大灰熊廚房 (裝修中)

熊本熊與大灰熊廚房相遇即炸黃金豆腐粒又薄又脆又乾身，外脆內軟,如果可以再吃一碟就正!西湖牛肉羹新鮮的免治牛肉碎，加入豆腐粒、蛋花和芫荽,為準備上碟的小炒開胃醒神~椒鹽豬扒跟飯充滿鑊氣的椒鹽豬扒，非常多的炸蒜鋪滿7-8塊豬扒,配飯一流!西蘭花炒牛肉跟飯炒得剛剛好的西蘭花,以及調好味的牛肉片,又是另一道送飯的小菜~二人套餐二百個大洋有找,有湯有小食有飯有小菜,都不錯啊~大灰熊廚房將軍澳帝景灣商場一樓34-35號鋪#大灰熊 #將軍澳 #帝景灣 #熊本熊 #kumamon #傻鴨 #三傻 #西蘭花炒牛肉 #椒鹽豬扒 #西湖牛肉羹 #免治牛肉 #豆腐 #蛋花 #芫荽 #黃金豆腐粒 #hongkong #villagekumamon #中菜 #Chinesefood #新界 #九龍 #香港

超多味精，食完成晚超口乾。加上服務態度超差，伙記長期唔帶口罩，我住附近，之間幫襯過2次，第1次叫外賣到收錢時見收多左，個伙記先話要收每個$2既外賣盒，叫左3杯熱檸蜜原來要加$15落單時又唔講，今次又收多錢博大霧，我話唔要佢又話已經沖好，擺明劏客。幾個伙記兇神惡殺，又長期唔帶口罩。怪唔知點解成日都無客。

自從將軍澳多左個海濱之後，就多左去cafe同埋食西餐😂有時想食下住家飯，以為將軍澳無咩呢D餐廳，原來帝景灣係有間餐廳可以食到家常便飯😆拔絲咕嚕肉:咕嚕肉食落酸酸甜甜，幾開胃!咬落去果下外皮頗脆，入面肉身都幾Juicy!菠蘿如果😆再甜D就更加好椒鹽粟米🌽:好鍾意呢道小食，有椒鹽係面好惹味，粟米食落脆甜脆甜💓粟米豆腐羹: 清清地既素羹，飲完又唔會濟，加左粟米粒令到成件事更有口感瑤柱肉鬆蒸蛋:食得出水同蛋既比例岩岩好，蛋食落滑嫩，加上蛋入面有瑤柱，所以令到成個蛋都幾鮮甜下🤤

📍［將軍澳｜大灰熊廚房］大灰熊呢個名咁熟面口，之前都有聽過大灰熊獨木舟，唔知有冇關係，但咁岩店內裝修又有兩架獨木舟係度😂講番食物先，本身想晚巿黎到叫番兩三個小菜，但見到佢有個二人餐又幾抵食所以就叫左，先有個湯，有啲豆腐有啲肉碎既羹，正常味道。小食有個椒鹽粟米，幾特別未試過，但係想像到既味，都好食，用黎做小食一流。主菜叫左椒鹽豬扒同埋金銀蛋菜心，椒鹽豬扒好有鑊氣，炸蒜好多同好香，豬扒份量都好多，都有8-10件到。金銀蛋菜心有哂咸蛋皮蛋，幾有家庭既感覺，份量都多，咸蛋皮蛋都食左好多。黎到唔想諗咁多就二人餐算啦，好味抵食飽肚又唔洗煩。

收工懶得煮，又想食小菜，原來係將軍澳唔單止有西餐廳/酒吧，係帝景灣商場入面都有間專食小菜既小店，又搞掂一餐家常便飯🍚🐒優惠家庭餐💰$188(小菜二款，湯/羹一款，白飯二碗，飲品二杯)👉🏻金銀蛋浸時蔬份量好多，今日係菜心做底，如果唔肯定係咩菜既話都可以問一問職員，大家都好helpful❤️👉🏻椒鹽豬扒呢到既椒鹽豬扒都夠鑊氣，味道就同出面差唔多但勝在份量多，出左呢個餸緊係要嗌上兩碗白飯黎送🍚🐷絕配！👉🏻西湖牛肉羹驚喜位係芫荽味勁重🤣係unexpected which我係中意既，如果頂唔順嘅朋友仔就要留意啦🥬另外入面都有啲豆腐，滑捋捋。🐒椒鹽粟米💰$38咁大個女第一次食椒鹽粟米🌽原來都幾特別，一開始以為係脆，但原來係仲會保留到粟米多汁既感覺，外面有啲胡椒鹽。如果好似我咁想偷懶一天，呢啲住家小店都係一個唔錯既選擇✅另外入面都有幾多獨木舟既裝飾都幾特別🐻

今日陪先生去將軍澳帝景灣商場領取新身份證，隨即在商場食咗個簡單午餐，是久違的廣東家常菜的味道。涼拌青瓜隨着越開越多的川菜館和酸菜魚店，好多人都以為拍青瓜是外省菜，其實廣東的夏天非常長，涼拌菜是廣東菜中深受歡迎的菜式之一，非常清涼開胃好吃，調味主要是陳醋，簡單有益。這間餐廳的涼拌青瓜就做得不錯。另外，新做的涼拌青瓜爽脆固然好吃，其實浸耐了稍為軟身的反而更入味。今次我就吃到兩種口感，開心。千島蝦球大蝦開殼去腸啖啖肉，炸粉非常薄，所以完全不油膩，反而酥脆清爽。千島醬經師傅特別調製過，酸甜滋味搭配的非常好。麻婆豆腐餐廳做的是粵式麻婆豆腐，調味主要用豆瓣醬，不「麻」不「辣」，雖然如此，一樣惹味，一樣是白飯殺手。

出得去食飯多，間唔時就想食返啲家常口味，無意中發現咗呢間幾啱口味。西湖牛肉羹雖然係好清淡嘅配搭，但食落好鮮甜，平時唔食豆腐都食唔停口，牛肉、豆腐、蛋花、湯羹都好滑，幾出色。千島蝦球醬汁較得好好，酸酸甜甜就咁撈飯都好正。 蝦球爽滑有蝦味，粉漿唔會好厚，火候啱啱好，放多陣都仲係好脆。勝瓜雲耳炒牛肉係家常菜嘅味道，勝瓜幼嫩鮮甜，牛肉表面甘香好香口，夠晒鑊氣。土匪雞翼同譚仔完全唔同，比較似生炸雞髀嘅風味，略嫌孜然粉味唔算好濃。

想食下小炒，但又怕好油膩，家人提議去呢間#大灰熊廚房 ，餐廳以家庭式中菜為主，有數拾款小炒供選擇，總有一款啱心水啊！ 點了2人套餐只需$188，已包2款小菜，湯跟白飯。

餐湯點了西湖牛肉羹，湯羹清香不膩，好飲。 福花菜炒🐥雞雜，份量都幾多，雞雜很小地方有，家人想吃便點了，我是不吃內臟的，故比佢清晒😆，我只食了炒得很好味的福菜。 千島蝦球🦐，是餐廳的推介菜之一，蝦🦐表面鬆脆可口，入口彈牙啖啖肉，千島汁酸度和濃稠度調得剛好，非常好吃😋。另外叫了小食椒鹽黃金豆腐粒，椒鹽夠晒惹味，炸得外脆內軟，不會感覺油膩。

今日唔想食外賣所以決定出去堂食😂食中式野我地揀左優惠家庭餐(二人)先上左燉湯蟲草花燉湯飲落幾清甜而且都好足料！有雞腳食然後店家好好咁送左份土匪雞翼俾我地試土匪雞翼相當香脆而且夠熱全部係單骨雞翼簡單易食好味過原作😂😂椒鹽豬排豬排份量唔少兩個人食好足夠豬排鬆軟易食記得食豬排要食埋啲炸蒜粒粒又香又脆瑤柱肉鬆蒸蛋淋上豉油熟油嘅蒸蛋非常滑嫩簡單得黎超下飯而且個presentation超靚家常菜都可登大雅之堂哦～

今日來到住在將軍澳的朋友家中玩，夜晚便在附近吃晚餐。朋友推介這家在帝景灣商場的大灰熊廚房，主打吃中式住家小菜。餐廳環境裝修新淨，坐得舒適，服務有禮週到。粟米花膠羹鮮甜美味，材料豐富，煮得入味，花膠軟滑可口。小食 涼拌青瓜青瓜爽脆可口，清甜美味，芝麻醬油味道惹味。千島蝦球熱辣辣，外脆內軟，千島香甜美味，蝦肉鮮甜彈牙。蒜蓉粉絲蒸絲瓜蒜蓉和粉絲份量很多，蒸得軟滑入味，絲瓜爽脆多汁，粉絲滑溜無比，吸收醬汁的鮮甜。

呢間係感覺好家庭式經營嘅私房菜，價錢好抵，有時屋企人食飯去下都幾好～優惠家庭餐 4位 $368千島蝦球 脆炸嘅蝦球加上千島醬又幾夾西蘭花炒牛肉經典嘅菜色，炒得好香好有鑊氣，牛肉唔韌蒜蓉粉絲蒸絲瓜 蒜蓉真係香到不得了，配粉絲簡直可以食一大碟，絲瓜又好清新褔花菜炒雞雜 原來褔花菜係椰菜花，我唔鍾意食內臟都食左舊雞腎，又幾爽口黃金豆腐粒 $38必食！38蚊食到酒樓78蚊嘅質素，好外脆內軟熱辣辣！套餐配4碗湯，我地加左錢轉燉湯，好濃郁清甜，黑蒜同姫松茸都差唔多味

而家將軍澳多咗好多食肆，今日特登來帝景灣商場呢間大灰熊晚餐😋呢個商場的入口有點隱蔽，要專心哋搵🤣呢度的餐牌主要係廣東小菜/炒粉麵/燉湯。拔絲咕嚕肉～高水準👍外脆內軟，脆粉不厚，鬆脆可口的肉塊帶有拔絲的效果，酸酸甜甜好開胃。真的好考師傅的功夫😄時菜炒牛肉～很有鑊氣，菜心很嫩，牛肉又唔韌👍西湖牛肉羹～有免治牛肉，豆腐，蛋花和芫荽，感覺順喉清潤😋椒鹽粟米（小食）～清甜的粟米遇上惹味的椒鹽，鹹鹹香香的，味道很不錯👍

✨中女獨食難肥日誌 ✨大灰熊廚房 中女食將軍澳上次來這裏吃過晚餐之後，決定帶家中兩老過來吃小菜！家庭式小店，位置有點隱蔽，大家如果知道換智能身分證位置就會找到！小食黃金豆腐粒 好好味！新鮮炸起好香脆，中間軟嫩，食唔停口！涼拌青瓜酸酸地麻油香，好開胃椒鹽粟米呢個必食！輕輕炸過的粟米又香又甜！福花菜炒雞雜炒雞雜好少地方有，有雞肝雞腎，炒到好香口！千島蝦球酸酸甜甜蝦球，但相對較普通時菜炒牛肉簡單來個炒菜，菜比牛肉好吃！牛肉份量都唔少！蒜蓉粉絲蒸絲瓜金銀蒜好香！絲瓜好滑，加埋粉絲白飯殺手！姬松茸燉湯 黑蒜燉湯兩款燉湯味道好似，雞腳燉到好林，好養生，值得加錢飲！總括家的味道，兩老亦滿意，可以再來！

今日媽媽唔煮飯一齊去附近嘅中餐廳食飯呢度唔似酒樓咁又茶又芥但又有小菜食所以每次同爸媽晚飯想食中餐都會揀呢度揀左個優惠家庭餐可以揀四款小菜又有湯羹一定夠飽小菜選擇好夠有魚有肉有菜每人揀一個唔駛爭蒜蓉粉絲蒸絲瓜絲瓜本身味淡配上香氣四溢嘅蒜蓉不知不覺又食多左瓜菜大灰熊小炒王呢度嘅小炒王唔會淨係得韮菜反而會多蝦仁同肉絲炒得幾夠鑊氣椒鹽豬扒豬扒鬆軟炸蒜香口送飯一流另一個送飯神器瑤柱肉鬆蒸蛋蒸蛋非常滑溜面頭一層熟油豉油更香更滑好快又食完一碗飯了

今日去將軍澳探朋友，然後順便一齊食飯，朋友話附近有間「大灰熊廚房」不錯，地方也寬躺，坐得舒服，於是就決定一試😁「大灰熊廚房」是中式私房菜，有提供2或4人套餐，亦有燉湯等⋯⋯西湖牛肉羹，很香滑，濃稠適中，味道不錯！士匪雞亦，煎得外皮香脆，很惹味拔絲咕嚕肉，咕嚕肉外脆內軟，酸酸甜甜好開胃，配菜青黃椒炒得爽口，菠蘿亦很多香甜！蒜蓉粉絲蒸絲瓜，蒜蓉豪不吝嗇很夠多，所以蒜蓉味很夠香，真係跟粉絲絲瓜很夾👍🏻