影片
港鐵海洋公園站B出口, 步行約3分鐘
繼續閱讀
開飯介紹
提供飲品、雞蛋仔、窩夫等食品
繼續閱讀
以上資料只供參考, 請與餐廳確認詳情
連續五日嘅復活節假期已經去到尾聲，呢日我哋約埋一班同事去 海洋公園 玩。本來都有啲憧憬嘅，但係早兩日香港天氣熱到不得了，喺電視又見到樂園人山人海嘅畫面，搞到我都有啲想退縮👉🏻👈🏻幸好天公做美，呢日天氣唔係太熱，22.c左右，有啲風比較清爽，而且比起早幾日，遊客唔算太多，個天對我哋太好喇！入到樂園第一件要做嘅事， 當然係要探吓我嘅至愛熊貓🐼寶寶啦🤩 嚟到中午，個肚開始餓，我提議去「大熊貓小廚」買 #飯盒，貪佢附近有枱櫈，大家可以稍作休息。我哋分別買咗 #葡國雞飯、#海南雞飯、#生果杯，仲有 #汽水 嚟share，估唔到味道都唔差，尤其係個葡國雞飯，個 #醬汁 好香好滑，用嚟送飯一流🤤 至於個海南雞飯都好足料，加埋啲 #豉油醬 同 #薑蓉，特別惹味。不過杯用 #汽水機 打出嚟嘅 #汽水 就真系淡咗啲，我飲咗兩啖就唔想再飲落去啦👉🏻👈🏻 ... 食飽飽，又系時候再出發喇！
繼續閱讀
星期日同小朋友一早入海洋公園玩係威威天地玩咗一輪，決定搵間最近嘅餐廳入去食。見到大熊貓呢間嘢個兒童餐都幾靚嘅，有嘢飲有薯仔有甜品，小朋友見到都幾開心。個兒童餐個意粉小朋友話好好味，我淨係試咗個薯條，唔錯，幾有薯味同唔太油。另外叫咗一個餐，水煮牛腩，味道幾好，食落好開胃，不過飯好大兜，基本上牛腩相對都幾少，亦都無嘢飲。整體食物質素同環境都係好嘅，但原價兩個餐夾埋成三百六/三百七真係好貴吓，好彩今個月金卡7折，二百三度埋到單，都ok丫~
繼續閱讀
難得假日決定同友人們入海洋公園走走, 幸好早上人流唔多好加上天朗氣清真係幾舒服.見到已經12時怕1時多人食飯, 所以我地決定提早食個午飯再玩過.我點左個炸雞配薯條套餐, 明知係樂園內食野都唔會平, 但味道都咁差.薯條係夠熱, 但一點都炸得不脆又唔金黃, 薯條又淋身又無味道, 唯一係唔算太油.至於炸雞亦同樣失敗, 薯條就炸得未夠火喉, 而炸雞就炸得過火令到雞肉乾身同樣一點味道都沒有.
繼續閱讀
晨早趕出來前，只吃了麥皮，當然支持不到一個上午的"操勞"，順道來探熊貓時就買件窩夫來吃。花生醬、士多啤利、朱古力三種不同味道作餡料，就選了顏色最為鮮艷的那一款，味道不用提，因為完全沒有士多啤利味的，而甜度與甜醬相比是排名不分先後，再論窩夫，是即叫即製的，但外層沒半點鬆脆，而質地是像蛋糕多一點，很軟綿。
繼續閱讀
您可能會有興趣的...