大美督嘉年華燒烤

營業中

休息中

不是第一次來，第一次黎記得是很好的。今次卻令我很失望，我是選擇港式燒烤，不幸被編到室內，隨即問他可否轉到外面，他說要到6點才可轉到外面，但當我們到6時許再問他時，惡劣態度回應不可以，我知你很忙，態度可否好少少，下次不會再來了。另外食物方面，本人認為港式燒烤可增強蔬菜類、菇類，連牛油金菇也沒有，就算加錢也沒有的，這算燒烤嗎？飲品方面，每人只可有一次免費飲品增送，是罐裝汽水或一支cool樽裝水，這樣即是迫人買貴價飲品不會再來了。

尋(15-12-2017 Fri)晚公司o係呢o度攪聖誕BBQ,時間由6:30pm-10:30pm,我o地去到.已經開好晒爐,重已經有盤o野食o係o度,呢o度o既凳係韓燒o個種圓桶凳,真好,又可以擺啲o野入去放心燒o野食.我食o左唔係好多o野,全部都係basic o野,魚餅(呢個算係特色,而且好好食),腸仔,芝士腸,雞中翼,墨魚丸,牛丸, 雞全翼,香茅豬扒,香草雞扒,燒賣,粟米,蕃薯,魷魚翼同雞腎(呢兩樣都辣辣地).全部o野都唔會太鹹,味道o岩o岩好,好舒服.叉燒,牛扒,多春魚(梅梅地,因男同事DN叉o左o黎燒後,佢就即刻彎落去.)環境:我坐o係有簷蓬下面o既位,佢o地係開大o左風扇,我o地係感覺到o既,不過有啲位就擺得迫啲.而當我行出去攞o野食時,見到出面o既凳又唔同噃,係有椅背o既藤椅,食物出口處對住o既更係一片草地,又有帳幕,幾靚.衛生:出奇地好,地下好乾淨,連廁所都乾淨先至好o野.而食品唔係擺出o黎自己夾,而係放室內,客人只可以靠個窗仔叫佢o地俾食物我o地.其他:呢o度係唔俾膠叉膠碟,而係鐵叉同鋼碟,如果要膠叉膠碟,索價$10.00份.而且飲品換領劵同蔬菜換領劵都係膠造,可以重

之前朋友介紹話呢度地方坐得舒服，環境又靚又乾淨，又有港式韓式重慶燒3款。所以朋友生日選左呢度。詳細價錢無留意，只知星期六價錢$178，營業至零晨2點，限時3小時。我地選左韓式重慶燒，有用鐵網烤，同串串燒咁。食物一開始就會指定俾一盤你，樣樣有D。不過我覺得咁好浪費，因為唔係樣樣中意食。食物選擇多，普普通通，無乜大驚喜。不過話韓式燒，點解唔覺有泡菜既 仲包香蕉一條，菠蘿當甜品，係一次性，無任食呢盤比較靚D既牛，青口，只包一次，都係一次性，無得任食For 重慶燒係幾舒服又唔迫，露天位好涼爽，BBQ完D衫都無乜味。最壞印象係1點15分有個執野既阿E走過黎，一開聲就問我地走人未😢一黎無禮貌，二黎未食夠3個中，三黎呢度又話收零2點。我反問返佢，佢就話明早開8點，而家無乜客想早執野早關門。有解釋咪好囉，何解一開始就咁無禮貌 即刻乜印象分都無晒

14/10/17星期六一家大小共5人去了大埔BBQ,諗住哪間有小朋友玩的地方，貴D都試下，選擇了重慶燒烤，每位收費$178+$50開爐費共$880，只包了一罐汽水或者水1支（選其一),蜜糖都要加$20買😡，都算，但當取了食物的第一轉，已經知中伏，因為所有食物真的冇味精，冇味好難食，本人一家都未食過咁難食的東西，連工人妹妹都有同感，所以食完一轉就放棄，坐左2小時就離開，但直得安慰的只是地方大，有空間比小朋友玩，沒有其他可取之處，服務態度不佳，一定冇下次

朋友生日來到這裡，品嚐一下bbq重慶燒既風味，我地因為怕落雨所以選擇咗室內，所以比較焗，冇咩風吹到入黎。環境好大，有好多設施俾小朋友玩，當然多數都要另外收費。 有時間限制，燒得不夠暢快。食物沒有得自己拎，要排隊時間較耐。 只包一款飲料。不過啲姐姐都算快手。食物種類不多不少，正常都有，有一些都特別好像是麻辣丸，菠菜丸，重慶燒會容易燒得較乾身，一定要加粉調味就會有重慶燒嘅風味。付有幾件燒菠蘿，甜甜帶點酸酸，都算新鮮。 最後還有雪糕送，雖然不是什麼牌子，不過味道還可以，可以降降溫。燒左好似一陣又要講88了。

5.1假期，決定去大尾篤郊遊一下，上網搵到呢間燒烤嘉年華，俾佢個超大兒童彈床吸引左，就即刻卜左，一行4老，7大，2小，一共$1800，4小時。未夠12點我地已經到左，等開門，門口點人數時佢會check下你啲handcarry, 確保你冇帶野飲，野食可以帶！我地簡左港式燒烤，環境開楊，呢度蔬菜要自費，$20蔬菜包，雖然唔貴但都覺得唔應該自費！6人一爐，一個爐包2包炭一枝蜜糖，一卷廁紙，幾對膠手套。佢枝百花蜜味道比較淡同稀。第一次拎食物盤，冇得簡，咩都有啲，等你食晒呢盤，就可以拎個盤去自選。丸類：唔推介，試左幾款，好似咬緊粉團！香腸：好咸！豬頸肉：肉好林，啲汁好入味叉燒：充滿叉燒汁，燒完後都唔會乾曾曾，又juicy又林又好味！牛扒：燒完好似牛肉乾黑椒/香草/咖哩雞扒：無得輸，勁推介！「葉」到好入味，皮脆肉嫩，每啖肉都有黑椒味，香草味亦好香！好似出面食既一樣！好味！魷魚蘇：冇蘇既魷魚，叉嗰時有啲輪盡，不過燒左好耐都唔會變un,重辣辣地，幾好味！有啲似包裝既「葉」魷魚，不過呢度唔un架！豬扒：超大舊，味道一般！雞全翼/雞翼：燒野必食！好味！第一次燒野食食咁多肉，呢度既肉類質素都幾高，枝蜜糖冇咩

不是第一次光顧，但最近的一次卻令我感到非常不快。一行十幾人同行幾個BB, 俾完錢想入閘的時候，有一個女工作人員非常無禮貌地叫停我們，要搜我哋隨身物品。明既明既，生意難做嘛，但可以禮貌一點嗎? 可以先解釋一下嗎？我有錯覺以為俾訓導主任搜緊書包！還有，小童收費係身高80cm就要收。有小朋友的家長都知，80cm大概等於1歲-1歲半的年紀，哩個年紀剛剛食粥仔，咁都要收錢?! 不過哩樣要求個場website都有講，係我無睇清楚，所以中伏。燒烤分為港式、韓式、同重慶燒, 我哋簡咗港式，即係最普通圍住燒烤爐BBQ那款。一般大路食物佢哋都有: 幾款雞翼、雞排、豬排、牛排等等, 但不要期望有驚喜新食物，所有蔬菜類亦都欠奉。除咗雞排好酥之外，其他肉類味道是可以的，丸類都有幾款選擇，不過我哋試咗一轉都覺得麻麻哋，好似食緊舊粉咁，就無再扲盤去添。最差勁的居然是方包，牛油蒜蓉醬要另買，又乾又削，因為會碎，用燒烤叉叉起之後塊方包會爛哂。任食價錢只包一罐飲品，可選擇的只有汽水、罐裝菊花茶檸檬茶，其他飲品要另加錢。D規矩無話啱定唔啱既, 不過對客人來講，光顧一間餐廳你賣我買，咁攪只係絕不會有下次囉！

今晚玉嬋姐堅持請食飯，經濟一點，大家又喜歡燒烤又唔想去太遠，大尾篤夠方便啦。大埔燒烤以味道及價錢黎講當然首選係麥師傅，但今晚兩口子想環境靜一點、地方開揚一點、坐得舒服一點、有私人空間一點，決定嘉年華啦 ﹗上年劉德華既歌迷聚會都係揀依度乍 ﹗當晚包場，外牆圍晒黑布，守衛深嚴，只可隱約聽到劉德華講野同唱歌。搞到食客們迫晒去其他燒烤場，我就迫左去隔離既汀角灣囉。港式燒烤件食每位 $110 另加開爐費 $50，送 2 包碳及每人 1 罐非酒精飲品，都叫抵食既。贈飲完全無用過，我地全程飲藍妹罐裝，無支裝提供。今晚個場都較為冷清，10 枱都唔夠，夠清靜我鍾意。最嘈係班師拉帶住成團細路囉，討厭 ﹗我地決定坐係韓燒區邊位，遠離班吵耳師拉所佔據既區域，對面就係士多同食物處，好方便呢。攞野食既粗重功夫都係我做架喇，先黎每款兩件，熱下身、hot hot 口先。廚師腸、紅腸、魚蛋、牛丸、貢丸、豬肉丸、墨魚丸、脆皮腸、咖哩雞中翼、黑椒牛扒、黑椒雞扒、有骨蒜香豬扒、蜜味金沙骨、香茅豬頸肉、多春魚。起勁個火就開波喇 ﹗今晚天氣都幾涼，圍住個火暖笠笠好舒服呢。腸仔、雜丸，頭盤都係快熟易做先架啦，但依家個火咁靚，有點浪

本想去麥師傅燒烤皇架，見朋友仔興致勃勃推介嘉年華，我都未黎過，又話有 discount 咪黎試試囉，同麥師傅舖頭差一個路口乍喎。行一段仔路就見到大門口喇，好開揚喎，仲有閘口架喎。價錢好實惠亦大眾化，百幾蚊任食仲可以揀港式、韓式或重慶添，另加開爐費同埋只係送兩包碳架乍，燒晒就要比錢買，HKD30 蚊包碳囉，而且每人只準攞一支燒烤叉？有無搞錯，我無得洗出我既 3 叉流，一次過用 3 支叉，慳時間又慳碳麻。左問右開最後咪又係無 discount 亦無任何食物送，搞到咁麻煩為咩啫？無緊要，我都唔貪小便宜既，最緊要好食同玩得開心。第 1 次黎幫襯，環境都幾骨子喎，最正係有個開揚大草地，仲有帳篷提供燒烤添喎，洗手間都滿意，到處感覺乾乾淨淨，而且空間好寬倘。剛才入黎既時間有點混亂，有班鄉下佬同阿嬸好似食唔切咁，一窩蜂擁實個收銀處，爭住入場，七咀八舌、鬼殺咁嘈 ﹗我地都未比完錢又未吸印仔。跟住我地入到場又無職員帶位，摸摸下行左去坐大枱，跟住有個職員衝埋黎話唔比坐，我地六個要坐細枱。成個場得幾枱客，您痴筋架 ﹗之後先比我地坐返大枱，有病 ﹗第 1 次見燒烤場有免費小食提供架，非常新奇呢 ﹗咖哩蘿蔔、肉丸

週日和家中細細打完波，馬不停蹄再到大尾督參與燒烤活動。大尾督一帶有很多燒烤場，大美督嘉年華燒烤是其中之一。從汀角路駕車一直走，不用多久便會見到其招牌在右方出現。將車駛入路口便已是停車場，可免費停泊一定數目的車輛。雖然停車場也不算細，但太晚抵達還是會滿座的，建議早一點抵達。 進場前先購票，燒烤場有港式燒烤、韓式燒烤及重慶串燒三款燒烤方式供選擇，價錢差不多，約百五六元一位，任食三至四小時，另包一罐飲品。 依據燒烤方式，場地畫分了多個區域，有的是有蓋燒烤場，有的是在草地邊的港式燒烤爐，更特別的是一個個白色的冷氣「蒙古包」，可供「過冷河」之用。 對於小朋友，燒烤只是其次，更重要的是玩樂設施。一片綠油油的草地，最宜忘我奔走，吹泡泡放風爭。一個吹氣彈彈設施，更是小朋友最愛，百玩不厭。吹氣設施旁有小公園，供細一點的小朋友玩樂。在草地的另一角，更設有一個羊栅，可近距離與小羊接觸，隨意在附近拾起樹葉也可親身餵飼小羊。在其他燒烤場，這些活動通常要額外付費，這兒的設施則完全免費，小朋友可盡情玩樂。 開爐後攜帶入場卷在取食物處先拿一盤燒烤生料及其他餐具配套。吃畢食物後可拿回膠盤取用其他食物。 燒烤

一早約咗兩位老友踩單車兼BBQ，雖然當天天氣雨粉粉，但無損我地BBQ嘅雅興，入到場已經感覺環境非常舒服，地方又夠大～員工態度唔錯幾有禮貌，對我嚟講第一次到燒烤場燒野食，呢到俾我嘅印象很好！食物方面，一開始先俾一盤咩都有d燒烤食品，例如：雞翼，扒類，丸⋯等等，食完可以再攞，雖然有d食物係要另外俾錢例如粟米，蕃薯⋯但價錢合理嘅～

琴日一行十人，去左呢度試港式任食，4小時bbq真係一次，以後都唔會再去！人去到其中一位小朋友，只係三歲，剛剛到80cm都要收小童價，準則係夠80cm收小童價，無奈落左訂，只好幫襯！入到去，燒烤义，食物乜都未攞，已有員工立刻幫手透爐！筷子，食用既义，碟，全部痴立立既！吓……甘急做乜，攞好所以野，d炭已經燒玎白白地，浪費左半包炭！食物方面，標榜無人造色素，但係d牛扒燒到全熟都仲係紅色的，甘都叫無色素，豬扒太厚，好難燒熟，燒完仲係黃黃地，甘又係無色素？只有义燒係好食，不過舊义燒係紅色既，又係無色素？其餘，腸仔，丸類叫ok另外，方包係凍既，沒有蒜蓉醬，要另外買，粟米，沒有牛油，又要另外買，錫紙又要另外買，連燒烤既其本食材都要另外收費，太離譜！只有環境叫做可以，地方夠大，唔迫！各位想去既，真係要諗清楚

BBQ，燒野食，是香港人最愛的活動之一。一大班人，在秋高氣爽之際，週末去郊野公園燒野食，無論是以前的現在，都是一爐難求的。不過，商人總是聰明的，見香港的燒烤爐位難求，而且有好多人都對透爐、準備食物、飲品、燒烤用具、炭....等等等等，覺得很煩，若是沒有車，坐公共交通工具時，攜帶以上的物品，若是要迫巴士，我真係會死俾你睇，若是一大包肉，一大包炭上小巴、的士，我相信個司機同樣會死俾你睇...於是，就出現了這些自助燒烤場，我們帶個人去，就可以了。我同太太結婚當日的好姊妹出嫁了，太太亦成為她姊妹團的其中一員，而我就充當當日花車司機，亦因為這樣，我們一眾兄弟姊妹及工作人員，來了一個 gathering，而太太的好姊妹就決定去 BBQ，來這《大美督嘉年華燒烤》，既有豐富美食，又可以完美地，乾手淨腳。在《大美督嘉年華燒烤》，燒烤，對小朋友同老人家來說，可以算是一個 Hassle free 的一個地方。因為地方夠大，而且未在門口附錢購票，基本上是不能進場。小朋友在場內跑就一定要小心看管，但沒有車，沒有太多閒雜人等，絕對令家長們多了幾分的安心。場內分了三個區，有港式、韓式、同重慶燒三種，而我們就選擇了最

目前食過最差的一家燒烤場, 入場後要MUD都要俾錢, 我地18個人只有一小腕開了水的蜜糖, 再問攞多D又話要俾錢. 攞食物要排大隊好似乞食咁, 食物吾係自取, 排隊後再由啊姐分配. 18個人只俾一個盤, 排完隊攞完食物甘不多又要立即出去排過. 食物水準一般吾見特別好. 唯一好是爐與爐次間不太迫, 地方算大.

同老公慶祝拍拖紀念日（不要取笑結了婚還要慶祝拍拖紀念日），一早已經諗好要去大尾督燒烤，係openrice做晒research，睇晒附近一帶的燒烤場，有D就話服務態度差，有D就話食物無醃過難食，因此最後選擇了不過不失的一間，我們揸車去，可能是星期一，只有兩三架車泊，大把位！去到原本選定了的一間，在門口看看入面一個客都無，但正正隔離的一間就不斷都有人入場！老公同我都覺得應該襯人堆應該無死錯！但我肯定這應該是新開的，因為我做research時openrice度係無Lee間，門口已有大大個LED燈牌寫住價錢，不過第一次去當然要問清楚，門口收銀姐姐好有禮貌（我應該大過佢，不過叫人姐姐親切D)一一解答我的問題，來回三次我問左價錢、泊車位置及有無蚊怕水賣，佢都好有耐性答我，俾我都覺得自己好煩！乖乖俾錢入場第一時間衝去小賣部買蚊水，因為係門口已經餵緊蚊！$40枝蚊水都已經唔算開天殺價喇！由門口收銀姐姐開始印象分都良好！我們選擇了重慶串串燒，選擇位置後就要拿著單去取食物（只是第一次取時需要，因為佢會俾埋工具及一卷廁紙，油、醬汁、辣粉及孜然粉）我們去完取食物個爐都仲未到，碳爐大概要等二十分鐘！爐到了，不是