大甲芋圓

營業中

休息中

大甲芋圓係天水圍都算出名。之前都試過佢既招牌大甲芋圓，今次就揀左左佢個抹茶牛乳芋圓，份量好多大大碗，抹茶雪糕同牛乳芋圓分開上，芋圓好地瓜圓都好有咬口，芋味同地瓜味亦都有。牛乳味好香好滑，入面再加左紅豆，成個味好 match 睇落好似好少咁，其實個底既芋圓不極都有，成碗糖水都唔會話特別甜或者唔夠甜，甜度好適中！大甲芋圓價錢夠親民，碗碗分量多多都唔超過 $30 店內仲有堂食位，環境好有台灣小店 feel , 超抵食又飽肚，真係宵夜糖水首選

呢間係我朋友強逼我去食架 因為佢係芋圓控 佢係會特登搵有芋圓既奶茶同埋甜品店 佢話呢間係全天水圍最好食嘅芋圓 首先我個人唔係對芋圓有太大興趣嘅 但食完之後覺得 都唔錯喎 分量太多啦 都幾抵食嘅

之前就食過佢既芋圓，價錢夠哂親民，最貴都唔過30蚊。今次就試左佢個蕨餅 平時食開既蕨餅係好啫喱，比教稀身d,佢既蕨餅就好煙un,好彈彈下，幾特別，唔同出面個d，幾有實質感覺，黃豆粉都好香，另外試左佢個熱門大甲芋圓，d粒粒水晶好得意，卜卜聲，芋頭汁偏甜但好香椰汁同芋頭味，而芋圓就冧身既煙un唔會硬，不過佢個芋頭汁味濃所以就冇分別食得出芋圓有冇芋頭同地瓜味，不過呢個價錢好抵食質素又唔差，如果芋圓大粒d就仲好

在ins看到這家，被吸引了，因為都實在很鍾意各種芋頭的製品，味道不差，但是不是一口驚豔的感覺，感覺九龍有幾家芋圓也不會差太多，如果在附近玩，可以去試試，沒必要專門打卡

每次入天水圍做野 都會去買大甲芋圓 好味又足料 性價比高佢最貴果碗芋圓都係大概28蚊而且我很喜歡佢的椰子味雪糕各位大西北的朋友可以去幫襯下我幫襯過好幾次 品質穩定好好食又抵食

第一次黎買🤣匿得好埋的舖頭搵左好耐，原來就係在落輕鐵一入去天瑞～轉左簡潔的門面文清的裝潢因為外賣自取，所以㨂熱食/常溫熱食唔算多選擇原本想㨂仙草的，不過仙草的一定有球雪糕，所以放棄了叫左2款：芋頭椰香紫米芋圓：好香的紫米，好大舊又粉粉的芋頭，超正仲有d芋圓好Q好軟綿綿，好食看此平平無奇，但香芋味濃濃，「熱賣大甲芋圓」同樣都有大大舊芋頭仲有～有料的芋圓呢個味道無紫米的咁濃，但香芋味好吸引整體好得廿幾蚊一個台式糖水，正

依間嘢開喺我屋企樓下佢初初開業嘅時候我食過一次外賣 直到依家隔咗咁耐終於去食第二次～同朋友食完飯，帶咗佢嚟呢度食甜品 好彩係八點零九點鐘，所以未算太多人唔使等位就有得直接入座有凍食，有熱食多款選擇任君選擇我哋揀咗好耐都下唔到決定所以最後我都係決定，要招牌大甲芋圓算了朋友就嗌咗木瓜蘋果燉海底椰開業到而家佢嘅價錢都係咁抵 好平一碗囉，廿幾蚊大大碗好抵食真係好鬼大碗，甜品黎講，分量已經係好充足，用料亦都好新鮮 芋圓大大粒，而且有好多粒感覺上好似食極都食唔完咁朋友嗰碗 糖水，熱辣辣，攤凍咗慢慢飲 佢係一個唔鍾意食木瓜嘅人但係佢都話啲木瓜好食，好甜我都試過味，佢啲糖水甜得黎又唔會話好膩味道啱啱好，因為太甜嘅話會飲到好滯~蘋果亦都有好多，大大塊啲海底椰沉曬底，見到佢撈上嚟有好多海底椰真心唔錯， 依家轉季，秋天食好潤喉至於我嗰碗，唔使講啦一睇就知好好食 佢有幾種唔同嘅芋圓，每粒都好大粒而且好彈牙！好有咬口睇下真係好大粒，食落彈吓彈吓咁紫色呢粒特別好味架！！！佢啲芋泥雪糕都好好味，好爽呀食凍野沉曬喺底嘅仙草，占咗個碗成一半嘅份量真係俾足料，好正！ 啲仙草都好好食食落去好綿密嘅感覺，所以會癡埋一舊咁要用

由於很久沒有吃到台灣的芋圓，今日來到了天水圍的大甲芋圓一嚐。點了一個招牌芋圓，配料包括：芋頭雪糕，芋泥，燒仙草，芋圓及有餡料的芋圓。食物方面：芋圓煙韌，三種口味組合，紫薯，芋頭，南瓜。味道不會太甜。燒仙草份量很十足，淡淡清香。芋泥不會很甜。有餡料的芋圓更是特別，紫薯的內餡是芋頭，芋頭的內餡是南瓜，南瓜的內餡是紫薯。十分特別值得一題是他們的芋頭雪糕，口感十分特別，一般雪糕都是奶味突出，而他們這個芋頭雪糕是芋頭味更突出。

朋友住天水圍，平時都好少會份天水圍食野，今日佢帶我入尼話食芋圓，本身真係無咩期待。尼度間鋪好細細間，似一般台式小食店咁，但睇個餐牌都算多芋圓款式。我同朋友都一人點左一個招牌既大甲芋圓，一碗係仙草底、一碗豆花底，真係抵食$28！兩碗芋圓拎到埋尼個賣相又真係唔錯喎，面頭有一大球芋泥雪球，一食落去似雪糕但又粉粉地既，香芋味好特出，而且唔太甜，真係估唔到咁好食架！另外既芋圓係有啲有餡既，出面係完全食唔到既，我覺得整體唔錯，好足料而且配搭得好好！真係估唔到咁細嘅鋪頭做得幾好心機，但值得一讚！

✦熱賣大甲芋圓 $28-芋茸露既芋頭味重👍🏻-芋圓地瓜圓煙韌度適中-包餡芋圓既地瓜圓外皮食落有明顯既地瓜味-熱同凍都一樣好食，唔嗜甜既覺得甜度適中✦焙茶仙草芋圓 $26-焙茶雪糕茶味濃而且唔會太硬亦唔係溶既狀態-芋圓份量少左d,仙草佔左成個碗70%✦特盛豆花芋圓 $27 -豆花係百福即食豆花嗰種，本身就又滑又甜甜地–面頭既豆腐雪糕食得出係豆漿味，但比較多冰渣-蓮子部份未去芯，一咬就中招成口苦已經好耐冇食過一間甜品鋪個menu係below$30🤑每一碗既份量係絕對夠食，而且芋圓，仙草，豆花，芋茸露，連舊芋頭都係好食，講CP值絕對比鮮芋仙高🤘🏻大甲芋圓既份量係一個perfect飯後可以塞落肚而又唔會好有罪惡感既份量🤏🏻唔會好似鮮芋仙咁兩個人share一個又唔甘心，但叫左兩款又大家都食唔哂🥱食完鮮芋仙會好口渴，佢既甜會令到喉嚨有漿住既感覺，但大甲芋圓反而冇呢個問題😋好味指數：8.5/10CP值：5/5

前日...因同朋友出完荃灣,回到天水圍肚餓添😝😝一向不正餐的我就隨意選擇左一間主打芋圓的甜品店(大甲芋圓)✌✌ 入到店內空間感舒服...座位唔算多,閒日三五知已來下午吹水聊天一樂事😄😄 我當然點左個招聘...試試食😋😋芋泥味好濃(好中意)因為其他甜品/糖水都有芋頭做的甜品/糖水,但味道偏淡👍👍芋圓軟硬兼齊,唔會淋到好似無牙婆食野咁,但有三隻唔同色大粒的特別芋圓係出面店舖好少見,好奇一聞侍應;侍應解答:三大芋圓內層是不同的(好特別的!)😱😱 另外一碗點滿足到我😏😏就叫左碗出左好耐但從未試過的(忘記左個名添)😁😁omg...今次碗野好食過芋圓糖水😄😄唔好意思,因為我勁中意茶製品,第一口;果舊清茶涷一入口感覺好清新,配上紅豆粒淡茶清香加點紅豆的豆甜(絕配)👍👍加上有舊焙茶/抹茶的雪糕(茶茶茶茶)😋😋旁邊三大粒侍應介紹是<白玉>,簡單講軟儒的湯丸 食飽比錢(大滿足)😍😍

有冇試過食芋圓搭抹茶、焙茶雪糕等配料呀？呢間有呀，仲幾好食，會encore！😆▫️🔸焙茶仙草芋圓 $26Hojicha mesona taro ball第一次食焙茶雪糕，茶味好香濃😍啱晒鍾意茶嘅我，雪糕、紅豆、芋圓同地瓜圓下面係大大舊仙草😋唔係糖水/冰嚟㗎，好足料🤩芋圓同仙草都好食呀，唔會太甜，芋圓好煙韌，仙草爽口～▫️🔹招牌大甲芋圓 $28Signature Da Jia Taro Ball呢個啱鍾意芋頭嘅朋友，有一球芋泥同一球芋頭雪糕，前者芋頭味重啲，後者其實唔太似雪糕，接近芋泥嘅質感～

第二次黎食大甲芋圓，外賣過一次掛住，上次係叫熱嘅熱賣大甲芋圓，佢嘅糖芋頭同個芋茸露不得了！香！滑！但今次就有d失望！一開始比呢個「熱賣」同「招牌」已經攪到有d亂，諗住叫個一凍一熱，想試下個豆腐雪糕！點知個熱賣一到，唔熱嘅？原來個熱賣係有得凍嘅，好可惜凍又凍唔曬，溫的唔拖唔水，糖芋頭又硬，芋茸露又唔香，加上個豆腐雪糕又唔夠豆味，咁多樣加埋已經sosad😭😭😭總結！要叫一定叫熱！嘅！熱！賣！大！甲！

係食飯時間去食，食客唔算多，員工只有2個係廚房，要自己出去收銀落單，叫咗碗招牌大甲，貪佢夠大碗😋之前食過芋圓份量比較少，今次份量啱啱好，可能唔同員工比嘅份量都唔一樣，同行朋友見到都話想試，可惜佢病咗唔食得住，下次一定會同佢再嚟，芋圓口感好好，仙草都好滑👍🏻，值得一題係員工服務幾好，當時廚房短髮嘅女員工整好咗我碗野放咗上枱，見到佢有其他單做緊就諗住自己出去攞，佢就話一陣幫我攞，出到嚟聽到我朋友話凍，佢就主動熄細冷氣，幾細心，順帶一提佢打扮幾型，又高，忍唔住望多幾眼😆，cp值高嘅芋圓，下次一定會再去！

諗住食個糖水，去到見到唔使排隊，有四個位，我同男朋友就入咗去坐，坐咗大約一兩分鐘之後，出面有4個人想食 但無位。個侍應無啦啦走過來同我講：呢度要等位，小姐你出返去然後再問後面嗰班人你地幾多位。明明我同我男朋友嚟先，佢見人哋多人啲啱啱好四個人就要我出返去，如果真係佢哋嚟先我要讓位冇問題，但問題係我哋黎先。同埋佢既態度係極差我廢時同佢嘈 一句野都無講就走左 以後都唔會食！