大笪地火鍋 (已結業)

之前呢間大笪地最初開嘅時候，曾經到訪過一次，對於花膠雞湯印象幾好。事隔左咁耐，因為朋友生日，要諗個地方慶祝，再次諗起大笪地。預先用app訂左位，見到可以享有99蚊半隻花膠雞湯底嘅優惠，又幾抵喎。由於係生日飯，都不敢唔認真，訂位後都專登打黎確認，店員態度唔錯。餐廳裝潢同之前黎嘅時候冇乜分別，都幾企理，設有魚缸，有新鮮海鮮，不過我地多數唔會點。由於係平日，客人唔多，一行八人被安排到角落嘅大枱，都尚算幾舒適，冷氣很足，又有電視睇。不過有個問題，呢個位唔係經常有店員留意到，變相需要服務時都有啲麻煩，大可設置番個鐘仔餐牌款式唔算話十分之多，價錢唔平，湯底方面，有比較平價嘅沙嗲、麻辣、蕃茄、胡椒豬骨等，定價$68-128；另外當然係比較「招牌」嘅花膠雞湯底，原價$218/半隻，所以訂位優惠，都係抵食嘅。配料方面，有肉類、丸餃滑、海鮮、蔬菜、菇菌、麵食等，性價比唔高。飲品選擇少，以啤酒同樽裝飲品為主。醬油費 $12/位濃湯花膠雞鍋一行八人，約每人分到一碗嘅份量，湯底上枱時黃澄澄，有半隻雞，花膠另上，店員先快手幫我地剪開隻雞，然後倒入花膠。湯底味道比起第一次黎普通，感覺冇咁濃郁，慶幸雞件嫩滑，花膠不過

一早已經聽聞大笪地d 湯底正，食材鮮，而且價錢貴，haha!見到有半價coupon 買，即刻大手入貨！約埋朋友三五知己去食好西！揀左個花膠雞窩，果然無失望個湯非常濃郁鮮甜，啖啖雞肉香味，真係一流！！所以提提大家，記得烚野前飲哂d 湯去，可以再加湯！！係加湯，唔咪加水！讚叫左兩款牛，比較推薦既係呢款！手切安格斯牛，因為牛味濃d,而且肉質較滑！千其唔好烚太耐，口感會仲正肥膳！必點，真係好肥美，入口即溶，成口油香！唔好睇佢細細碟，一人食兩舊已經好滿足！正到不得了海鮮就叫左人頭鮑，50幾蚊隻，都非常鮮甜！整體來講，所有食材都非常新解，連菜都洗得好乾淨！！

今晚肚子好饿。最适合吃火锅。来到旺角找到这一家。装修很简单。主要靠食物吸客。招牌菜是鸡汤花胶。煮滚后便先喝一碗鸡汤。很香浓。然后才叫牛胸爽、龙虾丸、脆鲩片、油麦菜。牛胸爽有一半是脂肪，不合我口味。味道也跟吃牛肉有些不同。反而我很喜欢脆鲩片。大大块有8块也只是58元。其他油麦菜及龙虾丸也及格但没惊喜。服务员很热情，也会提醒要喝汤。酱料方面就比较简单。只有5种。比其他火锅店要少。喜欢混酱的会较失望。记着喝鸡汤最好一开始便喝。如果留到最后，水份蒸发后的鸡汤会很咸。喝不下去。埋单是507。虽然没有加一，但不便宜。建议可以一试。但不会常来。

一向我跟友人們都十分愛食花膠打邊爐, 知道大笪地火鍋有花膠邊爐, 當然即刻book 位去試啦。 當晚我們一行四人已book 位, 但去到都要等15分鐘, 大笪地真係好滿座。而裝潢好有大笪地feel! 黎大笪地主要就是俾花膠濃湯雞鍋吸引，我地點了半隻雞的份量 ，花膠量好多, 正呀! 花膠濃湯雞, 的確好濃雞味, 但花膠內有少少沙, 要扣少少分。 食物新鮮, 服務員態度好好, 不停幫我們加湯雞。火鍋料價格偏高, 提議大家叫套餐, 會平好多呢~

我同d朋友真係好鍾意打邊爐鍾意到30幾度都會去打怕咩呀，有冷氣就得🤗Openrice有個訂枱優惠，4位以上就可以$99食花膠雞湯底雞有半隻，會有靚姐幫我哋剪好一件件，花膠份量都算多見到個色好吸引一滾起就先每人一碗補一補之後就加湯再打邊爐循例都加返d炸蒜，辣椒同葱我鍾意呢度d葱切到細細粒落完單d嘢食都好快送到每次見到成枱都係嘢食就好開心中間大大碟橙色嘅係珊瑚蚝呢間嘅珊瑚蚝大大件，好鮮甜又爽口！當你食過其他唔好食嘅，有比較就知呢間真係好味不過響鈴就麻麻，唔係即炸嘅始終差d我哋仲嗌咗半斤花甲同蟶子皇花甲半斤得好少，不過食落好驚喜冇沙同埋好鮮甜蟶子皇就稱唔上皇呢個名銜啦偏細隻，我食嗰條有沙，不過都鮮甜嘅另一樣有驚喜嘅係牛我哋叫咗個手切安格斯牛好好味！真係要用肉質鮮美黎形容牛味濃，好正！朋友話脆鯇魚骨腩都好正，大件好食其他比較特別嘅係魚皮係成包上😂夠脆，碌一碌熱辣辣好正粟米唔甜唔好食皇帝菜新鮮墨魚滑中規中矩如果呢度嘅響鈴係即炸同埋個$99花膠雞湯唔規限於4個人，就誓必成為我嘅飯堂！

一去到感覺已經唔係咁好。我哋訂咗枱九點半，要等到十點先有枱比我地。去到已經有好多國內人係度等緊位，冷氣又唔夠，好焗好逼。終於坐低咗，先發覺個場非常細，擺咗十幾張大圓抬，加埋D卡位，又有兩個海鮮玻璃櫃，真係逼。加上D侍應又帶點國內鄉音，感覺好似返咗深圳食雞煲咁。😓因為我哋鐘意食雞煲，所以就叫左一隻雞。但係個侍應就話你地兩個人半隻夠㗎喇。就自把自為淨係幫我哋落咗半隻😵。嗰一刻真係心諗有冇搞錯！雞煲嚟到，堅係大失所望！半隻小春雞，多骨少肉。花膠又少。真係同張相差好遠😓我哋叫咗手切牛頸脊，$198，有牛味，好食。但唔大碟。鮮蝦滑，1/3個拳頭咁大，$78，唔新鮮。追加一碟手切安格斯，$168，完全無牛味，唔好食，很似食香口膠咁。仲有碟娃娃菜，唔新鮮，黃黃哋又有蟲蛀嘅洞，無乜食到。仲有碟紅薯粉，唔太似薯粉，似瀨粉多D。淋pat pat, 唔好食。半隻雞，五樣餸，埋單$897。結論就係:中伏了一句講晒：唔會再返去食。

在openrice 可以預留座位，不用擔心訂座電話打不通。花膠雞湯打邊爐其實有好多選擇，不過這家算不難訂座，而且味道也是不錯的。先來一個9:00後的$99花膠雞湯底。雞是原隻上的，可是馬上被剪碎，拍不到實況。原隻上有點好！就是肯定是雞😂😂😂花膠還算是多的。不過可能是$99特價的關係，也比我早幾個月吃原價的時候少了一點。建議先把雞湯都喝光，再加湯打邊爐。原煲的味道的確甜而濃，應該是沒有味精的！因為不覺得口渴。食物方面：炸嚮鈴是必點，非常的香脆。蜂巢豆腐也是十分推薦的，泡湯以後，湯汁全滲進去，也是十分鮮甜的。

去到人氣火鍋店，全場爆滿，外面仲有人排隊。火鍋店裝修整潔乾淨，好多打咭位。海鮮自己揀唔駛講，頭啖湯梗係正，花膠足料，雞好鮮甜，唔覺有雪藏味牛肉好味但貴，牛味重、爽，油花分佈均勻豚肉唔太新鮮肥牛唔好食鱔都好一般炸魚皮普通馬刀背，爽、鮮、甜

由於我泰國有屋企人嚟咗香港佢哋就係住喺旺角為咗方便見佢哋所以我就選擇左係旺角道搵食啦俾我係OpenRice度搵到 大笪地既花膠雞煲賣相非常吸引所以就叫佢地一齊黎試試去到果然冇令大家失望一上枱個賣相已經覺得味道濃郁隨後侍應會過嚟幫我地將雞剪件呢個時候我哋就先飲湯後打邊爐每一啖湯都有好濃郁嘅雞味質感比較‘傑’少少你會感覺到有好重嘅骨膠原真係非常好飲但配料我就覺得同一般火鍋店大同小異呢度淨係個湯都值得我再返嚟！現在做緊特別優惠只要係OpenRice 訂位就可以$99享用花膠雞煲半隻，非常優惠

間唔中都會去大笪地打邊爐，個花膠雞係無敵 啖啖鮮甜每次必點 象拔蚌 牛頸脊 聖子皇，今次竟然有北極貝 即時要佐三個 做刺身 哇 不得了 超鮮甜 海鮮真係超新鮮 好好味 寫寫下好肚餓呀！一話打邊爐，依家第一個諗起既就係大笪地啦宵夜飯堂 如果兩個人感覺會有d貴 但如果一班frd就ok既 呢個價食到呢個質素 我會話係抵食

呢排湯水吾夠, dry dry地咁!! 天氣又剛剛凍凍地, 最啱成班friends 打邊爐！！我提議去旺角大笪地火鍋打邊爐！！终於全體贊成！！到達後緊係叫個至正主打嘅大笪地花膠濃湯鷄鍋(壹隻), 真係超好好味道呀, 又滋潤養顏, 湯底超濃郁！！装起大大碟花膠, 大大隻肥鷄！！真材實料！！好！！跟住試試火鍋材料: 手切本地鮮牛肉好有牛味, 肉質嫩滑, 份量十足！！鲍魚超大隻彈口, 很有灂勁！！炸魚皮同炸響鈴都好脆口！！不過響鈴最好滚一下即食, 先可以保持佢嘢香脆！！鲮魚滑同脆肉鯇魚片都好新鮮！！菜我鍾意食皇帝菜！！我覺得打邊爐食至正, 令到皇帝菜更加入味！！最後加埋煙靭嘅紅薯粉, 飽晒！！

本人自問都幾喜歡食火鍋，又其係特式火鍋，點解好簡單火鍋配料間間都差不多款式，反而鍋底我就覺得比較重要D，除咗食到鍋底食材仲可以飲番碗靚湯，咁先至係完美火鍋，是日又去咗旺角呢間品嚐一下呢度招牌火鍋先點咗大笪地花膠濃湯雞鍋，等一陣已見雞鍋出來先滾一陣再落埋花膠，再由店員幫忙分配給我地慢慢享用，未飲已聞到濃濃雞嘅香味，配埋花膠真係唔知味道如何，先飲番啖湯味道夠晒鮮甜又唔油膩，飲一碗當然唔夠再來一碗，至於湯料雞肉嫩滑花膠夠軟綿，一句講晒夠滋潤真材實料飲完靚湯又到火鍋，先有手切牛頸脊，肉質鮮嫩脂肪亦夠肥美，入口肉味濃郁口感足再來有美國桶蠔大隻又多汁，手打鮮蝦丸同墨魚丸用料足爽口又彈牙，最後唔少得飲番杯酒，又享受一餐滋潤火鍋

今日同朋友兩個放工去打邊爐, 去到呢間好多人既火鍋店! 入到去已經😍😍成間店都掛左好多花膠嫁!! 太多人啦, 我地book 左都等成半粒鐘, 埋到位我地兩個人叫左半隻花膠雞煲(因為想試下其他既火鍋料) 😱半隻都係呢個份量我地點樣再叫其他野呀!!! 一大碟花膠車落濃濃雞湯底, 滾起時😋個啖湯底係重雞味同好黏嫁, 真係啖啖都係骨膠原呀🤤🤤花膠冇溶晒落湯底, 食落都好有咬口. 我地連湯同料一齊食,真係超補呀! 其實食完花膠同雞我地已經飽左7成嫁啦, 所以火鍋配料都只係叫左小小就KO左我地啦!!! 只係去飲個花膠濃湯都抵呀...

原來起旺角油麻地之間嘅商場上，有間裝修成大笪地嘅火鍋鋪，地道風味。有個位置整到成個攤檔賣花膠一樣，哈哈原來真係有得賣。地度嘅裝修，調味料亦係基本的。呢度嘅賣點就係花膠湯底，當然要試一試，仲係花膠煲雞，真係貨真價實、真材實料。睇過樣就知道好濃嘅雞湯啦，而且仲好多花膠，仲有半隻雞。所以未開始打邊爐已經飲咗好幾碗雞湯。有花膠梗係要配啲高貴嘅海鮮啦，有鮑魚同大嘅馬貝。馬貝真係好大隻，又多肉又新鮮，滾一陣已經可以食，鮮甜又爽口。另外，仲叫咗大大隻嘅花竹蝦，真係有大隻又新鮮，仲郁架。有6-7吋長，啖啖肉又爽口，我覺得好食過賴尿蝦，當然各有各口味啦。海鮮過後，都有叫啲清啲嘅，有新鮮淮山。當然亦有菜啦。

湯底冇味精，真材實料冇得輸！食材好新鮮。當晚3個人，2大+1老人家湯底：花膠鮮雞（半份）豆苗x2 (可惜份量太少）安格司牛x1沖繩蜆大蝦鮑魚埋單1320左右沒有叫野飲