大興海鮮飯店

營業中

休息中

The food are really fresh and nice, a bit savoury but acceptable. We tried 炒蜆，蠔仔粥，油麥菜，咕嚕雞，豬紅，芫茜皮蛋豆腐湯，白飯魚. They are all very nice and not very oily. The people are friendly and helpful! Still have a bit of traditional Hong Kong style left and highly recommend the restaurant! Will definitely come back the 白飯魚is excellent and very crispy, if there is spicy dishes with Sichuan style it will be a plus!

想近近地食個飯鐘意食野既人 「捐窿捐罅」都要搵好食既野岀黎今日一行4人 黎到哩個熟食中心晚市七點鬆d已經坐滿人就係鐘意大排檔果種熱鬧🍻🥶🍴1. 椒鹽骨走過油，好香口，椒鹽唔會死咸，雖然係骨，但咬落係有肉既，送飯一流。🍴2. 紅燒大鱔煲用砂煲上 滾熱辣燒肉大大舊 d鱔好肥美呀🤩🤩🍴3. 白飯魚煎蛋問左老闆，白飯魚已經買小見小所以哩d係銀魚仔 明白既 有傾有講大家研究下 煎得好味 一放低已經比班餓鬼搶哂😂🍴4. 蒜蓉粉絲蒸開邊蝦蝦都幾新鮮，不過size 比較細隻粉絲唔係好淋身，但真係好多蒜😋haha 埋單都係每人百幾蚊，好抵食👍🏻老闆同員工都好友善，值得再去。

今日去咗西灣河街市裏面的大興大排檔吃海鮮，你可以在他們的魚缸選擇海鮮。今日一行四人點了很多海鮮，有豉油王蝦鑊氣十足，他的size不太大，口感剛好彈牙爽口。另外點了油鹽水煮蜆，粉絲蒸扇貝及豉油王吊桶。每一個餸生熟剛好，味道不太會死鹹，吃得到海鮮的鮮味及原味。我們還點了他的霸王雞，豆豉鯪魚油麥菜，他們的雞都得很出色，十分出色，肥瘦剛好不會吃到一口油，肉質香稔軟嫩。還有每次我們必吃的豉油王炒麵，色澤均勻，洋蔥夠軟夠香，火候剛剛好，配他們的辣椒醬或甜醬味道更提升層次。今日整個店都滿咗，所以記得要早點來或者要訂座！這裏氣氛一流，價錢不貴，在西灣河少有大排檔風味，海鮮不錯，值得推介！

餐廳位於西灣河街市熟食中心裏面自設魚池，可即買海鮮海鮮都是時令為主特別推介油鹽水泥鯭，油鹽水煮蜆蒸餸的火候控制得恰到好處蒸魚蒸扇貝剛剛好其次是雞，有很多選擇，有霸王雞，菜膽雞鹽焗雞，全部都是新鮮雞炮製另外炸物下酒也不錯當然餐廳位於街市熟食中心，環境一般，廁所亦比較污糟，要有心理準備🙄

服務態度超差 10點左右d野每樣食淨一半，根本都未食完就狂掃你枱 一句都吾問未食完就掃晒你d野 明明都未夠鐘閂門 隔離仲有好多枱食緊 但大興個阿伯會極之不耐煩咁係你隔尼行尼行去 又睥下你咁 轉頭吾理你食晒未都照掃晒你枱d野先 到左10點半左右仲喝你叫你飲快d要收埋你隻杯 但當時其他枱未走 亦只淨反少少就飲完！一餐生日飯即刻比佢搞到無晒癮！一句講晒 態度超差，以後吾洗旨意再幫襯！極度吾推薦呢間！野食算ok，但係極之谷氣！

今晚C9 罷工放假，老公提議又去大興開餐，咁當然老闆話事啦未到7點已來到大興，幸好早點來到，原來已坐滿了半場。我們叫了豆腐魚雲湯、炸大腸及大地魚炒椰菜。豆腐魚雲湯料足火候夠，湯底煲到奶白色的，好正炸大腸也不錯，炸得脆卜卜，用來送啤酒一流。大地魚炒椰菜好有魚乾香，大大碟，夠爽口，怪不得老公好like 來開餐啦

因為朋友個生日飯局係西灣河大興海鮮飯店進行，所以要提早搭車過去，去到嘅時候大部份朋友都到齊，唔使講嘢，先來啤酒先，点菜就梗係主人家話事啦，先來八珍豆付，味道都OK，炸大腸都好掂，整多嗰椒盐鮮尤，鮮尤都好香脆，重叫多嗰金銀蛋豆苗， 豆苗真係好味，師傅煮得非常好，飲吓食吓，不知不覺都成十一1点幾，都夠鐘走人，因為明天又要返工。

星期六晚上，本身同家人諗住一試朋友介紹既拉麵，點知摸門釘無開，然後媽媽醒起同事曾提及西灣河既熟食中心入面既野食唔錯，於是立即起行。由於同事無提及邊間好推介，所以就去左最多人果間，大興。一坐低就奉上花生同茶，員工態度都親切，第一感覺唔錯。見到有游水海鮮就出去視察下，前後叫左5個餸。蒜蓉炒荳苗。份量唔細，味夠，feel到鑊氣，唔錯椒鹽瀨尿蝦。夠哂香口，瀨尿蝦都夠新鮮同甜，不錯斑頭腩煲。略嫌失色，魚腩明顯唔夠新鮮，同煲既豆腐同冬菇都夠味豉椒炒蜆。夠哂惹味，蜆既份量都多，抵食蒜蓉粉絲蒸扇貝。粉絲太碎，調味ok，不過扇貝食落唔太新鮮，麻麻地埋單$500，唔算平唔算貴，都可以一試，建議試下d鑊氣小炒，應該都唔會差得去邊*戴埋頭盔先，成日食左先記得影相

大興大排檔真係好細個嘅時候已經成日嚟細個最鍾意佢送嘅炸鱔片乾好食超好食可惜而家已經冇咗而家間唔中都會再幫襯覺得呢到利害嘅地方係水準可以保持👍🏻今日又心血來潮想黎呢度食下海鮮兩個人叫咗四個餸豉椒炒花甲白灼花螺白灼赤米西檸鮮墨餅白灼花螺，夠細隻，好鮮甜；唔使點醬都覺得好好食白灼赤米，唔使多講... 赤米，爽口彈牙鮮甜，真係想食多幾碟豉椒炒花甲，花甲係大隻嘅，呢個覺得好一般。下次可以食其他野最後呢個先係重頭戲，西檸鮮墨餅，初初諗住 都係冇乜特別；只不過係炸墨魚餅用西檸汁炒埋就係；點知係墨魚餅入邊有墨魚粒打成，好爽口唔同出邊嘅墨魚餅；呢個真係好爽口好正；出邊好多都溝左豬肉呢度就清楚可以見到好多粒墨魚粒，由於太好食嘅關係唔記得影墨魚餅入邊

先前已來過大興一次，食過番尋味，今晚又再到大興吃晚飯，今次叫了四個餸：果皮蒸泥猛、薯仔炆鵝件、海味什菜煲，及椒鹽鮮魷，鑊氣夠，非常美味果皮蒸泥猛剛熟，火候控制得好薯仔炆鵝件送飯一流什菜海味煲用料足椒鹽鮮魷入口香脆

今晚來了西灣河市政的大興食晚飯，叫了蝦醬炒通菜，雖然極多油但惹味的；清蒸泥鯭魚，恰當火候，魚肉很滑；韮菜炒芽菜蜆肉好吃，芽菜爽口；白雲豬手拼雞腳爽口，不太鹹，最適合送酒啊

你如想好坐，就千祈唔好來大興。因為大興在西灣河市政大廈地下街市旁的熟食中心，是有冷氣，不過就座位迫哦！星期日晚，6:30pm 未到已幾乎無位了。看見大部分都是被預訂了。無訂位的，最後只能坐牆邊僅可迫坐6人的小型枱。大排牌必叫咕嚕肉，睇落外觀麻麻，柴柴地。咦！點知咬落外脆內軟，味道唔錯的。椒絲腐乳炒通菜，有鑊氣，惹味，很快搶食晒。羗葱炒肉蟹，蟹是新鮮生猛自己選的，即做上枱。肉是鮮，但如多些羗蔥來炒乾身些會更好味。依家畧為濕些。蒜蓉粉絲蒸大蜆，蒜蓉粉絲正，有提鮮作用。白飯魚炒蛋，不是炒，是煎到薄罉咁，分一人一件來吃，伴飯吃一流。羗葱魚雲煲，可能都是羗葱，仍是覺太濕，唔夠乾身，香氣不足。

住在附近幾年，但從來沒有進去西灣河街市，今天打完球之後，在想要吃什麼的時候，就決定在熟食中心解決。因為想吃潮洲菜，所以就試試看這一間，點了鵝腸大腸雙拼，蠔餅，鯪魚炒油麥菜。鵝腸大腸中大腸吸收了滷水的味道，所以很好吃，但鵝腸的吸收能力差很多，沒有滷水味，但就很爽口。蠔餅只有一個大小，炸得很酥，蠔的份量再多一點點會更好。最後鯪魚炒油麥菜沒想到很好吃，本來只想健康一點才點菜的，可能鯪魚比較油，油麥菜吸收了鯪魚的油，所以很香，也好吃。

我地一行20人, 行完山去朋友介紹就去左呢間度食比起長洲的海鮮檔好多了, 食材新鮮, 味道一流, 食完不口渴, 證明真材實料冇味精。仲要價錢實惠, 性價比之高就如國產智能電話點了22道菜, 買單每人不到$150最喜歡黑椒牛仔骨, 夠嫩口之餘仲牛味十足, 辣酒煮硯十分味道十分香, 硯又夠鮮甜菜膽雞雞肉嫩滑, 連幾乎剩係食炸雞既我都比佢俘虜左鼓油王炒面炒得條條分明, 鑊氣十足, 好食過平時出面食嗰D好多! 其他菜式生炒排骨, 酥炸墨魚餅亦相當有水準講真而家真係好食既食店愈黎愈少, 仲要咁既價錢食到咁高質素既海鮮同小菜, 一定會再去幫襯

間中來港島走走，到西灣河找飯食到地道點的飯店試下看見餐牌，有不小港式中菜，而且看見有不小人幫襯，決定試下價錢都算便宜，話晒都在港島，太古城附近，仲有50~60元小菜，點了幾款總結，整體美道不錯，有大排檔火喉，服務員也快手，份量算大，多幾個朋友一齊食多幾款更好