿足水泄不通又有少量坐位就選買了一個滑蛋牛肉飯和壽司SET A。舖內估計大約只有10個位供食客在內進食，幸好我們買好後剛好有位置。桌上有不同的調味醬汁，我們只用了芥末豉油，有芥末味卻不算濃，符合我的口味，而且很方便。首先上場是壽司SET A, 有8件~-三文魚新鮮又唔會凍到牙齒敏感~-腐皮正常味道，沒什麼特別-玉子也是普普通通，因沒紫菜捲起，比較難飯和玉子一起食到-海鰻稍為細片，味道一般-蟹子多到滿捨，味道一般另外兩件熟蝦和蟹棒被身邊人吃掉，不評論。滑蛋牛肉飯夠熱~一出見到煙~味道不錯，份量夠，一個男人也夠飽。牛肉切開細細片，容易食。蛋也夠滑~~以這個價錢吃到味道不俗的日本菜，性價比高~~

同家姐細妹行葵廣行到攰諗住離場個時，咁岩經過見到呢間壽司店好多人排隊🙀🙀當時就諗呢間野一定好正，一眼望落去餐牌見到有好多海膽壽司（應該係招牌食物），但可惜我地唔特別想食海膽，所以無試到。😂下次有機會會試下......我地最後叫左個芝士軟殼蟹壽司，間店比左好多醬我地自己加，有普通豉油、芥辣豉油、沙律醬、海苔沙律醬、黑松露沙律醬，我地試左兩款沙律醬，個醬都好好味，同壽司好夾😋😋但係個軟殼蟹蟹味唔出，份量亦較少，以致唔太食到有蟹，淨係食到個配料青瓜🤣🤣下次會試下其他壽司💁🏻

去完美食展..真係買唔到落手都係去返葵涌廣場食呢間個個都手卷.卷物我就食佢玉子燒龍蝦沙律櫻花蝦玉子燒...好正丫...蛋流心料多.在場仲有無限量沙律醬俾我任添..仲有好多款揀.平過美食展先囉

同好友去葵廣行街買野，指定動上當然是上樓上搵野食全層大部分都好多小食、特色食物，夠集中之餘好似將台灣夜市的小食檔感覺搬了在葵湧廣場室內行下睇下有咩想食就停低買黎試，室內掃街之選今次喺「大滿足」門口停低，因為見到佢嘅壽司好多料！價錢唔貴，所以吸引左好多人買野食，同朋友睇左一輪，終於揀左：蟹膏蟹籽卷哇睇見個樣都好興奮，好蟹蟹膏喺面！係爆多到瀉出黎，香濃蟹膏味，入面仲有絲絲蟹肉好鮮味，讚而蟹子都好多好新鮮

星期六放假無野做就同朋友仔去下葵廣掃街啦其實我都係第一次去聽講壽司手卷最出名見到都幾多人排依間大滿足即刻試下先我就叫左雙拼海膽手卷啦 價錢比我朋友叫既加拿大海膽比較平不過我就係想試下兩隻海膽有咩唔同比完錢等左三分鐘到就有得食啦店面位置唔多都係立食為主 因為食個手卷最多都係十分鐘姐旁邊仲有豉油比大家加落手卷到海膽鮮甜冇怪味份量都算足夠 咁既價錢絕對係合格不過第一次黎食 完全唔知個芥末豉油係咁辣唔小心落多左 足以想死下次真係唔好太貪心啦！

耐不耐我都去買下手卷食，哩間好多人買，的確係整得幾好食，買左海膽手卷，見到實物時我已經雙眼發光，即刻忍唔大啖咬，好新鮮，鮮甜冇苦味，店鋪有醬汁任加，價錢不過不失。