大澳華記香脆雞旦仔

營業中

休息中

大澳最出名的一定是阿怕的炭燒雞蛋仔，但是今天太多人排隊，所以放棄了，行近石仔埗街那邊見到另一檔，所以都一試。原來當我們去到都差不多賣完，最後幾底！所以都頗lucky！華記只得一個炭爐去做雞蛋仔，原因是兩個的話就處理不來！所以就逐底逐底，要有點耐性去等！用炭爐燒的雞蛋仔特別香，而且金黃色，很脆很脆，內里很軟，$12一底都值得！

大澳除了茶果及燒魷魚干出名外，另一出名食物就是炭爐雞蛋了。我們過了橋後，直行小街至尾左轉後，看見很多人排著隊....再看醒眼招牌""炭燒""香脆雞旦仔炭爐只有一個，由於明火關係，對比電子夾尚算快，大約1分半一底。一場來到，一於叫2底盡慶一下~~哈哈雖然燶了，細心的叔叔對我們說不能要了，再幫我們弄多一底，他就把燶的掉到一旁。哈哈~~還叫我地試食，於是試食了一粒....很脆，味道苦苦的。再來的一底~~ 雞旦仔顏色比較平常的深色。因為炭爐火力較猛，稍一不留神，很容易變蕉。味道雖然跟平常的分別不大，但勝在炭爐下的雞旦仔，有點少燶的味道，食出另一番風味。

大澳好出名既雞蛋仔舖實在太多人嗱, 所以退而求其次啦, 點知有D失望囉, 雖然佢都係炭燒, 但唔係特別好食, 又唔特別香口, 又食唔到炭香味, 只係特別 "lon", 我排第四, 我見到底底都係總有D "lon" . 我覺得如果真係無時間排出名個間既話, 可以揀其他嘢食. 其實佢唔係難食, 不過呢種貨色係市區大把有得食, 無需要係呢到食囉.

上 openrice 做過功課 , 知道大澳出名有個黑超伯伯整炭爐雞蛋仔 ,但我地呢次行到入一個巷尾時所見到o既馳名炭爐雞蛋仔由一個肥叔叔主理o既o個時又唔知原來係兩間唔同o既 , 咁就照跟住排隊啦 , 都要等左幾耐喎 ~呢度好似有個亭咁 , 大大個 banner o係上面 , 之後就有一張長枱 , 得一個炭爐旁邊有個小風扇 , 用黎吹涼 d 雞蛋仔 , 因為新鮮燒起後即刻入袋會焗淋左o家大約二十分鐘 , 到我地喇 , 拎左就即刻搣黎食 , 都唔記得左影相 , 其實個味道同平時o個 d 都無乜大分別 , 唔講唔會覺得係用炭爐燒但聞落去又真係特別香o既 , 少甜香軟 , 好重蛋味 , 不過個芯無乜蛋漿外面o個層係好脆好好味 , 但欠缺左內軟o個 part , 硬係爭咁 d ~## 排隊o個位置衛生麻麻 , 右手邊有個餐廳後門 , 堆住 d 垃圾o係度左手邊有個類似垃圾房o既空地 , 有 d 大垃圾車o係裏面 , 好在都唔係幾臭不過不時都有 d 烏蠅飛黎飛去 , 呢方面都有少少扣分 , 下次未必再食喇

因為行錯路，去左睇TAI O HERITAGE HOTEL，無行到去吉慶圍，結果搵唔到出名既大澳炭燒雞蛋仔伯伯。雖然中間見到唔小鋪頭都有賣炭燒雞蛋仔，但係都無買到。到就黎要走，好想試下炭燒雞蛋仔，見到大澳華記，前面得兩個人等緊，就決定試下。點知我地一排，後面就開始好多人了。終於等到了，相對於另一位大澳炭燒雞蛋仔伯伯(睇youtube片)，大澳華記有d hea=.=”Um~味道同出面電板整既雞蛋仔無咩分別……無咩特別既炭燒味……唔知係唔係太多人排佢好趕，定係個炭水唔夠猛，好似唔夠熟，中間有d仲係煙煙韌韌。(但佢明明較左鬧鐘)Um 有d失望，鬼叫自己無睇清楚地圖，做好research，下次再去大澳，唔知另一個大澳炭燒雞蛋仔伯伯仲有無做呢/.\?

看到先前有人把華記的評論POST了在伯伯那裡，便立刻提點，現在終於為華記開了專頁終於可以寫食評了！難得的補假加上晴空萬里的藍天，決定去大澳郊遊。決定假期活動後便立刻上openrice尋找美食，聞名己久炭爐雞旦仔仍然佔據大澳的第一位。可惜由於當天找不到雞旦仔伯伯，最後來了華記，雖然不及伯伯出名，仍然大排長龍。由於朋友們好早就講過要排好耐隊，所以有晒心理準備，黎到後見到只有一群年青人。心想應該好快到自己，想不到他們每人一人一底(真的有這麼美味嗎？)，結果為數十人的份量害我等了半小時。汗流浹背地炮製十底雞蛋仔大量的蛋漿大叔兩三手下腳便把蛋漿倒進鐵板香氣撲鼻 ，打開鐵板反蛋漿味和炭燒混合在一起，令人食指大動為了保持其香脆，放涼後便送上又香又熱的雞蛋仔滿載的雞蛋仔 總結：雞蛋仔內填滿了蛋漿，雖然不是一半空間一半蛋漿的黃金比例，但獨特的炭燒風味加上蛋糕的口感，不得不給一個GOOD它。

記得大澳有一位頗有名氣的雞蛋仔伯伯，難得走進大澳就當然要一試，但奈何未有詳細記下地址，唯有隨緣了。在行入Tai O Lookout的路上，遇上這大澳華記雞蛋仔，鮮艷奪目，加上一條人龍，難免令人立時走到龍尾排隊。此店用上炭爐製作雞蛋仔，狀甚專業，平均製作一底約三分鐘，等候了約十五分鐘，就有熱辣辣的雞蛋仔到手了！在等候途中，看見雞蛋仔的質素有點參差不穩，部分雞蛋仔底面受熱不均，做成兩面呈鴛鴦色！而部分雞蛋仔不較完整，部分更有破口，而且並非一底半底發生此情況，是店主不細心的表現！在炭爐旁有一電風扇，向著炭爐不停的吹著，熊熊烈火加速了雞蛋仔製作的速度！雞蛋仔色澤對版，但淡而無味！雖則內裡呈蛋糕仔狀，但連一點蛋香也沒有，吃進口只有苦味，相信是麵粉比例過多，太多麵粉同時加熱所致。由於以大火加速烤製，此雞蛋仔只能說是弄熟了而不太脆的雞蛋仔。感覺就如趕住收工，快快手攪掂佢一樣！品質膚衍了事，求求其其，並非用心的製作！感此店出品不外如是，不試也不是損失！

眼見大家都就黎開學，而且今日天氣又唔熱，所以同左女朋友去大澳逛一逛！！我地真係完全唔熟大澳呢個地方，我去過兩次，她就一次都未去過……一路行黎行去，經過市集，都搵唔到有D咩岩食。最後就出動左smartphone ge openrice apps 搵邊到有好野食！Search Search 下就發現左呢間炭燒雞蛋仔店，見佢有好高ge食評，所以就即刻試一試！ \\好啦，唔好講咁多，去圖先........呢個人睇個樣又唔似伯伯喎，應該係叫叔叔啦，不過伯伯就唔係到。成間店就係得佢一個係到默默地燒緊雞蛋仔，雖然當時有四五個家庭係到等緊，又見到大家都好心急快D可以食，又一路傳來一陣好濃郁蛋香味，但大家都好守秩序，一個一個的排隊等；可能大家都已經抱著一個輕鬆的心情，去到大澳一個較鄉村的地方，放低左係城市驚汁輸、較緊張的心情！！等左大約 15 古分鐘中意到我們開餐lu，未拎上手，已經feel 到佢係好熱同脆卜卜ge又有好香的蛋味，話哂都係岩岩整好 女朋友平時話唔中意食雞蛋仔同D無餡ge野……但結果係最後大家都要爭住黎食hehe 不過都係果句啦，少食多滋味 多食壞肚皮，所以都係冇排隊要多一底lu

七月二日 (星期一)大澳小吃多，必定要吃的有其中兩款其一是剛在上一篇食評介紹過的隠姑茶果，另一款就要數華記雞蛋仔走入大澳深處，不其然就會嗅到一陣濃郁蛋香，中間也夾雜着陣陣炭燒味道不久，眼前便是一條長長的人龍與大坑雞蛋仔伯伯異曲同功，遊人們為的就是那一底新鮮熱辣的炭燒雞蛋仔簡簡單單，就只有雞蛋仔叔叔一個人正在黙黙地燒製雞蛋仔炭爐也是只得一個，加上雞蛋仔叔叔真的十分用心燒製每一底雞蛋仔，所以輪候時間更長不是誇張，動輒也要上半個小時但當你拿到戰利品，就會大喊此刻無價蛋味真的十分香濃，每粒雞蛋仔都是外皮脆而餡煙韌具蛋糕質感的雞蛋仔在香港所剩無多，做得有水準的，更少!來大澳，要珍惜這個機會值得一提，未來到華記前，沿途會經過不少"仿"華記的雞蛋仔檔質素實在相差甚遠，大家切忌仲伏