大笪地火鍋 (已結業)

好慶幸我身邊有一班志同道合都好鍾意打邊爐嘅朋友。👭👬每次出嚟gathering諗唔到食乜，都總有人提議去打邊爐。😆近年來興起養生火鍋，打邊爐都要打得健康！🥰所以我哋今次就揀咗大笪地最出名嘅花膠雞湯底💓💓個煲入邊有好多舊花膠，舊舊都幾大舊，己有份量！絕對唔係Hea啲客既🤤雞湯湯底好濃郁，feel到佢煲咗好耐🤪我哋都飲完一碗又一碗，停唔到咀！每人起碼飲咗三四碗😅飲完之後，叫侍應行過嚟加湯😌之後就真正開始打邊爐啦！叫咗手打墨魚滑，幾碟肉同埋一啲餃。質素都幾好唔錯😚😚手打墨魚滑好有𡁻口👍🏻👍🏻價錢相宜份量都幾足👌🏻當晚侍應推介新鮮鮑魚☺️我哋全部都係好鍾意食海鮮嘅人所以就決定試吓！好彩有叫到咋😆因為真係好好鮮味！又夠大隻又夠新鮮！落咗大概5分鐘就食得👌🏻可能因為真係新鮮所以肉質好彈牙💓好想encore多一碟，不過都係留返個肚食其他嘢啦🤪總括嚟講，大笪地係好食嘅😍如果你想一班人好開心咁樣打邊爐，食吓好嘢傾吓計吹下水👭就建議你預早book定因為都好full😌最後埋單一人$400左右，食到超級飽！*不過唔建議嗌魚皮😒😒因為原來佢係一包現成魚皮即係超級市場可以買到嗰啲。。。😑😑😑

這天一行十人隨意選了一間火鍋店打邊爐，當天因示威活動基乎整間店都沒有人。適逢秋風起，餐廳有時令長腳蟹，點了一隻十個人吃，蟹膏超香濃，啖啖肉，超好味！吃完長腳蟹開胃，點了花膠雞湯湯底，打邊爐前每人先試一碗，湯底又濃，膠質豐富。象拔蚌刺身也好抵食，$500己經有一份。其他就沒有太多點評了，不算太特別，但又ok的，都是那些材料。一人埋單先$300左右，好值得去。服務方面，也是不錯，侍應姐姐幫我們拆蟹腳，加水亦頻繁。

超級足料花膠雞湯。大笪地火鍋#旺角美食#樂食人生#港式火鍋友人推介的花膠雞鍋，果然冇介紹錯！啲花膠食極都仲有咁，足料入味冇落餘多既味精，湯底鮮甜飲唔停🤤飲曬唔怕， refill都係足料雞湯😍 我地落左一籃菜食，成個湯底更鮮甜，真係唔飲曬對唔住自己！啲火鍋料就不過不失，佢唔係任食既，但一碟既份量都多，兩人埋單食左7百多蚊，已經好飽好飽，不過男仔食相信岩岩好啦！！口水指數🤤：4/5地址：彌敦道613號飛達商業大廈 3/F

作為港女一名, 食野除左食物本身造型嘅之外，食完全變靚都好緊要所以花膠係我地經常會食嘅野，例如花膠撈麵都食過好多間今次打邊爐, 呢度最出名嘅就係佢嘅花膠雞湯底, 個湯真係好濃, 花膠都好多,除左有少少油之外， $218半隻雞, 價錢都ok圖中所見唔係雞湯上場嘅樣, 因為湯一上到黎, 已經一人一碗，飲到見到鍋底, 真係呢一次因為本人慌死蝕底靚少左, 映相自然拋諸腦後而圖中所見是加湯後的狀態, 濃稀啲, 但其實都濃味, 好過好多邊爐湯底至於邊爐料, 就係平凡, 唔係唔好食, 但唔會好好食, 份量ok, 但冇乜驚喜，正常囉，冇特色出位野。所以都冇逐樣映相了

餐廳環境富有懷舊風味，梗係要試試啦！花膠雞湯打邊爐，湯底濃旭，味道香甜。雞味濃厚，滋味無窮。每次食呢個湯底，先喝湯，再品嚐雞肉，雞肉滑而不鞋口，配上少許辣椒䜴油，好好味!之後，再配上吸湯的豆苗，原汁原味。豆苗當做，叫了一兜，但係建議大家最後先落，因為一落左豆苗，成個湯式就有陣菜味，會蓋過左個雞味，但係用雞湯整豆苗係正既，同食雞油豆苗冇乜大分別，仲要唔油。大扇貝和鮑魚就平常的味道但是也很鮮美啦。蟹籽墨魚滑還真是蠻好的，量也大最重要的湯底真是非常不錯，鮮美，花膠比我在北京吃過的那種大。下次都會繼續去。

一年多前開始幫襯，嗰時又要訂位又要排隊，上星期再去食， walk in即刻有位，根本唔使訂位亦都唔使排，我都覺得奇怪！坐低Order例牌的花膠雞煲，象拔蚌餐和其他食物，當一坐低嘅時候已經感覺到分別，包括碗碟不乾淨，枱面唔清潔，花膠雞煲上枱隻雞啲肉好”梅”，花膠數量少咗三份一，啲花膠亦都唔似花膠乾浸淋，似新鮮魚肚放咗乾水幾日，再放返落湯，同個類似經理嘅物體反映，佢只係話隻雞預先煮左所以淋，啲花膠係咁的！超，即係睬你都有味！感覺不良好，真正食嘅時候好肯定隻雞係梅，雪藏雞解凍再番雪，再解凍的感覺！第一轉用來飲的湯底已經冇以前的濃郁同鮮甜，加上比隻咁嘅梅雞煲過，根本唔想飲！而且濃度根本同第二轉之後用來火鍋的湯冇乜分別！根本冇興趣飲個湯，後來直接叫侍應換左啲湯佢，但係面口差到爆，換雞唔得，換湯都西面，真係一肚氣！再來象拔蚌套餐，象拔蚌份量起碼少咗三成啊🤯，好彩跟餐貝殼冇問題！但另外叫的海鮮套餐，有三隻貝殼唔開口，同埋煲湯都有臭味🤢，懷疑有啲貝殼死咗臭左🤮，搞到煲湯都有問題！之後再投訴終於肯同我換湯！之後我話唔開口有臭味，佢立刻收走！之後唔開幾多就換返俾我，當冇事發生過！講真，體驗好差！真係無下次

超級喜歡花膠雞湯，雞湯鮮甜，花膠滋補養生，竹笙好大條好好味，食完雞和花膠都好飽，所以會叫啲配菜中和返，冬瓜配雞湯入味，最佳配搭，蘿白都很鮮甜，豆腐係百福可豆腐，很滑。

大笪地一聽個名就知豐有香港特色，餐廳環境富有懷舊風味，梗係要試試啦！花膠雞湯打邊爐，湯底濃旭，味道香甜。雞味濃厚，滋味無窮。每次食呢個湯底，先喝湯，再品嚐雞肉，雞肉滑而不鞋口，配上少許辣椒䜴油，好好味ar!之後，再配上吸湯的豆苗，原汁原味，只令人回味的食法！必點牛頸脊，牛肉脂肪紋理十分高質，入口軟滑，牛脂味濃，牛肉更濃，必食推介。脆肉鯇魚厚薄適中，新鮮爽脆！響鈴卷現貨貨色，正常味道。蟹柳條大件抵食，吸湯一流。韮菜餃大大件，自家制，韮菜足料，十分滿意！職員態度有禮，上菜迅速，十分樂意再次光顧！

海鮮火鍋是必吃的，看了很多推薦，最後敲定了這家，懷著無比期待的心情做好第一次吃花膠雞湯鍋的準備。大笪地火鍋位於旺角，很好找因為它有一個很大的看板。走到店內就感覺很冷哈哈，明明是夏天卻覺得好冷！必點花膠雞湯底！先喝湯後煮菜，雞肉好嫩，湯底味道是關鍵，很濃，配上花膠超好喝的開始煮菜了，所有海鮮都是活的很新鮮。特別表揚牛肉，分量多又有嚼勁！需要提前預約不然就只能排隊哦～服務態度挺好的，同比其他店，性價比高。改變了我的觀念，火鍋也可以這樣吃～哈哈

本來黎過幾次 都好滿意 因為個花膠雞湯好出色 每次都係為個湯而黎。但今日個湯 淡到好似水一樣 (未知是否因為開始推行218減至99蚊優惠 令質素下降)我問職員原因 職員表示今日比較淡 被D鹽你 真係再無下次

網上吹捧宜間誇張，味道一般，價錢偏貴，用匯豐信用卡優惠要提前講一日訂購，但是沒有寫條款，條件欠佳.職員有提示客人優惠，職員沒有禮貌，希望改善更好的質素，令到客人會回來

不論四季，都無阻我打邊爐既熱誠😂😂😂😂😂自從第一次黎大笪地食花膠雞湯底後，就上左癮，隔幾個月就要黎上電。因為花膠雞都唔平架，但雞夠多，重點係個湯！！！職員會叫我地湯滾先飲湯，好飲到不等了，次次都飲哂再加。呢度唔係加水架，都係加湯，所以唔夠可以加完再飲😂😂😂😂飲到飽真係唔使點其他菜😅😅我就每次都會點手切牛頸脊，皇帝菜、手打蝦滑/蟹粉蝦餃王，飲兩支玻璃樽可樂，兩個人埋單$700左右。

相約幾位朋友18:30到此店，大把空座不給入座，要求1小時內食完才可安排就坐，或者在門口等一個小時，19:30再安排入座！如何邏輯！！真係笑話！！！投訴無門，服務態度囂張、無理！！！以後都不會來

個湯好好飲，多人食會好抵值得嘗試。 首先店員會提你先飲花膠雞湯底，再加湯去打邊爐。 野食續樣叫都唔算貴，都算多種類同款式。中意食海鮮嘅話，仲可以出去選海鮮。姐姐服務都幾好，親切。

話說鮮入圍煮太多人排隊 要等3個鐘才有位 便即刻同朋友去標榜同鮮入圍煮差不多的大笪地先叫了花膠雞鍋即刻飲碗試下先黃得有d誇張 花膠有d難咬 同埋個湯式明顯味精有d 多牛頸脊可以 唔錯 夠新鮮 唔太薄 抵食豆苗當做 叫了一兜 但係建議大家最後先落 因為一落左豆苗 成個湯式就有陣菜味 會蓋過左個雞味 但係用雞湯整豆苗係正既 同食雞油豆苗冇乜大分別 仲要唔油等地仲叫左花甲 幾大隻既 不過得5隻就好似有d唔抵整體黎講 係打左折既鮮入為煮 無論係價錢上或者質素上