大澳餅店

營業中

休息中

今日天陰陰見冇乜太陽又係平日，就諗住避開人群入去大澳打個白鴿轉，入到黎好多鋪頭都冇開，唯一見到好多人坐低拎住一個雞皮紙袋係度密密食，咁就知道一定有好嘢食啦，轉個灣就見到沙翁啦，老闆娘好好人，傾左幾句，係小有嘅人情味 ☺️ 老闆娘 生意興隆身體健康呀😊

山長水遠入到大澳 當然要食佢哋即炸嘅莎翁😍新鮮炸起 熱辣辣 脆卜卜！炸到金黃色 賣相吸引 超級香脆 入面就好軟熟 而且蛋香十足🥚再加埋面頭嘅砂糖 超邪惡😈但食落唔會好油好甜！

前排好好天 搵咗一個平日去大澳 隨心周圍行下 睇下有咩嘢食😌上網見到沙翁好岀名 唔少人推介必食冇睇地圖 咁啱經過見到就買來食😂✨沙翁(💰$15)拎上手仲係暖暖地 我同朋友買完 就啱啱好冇晒如果炸等新鮮岀爐 剛炸好嘅 就要等15分鐘~沙翁脹卜卜 外層沾滿砂糖 食落唔會好甜 帶啲蛋香 口感外面微脆 而入面幾鬆軟 空氣感強 好快就食完一個 但味道就冇咩特別😗抱住一場嚟到就買嚟試下 咁都ok嘅😝😝除咗沙翁 店舖仲有得買糯米糍同嘢飲不過嘢飲就比其他係大澳嘅店舖貴啲呢間就$20 見到其他一樣飲品就賣$10-$15嘅😚

大澳美食掃街行（Tai O）🚌襯放假黎大澳 估唔到呢度有咁多好嘢食🤩🤩 每行幾步就有一間攤檔買小食 即刻黎翻轉大澳美食掃街行先🍴⌖ ［大澳餅店］即叫即炸黃金沙翁🔥💰$15必試！大澳名物😍😍 由街頭排到街尾嘅餅舖 同樣需要攞飛先㗎 熱辣辣嘅即炸沙翁 配上均勻嘅砂糖 一啖咬落去外脆內軟 蛋香味十足😚 一個字：正！👍👍 呢個價錢簡直無懈可擊💯☻ 回頭指數：9 / 10 期待再嚟大澳發掘更多美食💭👣#Fatshit_ami #Eatingtime #大澳美食 #港式美食 #香港美食 #食好西 #掃街 #墨魚餅 #黑白墨魚餅 #大澳蝦醬 #蝦醬 #蝦醬魷魚鬚 #魷魚鬚 #滷水大墨魚 #清香三色糕 #桂花糕 #椰汁糕 #芝麻糕 #蝦豬餅 #泰式生菜包 #大澳名物 #黃金沙翁 #即炸沙翁 #大澳沙翁 #大澳餅店

咁遠來到大澳，當然要試下大澳名物沙翁啦沙翁係新鮮即炸，所以通常都要等。由於我地係假期去，所以都等左20分鐘，不過係值得既建議拿左沙翁既飛之後，可以去附近蝦豬餅度拿飛，咁樣會快d，減短排隊時間講返味道，即叫即炸熱辣辣既沙翁表面呈現金黃色，再加上滿滿既砂糖，讓人充滿食欲咬開充滿砂糖既外皮，就會發現內裡麵團非常鬆軟，聞到濃濃既蛋香，食落去又不會過於甜膩，一切都恰到好處建議一定要趁熱食，又香又鬆軟，不愧是大澳名物

嚟到大澳梗係要來試佢個沙翁！不過真係好多人排隊真係要等等沙翁全部都即叫即炸 然後再喺隔離個盤度沾滿砂糖 食落外皮微微脆身 入面就好軟熟 又有空氣感 出奇地唔會好油膩 甜甜地脆卜卜又唔錯喎💕

嚟到大澳當然要食佢哋嘅名物沙翁！真係超多人排隊等 想食真係要慢慢等🙈沙翁全部新鮮即叫即炸 熱辣辣 面頭沾滿砂糖 即刻食 外皮微脆 好鬆化😛不過我就覺得好大浸油炸味 食落都幾滯一般

相信大家嚟到大澳一定會食佢嘅沙翁！我哋嗰日好晏先到但係超級好彩未閂舖而且咁啱唔使排隊就即刻買來試吓啦～🫓 沙翁 $14食之前店員會先加砂糖然後放喺紙袋入邊拿上手暖暖地，砂糖配上脆脆嘅外皮入邊又軟又有空氣感～估唔到入口完全唔油，同時亦有蛋白嘅香味好似炸咗嘅疏乎厘😙喺市區一定食唔到！雖然冇啲人講到話真係好好食咁但唔買好似冇嚟過大澳咁！值得一試呀^_^⭐️ CP值：🐘🐘🐘.5⭐️ 打卡able：🐘🐘🐘.5⭐️ 舒適度：N/A⭐️ 再食指數：🐘🐘🐘（5 星為滿分）

難得山長水遠入到黎大澳，當然不能錯過大澳名物。一講到大澳名物，我諗大部分人都會諗起呢度嘅沙翁。真係每次去大澳必食，今次可能係平日，竟然完全冇人排隊，超級Lucky😆即刻每人買番兩個，食番夠本。即買即食，好難唔好食！沙翁新鮮炸起大大件脹卜卜，再喺外層沾上砂糖 ，外脆內軟帶啲空氣感，味道唔太甜有濃濃蛋香，完全唔油膩，一陣風咁就食完😋 但係個人覺得如果砂糖可以沾多啲會更加正好推介大家黎開大澳都可以試下！

為左食到好味沙翁，可以去到幾盡？！有人去大澳玩順便食沙翁，亦都有人為左食到佢既沙翁而突登山長水遠走入大澳。無錯！就係大澳人氣小食----大澳餅店既沙翁啦！呢間餅店主力外賣沙翁，因為個個排隊都係要買佢個沙翁。沙翁係用雞蛋、油及麵粉混合麵團炸起後，再喺外皮加糖而成。我本身好鍾意食沙翁，能夠食大澳餅店既沙翁真的很興奮！個沙翁大大個，好香蛋味，甜度剛好，非常好味。果然名不虛傳，唔怪之得大家都願意為左沙翁而排長龍啦！

📍大澳餅店 🧡沙翁 (8.4/10)$30🧡必食推介🌟一落車就去咗拎籌，淨係等咗5個人左右！沙翁拎上手熱辣辣勁鬆軟，蛋香味濃，不愧為大澳名物❤️📌大澳吉慶街66號

復活節假期間同屋企人去咗大澳半天遊、去到東涌車站人頭湧湧、好彩排咗都唔係好耐就上到巴士、車程大約45分鐘就去到大澳、聽聞大澳有三寶、其中一个係沙翁、一場嚟到大澳當然要試下啦！嘩！原來一個沙翁15蚊都幾貴喎🙄不過都好多人排隊、檔主系每一個鐘頭派一次飛、我哋拎到飛嗰陣時呢已經排到去100號籌、好誇張、拎左飛之後、你可以周圍行下不用傻等、依个安排都系德政🤭👍大約等咗一個鐘頭返去檔口、原來工作人員係即場炸、拎上手是熱辣辣脹卜卜、沙翁大約好似拳頭咁大、吃落好有蛋香味、完全唔油膩同甜、如果個沙翁大個啲就更加好😜

講到大澳，相信唔少人都會諗起依度嘅沙翁😝，好多人都話好好食，也米😍難得去到當然都要買返個試吓啦！一個沙翁就$15，去到店員👩🏻‍🍳會先比號碼飛客人，無限一張飛買幾多沙翁，只要到你嘅號碼嘅時候再講。因為實在太受歡迎🙌🏻，所以每個沙翁都係即炸，每個都係新鮮熱辣出爐🔥。拎到手，就見到個沙翁同拳頭👊🏻一樣大，咬落去好鬆軟，有梳乎厘嘅感覺😊，唔會有油膩味，仲有蛋香，真係好好食、好滿足😋！

難得一家人去大澳，平日兼第五波疫情下，唔洗排隊買到沙翁，咬開又暖又軟，似係蛋漿，平時佢地都唔接受訪問，只係最近接受米紙採訪，其實係甜、香、軟，但$15一個太貴了，難怪而架唔賣其他餅只賣沙翁。聞說假期好長條隊龍，所以今日平日唔洗排隊好感動，不過呢，佢d沙翁行完一條街，無排隊情況下，都係賣得勁快😂

心血來潮同班fd去大澳🤓行行吓突然間見到呢個沙翁 而且有條長長嘅人龍🤔 諗返起之前上網都見過人哋講好好食就果斷排隊🤣大概排咗15分鐘到就到我哋😆沙翁熱辣辣應該係即炸即食😳外型係一個圓圓嘅波型🏐入面空氣咁好強 食落好鬆軟 ☺️外圍滿滿嘅砂糖 甜甜地 好食！好中意呢個鬆軟口感😍推薦大家黎大澳都必須食呢個！！😛