大自然素食

營業中

休息中

我訂了枱，部長要求我們準時才能進入，但裹面是有枱的，到時間差不多時，佢安排了一張四人枱給我們五人，要我們提出比較逼才黑面地換裹面已有位置，我們點了馬拉盞炒雜菜，來了一個味道比較奇怪的炒雜菜時，我們要求可否沖水換清炒，部長係我們背面判評怎麼做得到，但其他樓面同事很好地幫我們換了，其實我們只是要求把我們原本的重炒，也沒有叫換新，很過份嗎？

黃大仙現崇山商場人流較少, 十二半左右到達, 無需等位, 以為只有幾枱客, 原來接近八成滿午市快餐選擇多, 有粉 麵 飯 意粉...最吸引是每個快餐送例湯, 平日散叫每盅都要三十幾, 材料有栗子, 花生, 粟米, 蘿蔔... 無肉都好甜好入味馬來咖哩薯仔獅子頭燴飯＞有三色椒, 薯仔, 以假亂真獅子頭, 配合惹味咖喱汁, 非常適合拌飯栗子猴頭菇荷葉飯＞賣相飽滿, 有好多飯, 約兩至三人份量, 相對配料較少, 荷葉味淡309. 雜菜燒汁饅魚粒＞如果閉眼試食, 會誤以為吃麥樂雞, 口感十分相似, 啖啖「肉」, 是愛吃肉的人入門之選, 推薦餐牌選擇豐富,食物質素不錯,價錢合理,回頭率極高

話說「大自然素食」推出優惠，只要喺晚上7:00前買單嘅話，就有折扣優惠。今日同屋企人一行五人6:00就黎到呢度開飯，叫咗五個菜，價格高但係好食。首先，薑蓉炒翡翠苗$78，薑蓉同翡翠苗好夾，翡翠苗幼細索味，但老人家可能無牙食唔到。第二，瑤柱魚翅蛋白炒飯$88，素翅、蛋白、甘筍粒、粟米粒等炒飯，粒粒乾身。第三，麒麟西檸鴨脯$88，實際係炸芋頭同素肉片，芋頭好似薯仔咁林，素肉好彈牙。第四，竹笙榆耳扒滑豆腐$98，榆耳扒幾特別，竹笙同滑豆腐好啱老人家食。第五，蟹黃芙蓉翅$108，素翅炒蛋白，仲有露筍，價格最高，但屋企人食得滿足。總括嚟講，價格高，但係食物質素亦高，全素餐冇肉，環保又健康。

婆婆仙遊，生前喺吃貨，臨離開前叮囑我們送別時都要食得好，著得體面，最重要喺食完打包畀佢😊長輩決定食齋，我提議黃大仙大自然素食。我喺附近返工，中午經常幫襯，呢度好多張大枱，坐得舒服。一行十人，總共食咗十幾樣餸。頭盤喺好受歡迎嘅木瓜蟹籽沙律，長輩就揀咗素翅燉椰皇。另外再加牛油果焗多士、三色刺身、香芒魚生壽司。長輩知道木瓜沙律只係十幾蚊，個個都話抵，一定要再叫。主菜有水東芥菜釀豆腐煲、陳皮骨、鮮菠蘿咕嚕肉、情迷脆豆腐、海鮮鴛鴦焗飯、新鮮水蜜桃牛肝菌焗飯、瑤柱水蓮、叉燒荷葉包、生煎迷你包，最後甜品係腰果露。大部份都好滿意，但因為有比較，叉燒荷葉包就好食過生煎叉燒包，荷葉包包皮鬆軟，叉燒香噴噴。另外腰果露就比較遜色，似糊仔，無腰果嘅香味，記得之前係尖沙咀食過，尖沙咀分店好食好多。

去過呢間食過好多次，知佢有好多分店，去過旺角分店試過，但都系覺得黃大仙呢間好食啲。今次去除左食半時最中意嘅木瓜沙律之外，都叫左啲佢新出嘅野食。竹筒飯真系好好食，唔會好硬又有好多栗子粒。但我返而覺得佢個炸豆腐就麻麻啦，唔熱，但系脆嘅都。之後重叫左個炒菜苗、片皮鴨同炸大腸。個炸大腸雖然系齋，但真系整得好似真嘅炸大腸咁。個片皮鴨都好真又唔油。個菜就普通菜味啦，正常。哈哈。最後重叫左個豆沙餅做甜品，佢似平時可以系超級市場買返屋企煎嘅薄餅，但中間有啲豆沙系道。唔甜唔油，值得試。最後諗住買單重有綠豆沙糖水送。好味。如果未試過嘅朋友可以下午去試下，半價好抵，重可以問佢攞張紅色卡片，有九折定知九五折！

所謂「揸得刀叉多，筷子易生疏」（迷），所以今次終於處男下海第一次介紹中式素餐館。　話說今次掃左去黃大仙既大自然素食，其實佢真係好大自然，皆因好多大自然有既動物佢都有，例如有雞又有豬又有牛又有魚，咁當然，師主請放心，啲肉全部都係素肉黎，好在佢冇素穿山甲呀，冇素熊掌呢啲珍禽異獸。個殼又如何呢？雖然佢個名叫大自然素食，但其實入到去，一啲大自然既感覺都係冇既。不過佢又唔係好傳統果啲齋舖酒樓設計，都算係新式素餐館。地方又幾寬敞，唔會好迫，冇自然清風，卻有人造冷風，坐得都幾舒服架。殼呢啲表面野黎既者，最緊要有心。一打開個真身（menu），你就知佢地幾有心，幾用心良苦咁去為你製作素肉菜式，基乎令你忘卻自己正置身於一間素菜餐館！啲雞有手有腳架（個形）！但最勁既係佢唔單只識整「熟肉」，重可以處理「生肉」－剌身。當然，不嬲唔多中意肉名既素菜既我係唔會叫啦。不過呢個的確係呢到既賣點之一，亦都多人叫。都係講番啲食得既野先，今次一叫就叫左六樣野咁多：(1) 法式牛油果焗多士(2) 原盅竹笙素翅燉椰皇(3) 原隻菠蘿海鮮焗飯(4) 薑蓉炒翡翠苗(5) 鮮竹粒班腩豆腐煲(6) 農家燒焗竹筒飯先有黎自「法國」小食fe

新年假期後開工第一餐午餐，跟同事三人來個開年午飯。三人不用等位，但要撘枱，跟另一個三人的組合同桌。餐廳內部裝修和諧舒適，場内食客都安靜，環境比一般酒樓令人放鬆。午餐包括餐湯，另收茶水費每位12元再加一，有點貴但茶香怡人，不是平價無味茶葉。是次點了紅棗滑雞煲仔飯，雞肉是用猴頭姑假扮，但味道和肉質都奇妙地像雞肉。飯香一般，可能時間不夠，有點像是白飯放入煲仔肉。份量很大，建議女生三人點兩個餸菜就可以了。

原來佢逢三點至五點就會有全單半價嘅優惠。我嗰時去食叫咗二人套餐。有前菜，有個湯，仲可以揀兩碟餸或飯。咁我就叫咗牛油果炒飯同埋百合木耳炒西芹。兩樣都好食，清清地又一餐。咁多嘢食都只係130度！好抵呀。

素食沒問題，價錢偏貴，食物好食貴少少沒問題，訂了枱都沒有人帶位，只有一位年輕服務員努力招呼客人，食物好食都不能彌補服務差， 原本好好心情來吃一餐素食，為何偏偏會去一間冇服務的店子，要付錢更得不到服務，勁差勁差差，希望大自然好好再培訓一下。

家中老人家初一十五喜愛吃素，便來此處一嚐大自然的素。熱騰騰的椰皇燉湯，十分清甜，很濃的椰子香，內有竹笙、素翅、素肉的湯料，挺豐富的。而木瓜沙津的沙津醬有點多，不然口感會更fresh

昨晚，放工跟朋友一齊去大自然吃素食，因為朋友係食素者。等一陣間才有位， 坐低後 ，見到餐牌原來都好多不同的齋菜 喎，有日式、有西式、有傳統式、中國式嘅。 咁我哋揀咗 個菠蘿炒飯，一個鹵水 拼盤， 幾件多士和木瓜沙律 。感覺木瓜沙律味道好清呀，真係好多纖維啦。 鹵水 拼盤好味，特別覺得啲豬大腸味道好似豬大腸，嗰啲 分蹄又好似，有叉燒啦 、 白切雞呀 、同埋嗰個生炒骨、加啲汁醬去一起食，好似食真的一樣。 嗰個多士都好好食喎，朋友來到是必食 之選 。菠蘿炒飯又好恰到好處，許多肉鬆呀! 食物水準 一般都不錯 ，我以前覺得食素係好單調嘅，而家係好多選擇，我要多多去嘗試 吃不同嘅素食啦。

身邊有朋友鐘意食素，我地不時都會去呢間餐廳。呢間餐廳善於用不同嘅素材去做好多類型嘅菜式，就算你本身唔係素食者亦唔會好抗拒。我地一行三人叫左沙鍋菜膽雲吞翅、北京片皮鴨（跟薄餅）同士多啤梨骨。沙鍋菜膽雲吞翅份量好大，雲吞亦好足料，雖然雲吞只係用菜無肉，但仍然好鮮味，湯底嘅翅亦好多，淡淡嘅湯配雲吞正。北京片皮鴨（跟薄餅）亦整得唔錯，但片皮鴨比較乾，而薄餅分量亦較少，尚有改善空間。至於士多啤梨骨係一道我好鐘意嘅菜式，新鮮嘅士多啤梨配合炸得啱啱好嘅排骨，味道一流，會令你食到停唔到口。可能大家會奇怪素食點解會有肉嘅菜式，其實係餐廳用左其他素材代替，但菜式嘅味道一樣唔錯，大家有機會可以去試下

同家人係附近行完去左呢到食晚飯，星期日晚都等左一等先有得入。一人叫左一件法式牛油果焗多士，勁好味！有好多芝士，最重要係熱辣辣😋「肉類」就叫左沙拉骨同埋燒汁蘆筍牛柳卷，食個牛柳卷嗰陣我真係以為自己食緊金菇肥牛卷😳我地仲叫左泰式紅咖哩雜菜配酥餅，呢個組合好正🤤點啲咖哩黎食個酥餅👍🏻另外仲有個豉汁帶子蒸滑豆腐，呢個就冇咩特別，下次會試另一種😝食完仲有糖水送，係我好鐘意嘅芋頭西米露😋呢一餐素食真係令我對食齋改左觀，原來可以咁好食👍🏻

偉大既母親節日子，食咩當然係母親話事，每次佢都話想食素食，而其實我同爸爸都係食肉獸，對於食素我哋係萬分拒絕。我哋一共叫咗六個餸菜：原盅竹笙素翅燉椰、法式牛油果焗多士、原隻木瓜蟹籽沙律、沙嗲螺肉、雜菜燒汁鰻魚粒、香椿瑤柱魚翅蛋白炒飯原盅竹笙素翅燉椰子如果想食呢個燉椰子就要一坐低叫定，限量供應唔係次次都仲有。椰青水連同竹笙素翅一齊燉，佢既效果真係同放咗肉既湯無咩差別。法式牛油果焗多士必點必點，多士係新鮮即焗，熱辣辣好好味。牛油果加埋芝士真係好正，完全同聯想唔到佢原來係素食！ 原隻木瓜蟹籽沙律小木瓜配上蟹籽沙律，清甜的口感，很適合作為前菜開開胃。沙嗲螺肉螺肉質感怪怪的，雖然是爽口的，但感覺似在咬橡皮。雜菜燒汁鰻魚粒炸粉很厚，有點失望，之前明明都點過一個素鰻魚不是用這種煮法的，上次那款煮法好味好多。香椿瑤柱魚翅蛋白炒飯這裡的炒飯炒面都幾出色，次次食唔同款既都無失望既。總括黎講，素食都可以玩咁多花款，唔係下下清清淡淡咁，素食又可以食得健康啲，可以再試。

每年一度就快到，正日大家都唔得閒，於是改了今晚一家人同我外母大人慶祝，我外母係一個素食主義者，平日甚少，甚至未見過食肉呢，今晚決定去現祟山嘅大自然素食，由於家住黃大仙區，所以十分就腳。以前來過，由於大自然有一定粉絲捧場，所以奉勸大家早兩日訂位就穩陣喇~地方光鮮，服務員親切主動，由於有部份菜式限量供應，所以先叫三個菜式先，第一個係原盅竹笙素翅燉椰皇，今次終於可以一試，竹笙與素翅份量可以，湯水好有火喉，十分清甜，好像飲緊原隻椰皇水呢~值得一試，第二款係法式牛油果焗多士，牛油果同十分香濃，新鮮熱辣辣出爐好好味，第三款係原隻木瓜蟹籽沙律，食完咁香濃嘅多士，再食個清新嘅木瓜中和番，木瓜新鮮，配埋沙律好夾味，值得一讚！之後係黑松露芝士焗意大利雲吞，個汁濃味，雲吞內𥚃有汁，好味但雲吞數量少。之後就來沙嗲螺肉，沙嗲就比較淡，螺肉都幾似真果種爽口，但真係冇乜味，之後雜菜燒汁鰻魚粒，炸粉比較多，但有魚味，味道可以的，最後炒飯普通丫。整體味道唔錯，大自然素食值得推介，留意部份菜式限量供應，在平日大魚大肉嘅大家，久不久食下素菜都係唔錯嘅選擇啊！