大良鴻輝記

營業中

休息中

🔎：《 #大良鴻輝記 》⁣⁣⁣⁣⁣💬：⁣⁣⁣⁣ 荃灣老字號，如果想食中式糖水一定係去依度食，基本上佢每款糖水都好好食又正宗😋▫️鮮雜果西米露 係新鮮既雜果唔係用罐頭架🥫！雜果有西瓜🍉、哈密瓜🍈同芒果🥭。西米露椰汁味香🥥，甜得黎唔會死甜，唔會食到好頸渴個種！西米粒粒分明唔會淋patpat🤩好味！▫️腐竹蛋糖水 越簡單嘅嘢越難整，依款糖水食落好清甜，因為有啲糖水舖會煲到有陣腐竹既苦澀味，但依間唔會，不過腐竹有啲少，可以多啲腐竹🤪

同好姊妹食完飯, 搵多個地方食下甜品繼續傾😜 荃灣見到這間老字號，就入去食下😋😋「鮮奶燉蛋白」表面滑溜溜🤗 內裡就唔太夠滑🤔，開頭味道唔錯的，再臨近尾會開始感到好甜😃「芒果涼粉」份量十足，芒果好甜👍🏻👍🏻 涼粉爽口😌「腐竹薏米雞蛋糖水」初時店員忘記了加蛋，好彩姐姐主動補回😂🤣😂🤣 甜味剛好，腐竹煲蓉哂，但係略嫌沒有口感😆 😆備註：店內環境整潔。晚上8點開始多人👭👫👭👫

宜家越黎越多韓式、日式各式甜品店係香港崛起，而呢間舖頭就主打傳統既中式糖水，招牌三寶係芝麻糊、核桃糊同埋杏仁糊，價錢唔貴。除左佢個招牌三寶之外，佢仲有好多傳統糖水賣，好似西米露桑寄生蓮子蛋茶、腐竹蛋糖水、喳咋、紅豆沙、綠豆沙等等。覺得呢度既糖水都係正常水準，但係價錢黎講對比坊間其他甜品店算平，如果間中想食下中式既糖水既話都可以黎支持下😌1️⃣芝麻糊（$22）中式糖水黎講，我自己最鍾意既就係芝麻糊，呢度既芝麻糊整得好滑，亦都唔會太甜，但係我就覺得芝麻味唔夠濃，好似偏稀左少少。  2️⃣核桃糊（$22）呢度既核桃糊同芝麻糊一樣，都係好滑，但係都係唔夠濃，如果核桃味可以再重啲就好la。  3️⃣西瓜涼粉（$24）西瓜好多，幾甜，涼粉正常發揮，不過我自己個人本身唔係太鍾意食涼粉。  4️⃣腐竹蛋糖水（$21）普普通通，但係都係好似太水太稀，同埋偏甜左啲。

合桃糊一直都係至愛，以前都覺得以荃灣區嚟講啲間都幾好食，上次幫襯都係送餐，都仲係好味嘅，今日再次幫襯，已經唔覺得好食，無合桃味，甜到爆，只係一碗沙糖加米糊，湯丸又唔熱，有無人可以提供一吓荃灣區仲有邊度有好味嘅合桃糊呢

街坊系列 – 大良鴻輝記💛擁有多年歷史既荃灣古店🕰️亦曾經經歷轉手🤝保留至今時今日為荃灣街坊送上一份傳統真摰既味道👅------------------------------環境: 傳統式糖水小店🍵以圓枱圓椅為主🪑座位約20個左右無華麗既裝潢🛠️亦無舒適雅座但充滿住古舊經典既氣息👨🏼‍🍳------------------------------食物: 芝麻糊 ($22)芝麻先經炒香🔥再加入米糊後烹煮上枱時香氣十足🌀表面十分光亮入口細滑而且絕無顆粒感😋甜味自然唔會蓋過芝麻本身既味道🤗合桃糊 ($22)合桃先炸逼出油份🔥減輕果仁中臭油味同樣有經過預先準備既原料食落更為香,濃,滑💯對比坊間,口感豐盈------------------------------服務: 店員普遍為老一輩香港人🧓🏼👴🏼自然已食品質素優先😋唔係SELL顧客體驗但熟落左,自然會感受到果份香港人情味😉------------------------------環境: 5.5 /10食物: 7 /10服務: 5.5 /10地址: 荃灣川龍街8號人均消費: $ 20 - $ 30

食完飯想食糖水，見呢間糖水舖都幾出名，而中式糖水真係賣少見少就特試試佢啦！ 🤔星期日夜晚8點幾9點幾要排隊，都好快5分鐘到啦！ 今次叫左一個桑寄生蓮子蛋茶同招牌芝麻糊1️⃣桑寄生連子蛋茶$22似五花茶偏甜 有蓮子同紅棗 蛋好似最後先放入去😕烚蛋都有味過呢隻蛋 ☹️但要讚蓮子真係好好食 好甜 優質蓮子👍🏻👍🏻2️⃣招牌芝麻糊$22芝麻味有啲淡 但質地幾滑 有少少誇張報道 冇話好特別希望下次黎食會濃味啲 都會試下其他甜品 支持下中式糖水小店👍🏻👍🏻

今日去買外賣！店員比錯哂！坐車回到屋企先發現！打電話去一問店員先話佢無接過單！我再講清楚價錢同糖水名稱！店員立即話咁旺我點記得咁多！你話錯既你咪返嚟換law!大聲就覺得自己啱咁

💛💛💛大良鴻輝記💛💛💛我諗呢間舖頭喺荃灣都開咗十幾廿年，我由細食到大。細個時最鍾意食燉奶，貪佢甜甜地，又滑😍。近依一兩年食佢既雙圓椰汁西米露，因為佢啲芋圓好食🥰。近期我最愛嘅湯圓，好煙韌💕。雙圓藜麥紫米露 $32男朋友叫依個糖水既最大原因係佢肚餓😂，依個糖水真係好飽肚，因為有藜麥同紫米露係裡面。藜麥比人叫佢為超級食物，因為食少少份量就會有飽肚感，近幾年好流行架🧐，估唔到呢間傳統小店都會有，都幾驚喜。不過唔係每個人都鍾意食藜麥，我就覺得怪怪地😂😂。雖然我唔鍾意藜麥，但係佢啲芋圓係超級之好味，因為煙韌得黎又唔會話冇芋頭/蕃薯味。整好食既芋圓最大困難係平衡芋頭/蕃薯同粉嘅份量。依到既芋圓平衡得好好，我每次嘅味道都一樣咁好食😚。薑茶湯圓 $18佢嘅湯圓只有芝麻餡，可以話係唯一一間我會食芝麻餡湯圓既舖頭。因為我比較鍾意食花生湯圓，但係我都會食依到既芝麻湯圓，因為真係好好食，流心架💕💕💕。可能因為呢度嘅湯圓係自家包，個皮好煙韌，仲唔會有雪藏湯圓既味。大家黎到真係要試下😚！值得一讚嘅係佢嘅薑茶，唔會太辣，唔會太甜，飲落去好暖胃。一碗有五粒湯圓，再有薑茶跟埋，其實一啲都唔貴。路過食返碗都唔會心痛🤤！重

食完飯突然好想食碗中式糖水先番屋企所以就同友人行咗過去食鴻輝記雖然店內沒有奢華裝修但卻有好多唔同甜入心嘅中式糖水供應有招牌三寶合桃糊、芝麻糊、杏仁糊仲有其他唔同類型嘅紫米露、咋喳、雪耳糖水等等呢度芝麻糊係招牌之一梗係要嗌一碗黎試下芝麻糊$22芝麻糊就哂香滑濃稠食落口濃濃芝麻香甜度適中大良燉鮮奶$22燉鮮奶甚為滑口香滑得來絕對唔會係實的的整體上味道都唔錯價錢亦都非常平民係安排入座嗰度有少少混亂扣咗少少分

香港很少能再看見像這間一樣傳統的糖水舖，餐廳內大多都是中式傳統糖水，選擇不少，價錢亦非常平民化。👍🏻.很多人都選擇招牌三寶中的芝麻糊，可惜的是，我和男朋友都不喜歡招牌三寶中的芝麻、杏仁及合桃。😂.我們同樣地選擇了⋯「大良燉鮮奶」凍 $22🍽：非常滑，鮮奶味濃郁，甜度適中，吃到一半時已經覺得很飽。😂感覺每吃一口都能滋潤皮膚一樣。很好味！值得推介！👍🏻在香港，真的很難以這個價錢品嚐到傳統的味道！☺️

與朋友兩人一齊吃飯後甜品，朋友ching這間甜品店是老店，故來想試一下。1. 杏仁糊質地比較稀，對我來說比較甜，比較似用杏仁粉沖出來的杏仁糊，沒特別沒驚喜。2. 合桃糊質地較杏仁糊的沒那麼氣，相對沒有這麼甜，但味道、口感、濃郁程度亦沒有其他老店的那麼滿足。總括而言：可能是這間老店的杏仁及合桃糊的製作方法與其他老點不一樣，在味道、口感、濃郁程度亦沒給我驚喜，下次來這間老店可能要試吓他的紫米露、黑芝麻糊或其他涼粉等等甜品，再給予實質的評論。

#03052020今日食飽飯之後想食糖水，但係想食啲簡簡單單既傳統糖水。雖然路德圍個條好多甜品鋪，不過都係食西式多。終於比我搵到一間有啲傳統feel既中式糖水—大良鴻輝記。我地嗌咗最簡單既糖水，紅豆沙 ($18) 同芝麻糊 ($22)。其實越簡單既野食先越考技巧。 佢既紅豆沙好足料，有大大粒既蓮子，同埋佢啲紅豆都煮到起沙。 聽講佢地既芝麻糊係自家磨既。食落都覺得唔似沖粉，芝麻味好濃入口都好順滑。甜度都ok既，不過食到尾有啲膩既感覺。下次可以試下兩溝。

喺附近食飯，經過時見到有人排隊，見到係傳統糖水舖，所以幫襯下。外賣買咗凍杏仁糊（$20）+ 涼粉西米露（$23），外賣每項加一蚊。杏仁糊唔算甜，但完全冇杏仁味，杰撻撻一pat嘢，好似BB糊仔咁，咁都可以叫招牌貨？西米露未煮熟，中間嘅心仲見到白色。試埋涼粉，軟綿綿唔彈牙，冇涼粉味，劣食，好多水，涼粉同西米就唔多，掉咗又浪費，勉強食咗一半，最後都係要丟掉。忍唔住要上嚟寫食評，唔明點解呢間野仲可以生存咁耐？

噚日(14-6-2020 Sun)晏晝天熱,買個西瓜俾爸爸食啦,老公就想食晏,但我唔肚餓,行經呢喥,佢見到有芋圓就雙眼發光,話不如食呢間先,我再仔細睇吓menu,都幾攪鬼,我亦都同意食呢間.佢就要$32.00嘅凍雙圓藜麥紫米露,我要$23.00嘅涼粉西米露.好快,兩碗糖水都到嚟,兩碗都好滿.我嗰碗涼粉西米露西米唔多同好腍,開始唔煙韌;椰奶味重但唔太甜,好味,糖水比較稠;涼粉好滑,呢個算唔錯,不過唔算好凍.味道: 4分,抵食: 3分老公嘅凍雙圓藜麥紫米露呢?紫米好足料,成個唔太甜,雙圓係芋圓同地瓜圓,正常煙韌冇問題.味道: 3分, 抵食: 2.5分之後我都買多個涼粉西米露返屋企俾爸爸食,外賣加$1.00,即$24.00.拎到返屋企睇,睇睇都一樣好滿,外賣碗有6厘米高.其他:呢日等一個人踢晒腳,但我覺得佢都已經算手快,不過我俾$100.00佢找$21.00後,我返到屋企睇,個$1.00係新台幣.點解佢可以咁唔老實?嗰時間舖剩返我同老公兩人,我俾咗$100.00佢後至慢慢行出去等佢找錢,佢絕對有好多時間,令我覺得佢係特登搵呢個新台幣俾我.點解啲黃店都要咁?點撐你哋?上次食評: https:/

今晚同朋友係荃灣食小菜，未夠九點就食完晚飯，見時間尚早，一於搵下附近有冇糖水舖，食埋糖水先返屋企之後由朋友帶路，去左一間中式糖水鋪叫「大良鴻輝記」；餐枱上有一張食材功效供客人參考，原來合桃嘅功效係「固腎健腦」，最後我揀左：「招牌三寶之一：合桃糊 (熱) $22」合桃糊都幾滑，下次有機會我會再試埋其餘兩寶 - 芝麻糊 及 杏仁糊，還有 湯圓 都要試下之後聽朋友講呢間原來係好野黎，話我識食！價格💰：$22味道😋：OK