大興餐廳 (第尾牛扒)

營業中

休息中

上次食呢間餐廳已經差唔多係一年前可能太耐冇食過覺得特別有風味香港傳統豉油西餐餐廳佈局充滿80年代感覺咁多年都無變過枱同地下都係充滿油油嘅質感員工仲係著住白恤衫帶住黑煲呔餐湯係一個充滿麵粉水嘅忌廉湯公道講句牛扒質素一定係差係用梳打粉醃到鬆晒既牛肉完全無乜肉味食唔到肉既紋理但係嚟得呢度主要係食佢個情懷最鍾意係用鐵板上熱辣辣吱吱聲同豉油西餐經典嘅黑椒汁雖然食完真係會好口渴但係間唔中回味下的確係一個好好嘅選擇

想係呢間食，一定要早排隊，一係就早啲6點左右就嚟食，遲左就要排隊，條隊都幾長吓不過好彩入面都幾多位，條隊都去得快，等左15分鐘就入到去，啲位都叫闊落。今次叫左鐵板牛柳，因為朋友推薦。叫左黑椒汁7成熟，質素無失望，都係咁靚，上到枱係勁熱，肉質較嫩，熟度係岩岩好7成，份量夠一個成年人食，對得住個價錢。除左牛扒，佢個餐仲包左餐湯同湯包仲有野飲。先講個湯，今次試下紅湯，驚喜位係個湯入面真係有肉同菜，仲要有唔少，相信係真材實料唔似出面係溝出嚟嘅，野飲就正正常常，建議少甜，果日正常甜度都幾甜下，應該重手左。總括而言，性價比高，絕對有下次👍如果去食就要禁定錢出嚟，因為果到淨係收現金。

第尾牛扒走傳統舊式扒房風個感覺好似花園餐廳，扒既質素都差唔多🥩鐵板西冷牛扒 包埋鮮油餐包 / 忌廉湯/ 飲品第尾牛扒啲熟度都幾準確我叫7成熟真係俾到我size正常，無咩根，啲肉都好易咬🥩鐵板什扒 包埋鮮油餐包 / 忌廉湯/ 飲品食落似普通茶餐廳扒點鐵板西冷牛扒比較好食 👅味道:❤️❤️❤️🍔賣相:❤️❤️🏝環境:❤️❤️❤️🤵🏻服務:❤️❤️❤️📸打卡:❤️💵價比:❤️❤️❤️💌要求唔高又想普通食下扒就好岩

先講牛扒，質素一般，相比下，寧願食花園餐廳，起碼有似塊扒. 而餐包加$10，以為好特別；點知竟然嚟嘅係比拳還小的餐包，仲要好難食，應該係隔夜. 唯一可取係羅宋湯還可以. 重點提醒: 唔想受氣或全程食得唔開心的話，千祈唔好試；要幫襯嘅就做好心理準備唔會有正常嘅服務態；因為由入座去到落單，甚至埋單，都全程黑口黑面，態度惡劣，問多句都想鬧你. 我食嘅時候係下晝三點，當時入座率一般都有咁嘅態度，如果多人嘅話真係唔知會點，真心無言.

又到同朋友仔相聚一刻時間啦！朋友問我肚唔肚餓？佢話如果餓同我去鋸扒呀！佢就同我去咗「第尾扒屋」（又名大興餐廳）朋友話好耐冇去呢間，我又未食過，好！就嚟試吓啦！😊星期二晚上都坐無虛席，坐上卡位，有啲係綠色格仔枱布，天花吊櫈同店內格局都好懐舊！員工態度都唔錯呀！☺️由於本人選擇困難症又上身，想食西冷牛扒，又想食肉眼牛扒，想試黑椒汁，又想試蒜蓉汁，結果朋友話一齊分享食，咁咪可以試曬啦！👍我哋一齊叫咗羅宋湯，料足、夠熱、比出面啲辣！麵包🥯就唔太軟！牛扒好大塊，我哋叫咗7成熟，易入口唔會太難咬開😁不過分給朋友的另一半，佢話唔太易咬😝（個半塊都唔知係西冷定肉眼，因為我哋唔識分🤔）汁都唔錯！凍檸茶有2片檸檬，都唔係薄切，所以都夠味😀叔叔話成十年冇跟甜品啦！所以冇啫喱、雪糕食咯！唔緊要，之後去附近食返個甜品一樣開心🥳（由於朋友N年前已經幫襯過，佢話以前好食啲，不過未試過嘅我都好開心可以試一間未食過嘅懐舊餐廳🍴）😉今餐共$246，thank Q my friend😊🙏

店舖位於1樓，空間算大，星期六晚上8:00pm 來到不用等候就有卡位坐😆✌🏻當晚品嚐了好味道晚餐👇🏻🥩鐵板肉眼牛扒 $109🥩鐵板西冷牛扒 $109👉🏻可選黑椒汁或蒜茸汁套餐包括：-鮮油餐包-羅宋湯或忌廉湯-餐茶（凍飲+$3 特飲+$5）😋食後感：-好港式懷舊風味嘅餐包、羅宋湯同凍檸茶-牛扒超大塊🤩2個都叫咗5成熟，望落去裡面啲肉好似仲生咁，不過食落好嫩好好咬👍🏻-肉眼牛扒揀咗黑椒汁，西冷牛扒揀咗蒜蓉汁，兩款都好味🤤，個人鐘意肉眼扒嘅口感多啲💕-食完成個餐8-9成飽😋大滿足❤️抵食👍🏻

2023年2月7日上去食過餐牌一個餐標65元收左70元餐牌無改新價錢,飯少質素一般只收現金連八達通都無,又無茶走因無煉奶,食餐餐包都無個餐湯又少人當時唔多送餐上枱太慢

食完下午茶3個鐘有人話要食dinner佢叫咗個肉眼扒餐$109+10%先上羅宋湯同牛油餐包，羅宋湯好少，唔係我飲開好辛辣惹味果種，比較甜帶微辛。牛油餐包就唔多熱肉眼叫咗9成熟，都好鬆軟嘅，有小部分好似得5成熟，整體係ok,上枱時都「咋咋」聲，不過好快就完，完全唔洗打開張紙巾驚會彈到件衫，黑椒正常水準，薯條係曲曲薯條都夠熱嘅，另一邊係雜豆墊底我捨命陪君子 諗住叫個小食算點知份「小食」一啲都唔小雞翼薯條🍟$46+10%落咗好多華鹽，一路食都覺得自己食緊紅燒乳鴿😅 係6隻雞翼呀！雖然唔係大隻，但係真係食唔落🥲早知叫杯野飲算啦點諗到佢咁對得住個價錢～一心諗住下午茶份量少咗杯野飲嘅姐🥺味道嚟講就睇得出就咁炸嘅細雞翼，冇咗華鹽就應該冇咩味，雞翼都比較乾身，薯條就食到尾都仲係熱，唯獨係我食完會爆瘡姐🙈

紐西蘭肉眼扒餐-鮮油餐包-羅宋湯-紐西蘭肉眼牛扒-雜果賓治 (+$5)$136好味指數：7/10什扒餐-鮮油餐包-羅宋湯-鐵板什扒(牛扒,豬扒,雞扒,煙肉,腸仔)-雜果賓治 (+$5)$136好味指數：7/10大年初三，梗係食好啲啦，我終於帶咗另一半👨🏻去呢一間歷史悠久嘅扒房，我奇怪佢竟然冇去過，今日終於試到啦。佢叫咗紐西蘭🥩肉眼，本身肉質偏淋，牛味略嫌淡咗少少🤏🏽，薯條🍟份量偏多，仲有好多三色豆。而個羅宋湯🥣係最出色嘅，飲落去有少少🌶️辣辣地，幾特別。我就叫咗🐷🐮🐔雜扒餐，入邊嘅牛扒肉質偏實，豬扒整得過火🔥少少，最好食係個雞扒。我細細個已經好鍾意食雜扒，因為覺得好豐富，又有腸仔又有火腿又有煙肉🥓，乜都有啲🥰好開心，如果要食返舊式扒房嘅味道，不妨可以嚟試一試。

呢日喺旺角開會開到好夜，收工嘅時候好多鋪頭都已經閂咗門，於是趕緊最後衝刺，去咗一間收得比較夜嘅扒房，呢間扒房係一間好傳統嘅校扒房，睇個樣應該開咗幾十年，有啲殘舊嘅裝修，再加埋資深嘅貨夥記，就知道佢有返咁上下歷史。不過相比起好多扒房連鎖店呢間嘅扒都算幾好味，鐵板嘅選擇唔多，我哋幾個同事宜就嗌咗唔同款式，有西冷扒啦 、肉眼扒啦、鑊仔牛柳啦等等 ，幾種扒食落真係唔同味嘅，同好多扒房唔同，有啲其他扒房呢，唔同嘅扒食落去味道其實差唔多 ，但係佢真係做得到肉眼就比較多脂肪，鑊仔牛尾就比較重牛味，西冷就比較爽 ，仲有個羅宋湯都做得唔錯，薯條都脆，可惜係環境比較殘舊啲，夥記亦都比較有性格，不過如果想平平哋食個扒都係唔錯嘅選擇。

今日出開去旺角太子附近買嘢，經過始創中心附近，抬頭見到第尾牛扒嘅綠色招牌，見行到攰又有啲肚餓，於是決定今晚上去鋸扒做晚餐。可能係晚飯時間，上到去已經坐冇虛席，外面仲要有10至8人等緊位。幸好都係等左15mins就可以入座。食得呢間餐廳當然係要叫鐵板餐啦，我地叫左一個什扒餐同一個牛柳餐，味道同份量都十足，唯一美中不足嘅係杯飲品細杯啲，不過埋單唔駛300蚊，兩個人食到好飽，已經值得遲啲再番黎encore。

今日星期日去了旺角午膳，這間餐廳裝修比較舊，侍應生服務都0K。衹收現金。地方很大，餐廳的燈光比較暗，還有播放音樂，兩個午餐跟餐湯(沒有餐包)，凍飲加$3。一個是鐵板牛扒跟薯菜，另一個是牛扒飯，份量充足，食物質素OK。

不是第一次午餐時段光顧，但是第一次寫食評。少不免與毗鄰的花園餐廳比下去。餐廳裝潢肯定維持多年前的佈置，有點古老，不過又未叫老土，座位佈局亦未叫狹窄，不算有壓迫感。今次由於只有自己，被安排到最遠角落一張雙人枱，缺點是旁邊放有放置清水和調味品，少不免會被侍應在旁打擾。另一方面座位旁為玻璃窗並安裝了窗簾，很清楚看見表面鋪上一層毛塵。侍應服務沒有特別，正正常常。午餐包括忌廉湯或羅宋湯、主菜配飯或意粉和熱餐飲。收$52。另外有午餐鐵板餐一款$67。而花園餐廳午餐則包括牛油餐包，而主菜亦有炸粗薯條選擇，不過收費比較略高。花園餐廳午餐都有鐵板餐選擇。羅宋湯用淺碗，相比之下份量比花園餐廳較少。味道方面比較淡，不論是肉味和菜蔬蕃茄味也不夠，湯渣椰菜亦比較碎和找不到牛肉粒/碎。比花園餐廳甚至不少餐廳/茶餐廳差。今次點了洋蔥鑊仔牛柳配意粉。汁味淡又看不見洋蔥，配菜用上沉悶的雪藏三色豆，牛柳肉腍，不似用上大量鬆肉粉的味道和霉的肉質，不過總是走不出茶餐廳將牛扒牛柳下大量鹽調味的毛病，但這一間下鹽量已經算收斂。牛柳較厚身所以或許廚師怕牛肉煎成太生而在肉的中間開一刀，讓牛柳快熟。不過實情是吃西餐牛扒、牛柳要九成十成

有冇人同小編一樣唔知幾多年冇食過第尾牛扒，突然間小們醒起黎食個late dinner 都好似幾過癮！不過就發現餐牌價錢貴左之外（己預料），但晚餐價錢好似都受日子時間影響，可能周日緣故，小編當日食什扒個價係加一前都over $100, 同幾日前openrice 其他食客post 出黎貴左差唔多3成。 不過小編果刻好想食下懷念下港式鋸扒嘅感覺，所以已經唔再理會個價錢！😆【 鐵板西冷牛扒 】今餐有餐包同埋白湯或者羅宋湯選擇，個羅宋湯辣辣地幾好飲！麵包亦好鬆軟！👍🏻牛扒份量足，唔會太靭，食得好飽好滿足。【 鐵板什扒 】 超級有份量嘅一個set！淨係視覺效果已經覺得好滿足，其實個份量少一半小編都足夠，不過觀感的確唔錯！咩扒都有啲食得超級滿足！久唔久可以再食密d encore encore 😋😋💰人均大約～$150

每次行經太子，都會見到第尾牛扒🥩大大個招牌，不過真係開左咁多年都未試過😅反而隔離花園餐廳就試過😛原來佢正式名叫大興餐廳🤣睇網上最近評價好似唔差，諗唔到食咩既情況下決定黎呢度試試🧐周末過左8點到都仲幾旺場😅燈光昏暗，幾有格調，走懷舊風座位都幾多，應該可以坐到100人晚餐選擇都唔少，價錢好相宜✅==========點左兩份晚餐🥩跟餐餐包🍞賣相唔吸引，有d 乾柴感，所以冇食到🤥餐湯揀左羅宋湯🥫，辣辣地幾醒胃，不過略嫌甜左少少，湯渣俾既菜同牛肉都唔算少，牛肉已經煲到冇咩味🤭 紅蘿蔔🥕反而俾得好少鐵板配菜三色豆從來唔係我杯茶，完全提唔起食慾🤣 薯條🍟都算幾香薯味重，不過如果鍾意脆口既可能未必咁啱，因為佢浸哂汁口感會偏腍跟餐既餐飲揀左檸水，檸檬幾香同唔苦，不過只有2片🍋==========🔹鐵板西冷牛扒🥩配蒜蓉汁（跟餐包，餐湯及餐飲） $109叫左7成熟份量都真係好大，目測最少有12安士，扒既厚度應該超過1cm, 算幾厚切西冷既牛味真係唔重，勝在肉質口感都算嫩，仲保留到肉汁蒜蓉汁味道好大路，蒜蓉味唔重推介指數：5/10==========🔹鐵板鑊仔牛柳🥩配黑椒汁（配餐包，餐湯及餐飲）$113同樣叫